Türkmenmetbugat

"Garagum" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-83, 39-96-05, 39-96-07
Email: garagum_tm@sanly.tm

Gazeti PDF görnüşinde ýükläp almak

Habarlar

Baky bitaraplygyň toýy şatlyk-şowhuna beslenip, uludan toýlandy

Düýn Änew şäherindäki Mukaddeslik meýdançasyny ir säherden şatlyk-şowhun gurşap aldy. Welaýat häkimliginiň golaýyndaky bu meýdançada Halkara Bitaraplyk gününiň şanyna Döwlet baýdagymyzyň al-asmana göteriliş dabarasy boldy. Oňa welaýat häkimliginiň, edara-kärhanalaryň, jemgyýetçilik guramalarynyň ýolbaşçylarydyr işgärleri, ýaşuly we ýaş nesliň wekilleri hem-de köp sanly ýerli ýaşaýjylar gatnaşdy. Toý meýdançasynda Döwlet senasynyň ýaňlanmagynda we hemmeleriň uly ruhubelentlikde ýerine ýetirmeginde Türkmenistanyň Döwlet baýdagy ýokary göterildi. Dabaranyň iň ýakymly, şatlykly wakasyna öwrülen şol pursatdan soňra gutlag çykyşlary diňlendi.

12 Dekabr 2023

Parahatçylyk söýüjiligiň we durnukly ösüşiň kepili

Türkmenistan özüniň daşary syýasat işinde halkara guramalar bilen hyzmatdaşlygy ösdürmek we giňeltmek meselelerini ileri tutýar. 2022-nji ýylyň 8-nji iýulynda «Bitarap Türkmenistanyň daşary syýasat ugrunyň 2022–2028-nji ýyllar üçin Konsepsiýasy» tassyklanyldy. Bu resminama mundan 28 ýyl ozal — 1995-nji ýylyň 12-nji dekabrynda Birleşen Milletler Guramasynyň Baş Assambleýasynda 185 döwletiň, şeýle-de 2015-nji ýylyň 3-nji iýunynda BMG-niň Baş Assambleýasynyň 69-njy mejlisinde 193 döwletiň biragyzdan goldamagynda «Türkmenistanyň hemişelik Bitaraplygy» atly kabul edilen Kararnamalaryň ýol-ýörelgelerine esaslanýar. Türkmenistan hemişelik Bitaraplyk hukuk ýagdaýyna daýanyp, dünýäniň döwletleri bilen özara gatnaşyklary yzygiderli artdyrýar, Ýer ýüzüniň ösen ýurtlarynyň hataryna girmegi çaltlandyrmak üçin özüniň geosyýasy, ykdysady, serişde we adam mümkinçiliklerini peýdalanýar. Özüniň parahatçylygy söýüjilik we dörediji kuwwatyny has doly peýdalanmaga çalyşmak bilen, Garaşsyz, hemişelik Bitarap Türkmenistan täze pikirleriň hem-de teklipleriň hereketlendirijisi bolup çykyş edýär. Geçen ýylyň 6-njy dekabrynda Birleşen Milletler Guramasynyň Baş Assambleýasynyň 77-nji sessiýasynyň 45-nji plenar mejlisiniň dowamynda Türkmenistan tarapyndan öňe sürlen başlangyç boýunça «2023-nji ýyl — Parahatçylygyň kepili hökmünde dialogyň halkara ýyly» atly Kararnamanyň biragyzdan kabul edilmegi ýokarda aý

