"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Welaýatymyzda galla oragyna girişildi

Daýhan zähmetiniň miwesi bugdaý Arkadag Serdarly bagtyýar ýaşlar ýylynyň 26-njy maýynda hormatly Prezidentimiz Ministrler Kabinetiniň nobatdaky mejlisini geçirdi. Onda hormatly Prezidentimiz Arkadag Serdarly bagtyýar ýaşlar ýylynda ýurdumyzyň gallaçylarynyň tutanýerli zähmeti bilen ýerlerde ak ekiniň bitginli hasylynyň ösdürilip ýetişdirilendigini belläp geçdi. Ýetişdirilen galla hasylyny guramaçylykly ýygnamak maksady bilen, Ahal, Lebap we Mary welaýatlarynda 2-nji iýundan, Daşoguz we Balkan welaýatlarynda 9-njy iýundan galla oragyna başlamaga ak pata berip, asylly däbe görä, il sylagly ýaşulularyň ýerlerde orak möwsümini “Bismilla” bilen başlap bermeklerini haýyş etdi. Arkadagly Serdarymyzyň galla oragyna ak pata bermegi welaýatymyzyň gallaçylaryny joşgunly zähmet çekmeklige ruhlandyrdy.

2 Iýun 2023

Oba hojalyk

Sahy topragyň berekedi

Şu gün ýurdumyzda galla oragyna girişilýär Geçen ýylyň güýzünde topraga taşlanan her bir bugdaý dänesi daýhanyň maňlaý deri bilen eýlenip, bu gün bereket getirdi. Şu günler bugdaýly meýdanlara nazar aýlasaň, gözüň dokunyp, göwnüň galkynýar. Adaja öwüsýän şemala tolkun atýan bugdaýlar bu ýyl ýene-de daýhanyň çeken zähmetiniň ýerine düşendigini buşlaýar.

2 Iýun 2023

Oba hojalyk

Bugdaý — bolçulygyň binýady

Ýurdumyzda azyk bolçulygyny pugtalandyrmak, ilatymyzy ýylyň ähli paslynda hemme önümler bilen üpjün etmek ugrunda degişli işler alnyp barylýar. Hormatly Prezidentimiz ýakynda geçirilen Türkmenistanyň Ministrler Kabinetiniň mejlisinde şu ýyl Diýarymyzyň welaýatlarynda gallanyň bol hasylynyň ýetişdirilendigini belläp, Ahal, Lebap we Mary welaýatlarynda 2-nji iýunda, Balkan we Daşoguz welaýatlarynda bolsa 9-njy iýunda galla oragyna başlamaga ak pata berdi hem-de hormatly ýaşululardan galla oragyna «Bismilla» bilen başlap bermeklerini haýyş etdi. Şu mynasybetli «Ahalgallaönümleri» önümçilik birleşigi we Ahal welaýat Oba hojalyk önümçilik birleşigi, Ahal welaýat Polisiýa müdirliginiň Ýangyn howpsuzlygy bölümi bilen, bilelikde tassyklanan meýilnama esasynda ýörite okuw maslahatyny geçirdi. Oňa galla oragyna gatnaşjak jogapkär işgärler, ýagny kombaýnçylardyr sürüjiler, şeýle hem Ahal welaýatynyň Polisiýa müdirliginiň Ýangyn howpsuzlygy bölüminiň işgärleri gatnaşdylar. Maslahaty Ahal welaýatynyň Polisiýa müdirliginiň Ýangyn howpsuzlygy bölüminiň müdiri, içerki gullugyň podpolkownigi Seýitnazar Haýdarow açdy. Ol şu ýylyň galla oragy möwsüminiň dowamynda ýerlerde ýangynyň döremezligini gazanmak üçin geçirilmeli çäreler boýunça çykyş etdi. Ol öz çykyşynda galla   hasylyny ýitgisiz ýygnamak barada ählitaraplaýyn aladalaryň amala aşyrylýan döwründe zerur bolan gorag we öňüni alyş

