Türkmenmetbugat

''Demokratiýa we hukuk'' žurnaly

Esaslandyryjysy: Türkmenistanyň Döwlet, hukuk we demokratiýa instituty
Salgysy: Aşgabat şäheri, A. Nowaýy köçe 2022 jaý 86
Telefon belgileri: 38-06-00

Žurnaly PDF görnüşinde ýükläp almak

Makalalar

“Merkezi Aziýa — Germaniýa” formatynyň çäklerinde netijeli hyzmatdaşlygyň geljegi kesgitlenildi

Türkmen halkynyň Milli Lideri, Türkmenistanyň Halk Maslahatynyň Başlygynyň Germaniýa Federatiw Respublikasyna iş sapary tamamlandy Berlin — Aşgabat, 29-njy sentýabr (TDH). Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Germaniýa Federatiw Respublikasyna iş sapary tamamlandy.

30 Sentýabr 2023

Türkmen halkynyň Milli Lideri, Türkmenistanyň Halk Maslahatynyň Başlygynyň Germaniýa Federatiw Respublikasynyň Federal Kansleri bilen duşuşygy

Berlin, 29-njy sentýabr (TDH). Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow GFR-e iş saparynyň çäklerinde Germaniýa Federatiw Respublikasynyň Federal Kansleri Olaf Şols bilen duşuşdy. Germaniýanyň Federal Hökümetiniň Baştutany belent mertebeli myhmany ýene-de bir gezek mübärekläp, ikiçäk duşuşykda ikitaraplaýyn gatnaşyklaryň ileri tutulýan meselelerini ara alyp maslahatlaşmaga dörän mümkinçilige kanagatlanma bildirdi. Bu gatnaşyklar häzirki günde has netijeli häsiýete eýe bolýar. Federal Kansler Olaf Şols hormatly Prezidentimiz Serdar Berdimuhamedowa salamyny we iň gowy arzuwyny beýan edip, german-türkmen hyzmatdaşlygynyň giň mümkinçilikleriniň we uly kuwwatynyň bardygyny belledi hem-de öz ýurdunyň bu hyzmatdaşlygy ähli ugurlar boýunça mundan beýläk-de ösdürmäge ygrarlydygyny tassyklady.

30 Sentýabr 2023

Türkmen-german işewürlik maslahaty: ykdysady hyzmatdaşlygyň ugurlary anyklaşdyryldy

Berlin, 29-njy sentýabr (TDH). Şu gün GFR-iň paýtagtynda Türkmen-german işewürlik maslahaty geçirildi. Maslahata türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň gatnaşmagy onuň ähmiýetini has-da artdyrdy. Ýurdumyzda we onuň çäkleriniň daşynda geçirilýän işewürlik duşuşyklarynyň hormatly Prezidentimiz Serdar Berdimuhamedowyň baştutanlygynda döwletimiziň häzirki döwürde gazanýan üstünliklerini, Türkmenistanyň maýa goýum kuwwatyny açyp görkezmek üçin meýdança bolup hyzmat edýändigini bellemek gerek. Daşary ýurtly gatnaşyjylar üçin bolsa şeýle duşuşyklar özleriniň geljegi uly taslamalaryny tanyşdyrmagy babatda oňat mümkinçilikdir. Däbe öwrülen şeýle forumlar dürli pudaklara maýa goýumlaryň gelýän möçberini artdyrmaga, kiçi we orta telekeçiligi ösdürmäge, ykdysady ösüşi çaltlandyrmaga we milli ykdysadyýetiň bäsdeşlige ukyplylygyny ýokarlandyrmaga ýardam edýär. Bu forumlarda döwletara söwda-ykdysady hyzmatdaşlygy giňeltmegiň täze ýollarydyr gurallary kesgitlenilýär.

