Halkara baýraklar — ösüşli menzilleriň subutnamasy

Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň baştutanlygynda ýurdumyzyň halkara abraýy barha belende galýar. Munuň şeýledigine ýakynda Türkmenistanyň wekiliýetiniň Koreýa Respublikasynyň Seul şäherinde bolan gulluk iş sapary hem güwä geçýär. “World Smart City Expo” atly halkara sergisine gatnaşmak hem-de Arkadag şäheriniň lukmançylyk klasterini amala aşyrmak üçin zerur bolan, Koreýa Respublikasynyň lukmançylygynda ulanylýan serişdeleriň öndürijileri bilen duşuşmak we degişli zawodlaryň işleri bilen ýerinde tanyşmak maksady bilen amala aşyrylan bu gulluk iş saparynyň netijesinde ýurdumyzyň “akylly” şäheri — Arkadag şäheri halkara baýraklarynyň 3-sine mynasyp boldy. Has takygy, 116 pawilýony özünde jemleýän sergide Arkadag şäheriniň aýratynlyklary we mümkinçilikleri tanyşdyrylyp, onda aýry-aýry ugurlar boýunça baýraklar gowşuryldy. Olaryň hatarynda Arkadag şäherine “Iň tapawutlanan “akylly” şäher”, “Daşary ýurt “akylly” şäheri”, “World Smart City Expo 2024” halkara sergisine goşan uly goşandy üçin” atly baýraklar berildi.

Mukaddes Garaşsyzlygymyzyň 33 ýyllygyna

Uly toýa mynasyp sowgat Mundan 33 ýyla golaý wagt ozal dünýä kartasynda peýda bolan Türkmenistan döwletimizi bu gün dünýä tanaýar. Garaşsyzlygyň, özbaşdaklygyň aýdyň ýoluna düşen Türkmenistan döwletimiz syýasy, ykdysady-durmuş we medeni taýdan çalt depginlerde ösdi we özgerdi. Onuň dünýäniň ösen döwletleriniň hataryna goşulmagynda aýgytly ädimler ädildi. Birleşen Milletler Guramasynyň we beýleki halkara guramalarynyň agzasy bolmak bilen, ýurdumyzyň halkara abraýy ýokarlandy.

Türkmenistanyň Halk Maslahatynyň mejlisine taýýarlyk

Belent sepgitlere badalga bolar Berkarar döwletiň täze eýýamynyň Galkynyşy döwrüniň ýyllarynda Garaşsyz, hemişelik Bitarap Türkmenistan döwletimiz bedew bady bilen ynamly öňe barýar. Demokratik, hukuk we dünýewi döwletimizde halk häkimiýetini amala aşyrmakda, ýurdumyzyň durnukly durmuş-ykdysady ösüşini, halkyň bagtyýar, abadan durmuşyny üpjün etmekde Türkmenistanyň Halk Maslahatynyň işi örän uly ähmiýete eýe bolup durýar. Sebäbi, Türkmenistanyň Halk Maslahaty jemgyýetçilik gurluşynyň gadymy däplerini döwrebap dowam etdirýän türkmen halkynyň bähbitlerine wekilçilik edýän ýokary wekilçilikli edaradyr. Hormatly Prezidentimiz şu ýylyň 12-nji iýulynda geçiren Türkmenistanyň Ministrler Kabinetiniň giňişleýin mejlisinde mukaddes Garaşsyzlygymyzyň 33 ýyllygynyň toýlanyljak günlerinde Türkmenistanyň Halk Maslahatynyň nobatdaky mejlisiniň gözel paýtagtymyz Aşgabat şäherinde geçiriljekdigini aýtdy. Şunuň bilen baglylykda Türkmenistanyň Halk Maslahatynyň Prezidiumynyň kabul eden kararyna laýyklykda giň wekilçilikli bu forumy çagyrmak we guramaçylykly geçirmek bilen bagly möhüm wezipeler bellenildi.

Ýürekden bir sözüm bar

Ýeňijileriň buýsanjy Ýakup ORAZGYLYJOW—

Ýaşlar — Watanyň geljegi

Maksatlaryň myrat tapsyn! Garaşsyz, hemişelik Bitarap Türkmenistan döwletimiziň beýik ösüşlerine mynasyp goşant goşýan zehinli, ukyp-başarnykly, öňdebaryjy ýaşlaryň sany günsaýyn artýar. Hormatly Prezidentimiz ýurduň abraý-mertebesini belende göterýän ýaşlara uly ynam bildirýär.

