Türkmenmetbugat

Halk bähbidini nazarlaýan beýik işler

Berkarar döwletiň täze eýýamynyň Galkynyşy döwründe Türkmenistan döwletimizi hemmetaraplaýyn ösdürmek, halkymyzyň abadan we bagtyýar durmuşyny üpjün etmek Milli Liderimiz tarapyndan başy başlanyp, häzirki wagtda Arkadagly Gahryman Serdarymyzyň parasatly baştutanlygynda üstünlikli durmuşa geçirilýän syýasy strategiýanyň ileri tutulýan ugurlarydyr. Şu jähetden, milli ykdysadyýetimiziň ähli pudaklarynyň sazlaşykly ösüşi halk bähbidini nazarlaýan beýik işleriň üstünlikli durmuşa geçirilýändigini görkezýär. Halk Maslahatynyň şu ýylyň 24-nji sentýabrynda geçirilen mejlisinde döwlet Baştutanymyz çuňňur mazmunly çykyş edip, ýurdumyzda ýerine ýetirilen işleriň jemlerini jemlemek bilen, milli ykdysadyýetimiziň ähli pudaklarynyň öňünde durýan möhüm wezipelere ünsi çekdi. Hormatly Prezidentimiziň belleýşi ýaly, Garaşsyzlyk ýyllarynda ýurdumyz belent sepgitlere ýetdi. Döwletimiziň at-abraýyny ýokary derejä ýetiren Gahryman Arkadagymyzyň beýik başlangyçlary, döwletli tutumlary bilen ata Watanymyz kuwwatly döwlete öwrüldi. Milli ykdysadyýetimiziň yzygiderli ösdürilmegi ilatymyzyň hal-ýagdaýyny has-da gowulandyrmaga şert döredýär. Jemi içerki önümiň durnukly ösüşiniň üpjün edilmegi ýaýbaňlandyrylan giň gerimli özgertmeleriň üstünlikli durmuşa geçirilýändiginiň görkezijisi bolup hyzmat edýär.

22 Noýabr 2024

Türkmenistan — Özbegistan: işewürlik gatnaşyklarynda täze mümkinçilikler

Merkezi Aziýa sebitiniň ýurtlary bilen hoşniýetli goňşuçylyga esaslanýan hyzmatdaşlygy ösdürmek hormatly Prezidentimiziň üstünlikli durmuşa geçirýän daşary syýasatynyň möhüm ugurlarynyň biridir. Şunda Özbegistan Respublikasy bilen özara hormat goýmaga, ynanyşmaga, bähbitleriň umumylygyna daýanýan gatnaşyklara aýratyn ähmiýet berilýär. 20-21-nji noýabrda Lebap welaýatynyň edara ediş merkezi Türkmenabat şäherindäki «Türkmeniň ak öýi» binasynda Türkmenistanyň we Özbegistan Respublikasynyň II sebitara forumynyň hem-de özbek harytlarynyň milli sergisiniň geçirilmegi munuň aýdyň mysalydyr.

22 Noýabr 2024

Hyzmatdaşlyk

Parahatlyk geljege iň mukaddes mirasdyr

Häzirki wagtda sebitiň ýurtlarynyň özara hyzmatdaşlygyny ösdürmek hem-de işjeňleşdirmek wajyp wezipe bolup durýar. Çünki Merkezi Aziýany örän güýçli we çalt depginler bilen ösýän, şonuň ýaly-da, geljegi uly ykdysady sebitlere goşmaga ýurtlarymyzda ähli mümkinçiliklerdir artykmaçlyklar bolup, bu wezipäni üstünlikli çözmek, ilkinji nobatda, sebit hyzmatdaşlygyny ösdürmäge oňaýsyzlyk döredýän täsirleri aradan aýryp biljek netijeli gurallary işläp taýýarlamagy we durmuşa ornaşdyrmagy talap edýär. Şu jähetden, 24-nji oktýabrda BMG-niň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy bilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň biragyzdan kabul edilmegi möhüm ähmiýete eýedir. Ilkinji nobatda, sebitimiziň — Merkezi Aziýanyň ýurtlaryny ösen syýasy, ykdysady we ruhy medeniýetiň, taryhy umumylygyň berk baglanyşdyrýandygyny bellemek gerek. Şol baglanyşygyň esasynda dostlukly gatnaşyklarymyzy häzirki zaman şertlerinde üstünlikli ilerletmek üçin tagallalary birleşdirmek zerur. Bu babatda Türkmenistan sebit we halkara giňişlikde oňyn başlangyçlar bilen çykyş edip, giň goldawa, belent ykrarnama eýe bolýar. Munuň nobatdaky mysaly «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň kabul edilmegidir. Birleşen Milletler Guramasyna agza ýurtlaryň köpüsiniň Bitarap Türkmenist