1 Iýun 2023

Oba hojalyk

Ýeralma — islegli önüm

Arkadagly Serdarymyz ýurdumyzda oba hojalygyny okgunly ösdürmäge, azyk önümleriniň bolçulygyny artdyrmaga hemişe uly üns berýär. Döwlet Baştutanymyzyň tabşyryklaryna laýyklykda, Berkarar döwletiň täze eýýamynyň Galkynyşy döwründe halkymyzy tutuş ýylyň dowamynda ter gök önümler bilen bolelin üpjün etmek meselesiniň oňyn çözgüde eýe bolýandygyny ýurdumyzyň ak bazarlaryna, söwda nokatlaryna baranyňda hem aýdyň görmek bolýar. Munuň özi hormatly Prezidentimiziň ene topraga göwnejaý ideg edip, ýokary hasyl almak, halal gazanyp, hojalygyňy gurplandyrmak üçin döredip berýän amatly şertlerinden, giň mümkinçiliklerinden zähmetsöýer babadaýhanlaryň başarnykly peýdalanýandyklarynyň kepilidir. Beýleki azyklyk önümler bilen bir hatarda, ýeralma hem ýylyň bütin dowamynda ilat tarapyndan ýokary islege eýe bolýan esasy önümleriň biridir. Indi welaýatymyzda hem dürli görnüşli ekinlerden bol hasyl almakda yhlasly zähmet çekip, tutanýerlilik görkezýän daýhanlaryň hatary barha artýar. Bu ugurda iş alyp barýan kärendeçi daýhanlaram, hususy ýer eýeleri hem iş tejribelerini ýylba-ýyldan artdyryp, ideg edýän ekin meýdanlaryndan ýokary hasyl almagy başarýarlar.

31 Maý 2023

Oba hojalyk

Kadaly ideg edilýär

Berkarar döwletiň täze eýýamynyň Galkynyşy döwründe hormatly Prezidentimiziň ýolbaşçylygynda ýurdumyzda beýleki ulgamlar bilen bir hatarda, oba hojalygyny ösdürmek, ony iň bir girdejili pudaga öwürmek üçin uly işler alnyp barylýar. Munuň özi toprakdan bereketli hasyl almaga, halkymyzy ekologiýa taýdan arassa önümler bilen üpjün etmäge, ýurdumyzyň azyk bolçulygyny ösdürmäge, eksport mümkinçiliklerini giňeltmäge gönükdirilendir. Hormatly Prezidentimiz bazarlarymyzy özümizde ýetişdirilen miwe, bakja we gök önümler bilen üpjün etmegi esasy wezipe edip goýýar. Edermen babadaýhanlar bereketli topragymyza gözleriniň göreji deýin garap, bol hasyl almak ugrunda ýadawsyz alada edýärler. Olar päk zähmeti bilen pagta, bugdaý we gök-bakja ekinlerini ösdürip ýetişdirip, Watanymyzyň ykdysady ösüşine mynasyp goşant goşýarlar.

31 Maý 2023

Oba hojalyk

Daýhan hojalygynyň giň gerimli işleri

Oba hojalygy — ykdysadyýetimiziň möhüm pudagy Ýurdumyzyň hususy ulgamynda öňdebaryjylaryň hatarynda tanalýan «Nurly meýdan» daýhan hojalygy welaýatymyzyň Bereket etrabynda ýerleşmek bilen, oba hojalygynyň dürli ugurlary boýunça netijeli işleri alyp barýar. Türkmenistanyň Senagatçylar we telekeçiler birleşmesiniň agzasy bolan daýhan hojalygy 2013-nji ýylda öz işini ýola goýup, onuň garamagyndaky ekerançylyk meýdanynyň umumy möçberi 393 gektara ýetýär. Şonuň 344 gektara golaýy dürli ot-iýmlik ekinleri ösdürip ýetişdirmekde netijeli ulanylýar. Daýhan hojalygynyň önümçilik desgalarynyň ýerleşýän ýeriniň möçberi bolsa 50 gektara barabardyr.

