"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Bedenterbiýe we sport

«Türkmenistan» Ýaşlar bedenterbiýe-sport guramasynyň welaýat bölüminiň, Gökdepe etrabynyň bilim bölüminiň hem-de ylym we bilim işgärleriniň Kärdeşler arkalaşygynyň etrap geňeşiniň bilelikde guramagynda küşt boýunça ýaryş geçirildi. Okuwçylary aň-paýhas oýnuna höweslendirmekde uly ähmiýete eýe bolan ýaryş çekeleşikli häsiýete eýe boldy. Netijede okuwçy gyzlaryň arasynda 14-nji orta mekdepden Gülşirin, Oguljan Annaýewalar 1-2-nji orunlary eýelediler. Ýöriteleşdirilen 45-nji orta mekdepden Leýla Seýitmyradowa 3-nji orna mynasyp boldy. Oglanlaryň arasyndaky ýaryşda 18-nji orta mekdebiň okuwçysy Gurbanmyrat Döwletmyradow 1-nji orny eýelemegi başardy. 12-nji orta mekdepden Ýakup Bakyýew 2-nji, ýöriteleşdirilen 45-nji orta mekdepden Seýitmuhammet Çarymyradow 3-nji orunlary eýelediler.

7 minut öň

Sport

Baýramçylyk dabarasy

Golaýda Täze ýyl baýramçylygy mynasybetli Türkmen döwlet gurjak teatrynda Türkmenistanyň Energetika ministrliginiň «Türkmenenergo» döwlet elektroenergetika korporasiýasynyň «Döwletenergogözegçilik» kärhanasynyň kärdeşler arkalaşygy tarapyndan kärhananyň merkezi diwanynyň işgärleriniň we edara-kärhanalaryň arasynda geçirilýän Spartakiadalara işjeň gatnaşýan türgenleriň gatnaşmaklarynda dabara geçirildi. Uly ruhubelentlige, joşguna beslenip geçirilen medeni çärede çagalar üçin «Şadyýan sazandalar» atly sahna oýny we «Täze ýylda körpe nesil şatlanýar» atly aýdym-sazly tomaşa görkezildi.

37 minut öň

Garaşsyzlyk

Sazlaşykly ösüşleriň ýoly

Raýatlaryň saglygyny ähli zatdan ileri tutup, beden hem ruhy taýdan kämil nesli kemala getirmäge uly ähmiýet berýän döwletimiziň asylly maksatlarynyň myradyna gowuşmagynda bedenterbiýe we sport ulgamyna möhüm orun degişlidir. Berkarar döwletiň täze eýýamynyň Galkynyşy döwründe sagdyn durmuş ýörelgesine eýerýän ildeşlerimiziň hatarynyň yzygiderli artmagy, köpçülikleýin bedenterbiýe-sagaldyş hereketiniň geriminiň giňemegi, türgenlerimiziň dünýäniň çar ýanynda geçirilýän halkara ýaryşlarda üstünlikli çykyş etmegi Garaşsyz Watanymyzda sporty ösdürmek ugrunda döredilýän giň şert-mümkinçilikleriň ajaýyp miweleridir. Diýarymyzda soňky 15 ýyldan gowrak döwürde ýokary netijeli sporty we köpçülikleýin bedenterbiýäni ösdürmek ugrunda uzak geljegi nazarlaýan çuňňur oýlanyşykly işler durmuşa geçirildi. Paýtagtymyz Aşgabatda sebitde deňi-taýy bolmadyk ajaýyp Olimpiýa şäherçesi, Hazaryň merjen kenaryndaky gözel Awazada döwrebap sport toplumy, ýurdumyzyň ähli ilatly ýerlerinde häzirki zaman sport mekdepleri gurlup, ulanylmaga berildi. Okgunly ösüşlerimiziň, halkymyzyň bagtyýar durmuşynyň nyşany hem-de kämilligiň nusgasy bolan Arkadag şäherinde-de innowasion tehnologiýalar bilen üpjün edilen sport desgalary halkymyza hyzmat edýär. Türgenleşikleri ýokary hilli geçirmek hem-de sportuň dürli görnüşleri boýunça halkara ýaryşlary guramak üçin zerur bolan ähli mümkinçilikleri özünde jemleýän k