12 Dekabr 2023

Parahatçylyga daýanýan hyzmatdaşlyk

Berkarar döwletiň täze eýýamynyň Galkynyşy döwründe hemişelik Bitaraplygymyzyň 28 ýyllyk şanly baýramy ata Watanymyzyň çar künjünde uly dabaralar bilen toýlandy. Dünýä bileleşiginiň dostlukly ýurtlary we hyzmatdaşlary BMG-niň Baş Assambleýasynyň 2017-nji ýylyň 2-nji fewralyndaky 71-nji mejlisinde kabul eden çözgüdi esasynda parahatçylyk döredijilik, hoşniýetli goňşuçylyk, birek-birege hormat goýmak ýörelgelerinden ugur alyp, her ýylyň 12-nji dekabrynda Halkara Bitaraplyk gününi belleýärler. Iň iri halkara gurama tarapyndan ykrar edilip, dünýä derejesinde bellenilýän şeýle güni döretmek hakyndaky asylly başlangyjy hem türkmen halkynyň Milli Lideri hemişelik Bitaraplygymyzyň 20 ýyllyk toýunyň baýram gününde dost-doganlyk ýurtlaryň döwlet we hökümet baştutanlarynyň, abraýly halkara, sebit hem-de dünýä guramalarynyň, Ýer ýüzüniň ýokary syýasy derejeli wekilleriniň, diplomatlarynyň gatnaşmagynda gözel paýtagtymyzda geçirilen «Bitaraplyk syýasaty: parahatçylygyň, howpsuzlygyň we ösüşiň ugrunda halkara hyzmatdaşlygy» atly halkara maslahatynda öňe sürüpdi. Gahryman Arkadagymyz şol maslahatdaky taryhy çykyşynda milli ýörelgämiziň esaslary bolan parahatçylyk söýüjilik, ynsanperwerlik, abadançylyk, dost-doganlyk we köpugurly hyzmatdaşlyk gatnaşyklary, ählumumy ösüşi üpjün etmekde Bitaraplygyň oňynlyklary dogrusynda giňişleýin beýan edipdi. BMG-niň Baş Assambleýasynyň 76-njy sessiýasynyň 9

12 Dekabr 2023

Türkmenistan — BMG: durnukly ulag — durnukly ösüş

Bitaraplyk dünýä syýasatynda döwletimiziň amala aşyrýan halkara işlerinde berk esas bolup hyzmat edýär. Hemişelik Bitarap Türkmenistanyň sebitde parahatçylygy we durnukly ösüşi pugtalandyrmak, hoşniýetli goňşuçylyk ýagdaýyny döretmek hem-de hyzmatdaşlygy ýola goýmak ugrunda alyp barýan işleri örän uludyr. Häzirki wagtda gözbaşyny Bitaraplygyň esaslaryndan alyp gaýdýan döwletimiziň daşary syýasatynyň we ykdysady strategiýasynyň ýörelgeleri binýatlaýyn häsiýetdedir. Barha ählumumylaşýan dünýäde ýurtlaryň arasyndaky özara baglanyşyk has-da güýçlenmek häsiýetine eýedir. Şunuň bilen baglylykda, dünýäde durnukly ulag ulgamyny döretmek häzirki döwrüň möhüm meseleleriniň biri bolup durýar. Hususan-da, deňze çykalgasy bolmadyk ösüp barýan ýurtlary halkara bazarlar bilen baglanyşdyrýan netijeli ulag-üstaşyr ulgamlaryny döretmek zerurlygy ýüze çykýar. Bu babatda Türkmenistanyň ulag-logistika ulgamynda alyp barýan işleri nusga alarlyklydyr. Ýurdumyzyň başlangyjy bilen, BMG-niň Baş Assambleýasy tarapyndan ulag ulgamyndaky hyzmatdaşlygyň ösdürilmegine hil taýdan täze itergi bermäge gönükdirilen degişli Kararnamalar kabul edildi. Bu möhüm resminamalar Türkmenistanda ulag ulgamynda durmuşa geçirilýän özgertmeleriň halkara derejede rowaçlanýandygynyň güwäsidir. Şu ýylyň 16-njy maýynda BMG-niň Baş Assambleýasynyň 77-nji sessiýasynyň 70-nji plenar mejlisinde Türkmenistanyň başlangyjy esasynda, Mi

12 Dekabr 2023

Bitaraplyk dünýä ýalkymyn saçýar

Gahryman Arkadagymyzyň başlangyçlary we hormatly Prezidentimiziň taýsyz tagallalary netijesinde ýurdumyz syýasy ulgamda uly ösüşler gazanýar. Türkmenistan döwletimiziň halkara gatnaşyklaryndaky çözgütleri we daşary syýasy ýörelgeleri, ilkinji nobatda, Bitaraplyk hukuk ýagdaýyna esaslanýar. Ýagny, ädilmeli her bir ädimde, durmuşa geçirilmeli her bir taslamada we amala aşyryljak wezipeler kesgitlenende Bitaraplygyň umumy kabul edilen hukuklarynyň hem-de borçlarynyň çäklerinde hereket edýär. Häzirki döwürde bitaraplygyň dünýä derejesindäki ähmiýetine uly baha berilýär. Şunuň bilen baglylykda, BMG-niň parahatçylygyň we durnuklylygyň strategik düzgünlerine doly gabat gelýän türkmen Bitaraplygyna aýratyn orun degişlidir. Halkara bileleşigi hemişelik Bitaraplyk hukuk ýagdaýyna özara düşünişmek we ynanyşmak, deňhukuklylyk we netijeli hyzmatdaşlyk boýunça syýasy-diplomatik şertleri döretmegiň pugta guraly hökmünde garaýar. 2007-nji ýylyň 10-njy dekabrynda paýtagtymyzda BMG-niň Merkezi Aziýa üçin öňüni alyş diplomatiýasy boýunça sebit merkezi açyldy. Bu wezipäni çözmekde BMG-niň Türkmenistany saýlamagy, türkmen diplomatiýasynyň gazananlaryny dünýä tejribesi bilen utgaşdyrmagy ýurdumyzyň parahatçylyk dörediji, durnukly ösüşi goldaýan we halklaryň abadançylygy ugrunda hereket edýän merkezdigini bütin dünýä äşgär etdi.