31 Maý 2023

Oba hojalyk

Çäjiňize bereket, edermen gallaçy daýhanlar!

Ertir biziň welaýatymyzyň gallaçylary hem şu ýylyň 26-njy maýynda sanly ulgam arkaly geçirilen Ministrler Kabinetiniň nobatdaky mejlisinde Arkadagly Serdarymyzyň «Çäjiňize bereket, edermen gallaçy daýhanlar!» diýip aýdan sözlerinden ruhlanyp, oraga başlaýarlar. Mälim bolşy ýaly, şu mejlisde hormatly Prezidentimiz Ahal, Lebap we Mary welaýatlarynda 2-nji iýunda, Balkan we Daşoguz welaýatlarynda bolsa 9-njy iýunda galla oragyna başlamaga ak pata berdi hem-de hormatly ýaşululardan galla oragyna «Bismilla» bilen başlap bermeklerini haýyş etdi. Welaýatymyzyň ekerançylyk meýdanlarynda güýzlük bugdaýyň ýokary hasylly görnüşleri ýetişdirildi. Ýurdumyzda azyklyk bugdaýyň bolçulygyny döretmekde bereketli Lebabyň edermen gallaçylary ýylyň-ýylyna gowy netijeleri gazanýarlar. Her ýyl olaryň agrotehnikanyň kadalaryna laýyklykda ekinlere garaşygy ýola goýuşlaryny, yhlas bilen zähmet çekişlerini synlap, öňde goýan maksatlaryna abraý bilen ýetýändiklerini görýäris. Nesip bolsa, bu ýyl hem şol ýeňişleriň sanawyny dowam eder. Uly iliň soltany hasaplanylýan bugdaýyň dürli görnüşli tohumlaryndan ýygnaljak hasyl ilatyň ýokary hilli çörek we çörek önümleri bilen üpjünçiliginiň berkden döredilendigini habar berýär. Bu bolçulygyň esasynda milletimiziň çörege bolan mukaddes garaýyşlarynyň, çörek bilen baglanyşykly däp-dessurlarynyň, yrymlarynyň durýandygyna aýratyn üns çekesimiz gelýär. Çörek mukaddesl

31 Maý 2023

Oba hojalyk

Göwnejaý bejergi — bol hasyl

Häzirki günlerde welaýatymyzyň ähli ýerlerinde gowaça bejergisi ýokary depginde dowam edýär. Pagtanyň bereketli hasylyny kemala getirmekde her bir çäräniň öz wagtynda hem-de oňat hilli geçirilmeginiň ähmiýetine oňat düşünýän kärendeçi daýhanlar, mehanizatorlar ähli gujur-gaýratlaryny şu ugra gönükdirýärler. Şonuň netijesinde talabalaýyk ýekelemek, haşal otlardan arassalamak, goşmaça iýmitlendirmek işleri geçirilen meýdanlardaky gowaçalar göwnejaý ösüşe eýe bolýar. Şeýle möhüm çäreleri alyp barmakda Şabat etrabynyň «Gülüstan» daýhan birleşiginiň pagtaçy kärendeçileriniň hem öndürijilikli zähmet çekýändikleri bellenilmäge mynasypdyr. Çünki olar şu ýyl 400 gektar meýdanda gowaça ekişini berjaý edip, onuň kadaly gögerişini gazanypdyrlar. Munuň özi şol ýerlerde geçen ýylyň pagta hasyly doly ýygnalyp alnanyndan bäri sürüm, tekizleme, suw tutmak işleriniň bellenilen möhletlerde, görkezmelere laýyk ýerine ýetirilmeginiň netijesinde üpjün edilipdir.