22 Noýabr 2024

Bitaraplyk

Hoşniýetli goňşuçylyk, mizemez dostluk

Türkmen halkynyň durmuşynda «goňşy» sözi uly orun tutýar. Muňa biz halk döredijiligine, edebiýata ser salanymyzda has-da aýdyň göz ýetirýäris. Iň ýakyn goňşymyz — Merkezi Aziýa sebitinde okgunly ösýän döwletleriň biri bolan Özbegistan Respublikasy bilen netijeli gatnaşyklar hormatly Prezidentimiziň parasatly baştutanlygynda amala aşyrylýan daşary syýasy strategiýamyzyň ileri tutulýan ugurlarynyň biridir. Şu ýylyň 18 — 20-nji noýabrynda dostlukly döwletiň Türkmenistandaky Medeniýet günleriniň geçirilmegi döwletara gatnaşyklarda medeni diplomatiýa möhüm ornuň degişlidigini görkezýär.

22 Noýabr 2024

Nesilleriň terbiýe mekdebi

Nusgawy şahyrymyz Magtymguly Pyragynyň baý edebi mirasyny öwrenmek hem-de ýaşlaryň arasynda wagyz etmek boýunça giň gerimli işler alnyp barylýar. Şunuň bilen baglylykda, ýakynda «Zenan kalby» žurnalynyň redaksiýasynyň akyldar şahyrymyzyň doglan gününiň 300 ýyllygy mynasybetli taýýarlan ýörite meýilnamasyna laýyklykda, Lebap welaýatynyň Kerki etrabynda «tegelek stoluň» başynda söhbetdeşlik geçirildi. Etrap medeniýet merkezinde geçirilen bu söhbetdeşlige etrabyň edara-kärhanalarynda zähmet çekýän dürli kärdäki ýaşlar, tejribeli halypalar gatnaşdylar. Söhbetdeşlikde Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap geňeşiniň başlygy Arzuw Rahmanowa çykyş edip, bagtyýar ýaşlaryň müňlerçesini özüne birleşdirýän Ýaşlar guramasynyň etrap geňeşi tarapyndan ýaş nesli watançylyk ruhunda terbiýelemek, ylymly-bilimli, giň dünýägaraýyşly, sagdyn bedenli, belent ruhly ýaşlaryň kemala gelmegi babatda wagyz-nesihat çäreleriniň, döredijilik duşuşyklarynyň, zehin bäsleşikleriniň yzygiderli geçirilýändigini nygtady. Şunda zehinli ýaşlaryň gatnaşmagynda geçirilen «Magtymguly sözlär, sözün soňlamaz», «Şahyryň arzuwlan zamany geldi» atly döredijilik duşuşyklaryny, akyldar şahyryň halk nakyllaryna, atalar sözlerine öwrülen baý şahyrana dünýäsini ýaşlaryň arasynda wagyz-nesihat etmek maksady bilen geçirilen medeni çäreleri aýratyn bellemek gerek. Çykyş edenler

22 Noýabr 2024

Gündogar bagşysyn diňle, Günbatar! (Dünýä we ýaşlar)

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda ýaş nesilleriň halkara derejesinde geçirilýän olimpiadalarda, ylmy-amaly maslahatlarda, konsertlerde, sungat festiwallarynda yzygiderli çykyş etmegi üçin giň mümkinçilikler döredilýär. Şunuň bilen baglylykda, 7 — 14-nji noýabrda Germaniýa Federatiw Respublikasynda «Geljek häzir — Merkezi Aziýa» ady bilen festiwalyň geçirilmegi möhüm ähmiýete eýedir. Türkmenistanyň, Gazagystanyň, Özbegistanyň, Gyrgyzystanyň, Täjigistanyň hem-de Germaniýa Federatiw Respublikasynyň saz toparlarynyň gatnaşmagynda geçirilen sungat festiwalynyň baş maksady zehinli ýaşlaryň özara pikir-tejribe alyşmagyny üpjün etmekden, döredijilik gatnaşyklaryny berkitmekden, şeýle-de halklaryň milli medeniýetlerini dünýä tanatmakdan ybarat boldy. Sungat festiwalynda ýurdumyza Maýa Kulyýewa adyndaky Türkmen milli konserwatoriýasynyň talyplary wekilçilik etdiler. Medeni maksatnama laýyklykda, gatnaşyjylar üçin Berlin şäherine gezelençler guralyp, Brandenburg orkestriniň ýerine ýetirmeginde gyzykly konsert geçirildi.