30 Sentýabr 2023

Hazar kenaryndaky mediaforum halklary has-da ýakynlaşdyrýar

Golaýda Russiýa Federasiýasynyň Astrahan şäherinde VIII Hazar mediaforumy geçirildi. Astrahan oblastynyň gubernatorynyň administrasiýasynyň guramagynda ýylyň-ýylyna geçirilmegi däbe öwrülen döredijilik çäresine Hazarýaka ýurtlaryň bäşisiniň — Azerbaýjanyň, Eýranyň, Gazagystanyň, Russiýanyň we Türkmenistanyň wekiliýetleri gatnaşdylar. Foruma synçy hökmünde Belarusdan, Özbegistandan, Gyrgyzystandan, Hindistandan (wideoaragatnaşyk arkaly) hem bilermenleriň gatnaşmaklary bolsa onuň sebitiň daşynda-da uly meşhurlyga eýe bolýandygyny görkezýär. Russiýa Federasiýasynyň Prezidentiniň administrasiýasynyň, RF-niň Sanly ösüş, aragatnaşyk we köpçülikleýin kommunikasiýalar hem-de Daşary işler ministrlikleriniň goldamagynda guralan nobatdaky mediaforum «Jemgyýetçilik diplomatiýasy we sosial media halklary ýakynlaşdyrmagyň şerti hökmünde» mowzugyna bagyşlandy. Çärä gatnaşan tejribeli žurnalistlerdir ýaş hünärmenler bu meýdançanyň çäginde maglumat hyzmatdaşlygynyň giň meseleleri boýunça pikir alyşmaga hem-de birek-birek bilen gyzyklanma bildirilýän göni dialogy ýola goýmaga mümkinçilik aldylar. Forumyň plenar mejlisinde çykyş eden wekiller jemgyýetiň durmuşynda köpçülikleýin habar beriş serişdeleriniň orny barada öz garaýyşlaryny paýlaşdylar. Bölü

30 Sentýabr 2023

«Açyk gapylar» syýasatyndan ugur alyp

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda halkara gatnaşyklar ulgamynda uly üstünlikler gazanylýar. Türkmenistan döwletimiziň alyp barýan «Açyk gapylar» daşary syýasaty dünýä döwletleri, şol sanda iri halkara guramalar, kompaniýalar bilen gatnaşyklary hoşniýetli esasda ösdürmäge mümkinçilik berýär. Munuň şeýledigini döwlet Baştutanymyz Serdar Berdimuhamedowyň hem-de türkmen halkynyň Milli Lideri, Gahryman Arkadagymyz Gurbanguly Berdimuhamedowyň kabul edişlikleri aýdyňlygy bilen tassyklaýar. 25-nji sentýabrda hormatly Prezidentimiz Russiýa Federasiýasynyň Astrahan oblastynyň gubernatory Igor Babuşkini kabul etdi. Myhman döwlet Baştutanymyzy Türkmenistanyň Garaşsyzlygynyň 32 ýyllygy mynasybetli tüýs ýürekden gutlady we Astrahan oblasty bilen Türkmenistany dürli ugurlar boýunça ösdürilýän netijeli hyzmatdaşlyk gatnaşyklarynyň baglanyşdyrýandygyny nygtady. Duşuşygyň dowamynda özara haryt dolanyşygynda harytlaryň görnüşlerini giňeltmek babatda umumy maksatlaryň bardygy aýdyldy.

29 Sentýabr 2023

Türkmenistan — Germaniýa: köpýyllyk hyzmatdaşlyga ygrarlylyk

Häzirki wagtda Türkmenistan döwletimiziň Ýewropa Bileleşiginde esasy hyzmatdaşlarynyň biri bolan Germaniýa bilen ýola goýlan ikitaraplaýyn gatnaşyklar özara hormat goýmak, ynanyşmak we açyklyk ýörelgeleri esasynda üstünlikli ösdürilýär. Çünki ýurtlaryň ikisi hem hyzmatdaşlygyň köp taraplary babatda uly kuwwata eýe bolup, bar bolan kuwwatlyklar dürli ugurlarda ikitaraplaýyn gatnaşyklary işjeňleşdirmek, geljegi uly täze taslamalary durmuşa geçirmek üçin giň mümkinçilikleri açýar. Muny 28-29-njy sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Germaniýa Federatiw Respublikasyna amala aşyran iş sapary aýdyňlygy bilen tassyklaýar. 28-nji sentýabrda hormatly Prezidentimiziň tabşyrygy boýunça türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Maslahat köşgünde Gahryman Arkadagymyzyň ýolbaşçylygyndaky wekiliýetiň Germaniýa Federatiw Respublikasyna amala aşyrjak saparynyň öňüsyrasynda iş maslahatyny geçirdi. Oňa Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralarynyň ýolbaşçylary, ýurdumyzyň hususy düzümleriniň, köpçülikleýin habar beriş serişdeleriniň wekilleri gatnaşdylar. Iş maslahatynyň dowamynda türkmen-ge