20 Dekabr 2024

Garaşsyzlyk

Ar­ka­dag pä­hi­min­den gal­kyn­ýan sport

Gahryman Arkadagymyzyň ýurdumyzda awtomobil sportuny ösdürmäge gönükdirilen asylly işleri hormatly Prezidentimiziň baştutanlygynda mynasyp dowam etdirilýär. Türkmen türgenleriniň halkara awtoralli ýaryşlarynda gazanýan üstünlikleri hem bu işleriň aýdyň netijesidir. 19-njy dekabrda Gahryman Arkadagymyz Içeri işler ministrliginiň Awtomobil sport toplumynyň täze binalar toplumyny gurmak üçin meýilleşdirilýän ýere baryp, ýurdumyzda awtomobil sportunyň ösdürilmeginde möhüm ähmiýete eýe boljak binalar toplumynyň taslamalary bilen tanyşdy. Türkmenistanyň içeri işler ministri Gahryman Arkadagymyza Awtomobil sport toplumynyň binalarynyň taslamalarynyň taýýarlanandygy barada hasabat berdi. Türkmenistanyň Halk Maslahatynyň Başlygy hasabaty kabul edip, ilki bilen, bu künjegiň özboluşly tebigatyny, ösümlik dünýäsini synlady. Bellenilişi ýaly, Içeri işler ministrliginiň Awtomobil sport toplumy bina edilende, bu künjegiň özboluşly tebigy aýratynlyklaryna üns berilmelidir. Sähranyň özboluşly dünýäsi göz öňünde tutulmalydyr.

20 Dekabr 2024

Garaşsyzlyk

Abadan durmuşyň nusgalyk şäheri

Hormatly Prezidentimiziň hem-de Milli Liderimiziň tagallalary esasynda Köpetdagyň etegindäki ajaýyp mekanda gurlan Arkadag şäheri kämilligiň nusgasydyr. «Pähim-paýhas ummany Magtymguly Pyragy» ýylynda Arkadag şäherine Ýewropanyň Hil barlaglary boýunça jemgyýetiniň hil boýunça baýragynyň we degişli güwänamalaryň berilmegi eziz Diýarymyzda gazanylýan üstünlikleriň dünýä derejesinde ykrar edilýändigini ýene bir gezek görkezdi. Halkymyzyň buýsanjyna öwrülen şäheriň hil dolandyryş ulgamynda öňe sürülýän başlangyçlar we gazanylýan üstünlikler üçin «Hil saýlawy – 2024» nyşany bolan «Diamond» derejesine mynasyp bolmagy Arkadagly Gahryman Serdarymyzyň baştutanlygynda alnyp barylýan işleriň nobatdaky halkara ykrarnamasydyr. Innowasion tehnologiýalary, ekologik abadançylygy babatda sebitde deňi-taýy bolmadyk «akylly» şäherde ýaşaýjylaryň bedenterbiýe we sport bilen meşgullanmagy, sagdyn durmuş ýörelgesine eýermegi üçin hem ähli şertleriň döredilmegi bu ýeriň, hakykatdan-da, sagdynlygyň, bagtyýarlygyň, ruhubelentligiň mekanydygyny tassyklaýar. Bu ýerdäki sport desgalarynyň ähli ölçegler babatda halkara ülňülerine doly laýyk gelmegi ýurdumyzda köpçülikleýin bedenterbiýäniň we ýokary netijeli sportuň ösdürilmegine döwlet derejesinde uly üns berilýändiginiň nyşanydyr.