Beýik pyragyly mähriban Watan

Gahryman Arkadagymyzyň beýik başlangyçlaryny mynasyp dowam edýän Arkadagly Gahryman Serdarymyzyň baştutanlygynda şu ýylymyzyň “Pähim-paýhas ummany Magtymguly Pyragy” ýyly diýlip atlandyrylmagy bütin türkmen halkynyň kalbyny guwanja gaplady. Beýik akyldar şahyryň doglan gününiň 300 ýyllygynyň halkara derejesinde bellenilýän ýylynyň şeýle ajaýyp şygara beslenilmegi biziň ýurdumyzda çeper sözüň gadyr-gymmatynyň juda belentdigini aňladýar. Şeýle guwançly ýylda ýokary ruhubelentlik bilen zähmet çekýän halkymyz ýurdumyzyň baş baýramyna — mukaddes Garaşsyzlygymyzyň 33 ýyllygynyň toýuna sowgatly barmak hyjuwy bilen joşýar. Şol joşgunly zähmet bolsa, halk hojalygynyň ýokary görkezijilere eýe bolmagyny üpjün edýär.

Hormatly Prezidentimiziň ak pata bermegi bilen welaýatymyzda pagta ýygymyna girişildi

Ak pagtam — ak bagtym “Pähim-paýhas ummany Magtymguly Pyragy” ýylynda Arkadagly Gahryman Serdarymyzyň ýadawsyz aladalary netijesinde welaýatymyzyň pagtaçylary 162 müň gektarda pagtanyň boldumly hasylyny ösdürip ýetişdirdiler. Daýhanyň alyn deri bilen kemala getirilen pagta hasylyny çalt we isirpsiz ýygnap, Watan harmanyna ýokary hil derejesinde goşant etmek örän jogapkärli wezipe bolup durýar.

Magtymguly Pyragynyň doglan gününiň 300 ýyllygyna

Ussadyň paýhas hazynasy Ussadyň paýhas hazynasy ykbalyň türkmen halkyna, tutuş ynsanyýete ýapan serpaýydyr. Magtymguly Pyragynyň döredijiligi sungat äleminiň iň bir ýagty ýyldyzlarynyň biri bolup, nuruny saçýar. Şu nukdaýnazardan hem akyldar şahyryň şygyrlary dünýä gymmatlygyna öwrüldi. Ynsanperwerligiň, watansöýüjiligiň, ruhubelentligiň, bitewiligiň, agzybirligiň aýdymy bolup ýaňlanýan Magtymguly Pyragynyň şygyrlary her bir ynsanyň köňül nagşydyr diýip, Milli Liderimiz Gahryman Arkadagymyz nygtaýar.

Sungat äleminiň ýyldyzlary

Durnalary gonduran senediň çapyksuwary — 1965-nji ýylyň sentýabr aýynda Aşgabat şäherinde türkmen bagşylarynyň ýurt boýunça birinji seminary geçirildi. Şol çärä Paşşaguly Girmanow hem çagyrylan ekeni. Talyp döwrüm bolansoň boş wagt tapsam onuň ýanyna barýardym — diýip, bagşy Baýmuhammet hajy gürrüňini dowam etdi. — Bir gün atly bagşylaryň özara söhbet gurap oturan jaýyna baranymyzda Rejepnur bagşy oturanlar bilen tanyşdyrdy. Olar ýurdumyzyň ady belli bagşylary ekeni. Olaryň biri: “Girman bagşynyň ogly bolsaň halypanyň ýolundan bir aýdym aýt, göreli” diýip, Paşşagulydan haýyş etdi. Ýöne ol: «Ussatlaryň ýanynda aýdym aýdyp bilmen-ä» diýip ýaýdanjyrady. Rejepnur bagşy:

Bilimli nesil — kuwwatly Watan

Tejribeli mugallym Berkarar döwletiň täze eýýamynyň Galkynyşy döwründe eziz Diýarymyzda okamaga, döretmäge, işlemäge ähli şertler döredilýär. Gahryman Arkadagymyzyň, Arkadagly Gahryman Serdarymyzyň taýsyz tagallalary bilen döwrebap çagalar baglarydyr orta mekdepler gurlup, ulanylmaga berilýär. Murgap etrabynyň Oguzhan şäherçesindäki 2 gatdan ybarat 400 orunlyk 41-nji orta mekdep hem munuň aýdyň mysalydyr.

Adam. Jemgyýet. Kanun.