29 Sentýabr 2023

Ösüşlere tarap

Halkara ýük daşalyşy amala aşyrylanda dürli döwletleriň çäklerinden geçmek zerurlygy ýüze çykýar. Ulag-logistikasy amala aşyrylanda ulag görnüşleriniň we amatly ugruň dogry saýlanyp alynmagy, ýükleriň alyja öz wagtynda çalt we arzan gowşurylmagyna täsir edýär. Şunuň bilen baglylykda, ulag logistikasy — ulag ulgamynyň ähli ugurlaryny özünde jemleýän, ykdysady pudaklary baglanyşdyrýan düşünjedir. Ýurdumyzda ulag-logistika ulgamyny ösdürmegiň ylmy ugurlaryny işläp taýýarlamak üçin gümrük seljermelerine seredeniňde, ol şu maksatlardan, ýagny beýleki ýurtlar bilen özara peýdaly hyzmatdaşlygy üpjün etmekden, harytlary logistika merkeziniň ammarlarynyň ýanynda ýerleşdirmekden, ulag çykdajylaryny tygşytlamakdan we paýlamak çykdajylaryny azaltmakdan, eksport ýükleriniň köp bolmagyny gazanmakdan hem-de harytlaryň we hyzmatlaryň hiliniň halkara ülňülerine laýyk gelmegini üpjün etmekden ugur alýar.

29 Sentýabr 2023

Aşgabat-Türkmenabat awtobany Özbegistan bilen ulag aragatnaşygynyň ösdürilmegine ýardam eder

Gurluşygy dowam edýän Aşgabat – Türkmenabat ýokary tizlikli awtomobil ýoly Özbegistan bilen ulag aragatnaşygyny ösdürmäge uly mümkinçilikleri açar. Bu barada Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň duşenbe güni “Neýtralnyý Turkmenistan” gazetinde çap edilen makalasynda habar berildi. Mälim bolşy ýaly, 600 kilometrlik awtomobil ýolunyň gurulmagy ýurduň ýol-ulag düzüminiň geçirijilik mümkinçiliklerini gowulandyrmaga uly mümkinçilikleri döredýär. Ol logistika hyzmatlarynyň ýerine ýetirilişini çaltlandyrar we hilini ýokarlandyrar, şeýle hem Türkmenistanyň çäklerinden geçirilýän ýükleriň möçberlerini artdyrmak we ýük geçirilişini tizleşdirmek üçin amatly şertleri döreder.

29 Sentýabr 2023

Türkmenistan Hytaýa uzaýan täze demir ýol taslamasyna gyzyklanma bildirýär

Türkmenistan Merkezi Aziýanyň ulag gatnaşyklarynyň ösüşine täze itergi berjek Hytaý – Gyrgyzystan – Özbegistan demir ýol taslamasynyň gurluşygyna gyzyklanma bildirýär. Bu barada Türkmenistanyň Ministrler Kabinentiniň ýanyndaky Ulag we kommunikasiýalar agentliginiň Baş direktorynyň orunbasary Batyr Annaýew 25-26-njy sentýabrda Hytaýyň Pekin şäherinde geçirilen Merkezi Aziýa döwletleriniň we Hytaýyň ulag ministrleriniň birinji duşuşygyndaky çykyşynda mälim etdi. Baş direktoryň orunbasary şeýle taslamalaryň durmuşa geçirilmeginiň Merkezi Aziýa sebitini möhüm ulag-üstaşyr merkeze öwürmäge, bu sebit arkaly Hytaý bilen Ýewropanyň we aýlag ýurtlarynyň arasynda ýükleri daşamaga hem-de söwdany ösdürmäge ýardam etjekdigini nygtady. Bu barada Türkmenistanyň Ministrler Kabinentiniň ýanyndaky Ulag we kommunikasiýalar agentligi habar berýär.