20 Dekabr 2024

Garaşsyzlyk

Şöhratly taryhyň beýany

Gahryman Arkadagymyzyň türkmen halkynyň döreden hem-de häzirki nesillerimize miras galdyran milli gymmatlyklary, şan-şöhratly taryhynda uly yz goýan şahsyýetlerimiz hakynda söz açýan «Hakyda göwheri» atly täze kitaby «Pähim-paýhas ummany Magtymguly Pyragy» ýylynda halkymyz üçin ajaýyp sowgat boldy. Milli Liderimiziň täze kitabynyň many-mazmuny halkymyzyň ruhy hazynasyny baýlaşdyrýar. Ajaýyp kitapda Magtymguly Pyragynyň döreden eserleriniň adamzat gymmatlyklaryna ýetiren täsiri, şöhratly taryhymyzyň beýany, medeniýetimiziň dünýä siwilizasiýasyna goşan goşandy barada täsirli gürrüň berilýär. «Hakyda göwheri» buýsançly taryhymyzyň her sahypasynda dünýä nusgalyk ösüşlerimiziň hem-de açyşlarymyzyň bardygyna ünsümizi çekýär. Gahryman Arkadagymyzyň täze kitabynda: «Ynsany bagtyýarlyga ýetirýän esasy sebäpleriň biri milli buýsanç arkaly kemala gelýär. Milli buýsanjyň gözbaşynda bolsa halkyň müňýyllyklardan gözbaş alýan şöhratly taryhy bardyr» diýip belleýär. Bu pikiriň çuňňurdygyna, uly many-mazmuna eýedigine buýsanýarsyň. Taryhy hakyda asyrlar, müňýyllyklar aşyp, heňňamlar dolansa-da, geljekki nesilleriň aňynda ata-babalarymyzdan miras galan egsilmejek ruhy baýlykdyr. Milli buýsanç ynsany bagtyýarlyga ýetirýän gymmatlykdyr.

20 Dekabr 2024

Garaşsyzlyk

Gym­mat­ly gol­lan­ma

Türkmenistanyň saglygy goraýyş we derman senagaty işgärleriniň gününiň öňüsyrasynda alym Arkadagymyzyň «Türkmenistanyň dermanlyk ösümlikleri» atly köp jiltli düýpli ylmy-ensiklopedik kitabynyň nobatdaky XVI jildiniň neşir edilmegi geçip barýan ýylyň şanly wakalarynyň birine öwrüldi. Milli Liderimiziň ensiklopedik işi halk lukmançylygynyň gadymy däpleri bilen gyzyklanýan okyjylar köpçüligi, lukmanlar, şeýle hem ýurdumyzyň baý ösümlik dünýäsini öwrenýän hünärmenlerdir talyplar üçin gymmatly gollanmadyr. Gahryman Arkadagymyzyň düýpli ylmy gözlegleriň netijelerine daýanýan «Türkmenistanyň dermanlyk ösümlikleri» atly eseri ýankitabymyza öwrüldi. Bu ylmy-ensiklopedik işinde Gahryman Arkadagymyz okyjylary dermanlyk ösümlikler bilen akademik nukdaýnazaryndan tanyşdyrýar. Olaryň suratlary, biologik aýratynlyklary, ösýän ýerleri, tebigy gorlary, dermanlyk çig maly, himiki düzümi, taýýarlanyş we ulanylyş usullary baradaky maglumatlar yzygiderlilikde beýan edilýär.

20 Dekabr 2024

Garaşsyzlyk

Täze ýylyň şowhuny

Türkmen döwlet bedenterbiýe we sport institutynda guralan baýramçylyk gepleşiginde öz beýanyny tapdy Ýetip gelýän Täze ýyl baýramynyň bosagasyndaky günlerde ýurdumyzyň ähli sebitlerini baýramçylyk şowhuny gurşap alýar. 2025-nji ýyly mynasyp garşylamak maksady bilen ýaýbaňlandyrylýan dabaraly çäreler bolsa türkmen topragynda höküm sürýän baýramçylyk ruhuny goşalandyrýar. Golaýda Türkmen döwlet bedenterbiýe we sport institutynda guralan şowhunly baýramçylyk gepleşigi hem täze 2025-nji ýyla bagyşlandy. Ony Türkmenistanyň Bedenterbiýe we sport baradaky döwlet komiteti hem-de Türkmen döwlet bedenterbiýe we sport instituty bilelikde gurady. Şowhunly baýramçylyk gepleşigi «Gahryman Arkadagly, Arkadagly Gahryman Serdarly beýik ýurdumda, Täze ýylyň şowhuny bagt paýlaýar ilimde» diýen şygar astynda ýaýbaňlandyryldy.