12 Dekabr 2023

Bagtyýarlyk binýady

Hormatly Prezidentimiziň parasatly baştutanlygynda döwletimiziň milli maksatlary we wezipeleri parahatçylyk söýüjilikli daşary syýasat strategiýasynyň ýörelgeleri bilen özara baglanyşýar. Bu baglanyşyk Türkmenistanyň hemişelik Bitaraplyk halkara hukuk ýagdaýynyň binýatlaýyn ýörelgeleri bilen utgaşýar. Netijede, hemişelik Bitaraplyk hukuk ýagdaýy Türkmenistana halkara giňişlikde okgunly ösmäge mümkinçilik berdi, içerki abadançylygy üpjün etdi hem-de oňyn gatnaşyklary mundan beýläk-de giňeltmek üçin ähli zerur şertleri döretdi. Döwlet Baştutanymyzyň yzygiderli tagallalary netijesinde ýurdumyzyň dünýä syýasatynda, ykdysadyýetinde eýeleýän mynasyp orny häzirki wagtda has-da pugtalanýar. Bu bolsa täze wezipeleri kesgitlemäge, ösüşiň täze belentliklerini nazarlamaga mümkinçilik berýär. Hormatly Prezidentimiziň nygtaýşy ýaly, Türkmenistan geljekde hem dünýäniň ähli döwletleri bilen hoşniýetli goňşuçylyk, hormat goýmak, deňhukuklylyk we özara bähbitli hyzmatdaşlyk ýörelgelerine esaslanýan Bitaraplyk syýasatyny üýtgewsiz dowam eder. Dünýäde parahatçylygy we howpsuzlygy pugtalandyrmak, hoşniýetli erk-islege daýanýan dost-doganlyk gatnaşyklaryny giňeltmek, durnukly ösüşi üpjün etmek ýaly esasy ýörelgeler Türkmen döwletiniň daşary syýasatynyň ileri tutýan ugurlarynyň hatarynda bolar.

12 Dekabr 2023

Bitaraplygyň dostlary — parahatçylygyň ilçileri

Düýn, ýagny 12-nji dekabrda berkarar döwletimizde Halkara Bitaraplyk güni şatlyk-şowhuna beslenip, uludan bellenip geçildi. Baýramçylyk mynasybetli gözel paýtagtymyz Aşgabatda, «akylly» şäher Arkadagda, ähli welaýatlarymyzda sungat ussatlarynyň konsertleri guralyp, ýurdumyzyň asuda asmanyny aýdym-sazyň ýakymly owazy gurşady. Halkara Bitaraplyk gününiň öňüsyrasynda Türkmenistanyň «Ahalteke atçylyk sungaty we atlary bezemek däpleri» atly milli hödürnamasynyň Birleşen Milletler Guramasynyň Bilim, ylym we medeniýet meseleleri boýunça guramasynyň (ÝUNESKO) Adamzadyň maddy däl medeni mirasynyň sanawyna girizilendigi hem-de BMG-niň Ykdysady we Durmuş geňeşiniň mejlisinde Garaşsyz, hemişelik Bitarap döwletimiziň Birleşen Milletler Guramasynyň Ilat we ösüş boýunça komissiýasynyň 2024 — 2028-nji ýyllar üçin agzalygyna saýlanandygy baradaky hoş habarlaryň ýurdumyza gelip gowuşmagy watandaşlarymyzyň baýramçylyk ruhuny has-da belende göterdi.