29 Sentýabr 2023

Türkmenistan Eýrana we Gazagystana çenli optiki-süýümli aragatnaşyk ulgamyny çekmegi meýilleşdirýär

Türkmenistan Eýrana we Gazagystana çenli iki sany optiki-süýümli aragatnaşyk ulgamyny çekmegi meýilleşdirýär. Bu barada Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň “Neýtralnyý Türkmenistan” gazetinde duşenbe güni çap edilen makalasynda aýdylýar. Makalada bellenilişi ýaly, bar bolan aragatnaşyk ulgamlary gowulandyrmak we täze halkara optiki-süýümli aragatnaşyk ulgamyny çekmek meýilleşdirilýär. Mämmethan Çakyýewiň makalasynda bu ulgamyň Balkan welaýatynyň Garabogaz şäherçesi bilen Gazagystanyň Temir-baba şäherçesiniň arasynda, şeýle hem Balkanda ýerleşýän Etrek etraby bilen Eýranyň Kummet-Kowus şäheriniň arasynda çekiljekdigi bellenilýär.

28 Sentýabr 2023

Myhmansöýerligiň merkezi

26-njy sentýabrda Türkmenistanda bolmagynyň maksatnamasynyň çäklerinde Russiýa Federasiýasynyň Tatarystan Respublikasynyň Baştutany Rustam Minnihanow türkmen halkynyň Milli Lideri Gahryman Arkadagymyz bilen duşuşdy. Şol gün hormatly myhman Köpetdagyň etegindäki gözel künjekde ýerleşýän Arkadag şäherine hem geldi. Görogly adyndaky döwlet atçylyk sirkinde belent mertebeli myhmana ahalteke bedewleriniň çykyşlary görkezildi. Soňra myhman şäheriň çäginde gurlan kottejler toplumyna baryp gördi.

27 Sentýabr 2023

Doganlaryň Duşenbe duşuşyklary

(Başlangyjy gazetiň geçen sanynda). Duşenbede anna güni geçirilen sammit hem ýokary derejede boldy. Milli kitaphananyň binasynda gurnalan media merkezinde doganlyk halklaryň žurnalistleri uly ekranyň başyna geçdiler.

27 Sentýabr 2023

Türkmen halkynyň Milli Lideri, Türkmenistanyň Halk Maslahatynyň Başlygy Russiýa Federasiýasynyň Tatarystan Respublikasynyň Baştutany bilen duşuşdy

Aşgabat, 26-njy sentýabr (TDH). Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Garaşsyzlyk güni mynasybetli dabaralara gatnaşmak üçin ýurdumyza gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Myhman mähirli kabul edilendigi üçin tüýs ýürekden hoşallyk bildirip, Gahryman Arkadagymyzy Watanymyzyň Garaşsyzlygynyň 32 ýyllygy bilen gutlady we şu baýramçylyk günlerinde doganlyk Türkmenistana ýene-de gelmäge dörän mümkinçilige örän şatdygyny nygtady. Bellenilişi ýaly, Tatarystan Respublikasynda türkmen halkynyň Milli Lideriniň dostluk we hoşniýetli goňşuçylyk gatnaşyklaryna esaslanýan netijeli dialogyň pugtalandyrylmagyna goşan saldamly şahsy goşandyna ýokary baha berilýär.