20 Dekabr 2024

Garaşsyzlyk

Sagdyn nesil – röwşen geljek

Ýaş nesliň beden we ruhy taýdan sagdyn kemala gelmegi, watansöýüjilik ruhunda terbiýelenmegi hormatly Prezidentimiziň amala aşyrýan döwlet syýasatynyň esasy ugurlarynyň biridir. Şunda şahsyýetiň kämilliginiň hem-de sagdyn jemgyýetiň gözbaşy hökmünde bedenterbiýä we sporta aýratyn ähmiýet berilýär. Sport bilen meşgullanýan ýaşlar durmuşda we jemgyýetde mynasyp orun tapyp, ýurdumyzyň okgunly ösüşlerine goşant goşýarlar. Garaşsyz Watanymyzda döwrebap sport düzümlerini döretmek babatda dünýä nusgalyk işler amala aşyryldy. Bu günki gün ýurdumyzyň welaýatlarynda, Aşgabat we Arkadag şäherlerinde döwrebap enjamlar hem-de öňdebaryjy tehnologiýalar bilen üpjün edilen sport desgalary, ýöriteleşdirilen sport mekdepleri we merkezleri halkymyza hyzmat edýär. Ýurdumyzda mekdep ýaşyna çenli edaralaryňdyr umumybilim berýän mekdepleriň, ýokary okuw mekdepleriniň hem-de ýaşaýyş toplumlarynyň taslamalary işlenip taýýarlanylanda, olarda sport düzümleriniň bolmagy hökmany talap hasaplanylýar. «Türkmenistan – ruhubelentligiň we sagdynlygyň ýurdy» diýen şygar astynda dürli ýaşdaky we kärdäki ildeşlerimiziň arasynda geçirilmegi däbe öwrülen bäsleşikler bolsa sagdyn jemgyýeti kemala getirmäge ýardam edýär.

20 Dekabr 2024

Sport

Akyldaryň şygyrlarynda tebigatyň waspy

Halkymyz ähli döwürlerde ene topragy sarpalap, tebigata aýawly çemeleşipdir, onuň gözelliklerinden ylham hem-de ruhy güýç alypdyr. Şonuň üçin-de, söz ussatlarymyzyň şygyrlarynda tebigatyň gözelligi, onuň ynsan bilen arabaglanyşygy giňden beýan edilýär. Beýik akyldarymyz Magtymguly Pyragy hem türkmen tebigatynyň ajaýyplygyny, onuň syrlaryny öz goşgularynda çeper beýan edip, keremli mekanyň waspyny dünýä ýaýan söz ussadydyr. Akyldar şahyryň ynsanperwerlige ýugrulan filosofik garaýyşlary ynsanda Watana bolan söýgi, tebigata we onuň baýlyklaryna aýawly garamak hem-de geljekki nesiller üçin aýap saklamak ýaly asylly duýgulary döredýär. Tebigat, tebigy hadysalar bilen bagly setirler Magtymguly Pyragynyň döredijiliginden eriş-argaç bolup geçýär. Şahyr öz goşgularynda tebigatyň syrlaryny dana pikirleriň üsti bilen beýan etmegi başarypdyr. Tebigatyň kanunalaýyklygy esasynda bahar pasylynyň, Nowruzyň gelmegi bilen, topraga ýylylygyň girip, onuň ýagyş-ýagmyrdan ganýandygy, daş-töweregiň ýaşyl dona bürenip, ýaşaýşyň täzelenýändigi akyldaryň «Duman peýda» atly goşgusynda beýan edilýär:

20 Dekabr 2024

Garaşsyzlyk

Futbol täzelikleri

Aziýanyň Futbol Konfederasiýasynyň edara binasynyň ýerleşýän ýeri bolan Kuala-Lumpur şäherinde 2027-nji ýylda geçiriljek Aziýanyň Kubogynyň saýlama tapgyrynyň bije çekişlik dabarasy boldy. Onuň netijesinde Türkmenistanyň milli ýygyndysy «D» toparçada Tailandyň, Hytaý Taýbeýiniň hem-de Şri-Lankanyň milli ýygyndy toparlary bilen duşuşar.