12 Dekabr 2023

Asuda ösüşiň kepili

Garaşsyzlyk türkmen halky üçin altyn eýýamyň gapysyny açdy, Türkmenistany hemişelik Bitaraplygyň mekanyna öwürdi. Bu dünýäde ykrar edilen hakykatdyr. Bitaraplyk ýurdumyzyň taryhy, geosyýasy, medeni ýörelgelerine laýyk gelip, dünýä giňişliginde, şeýle hem içerki ösüşde Türkmenistanyň üstünlikleriniň inkär edip bolmajak we möhüm şertleriniň biridir. Bitaraplyk ösüşiň, howpsuzlygyň, durmuş abadançylygynyň özeni hökmünde ýurdumyzyň raýatlarynyň aňyna berk ornaşdy. Halkara gatnaşyklar ulgamynda bolsa, Bitaraplyk birek-birege hormat goýmagyň, deňhukuklylygyň, özara bähbitli hyzmatdaşlygyň esasynda döwletleriň arasyndaky gatnaşyklaryň nyşany hökmünde çykyş edýär.

12 Dekabr 2023

Garaşsyz, hemişelik Bitarap Türkmenistanyň halkyna

Eziz watandaşlar! Sizi Arkadag Serdarly bagtyýar ýaşlar ýylynda giňden bellenilýän Halkara Bitaraplyk güni hem-de bütin dünýäde uly ähmiýetli waka bolan Garaşsyz Watanymyzyň hemişelik Bitaraplygynyň 28 ýyllyk baýramy bilen tüýs ýürekden gutlaýaryn.

12 Dekabr 2023

Bagtyýarlygyň ýalkymy

Garaşsyz, baky Bitarap Türkmenistan Watanymyzyň Birleşen Milletler Guramasynyň Baş Assambleýasy tarapyndan hemişelik Bitaraplyk hukuk ýagdaýyna eýe bolanyna 28 ýyl boldy. «Türkmenistanyň hemişelik Bitaraplygy» atly Kararnama 2015-nji ýylda BMG-niň Baş Assambleýasy tarapyndan ikinji gezek makullanyldy. Ýurdumyzyň başlangyjy bilen, dünýäniň syýasy senenamasynda täze baýramçylyk — Halkara Bitaraplyk güni döredildi. Dünýäde BMG tarapyndan ykrar edilen ilkinji Bitarap döwlet bolan Garaşsyz, baky Bitarap Watanymyz parahatçylygyň, dost-doganlygyň mekany. Şu ýylyň noýabrynda Mary şäherinde «Beýik Ýüpek ýolunyň täze eýýamy» ady bilen Merkezi Aziýa ýurtlarynyň we Hytaý Halk Respublikasynyň ýaşlarynyň forumynyň geçirilmegi hem munuň tassyknamasyna öwrüldi. Bu forumy geçirmek teklibi şu ýylyň maý aýynda Hytaýyň Sian şäherinde «Merkezi Aziýa — Hytaý» forumynda geçirilen döwlet Baştutanlarynyň birinji sammitinde hormatly Prezidentimiz tarapyndan öňe sürüldi. Bu başlangyç Berkarar döwletiň täze eýýamynyň Galkynyşy döwründe türkmen ýaşlarynyň dünýäniň dürli ýurtlaryndaky deň-duşlary bilen dostlukly gatnaşyklaryny pugtalandyrmak, giň dünýägaraýyşly, öz halkynyň däp-dessurlaryna, milli mirasyna belent sarpa goýýan, bilimli, zehinli ýaş nesli terbiýelemek babatda köpugurly işleriň durmuşa geçirilýändiginiň aýdyň beýanydyr.

12 Dekabr 2023

Millilige ýugrulan türkmen Bitaraplygy

Her ýylyň ahyrky aýynyň 12-sine bellenilýän bu baýramyň dabarasy şu ýyl has-da uly boldy. Ol diňe bir ata Watanymyzyň ykbalynda däl, eýsem, halkara derejesinde dünýä ýurtlarynyň arasyndaky dost-doganlyk gatnaşyklaryny pugtalandyrmaga ýardam berýän wakalara baýlygy bilen tapawutlandy. Munuň şeýledigini Garaşsyz hem-de baky Bitarap Türkmenistan Watanymyzda ylym, bilim boýunça, medeniýetdir sungat babatda, syýasy-ykdysady ugurlary öz içine alýan halkara maslahatlarynyň onlarçasynyň ýokary taýýarlyk derejesinde geçirilmegi-de subut edýär.

