Ýurdumyzyň ykdysady strategiýasynda haryt bolçulygynyň üpjün edilmegine, daşary ýurtlardan getirilýän harytlaryň ornuny tutýan önümleriň önümçiliginiň artdyrylmagyna uly ähmiýet berilýär. 3-nji aprelde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň paýtagtymyzdaky Söwda-senagat edarasynda ýaýbaňlandyrylan sergä baryp, ýurdumyzyň söwda toplumyna degişli düzümleriň we telekeçileriň mümkinçilikleri bilen tanyşmagy hem bu hakykaty nobatdaky gezek tassyklady.
Sergi bilen tanyşlygyň dowamynda Gahryman Arkadagymyz, ilki bilen, dokma toplumlarynyň ýokary hilli önümleri bilen tanyşdy.