20 Dekabr 2024

Sport

Halypalar futbol meýdanynda

Arkadagly Gahryman Serdarymyzyň hem-de Gahryman Arkadagymyzyň tagallalary netijesinde sport ýurduna öwrülen eziz Watanymyzda halypa-şägirtlik ýoly giň gerimde dowam etdirilýär. Bu ugurda alnyp barylýan işleriň esasynda türkmen türgenleri öz döwründe netijeli çykyş eden halypalar bilen egin-egne berip türgenleşik işlerini geçmäge mümkinçilik alýarlar. Ine, ýakynda Türkmenistanyň Futbol federasiýasy bilen «Nebitçi» futbol klubunyň guramagynda Balkan welaýatynyň hem-de paýtagtymyzyň halypa futbolçylarynyň arasynda geçirilen ýoldaşlyk duşuşygy hem bu ugurda alnyp barylýan işleriň dowamy boldy. Balkanabat şäherindäki «Sport toplumy» stadionyna ýanaşyk futbol meýdanynda Türkmenistanyň Nebitgaz senagaty we geologiýa işgärleriniň güni mynasybetli guralan ýoldaşlyk duşuşygy köp sanly futbol janköýerleriniň ünsüni özüne çekdi. Şeýle bolmazça hem däldi, çünki şol gün türkmen futbolynyň taryhynda yz goýan halypa futbolçylar duşuşýardylar. Janköýerlere öz söýgüli futbolçylary bilen pikir alyşmaga, dürli maslahatlary diňlemäge hem mümkinçilik döredildi.

20 Dekabr 2024

Sport

Gulhan pälwan

(Soňy. Başlangyjy gazetiň geçen sanynda) Gulhan pälwan 1966-njy ýylda Aşgabadyň pagta obasynda Çary gyzy Ogulgözel bilen durmuş gurýar. Olaryň Maýa, Dünýägözel, Jeren we Täzegül, Pirguly hem-de Amanmuhammet atly ogullary bolýar. Ähli ugurda diýen ýaly kyblasynyň ýolundan ýörän Pirguly Gulhanyň pälwançylyk kesbini hem üstünlikli dowam etdirýär. Ol hem kakasy ýaly berk bedenli we uly güýjüň eýesi bolup, toý göreşlerinde abraý alýar. Ilkinji toý göreşindäki tutluşygyny Garagum sährasynyň Goňurajy obasynda Gökdepäniň Ahal obasyndan bolan Gully pälwan bilen ikinji dörtlükde geçirýär. Bu göreşde göterme emelinden başarnykly hem öz wagtynda peýdalanan Pirguly ýeňiş gazanýar we eýe bolan uly baýragy bilen kyblasyny çäksiz begendirýär.

20 Dekabr 2024

Garaşsyzlyk

Türgenlerimiziň üstünlikleri surat eserlerinde

Ähli ulgamlarda okgunly ösüşlere eýe bolýan eziz Diýarymyzyň ýeten belent sepgitleriniň sungatyň dürli ugurlary boýunça döredilýän eserlerde giňden beýanyny tapmagy bu ulgamyň wekilleriniň türkmen halkynyň Milli Lideriniň hem-de hormatly Prezidentimiziň tagallalary netijesinde gazanylýan beýik üstünliklere çäksiz buýsanjynyň nyşanydyr. Bu hakykat türkmen sportunyň ýeten belent derejesi, türgenlerimiziň ajaýyp üstünlikleri, ýurdumyzda sagdyn durmuş ýörelgesini berkarar etmek ugrunda durmuşa geçirilýän ähmiýetli çäreler hakynda aýdylanda hem şeýledir. Milli sportuň galkynyşynyň nakgaşçylyk sungatynyň eserlerinde hem kämil derejede beýan edilmegi bolsa olaryň taryhyň sahypalarynda mynasyp ornuny tapmagynda uly orny eýeleýär. Çünki şeýle eserler uzak ýyllaryň dowamynda aýawly saklanyp, taryhyň ähmiýetli wakalaryny şol döwrüň gaýtalanmajak öwüşgini bilen geljek nesillere ýetirýär.