31 Maý 2023

Oba hojalyk

500 tonna pile ugrunda

Pileçileriň üstünligi Welaýatymyzyň ussat ýüpekçileri Arkadag Serdarly bagtyýar ýaşlar ýylynyň pile öndürmek  möwsüminde gaýratly zähmet çekip, kemala getiren pile hasyllaryny döwlete tabşyrmak ugrundaky işleri guramaçylykly alyp barýarlar. Şonuň netijesinde, olaryň döredýän pile harmany barha beýgelýär. Bu babatda aýry-aýry hojalyklaryň, ýüpekçi kärendeçileriň gazanýan üstünlikleri has-da guwandyryjydyr. Şabat etrabynyň S.Rozmetow adyndaky oba hojalyk paýdarlar jemgyýetiniň zähmetsöýer ýüpekçileri şu möwsümde Watan harmanyna 48 tonna pile tabşyrmak baradaky meýilnamalaryny welaýatymyzda ilkinjileriň hatarynda ýerine ýetirdiler. Olaryň häzirki wagta çenli öndüren pileleriniň möçberi 73 tonnadan agdy. Hojalygyň tejribeli ýüpekçilerinden Aziza Rizaýewa 667, Umida Täjibaýewa 600, Reýhan Orazmetowa 325, Firýuza Kazakowa 163 kilogram ýokary hilli pile öndürip, bu üstünlige saldamly goşant goşdular. Paýdarlar jemgyýetinde döwlete pile tabşyrmak dowam etdirilýär.

31 Maý 2023

Oba hojalyk

Seýilbaý aganyň seýil bagy

Seýilbaý aga zähmetsöýer adam. Kän geplänok. Sowal berseňem oýlanyşyp durýar-da, soňundan jogap gaýtarýar: — Gara Seýitliýew: «Kim-de kim bir agaç ekse ýadygär,//Dünýäň kitabynda onuň ady bar» diýip ýazypdyr. Bizem şondan çen tutup, haýsy ýere göçüp barsak-da, şol ýere agaç ekýäris — diýýär: — Agaçly, daragtly ýeriň saýasy goýry bolýar. Şol ýeriň howasy-da beýleki ýerleriň howasyndan aýry gelýär. — Meniň bu ýere göçüp gelenime az wagt bolmady. Şol wagtky eken nahallarym miwä durdular. Her ýyl olaryň şirin miwelerinden çagalarymyz iýýär. Hatda bazara çykaryp, il-güne-de hödürleýäris — diýip, Seýilbaý aga gürrüň berýär. Onuň ogly Sapargeldi bireýýäm kakasynyň yzyna düşdi. Täze nahallary getirip oturtmalymy, öňkülerine ideg etmelimi, ony hiç kimden sorap duranok. Suw gerekmi, ýere iýmit gerekmi göz çeni bilen bilýär. Arazgeldi, Arazbagt, Bilbil dagy Seýilbaý aganyň bagbançylyk kärine eýerip, hemme işleri ýerbe-ýer edip bilýärler. Bu ýerde alma, erik, üzüm, garaly, şetdaly agaçlarynyň örän köpüsi bar. Olaryň hemmesi miwe berip otyr.

31 Maý 2023

Oba hojalyk

Möhüm möwsümiň bosagasynda

Garaşsyz Diýarymyzda hormatly Prezidentimiz Serdar Berdimuhamedowyň parasatly ýolbaşçylygynda ykdysadyýetimiziň oba hojalyk pudagyny ýokary derejede ösdürmek, azyk howpsuzlygyny üpjün etmek boýunça taýsyz tagallalar edilýär, ýokary netijeler gazanylýar. Welaýatymyzyň tutanýerli gallaçylary, Arkadag Serdarly bagtyýar ýaşlar ýylynda 170 müň gektar meýdanda bol galla hasylyny ýetişdirdiler. Zähmet siňdirip kemala getirilen yllaýy ak ekinler orak möwsüminiň has golaý gelendigini buşlaýarlar.