Hukuk ulgamy pugtalandyrylýar Hormatly Prezidentimiziň başda durmagynda Garaşsyz, baky Bitarap Türkmenistan döwletimizde ähli ugurlar boýunça ýeňişli sepgitlere eýe bolunýar. Şeýle ösüşli döwrümizde milli kanunçylygymyzy kämilleşdirmekde-de uly işler alnyp barylýar. Ajap eýýamymyzyň döwrebap kanunlary kabul edilýär we hereket edýän kanunlara üýtgetmeler we goşmaçalar girizilip, kämilleşdirilýär. Täze kanunlar bolsa, raýat jemgyýetimiziň ösüşli ýoluna itergi berýär.

Asudalygyň goragynda

Eşretli ýaşaýşyň kepili Berkarar döwletiň täze eýýamynyň Galkynyşy döwründe jemgyýetimizde sagdyn durmuşyň dabaralanmagyna gönükdirilen işler giň gerime eýe bolýar. Bu işleriň maksady halkymyzyň saglygyny berkidip, abadan durmuşymyzyň berkararlygyny gazanmakdan ybaratdyr. Neşekeşligi aradan aýyrmakda ýetilýän sepgitler zyýanly endikleriň öňüni almak bilen utgaşykly alnyp barylýar.

Ýürege jaý jümleler

Durmuşda üç zat adamyň özüne zyýan berer: öýke, açgözlük we ulumsylyk. Hemme zady ýitirseňem, rehimdarlygyňy ýitirme! Rehimdarlyk adamy adam edýän iň möhüm duýgudyr.

Ýarymlar

Milli mirasymyz — müdimi mirasymyz

Ýat ildäki haýyş Milli mirasymyzyň ölemen janköýeri, Tagtabazar etrabynyň Marçak obasynyň ýaşaýjysy Eziz Aşyrowyň ömrüni Pendi ýaýlasynda çopan bolup, goýunlaryň arasynda geçiren, 80 ýaşabam dünýäsini täzelän, ömür goňşy bolup oturan Jumadurdy Jumaberdi ogly barada aýdan bir gyzykly gürrüňini size ýetireýin.

Hakyda

Uly ýoluň çatrygynda garaşaýyň... Orazberdi Ylýas daşyndan göräýmäge äwmezegräk ýaly görünse-de, ol mydama hereketdedi, özem känbir ulaga münmän, aglaba pyýada gezerdi. Murgap şäheriniň esasy köçesiniň ugry bilen edara-kärhanalara, mekdeplere, çagalar baglaryna baryp, adamlar bilen gürrüňdeşlik geçirerdi. Ýaşlaryň arasyndan sungata höweslilerini, aýdym-saza ukyplylaryny ýüze çykaryp, olaryň taplanmagyna kömek ederdi. Onuň zerurlyk bolmasa, känbir iş otagynda oturmasy bolmazdy. Bir gün obadan gelen ýaş oglanlaryň biri etrap medeniýet bölüminiň şol döwürdäki ýolbaşçysy, Orazberdiniň ýegre dosty Hydyr Aşyryň ýanyna baryp:

Hemra wäşiniň degişmeleri

Özüm demleýärin Hemranyň ýanyna dört-bäş sany obadaşy gürrüňçilige gelipdir. Hemranyň aýaly gelenlere çaý demläp bermek üçin taňkany ojakda oturdýar-da, özi ony-muny almakçy bolup dükana gidýär. Çaýy Hemranyň özi demlemeli bolýar. Oturanlar:

“Ýol hereketiniň howpsuzlygy — ömrümiziň rahatlygy” atly biraýlyk dowam edýär

Abadan durmuşymyzyň gözbaşy Ählihalk çäresine öwrülip, ýurdumyz boýunça geçirilýän “Ýol hereketiniň howpsuzlygy — ömrümiziň rahatlygy” atly biraýlygyň maksady güneşli Diýarymyzda köçe-ýollarymyzyň bagt ýollary bolmagyny üpjün etmekden ybaratdyr.

“01” gullugynda

Bilim edaralarynda ýangyn howpsuzlygy Habarçymyz welaýat polisiýa müdirliginiň ÝHB-niň Wekilbazar etrap ÝHB-niň müdiri, içerki gullugyň podpolkownigi Kakyş BÄŞIMOW bilen duşuşyp, bilim-terbiýeçilik edaralarynda ýangyn howpsuzlygynyň düzgünleri barada gürrüň bermegini haýyş etdi.

Peýdaly maslahatlar

Bedenterbiýe we sport bilen meşgullanmaly. Zyýanly endiklerden daşda durmaly.