20 Dekabr 2024

Garaşsyzlyk

Paýtagtyň sport durmuşyndan

Aşgabat şäheriniň bedenterbiýe we sport baradaky Baş müdirliginiň «Täze zaman» bedenterbiýe-sagaldyş toplumynda hapkido boýunça Aşgabat şäheriniň açyk Kubogy ugrunda ýaryş geçirildi. Çekeleşikli geçen ýaryşda Resul Döwletgeldiýew (32 kg), Aýhan Mämmedow (32 kg), Ybraýym Jumaýew (35 kg), Nowruz Ylýasow (38 kg), Muhammetresul Täçmyradow (33 kg), Şahtiýar Rahimow (50 kg), Pälwan Hudaýgulyýew (46 kg), Resul Begenjow (55 kg), Orazmyrat Işanmyradow (55 kg), Bezirgen Jumadurdyýew (75 kg), Serdar Oraznepesow (80 kg), Röwşen Şamyradow (85 kg) baýrakly orunlary eýeledi. Ýaryşyň umumy netijesi boýunça Aşgabat şäheriniň topary ýeňiji boldy.

20 Dekabr 2024

Sport

Bagtyýarlygyň gözbaşy

Milli sportuň sazlaşykly ösüşi, bedenterbiýe we köpçülikleýin sagaldyş hereketiniň dabaralanmasy Watanymyzda ähli üstünligiň sakasy hasaplanýan sagdyn durmuş ýörelgesini berkarar etmegiň möhüm tapgyrydyr. Çünki saglyk bagtyýar ýaşamagyň gözbaşydyr. Halkymyzyň bu hakykata aýdyň düşünýändigi bolsa ildeşlerimiziň şeýle çärelere köpçülikleýin gatnaşmagynda öz beýanyny tapýar. Munuň özi «Pähim-paýhas ummany Magtymguly Pyragy» ýylynyň sagdyn durmuş ýörelgesini berkarar etmekdäki ähmiýetli çärelerinde giňişleýin şöhlelendi. Iri halkara ýaryşlarda ýeňiş gazanan türgenlerimizi sylaglamak dabaralary, ajaýyp bäsleşikler hem-de köpçülikleýin sagaldyş çäreleri watandaşlarymyzyň köp sanlysynyň işjeň gatnaşmagynda geçdi. Şeýle çäreleriň iň naýbaşylarynyň biri hem noýabryň başynda Saglyk ýolunda guralan köpçülikleýin ýörişdir. Birleşen Milletler Guramasynyň Baş Assambleýasynyň 78-nji mejlisinde Türkmenistanyň başlangyjy bilen «Birleşen Milletler Guramasynyň oýunlary» atly Kararnamanyň kabul edilmegi mynasybetli guralan ýörişe hormatly Prezidentimiziň gatnaşmagy bolsa bu wakanyň has möhüm ähmiýete eýe bolmagyny üpjün etdi. Hormatly Prezidentimiziň nusgalyk göreldesi jemgyýetimiz üçin sagdynlyga çagyryş, bagtyýarlyga çakylyk boldy.

20 Dekabr 2024

Garaşsyzlyk

Bedenterbiýe we sport

Bu gün­ki gün ýur­du­my­zyň döw­re­bap sport mek­dep­le­rin­de ýaş tür­gen­ler spor­tuň dür­li gör­nüş­le­ri bo­ýun­ça tä­lim al­ýar­lar we dür­li ýa­ryş­la­ra gat­na­şyp, bar­ha kä­mil­leş­ýär­ler. Ýo­ka­ry okuw mek­de­bi­mi­ziň ta­lyp ýaş­la­ry hem us­sat tä­lim­çi-mu­gal­lym­la­ryň tä­lim ber­me­gin­de spor­tuň dür­li gör­nüş­le­ri bi­len meş­gul­la­nyp, ab­raý­ly hal­ka­ra ýa­ryş­lar­da üs­tün­lik­li çy­kyş ed­ýär­ler. Şeý­le hem ýaş­la­ryň ara­syn­da ge­çi­ril­ýän wa­gyz-ne­si­hat du­şu­şyk­la­ryn­da be­den­ter­bi­ýä­niň we spor­tuň äh­mi­ýe­ti giň­den wa­gyz edil­ýär. Bi­ze aja­ýyp za­ma­na­da oka­ma­ga, spor­tuň dür­li gör­nüş­le­ri bi­len meş­gul­lan­ma­ga dö­re­dip ber­ýän müm­kin­çi­lik­le­ri üçin Gahryman Arkadagymyza, Arkadagly Gahryman Serdarymyza köp sag­bol­sun aýd­ýa­rys. Üzümgül HAJYÝEWA,