27 Sentýabr 2023

Dünýäniň nazary toýly mekanda

Seýil-seýranly, çardagly, çarbagly ajap Watan — Garaşsyz, hemişelik Bitarap Türkmenistan goja Zeminiň iň abadan künjegidir. Ýaşaýyş jaýlarynyň, toplumlaryň, täze edara binalarynyň dabaraly açylyşlary bilen birlikde Diýarymyzda ýokary derejeli maslahatlaryň, forumlaryň geçirilmegi ildeşlerimiziň baýramçylyk şatlygyny has-da artdyrdy. Şeýle halkara derejeli forumlaryň biri Aşgabat şäherindäki Arçabil myhmanhanasynda «Garaşsyz, hemişelik Bitarap Türkmenistan halkara habarlar giňişliginde» ady bilen geçirildi. Media foruma dünýäniň onlarça ýurdundan öňdebaryjy maglumat we teleýaýlymlar ulgamlarynyň jogapkär wekilleri gatnaşdylar. Türkmenistanyň taryhy döwrüň içinde gazanan sepgitleri, ýeten derejeleri ummasyzdyr. Hut şu täzelikler dünýäniň köpçülikleýin habar beriş serişdeleriniň üns merkezinde saklanylýar. Bu media forumyň döwrebap žurnalistika boýunça bilimlerini artdyrmakda, dünýägaraýşyny giňeltmekde ýaşlar üçin ähmiýeti örän uludyr. Ýeri gelende, bu çärä Türkmen döwlet medeniýet institutynyň telewideniýe žurnalistikasy, teleradio gepleşikleri guramak we alyp barmak hünäriniň talyplarynyň hem gatnaşandygyny bellemek gerek.

26 Sentýabr 2023

«Garaşsyz, hemişelik Bitarap Türkmenistan Halkara habarlar giňişliginde» atly halkara media forumy geçirildi

Düýn, Aşgabat şäheriniň «Arçabil» myhmanhanasynda Türkmenistanyň Garaşsyzlygynyň 32 ýyllygy mynasybetli halkara media forumy geçirildi. Geçirilen çäräniň esasy maksady Türkmenistanyň daşary ýurtlaryň köpçülikleýin habar beriş serişdeleri bilen bilelikde halkara hyzmatdaşlygyny pugatalandyrmakdan ybaratdyr. Foruma ýöriteleşdirilen düzümleriň, Türkmenistanyň hem-de dünýä döwletleriniň habar beriş serişdeleriniň wekilleri gatnaşyp, ýurdumyzyň üstünliklerini halk köpçüligine ýetirmek we täze tehnologiýalaryň kömegi bilen habar beriş serişdeleriniň tutýan orny kesgitlendi.

26 Sentýabr 2023

Awstriýanyň Demir ýol kompaniýasy Türkmenistana ýük daşar

Awstriýanyň Federal demir ýollarynyň ýük bölümi “Orta geçelge” ady bilen tanalýan Hazarüsti halkara ulag geçelgesi arkaly Türkmenistana, Gazagystana we Özbegistana ýük daşar. Şunda daşalýan ýüküň howpsuzlygy we ygtybarlygy doly üpjün edilip, ol 30 gün töwereginde eltiler. Halkara geçelge arkaly Merkezi Aziýa döwletleriniň saýlanyp alynmagy soňky döwürde bu ýurtlaryň Ýewropa döwletleri bilen söwda-ykdysady hyzmatdaşlygy işjeň ösdürýändikleri bilen baglanyşyklydyr.

26 Sentýabr 2023

Türkmenistanyň Prezidenti Russiýa Federasiýasynyň Astrahan oblastynyň gubernatoryny kabul etdi

Aşgabat, 25-nji sentýabr (TDH). Şu gün hormatly Prezidentimiz Serdar Berdimuhamedow Russiýa Federasiýasynyň Astrahan oblastynyň gubernatory Igor Babuşkini kabul etdi. Russiýanyň iri sebitiniň ýolbaşçysy türkmen topragynda bildirilen myhmansöýerlik üçin hoşallygyny beýan edip, döwlet Baştutanymyzy Türkmenistanyň Garaşsyzlygynyň 32 ýyllygy mynasybetli tüýs ýürekden gutlady. Şeýle hem I.Babuşkin Türkmenistana gelmäge örän şatdygyny belläp, Astrahan oblasty bilen Türkmenistany ozaldan gelýän dostluk hem-de dürli ugurlar boýunça ösdürilýän netijeli hyzmatdaşlyk gatnaşyklarynyň baglanyşdyrýandygyny nygtady.