22 Noýabr 2024

Ýaşlygyň uly serpaýy

Adamzat jemgyýetiniň ösüşi ýaş nesiller bilen aýrylmaz baglanyşykly bolup, ýaşlaryň ukypdyr zehini bütin adamzadyň abadançylygyna gönükdirilýär. Şunuň bilen baglylykda, Gahryman Arkadagymyz: «Zehinli adamlar Watanymyzyň ezizleridir. Zehini açmak bolsa eziz Diýarymyzda durmuşa geçirilýän döwletli işlerde birjik-de ünsden düşürilmeýän wezipedir» diýip nygtaýar. Her ýyl bolşy ýaly, «Pähim-paýhas ummany Magtymguly Pyragy» ýylynda hem zehinli, Watanymyzy ösdürmäge mynasyp goşant goşmaga ukyply ýaşlaryň ençemesine Türkmenistanyň Ýaşlar baýragynyň gowşurylmagy ýaş nesilleriň döredijilik başlangyçlaryna goýulýan belent sarpanyň aýdyň nyşany boldy.

22 Noýabr 2024

Ýeňişli ýollaryň ýaraşygy

Çagalygymdan bäri altyn güýze gözelligiň, täzeligiň hem-de tämizligiň pasly hökmünde garaýaryn. Ömür başlangyjymyň başlanan bu pasly her bir adamyň kalbynda täsin hem-de täsirli duýgulary oýarýan bolsa gerek. Şol özboluşly duýgular bolsa ajaýyp arzuwlaryň taryna kakyp, olary bagtyýarlyga çagyrýar. Arzuwlaryň hasyl bolmak üçin döreýändigine Türkmenistanyň Ýaşlar baýragynyň eýesi bolan günüm has-da aýdyň göz ýetirdim. Çünki akyldar şahyrymyz Magtymguly Pyragynyň adyny göterýän bu ýylymyzda ýüregimde beslän arzyly arzuwlarym wysalyna gowuşdy. Ynamyň hem-de yhlasyň bir bitewüliginden kemal tapan arzuwlar hemişe-de hereketdedir, durmuş menzillerinde ýolbeletdir.

22 Noýabr 2024

Arzuwlar wysal tapanda

Düýn ýalydy çagalygynda känbir oýunjak oýnap görmedik oglanjygyň bäş ýaşamanka kitaplary daşyna üýşürip, olaryň her bir sahypasyny okany. Düýn ýalydy şol çagajygyň gazet-žurnallardan geň-taň wakalary tapyp, ýa bolmasa, Magtymguly Pyragynyň goşgularyny kakasyna begenip, geň galyjylyk bilen okap berýäni. Sebäbi onuň çagalygynyň iň gowy diňleýjisi kakasydy. Düýn ýalydy onuň başlangyç synp mugallymy bilen hoşlaşanyna duýgulanyp, iki bent goşgy ýazany... Hawa, hemme zat düýn ýalydy...

22 Noýabr 2024

Biz — juda bagtly ýaşlar!

Atam — görnükli şahyr Italmaz Hudaýberdiýew şygryýetiň ýeňil bolmadyk ýoluna gadam goýanymda, begenjinden gözlerine ýaş aýlap: «Abraý bilen alyp çyk, gyzym! Siz — juda bagtly ýaşlar! Wasp etmäge ajaýyp döwrümiz bar. Şahyra bolsa şundan uly bagt gerek däldir» diýipdi. Her gezek ele galam alanymda, atamyň şu sözlerini serimde aýladym.

22 Noýabr 2024

Söz sizden, Ýaşlar baýragynyň eýeleri!

Joşgun PUHANOW,Türkmenistanyň Goranmak ministrliginiň Harby-deňiz institutynyň 4-nji ýyl harby talyby: — Watan goragy — mukaddesligiň goragy. Şoňa görä-de, «Pähim-paýhas ummany Magtymguly Pyragy» ýylynda mukaddes Garaşsyzlygymyzyň şanly 33 ýyllyk baýramçylygy mynasybetli guralan dabaraly harby ýörişe gatnaşmagym, şeýle-de Ýaşlar baýragynyň eýesi bolmagym kalbyma egsilmez ylham bagyşlady. Bu tolgundyryjy wakalar Watanymyza, halkymyza, hormatly Belent Serkerdebaşymyza bolan guwanç, buýsanç duýgularymyzy goşalandyrdy. Biz — bagtdan paýly, sylagdan serpaýly ýaşlar! Ýaş nesillere uly ynam bildirýän hormatly Belent Serkerdebaşymyza bimöçber sagbolsunlarymyzy aýdýarys.