12 Dekabr 2023

Şanly baýramçylyk dabaralara beslendi

Berkarar döwletiň täze eýýamynyň Galkynyşy döwründe halkymyz hemişelik Bitaraplygymyzyň şanly 28 ýyllygyny uludan toýlady. Türkmen halky ata Watanymyzyň Ýer ýüzündäki abraý-mertebesini has-da beýgeltmek, onuň ykdysady kuwwatyny ýokarlandyrmak, hormatly Prezidentimiziň beýik özgertmelerine mynasyp goşant goşmak hyjuwy bilen joşýar. Bu gün il-günümiz adalatyň, berkararlygyň dabaralanýan döwründe baky Bitaraplyk ýörelgesi bilen aýdyň geljegine barýar. Eziz Diýarymyza çäksiz buýsanjy bolan mähriban halkymyz eşretli zamananyň hözirini görýän günlerinde agzybirlikde Halkara Bitaraplyk gününi giňden belledi. Ýurdumyzda bu ajaýyp baýramçylyk mynasybetli aýdym-sazly dabaralara, maslahatlara dürli çärelere giňden orun berildi. Asylly däbe görä, Bitaraplyk binasyna gül desseleri goýuldy.

12 Dekabr 2023

Parahatçylygyň röwşen şuglasy

Häzirki ajaýyp döwrümizde toýlarymyz toýlara ulaşýar. Ýurdumyzda uly dabaralar bilen bellenilen Halkara Bitaraplyk güni hem şanly baýramymyzdyr. Bitaraplyk öz gözbaşyny mukaddes ýörelgelerden alyp gaýdýar. Halkymyz goňşy halklar bilen dostana we özara düşünişmek ýörelgelerini durmuşynyň manysyna öwrüp gelipdir. Şonuň üçin hemişelik Bitaraplygymyzyň baýramy uludan toýlandy. Arkadagly Gahryman Serdarymyzyň baştutanlygynda türkmen Bitaraplygynyň mazmuny has giň mana eýe bolýar. 1995-nji ýylyň 12-nji dekabrynda BMG-niň Baş Assambleýasynyň mejlisinde «Türkmenistanyň hemişelik Bitaraplygy hakynda» Kararnama kabul edildi.

12 Dekabr 2023

Abadançylygyň ak ýoly

Düýn Halkara Bitaraplyk güni mynasybetli uly dabaralar geçirildi. Bu ajaýyp baýram parahatçylygyň we asudalygyň belent waspydyr. Dünýä halklary bilen dost-doganlyk gatnaşyklaryny berkidip, asuda we abadan durmuş üçin hyzmatdaşlyk etmek türkmeniň ata-baba dowam edip gelýän asylly ýörelgeleridir. Bitaraplyk düşünjesiniň esasynda hem halkymyza mahsus bolan parahatçylyk söýüjilik, dost-doganlyk, ynanyşmak, asudalyk ýaly gymmatlyklar orun alýar. Bu günki gün halkymyz hormatly Prezidentimiziň öňdengörüjilikli, pähim-parasata ýugrulan içeri hem-de daşary syýasatyna daýanyp, eşretli durmuşyň hözirini görüp ýaşaýar. Birleşen Milletler Guramasy tarapyndan ykrar edilen hemişelik Bitaraplyk hukuk derejesi bolsa Watanymyzyň abadançylygynyň kepili hökmünde dünýä nur saçýar. Hemişelik Bitaraplyk halkymyza tükeniksiz bagt eçildi. Ýurdumyza dünýäde we sebitde parahatçylygyň üpjün edilmegine uly goşant goşmaga, dünýä döwletleri bilen özara bähbitli syýasy, ykdysady we medeni gatnaşyklary ýola goýmaga mümkinçilik berdi. Türkmen halky Bitaraplygyň beren şeýle giň mümkinçiliklerinden peýdalanyp, jemgyýetçilik durmuşynyň ähli ugurlarynda uly ösüşlere eýe boldy. Ykdysadyýetde, syýasatda, medeniýetde we ylym-bilim ulgamlarynda düýpli özgertmeleri amala aşyrdy.

12 Dekabr 2023

Şanly senäniň buýsanjy

Gadymy türkmen topragyna Arkadag Serdarly bagtyýar ýaşlar ýylynyň buýsançly senesi bolan Halkara Bitaraplyk güni ýetip geldi. Türkmen halkynyň milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň belleýşi ýaly, Bitaraplyk Garaşsyz Watanymyzyň hemmetaraplaýyn gülläp ösmegine, halkymyzyň bagtyýar durmuşa ýetmegine giň ýol açdy. Hut şonuň üçinem Halkara Bitaraplyk güni ýurdumyzyň çar künjeginde giňden bellenilip geçilýär. Şu buýsançly senäniň toý-dabarasy biziň welaýatymyzda-da alyslara aşdy.