26 Sentýabr 2023

Türkmenistan we Koreýa Respublikasy demir ýol pudagynda hyzmatdaşlygy ösdürmegi meýilleşdirýär

"Türkmendemirýollary" agentliginiň ýolbaşçylary sanly ulgam arkaly Koreýa Respublikasynyň Ulag, infrastruktura we ýer serişdeleri ministrliginiň, Koreýanyň Demir ýol korporasiýasynyň we "Koreýanyň Demir ýollary" döwlet kompaniýasynyň wekilleri bilen gepleşikleri geçirdiler. Gepleşiklere gatnaşyjylar demir ýol we oňa degişli desgalaryň gurluşygy, demir ýol düzümini elektrikleşdirmek we beýleki ugurlarda döwletara derejesinde we hususy kompaniýalaryň arasynda hyzmatdaşlygy ösdürmäge gyzyklanmalaryny mälim etdiler. Şunuň bilen baglylykda, bu pudakdaky hyzmatdaşlyk ugurlaryny öwrenmek maksady bilen şu ýylyň oktýabrynyň ahyrynda ýa-da noýabryň başynda koreý wekiliýetiniň Türkmenistana saparyny guramak ylalaşyldy.

26 Sentýabr 2023

Türkmen wekiliýeti Barselona deňiz portunyň işi bilen tanyşdy

Türkmenistanyň wekiliýeti Barselona şäherinde geçen deňiz portlarynyň edara ediş işi ulgamyndaky üç günlük okuw maslahatyna gatnaşdy.  Maslahata gatnaşyjylar Ortaýer deňzinde iň uly Barselona portunyň innowasion işi bilen tanyşdylar. Wekiliýetiň agzalary portuň çäklerinde gezelenç etdiler, gämileriň ýüklenýän hem-de port polisiýasynyň bölümlerine baryp gördüler hem-de ýük we ýolagçy ýüklenende ýerine ýetirilýän howpsuzlyk amallary bilen tanyşdylar.  

26 Sentýabr 2023

Garaşsyz Türkmenistan halkara habarlar giňişligine ynamly goşulyşýar

Düýn paýtagtymyzdaky «Arçabil» myhmanhanasynda «Garaşsyz, hemişelik Bitarap Türkmenistan halkara habarlar giňişliginde» atly halkara mediaforum geçirildi. Köpçülikleýin habar beriş serişdeleriniň wekilleri üçin guralan bu wekilçilikli çäre Watanymyzyň Garaşsyzlygynyň 32 ýyllyk şanly senesine bagyşlandy. Ýeri gelende bellesek, şu günler Garaşsyzlygymyzyň şöhratly baýramyna bagyşlanyp geçirilýän çärelere gatnaşmak üçin daşary ýurtly myhmanlar paýtagtymyza gelýärler. Şolaryň hatarynda dünýäniň 15-e golaý döwletinden habarlar agentlikleriniň wekilleri hem halkara mediaforuma gatnaşmak maksady bilen Aşgabatda myhman bolýarlar. Olaryň baş baýramymyz mynasybetli guraljak döwlet derejesindäki beýleki çärelere-de gatnaşmaklary göz öňünde tutulýar. Mediaforuma gatnaşyjylaryň hatarynda daşary ýurtlaryň, şol sanda Russiýa Federasiýasynyň «Большая Азия» jogapkärçiligi çäkli jemgyýetiniň, Aziýa — Ýuwaş umman teleradiogepleşikler birleşiginiň (ABU), «SONY» korporasiýasynyň, «Russia Today», «TRT World» teleýaýlymlarynyň, «New Media Networks» kompaniýasynyň hem-de ýurdumyzyň köpçülikleýin habar beriş serişdeleriniň ýolbaşçylarydyr wekilleri bar. Forumyň dabaraly açylyşynda, ilki bilen, 24-nji sentýabrda üstünlikli geçirilen Türkmeni

26 Sentýabr 2023

‹
1
2
...
69
70
71
72
73
74
75
...
245
246
›