2-nji saýlama tapgyrynda uly hasaply ýeňişler

Sport
26 Iýul 2024
144

UEFA Çempionlar Ligasynda 2-nji saýlama tapgyryň 1-nji duşuşyklary geçirilip, uly hasaply, köp golly duşuşyklar bellige alyndy. Wengriýanyň çempiony «Ferenswaroş » topary Uelsiň çempiony «Nýu-Seýnts» toparynyň derwezesinden jogapsyz 5 gol girizdi. Gollaryň 3-sini Adama Traore öz adyna ýazdyrdy. Norwegiýanyň «Bude- Glimt» topary öz meýdançasynda Latwiýanyň RFS toparyny, Polşanyň taryhynda ilkinji gezek çempion bolan topary «Ýagelloniýa » myhmançylykda Litwanyň çempiony «Panewežys » toparyny 4–0 hasabynda ýeňdi. Polýak toparynyň gollarynyň 3-sini Hesus Imaz derwezä girizdi. Azerbaýjanyň «Garabag » topary- da myhmançylykda Gibraltaryň «Linkoln Red Imps» toparyny Juninio we Baýramowyň gollary esasynda 2–0 hasabynda utdy. Çempion däl toparlaryň ýodasyndaky 2 duşuşykda 15 gol hasaba alyndy. Kiýewiň «Dinamosy » Polşada oýnalan duşuşykda Serbiýanyň «Partizan » toparyny 6–2 hasabynda ýeňdi. Ukrain klubunyň gollarynyň hersini- de başga- başga futbolçylar geçirdi. 7 goluň geçirilen oýnunda Türkiýäniň «Fenerbahçe » topary myhmançylykda Şweýsariýanyň «Lugano » toparyndan 4–3 hasabynda üstün çykdy. Duşuşykda türk klubunyň bosniýaly hüjümçisi Edin Jeko het-trik edip, toparynyň ýeňiş gazanmagynda uly rol oýnady. Jogap duşuşyklary 30-njy we 31- nji iýulda oýnalar. «Ludogores » (Bolgariýa) — «Dinamo Minsk» (Belarus): 2–0; APOEL (Kipr) — «Petrokub Hinçeşti » (Moldowa): 1–0; «Ferenswaroş » (Wengriýa) — «Nýu-Seýnts» (Uels): 5–0; PAOK (Gresiýa) — «Boras Banýa Luka » (Bosniýa): 3–2; «Bude- Glimt» (Norwegiýa) — RFS (Latwiýa): 4–0; «Malmö » (Şwesiýa) — «KI Klakswik » (Farer adalary): 4–1; «Şamrok Rowers » (Irlandiýa) — «Sparta Praga » (Çehiýa): 0–2; «UE Santa Koloma » (Andorra) — «Midtýullan » (Daniýa): 0–3; «Selýe » (Sloweniýa) — «Slowan Bratislawa » (Slowakiýa): 1–1; «Panewežys » (Litwa) — «Ýagelloniýa Belostok » (Polşa): 0–4; «Linkoln Red Imps» (Gibraltar) — «Garabag » (Azerbaýjan): 0–2; FKSB (Rumyniýa) — «Makkabi Tel Awiw» (Ysraýyl): 1–1; «Lugano » (Şweýsariýa) — «Fenerbahçe » (Türkiýe): 3–4; «Dinamo Kiýew » (U

Beýleki habarlar