31 Maý 2023

Oba hojalyk

Höweslendiriji baýraklar gowşuryldy

Galla oragynyň öň ýanynda Kärdeşler arkalaşyklarynyň Sarahs etrap birleşmesinde oba hojalygynda zähmet çekýän edermen kärendeçileriň, mehanizatorlaryň, hyzmat ediş toparlarynyň, sürüjileriň işlerini has-da ýokarlandyrmak maksady bilen, wagyz-nesihat duşuşygy geçirildi. Oňa etrabyň ýaşululary, mährem enelerimiz, kärhanalaryň zähmetkeşleri gatnaşdy. Edilen çykyşlarda hormatly Prezidentimiziň ýurdumyzyň oba hojalyk pudagyny ösdürmek boýunça edýän bimöçber işleri, daýhanlara döredýän ýeňillikleri dogrusynda aýdyldy. Çärede mehanizatorlaryň, sürüjileriň çekýän asylly zähmeti, olaryň gazanýan ýokary iş netijeleri göz öňünde tutulyp, olara höweslendiriji baýraklar gowşuryldy.

31 Maý 2023

Oba hojalyk

Oba hojalygy: bol hasylyň aladasy

Işler gyzgalaňly barýar Özüniň güneşli, jöwzaly howasy bilen tomus pasly hem geldi. Bu paslyň gelmegi bilen ekin meýdanlaryndaky alnyp barylýan işler gyzgalaňly häsiýete eýe bolýar. Ir bahardan bereketli topraga rysgal tohumyny atan daýhan doly, endigan gögeriş alnan ekinlere eýegözin ideg işlerini agrotehniki çärelere görä geçirip, geljekki bol hasylyň aladasy bilen işleýär, ýaşaýar.

31 Maý 2023

Oba hojalyk

Ýurdumyzda galla oragyna başlanylar

29-njy maýda hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda hem-de welaýatlarynda alnyp barylýan işleriň barşy bilen bagly meselelere garaldy.  Maslahatda Ahal welaýatynyň häkimi Ý.Gurbanow, Balkan welaýatynyň häkimi T.Atahallyýew, Daşoguz welaýatynyň häkimi N.Nazarmyradow, Lebap welaýatynyň häkimi Ş.Amangeldiýew, Mary welaýatynyň häkimi D.Annaberdiýew häzirki sebitlerde alnyp barylýan möwsümleýin oba hojalyk işleriniň barşy barada hasabat berdiler.

30 Maý 2023

Oba hojalyk

Taýýarlyk ýokary derejede

Babadaýhan etrap tehniki hyzmat ediş kärhanasynyň agzybir zähmet topary däneçilik pudagynda möhüm, jogapkärli möwsüm bolan galla oragyna ykjam taýýarlykly gelýärler. Etrabyň zähmetsöýer gallaçy kärendeçileri Arkadag Serdarly bagtyýar ýaşlar ýylynyň hasyly üçin 30 müň gektar meýdanda ýetişdirilen galla hasylyny öz wagtynda bökdençsiz ýygnamagy belent maksat edinýärler. — Bosagada duran galla oragy üçin kärhanamyz boýunça kuwwatly kombaýnlaryň 82-sini möwsüme taýýar edip goýduk. Şolaryň 31-si «John Deere», 51-si bolsa «CLAAS» kysymly kuwwatly kombaýnlardyr. Orak möwsüminde işlediljek kombaýnlara mehanizatorlaryň 164-si gije-gündiziň dowamynda iki çalşykda erk eder. Kombaýnlara hyzmat işleriniň iş üstünde gurnalmagy bolsa, olaryň bökdençsiz işlemegini üpjün eder — diýip, kärhananyň ýolbaşçysy Juma Ataýew gürrüň berýär.