12 Dekabr 2023

Parahatçylyk söýüjiligiň halkara baýramy

Welaýatymyzda hemişelik Bitaraplygymyzyň 28 ýyllygy dabaraly bellenildi

12 Dekabr 2023

Lebapda Halkara Bitaraplyk güni bellenilýär

Şu gün ýurdumyzyň ähli sebitlerinde bolşy ýaly, Gündogar welaýatda-da Halkara Bitaraplyk gününiň dabaralary giňden bellenildi. Olara bagtyýar ildeşlerimiz agzybirlik bilen gatnaşdylar. Ir säher çagynda welaýat merkezindäki Baş Baýdak meýdançasynda we ähli etrap-şäherleriň Baýdak meýdançalarynda keşbine baky Bitaraplygymyzdan nyşan bolan zeýtun şahajyklaryny siňdiren Döwlet baýdagymyz Döwlet senamyzyň joşgunly mukamynyň astynda belende göterilip, şanly toýuň dabarasy asman belentligine ýaýyldy. Soňra ýaşuly nesliň we jemgyýetçilik guramalarynyň wekilleriniň baýramçylyk gutlaglaryna gezek berildi. Ildeşlerimiziň ýürek buýsançlary baýramçylyk gününiň ir säherindäki dabaralaryň ählisine aýratyn şadyýanlyk we bagtyýarlyk ruhuny çaýdy. Soňra baýramçylyk dabaralaryny aýdym-sazly çykyşlar gurşap aldy. Welaýatymyzyň görnükli sungat ussatlary hemişelik Bitaraplygymyzy we sakasynda hormatly Prezidentimiz duran beýik tutumlary joşgunly aýdymlar bilen wasp etdiler.

12 Dekabr 2023

Baýramçylyk konserti

Ýurdumyzyň baky Bitaraplygynyň 28 ýyllyk şanly toýy mynasybetli welaýat merkezindäki «Türkmeniň ak öýi» binasynyň ajaýyp sahnasynda baýramçylyk konserti geçirildi. Welaýatymyzyň medeniýet we sungat ussatlarynyň çykyşlaryna giň orun berlen konsert köpöwüşginliligi bilen aýratyn tapawutlandy. Baýramçylyk sahnasynda dürli ýurtlaryň aýdym-sazlary, ajaýyp tanslary ýaýbaňlandyryldy.

12 Dekabr 2023

Hemişelik Bitaraplygymyzyň şanyna

Baky Bitaraplygymyzyň şanly 28 ýyllygyny dabaralandyrmak maksady bilen, «Bitarap Watanym — toý-baýramlaryň mekany» atly buýsançly şygar astynda baýramçylyk dabarasy geçirildi. Daşoguz şäher häkimliginiň, welaýat Medeniýet müdirliginiň, okuw jaýlarynyň bilelikde guramagynda şäheriň Baş baýdak meýdançasynda geçirilen dabara talyp ýaşlar uly ruhubelentlik bilen gatnaşdylar. Baýramçylyk sahnasynda welaýatymyzyň medeniýet we sungat ussatlarynyň çykyşlary giňden ýaýbaňlandyryldy.

12 Dekabr 2023

Türkmenistanyň Ministrler Kabinetiniň giňişleýin mejlisi

Aşgabat, 11-nji dekabr (TDH). Şu gün hormatly Prezidentimiz Serdar Berdimuhamedow ýurdumyzyň daşary ýurtlardaky diplomatik wekilhanalarynyň, konsullyk edaralarynyň we halkara guramalaryň ýanyndaky wekilhanalarynyň ýolbaşçylarynyň gatnaşmagynda Ministrler Kabinetiniň giňişleýin mejlisini geçirdi. Onuň gün tertibine Bitarap döwletimiziň halkara giňişlikde alyp barýan daşary syýasatyna degişli möhüm meseleler girizildi. Döwlet Baştutanymyz mejlisi açyp, ertir, 12-nji dekabrda uly baýramyň — Halkara Bitaraplyk gününiň bellenip geçiljekdigini nygtap, ýygnananlary we mähriban halkymyzy bu şanly sene bilen tüýs ýürekden gutlady hem-de hemmelere berk jan saglyk, abadan, bagtyýar durmuş, uly üstünlikleri arzuw etdi.

12 Dekabr 2023

‹
1
2
3
4
5
6
7
8
...
64
65
›