20 Dekabr 2024

Sport

Welaýatlardan habarlar

Go­laý­da Da­şo­guz şä­he­ri­niň «Ga­raş­syz­lyk» sport des­ga­syn­da 2010-njy ýyl­da dog­lan we şon­dan ki­çi ýaşly og­lan-gyz­la­ryň ara­syn­da ýe­ňil at­le­ti­ka bo­ýun­ça Da­şo­guz we­la­ýa­ty­nyň bi­rin­ji­li­gin­de et­ra­by­my­zyň tür­gen­le­ri üs­tün­lik­li çy­kyş et­di­ler. Et­ra­byň ýy­gyn­dy to­pa­ry­nyň dü­zü­min­de çy­kyş eden­le­riň 100-den gow­ra­gy­nyň bi­ziň mek­de­bi­mi­ziň tür­gen­le­ri­di­gi aý­ra­tyn bel­lär­lik­li­dir. Ýa­ryş­da ýe­ňil at­le­ti­ka­çy­la­ry­my­zyň iki­si 1-nji, bä­şi­si 2-nji, bä­şi­si bol­sa 3-nji orun­la­ry eýe­le­me­gi ba­şar­dy­lar.

20 Dekabr 2024

Garaşsyzlyk

Taryhda şu gün

Şeýle-de, dabarada möwsümiň iň owadan goly hem mälim edildi. Geçirilen ses berlişikde Ronaldunyň 2008/2009 möwsümiň Çempionlar ligasynyň çärýekfinalynda «Mançester Ýunaýtediň» düzüminde «Porto» toparyna geçiren topy saýlanyldy.

20 Dekabr 2024

Sport

Sazlaşykly ösüşleriň şuglasy

Eziz Diýarymyzda tutuş jemgyýetiň, hususan-da, nurana geljegimiziň eýeleri bolan bagtyýar ýaş nesilleriň beden we ruhy taýdan sagdyn bolmagyny gazanmak, olaryň sport we bedenterbiýe bilen meşgullanmaklary üçin ähli şertleri hem-de giň mümkinçilikleri döretmek Arkadagly Gahryman Serdarymyzyň durmuşa geçirýän öňdengörüjilikli syýasatynyň ileri tutulýan ugurlarynyň biridir. Garaşsyz, hemişelik Bitarap Türkmenistan sebit we dünýä derejesindäki iri halkara sport ýaryşlaryny geçirmek babatda uly tejribä hem-de giň mümkinçiliklere eýedir. Halkara ýaryşlara işjeň gatnaşýan ýaşlarymyzyň gazanýan üstünlikleri we ýeňişleri Gahryman Arkadagymyzyň hem-de hormatly Prezidentimiziň taýsyz tagallalary bilen durmuşa geçirilýän beýik işleriň aýdyň netijesidir. Hormatly Prezidentimiziň 6-njy dekabrda sanly ulgam arkaly geçiren Ministrler Kabinetiniň nobatdaky mejlisinde şu ýylyň on bir aýynda bilimli, ylymly, beden hem ruhy taýdan sagdyn ýaş nesilleri kemala getirmek ugrunda alnyp barlan işler, sport ulgamynda gazanylan buýsandyryjy üstünlikler barada aýratyn durlup geçildi. Bellenilişi ýaly, hasabat döwründe bilimiň hilini ýokarlandyrmak, okuw meýilnamalaryny we maksatnamalaryny döwrebaplaşdyrmak boýunça işler dowam etdirildi. Mekdep okuwçylarydyr talyplar halkara ders, internet bäsleşiklerinde ýokary netijeleri görkezip, jemi 821 medal gazandylar. Ýurdumyzda halkara olimpiadalaryň we bäs

13 Dekabr 2024

Garaşsyzlyk