30 Maý 2023

Oba hojalyk

Galla oragy bosagada

Sarahs etrabynyň gallaçy daýhanlary şu ýyl 22 müň 900 gektar meýdanda guşgursak ak bugdaýyň bereketli hasylyny ýetişdirip, bosagada duran jogapkärli orak möwsümine taýýarlykly gelýärler. Gallaçy babadaýhanlaryň irginsiz zähmeti bilen ýetişdirilen hasylyň çalt we ýitgisiz ýygnalmagyny, kabul ediş nokatlaryna daşalmagyny üpjün etmekde tehnikalaryň taýýarlygyna aýratyn ähmiýet berilýär. Ýygnalan hasyly däne kabul ediş ammarlaryna bökdençsiz daşamak üçin tehnikalaryň 325-siniň hyzmatyndan peýdalanylar. Kombaýnlaryň onlarçasy ýokary öndürijilikli, bökdençsiz işlediler. Däne ekilen meýdanlary orak möwsümine taýýarlamagyň, işiň gyzgalaňly gidýän döwründe hasylyň ýangyndan goralmagyny üpjün etmegiň, munuň üçin ýangyna garşy göreş çäreleriniň ýola goýulmagyny gazanmagyň zerurdygyna oňat düşünýän etrabyň daýhan birleşikleriniň we daýhan hojalyklarynyň zähmetkeşleridir degişli hünärmenleri utgaşykly işleri alyp bararlar.

30 Maý 2023

Oba hojalyk

Gowaçanyň ganatlyja goragçylary

Gabrobrakon möjejigi zyýankeşlere garşy göreşiň biologiki usulynda giňden ulanylýan esasy tebigy serişde hasaplanylýar. Gabrobrakon gowaça sowkasynyň 2-3 ýaşly gurçuklarynyň garşysyna göreşmek maksady bilen ulanylýar. Gabrobrakon tebigy hojaýynlarynyň, gurçuklarynyň göwresine zäheri goýberenden soňra, gurçuklaryň işjeňligi kem-kemden peselýär, olaryň hereketi gowşaýar we düýpden kesilýär. Tejribehanalarda olar 1 sagadyň dowamynda 2 sany gurçugy, 2 gije-gündiziň dowamynda 46 sany gurçugy ysmaz edýär. Urkaçy gabrobrakonlaryň her biri öz ömrüniň dowamynda gurçuklaryň 30-dan 175-e çenlisini ysmaz edip bilmäge ukyplydyr.

30 Maý 2023

Oba hojalyk

Käşir

«Sary agam içerde, gökje goly daşarda», «Ýer astynda altyn gazyk» ýaly matallaryň jogabyny körpeje jigilerimiz bilýän bolsalar gerek. Elbetde, ol käşir. Ýöne çagalary mataldaky «sary agamyzyň» has irki wagtlarda goýy gyzyl reňkde bolandygy geň galdyrsa gerek. Özem ir döwürler «ýer astyndaky altyn gazyk» ajylygy we gatylygy üçin iýmäge ýaramsyz eken. Ony diňe hoşboý ysly tohumy we baldagy üçin ekipdirler. Bize mälim bolan häzirki narynç reňkli datly käşirler seçgiçileriň geçiren synanyşyklaryndan soň on ýedinji asyrda peýda bolupdyr. Häzirki wagtda Antarktidadan başga ähli ýerde käşiriň dürli reňkdäki we dürli şekildäki görnüşi ösdürilip ýetişdirilýär. Bütin dünýäde giňden ýaýran önümiň watany Owganystandyr. Alymlar Ýewropa we Aziýa ýurtlaryndan tapylan käşir tohumynyň üstünden 10 müň ýylyň geçendigini tassyklaýarlar. Gadym wagtlarda ol dermanlyk häsiýeti bilen meşhur eken.

30 Maý 2023

Oba hojalyk

Galla oragy bosagada

Hormatly Prezidentimiziň kärendeçi daýhanlara bildirýän uly ynamyndan ruhlanyp zähmet çekýän etrabymyzyň gallaçy kärendeçileri Arkadag Serdarly bagtyýar ýaşlar ýylynda 12 müň 300 gektar meýdanda bugdaý ösdürip ýetişdirdiler. Etrabyň babadaýhanlary galla ekilen meýdanlardan 25 müň 800 tonna töweregi galla hasylyny almagy meýilleşdirýär. Ýetişdirlen galla hasylyny ýygnamakda etrabyň Tehniki hyzmat ediş kärhanasynda döwrebap kombaýnlaryň 34-si netijeli peýdalanylar. Möwsümde galla daşajak tehnikalar hem doly gözden geçirilip, ýetişdirilen hasyly ýitgisiz ýygnamakda bökdençsiz işlediler. Ýakynda Türkmenistanyň Kärdeşler arkalaşyklarynyň Mary welaýatynyň Ýolöten etrap birleşmesiniň, Mary welaýat polisiýa müdirliginiň 613-nji ýangyn howpsuzlyk bölüminiň we etrap polisiýa bölüminiň ýol gözegçilik gullugynyň işgärleriniň bilelikde guramagynda Tehniki hyzmat ediş kärhanasynda galla oragyna gatnaşjak işgärler bilen okuw maslahaty geçirildi.

30 Maý 2023

Oba hojalyk

Oba ho­ja­ly­gyn­da mö­hüm öz­gert­me­ler

Hor­mat­ly Pre­zi­den­ti­mi­ziň pa­ra­sat­ly sy­ýa­sa­ty ne­ti­je­sin­de oba ho­ja­ly­gyn­da mö­hüm öz­gert­me­ler dur­mu­şa ge­çi­ril­ýär. Şeý­le mö­hüm öz­gert­me­le­riň ne­ti­je­sin­de ýur­du­myz­da ýo­ka­ry hil­li oba ho­ja­lyk önüm­le­ri­ni ön­dür­mä­ge giň müm­kin­çi­lik­ler dö­re­dil­ýär. Mu­nuň özi ýur­du­my­zyň baý te­bi­gy şert­le­ri­niň we ýer-suw baý­lyk­la­ry­nyň ne­ti­je­li ula­nyl­ýan­dy­gy­ny, daý­han­la­ra giň müm­kin­çi­lik­le­riň dö­re­dil­ýän­di­gi­ni aý­dyň be­ýan ed­ýär. Hä­zir­ki aja­ýyp döw­rü­miz­de türk­men daý­han­la­ry­na ha­lal zäh­met çek­mä­ge, top­rak­dan bol ha­syl ön­dür­mä­ge giň müm­kin­çi­lik­ler bar. Hor­mat­ly Pre­zi­den­ti­mi­ziň ta­gal­la­sy bi­len oba ho­ja­ly­gy iň kä­mil teh­ni­ka­lar bi­len üp­jün edil­ýär. Bu gün­ki gün­de bug­daý­ly meý­dan­la­ra göz aý­la­nyň­da hem, eke­ran­çy­lyk ýer­le­ri­ni syn­la­nyň­da hem buý­san­jyň go­şa­lan­ýar. Türk­men top­ra­gyn­dan ön­ýän oba ho­ja­lyk önüm­le­ri be­re­ket, rys­gal bo­lup sa­çak­la­ra dol­ýar. Bu gün­ki gün­de oba ho­ja­lyk ekin­le­ri­niň ha­syl­ly­ly­gy­ny has-da ýo­kar­lan­dyr­mak üçin yl­my esas­da iş­ler ýo­la go­ýul­ýar. Bar­lag­ha­na­lar­da, tej­ri­be ýer­le­rin­de ýur­du­my­zyň ho­wa şert­le­ri­ne ýa­ram­ly ekin­ler bar­la­nyl­ýar we türk­men alym­la­ry ta­ra­pyn­dan öw­re­nil­ýär. Bu bol­sa oba ho­ja­ly­gyn­da uly üs­tün­lik­le­re ýet­me­giň aý­ra­tyn ugur­la­ry­nyň bi­ri bo

28 Maý 2023

Oba hojalyk