22 Noýabr 2024

Duýguly dünýä

KÖŇÜL Köp syry bar, bar syryny                            äşigär etmez köňül,Öz ýoly bar, her göreniň                            ýoluna gitmez köňül,Ogrudan ýa jümrüden hiç                            ätiýaç etmez köňül,Hakdan gelen emri bardyr,                          pos basyp ýatmaz köňül,Hergiz köňül hazynasyn                          bir pula satmaz köňül,Misli Güneş,                    nury birle nirlere ýetmez köňül,Uzak-uzak bu ýollarda çat açmasyn,                                                  synmasyn,Iki dünýe abat bolsun, döwülse,                                           bitmez köňül...

22 Noýabr 2024

Depder sahypasynyň gyralaryndaky ýazgylar (Dostluk köprüsi)

ÖTGÜR HAŞIMOW (1941 — 2013),Özbegistanyň halk ýazyjysy. AÝ BILEN GÜN

22 Noýabr 2024

Garaşylmadyk duşuşyk (Hekaýa)

«KIÇIJEK ADAMYŇ GÜRRÜŇLERI» HEKAÝALAR TOPLUMYNDAN Men ony gören dessime begenjimden ýaňa ýüregim agzymdan çykaýjak boldy. Bu şoldy, maňa köp ýagşylyk eden, birwagt elimden tutup, goldan-goran, meniň şu günki ýeten derejäme sebäp bolan adamdy. Men ony köp wagt bäri görmändim, nirededigini, näme iş bilen meşguldygyny, haýsy künjekde ýaşaýandygyny sorap-idäp anyklapdym, emma ýanyna barmaga aýgyt edip bilmeýärdim.

22 Noýabr 2024

Ylham joşguny

SOWAL Saňa kitap okap bereýinmi?Ýüregimde gopýan gowgalar hakda,Heniz ýazylmadyk romanlar hakda,Maňa görülmedik rowalar hakda,Kitap okap bereýinmi?Ybarat ol bölek-büçek sahypalardanHemem şoňa meňzeş hakydalardan.

22 Noýabr 2024

Durmuş-ykdysady ösüşiň batly gadamlary

Ýurdumyz «Pähim-paýhas ummany Magtymguly Pyragy» ýylynda hormatly Prezidentimiziň parasatly syýasatynyň netijesinde durmuş-ykdysady taýdan ösüşiň belentliklerine tarap gadam basmak bilen, oňyn özgerişlere eýe bolýar. Muňa 15-nji noýabrda döwlet Baştutanymyz Serdar Berdimuhamedowyň sanly ulgam arkaly Ministrler Kabinetiniň nobatdaky mejlisini geçirmegi aýdyň şaýatlyk edip, onda döwlet durmuşynyň birnäçe meselelerine garaldy. Hususan-da, Mejlisiň Başlygynyň maglumaty, wise-premýerleriň hasabatlary diňlenildi, möhüm wezipelere üns çekildi we milli ykdysadyýetimiziň pudaklaryny ösdürmek bilen bagly tabşyryklar berildi. 2025-nji ÝYL ÜÇIN DÖWLET BÝUJETI TAÝÝARLANYLDY

18 Noýabr 2024

Ýylyň şygary belent üstünliklerimizi şöhlelendirmelidir

Ministrler Kabinetiniň şu ýylyň 8-nji noýabrynda sanly ulgam arkaly geçirilen mejlisinde hormatly Prezidentimiz ýurdumyzda her ýyly döwrebap atlandyrmak boýunça ýylyň şygarynyň yglan edilýändigini we nyşanynyň kabul edilýändigini belledi hem-de Mejlisiň Başlygyna deputatlaryň halkymyz bilen maslahatlaşyp, täze — 2025-nji ýyla at bermek we nyşanyny kesgitlemek boýunça degişli teklipleri taýýarlamalydygyny aýtdy. Şunuň bilen baglylykda, 16-njy noýabrda milli parlamentiň binasynda 2025-nji ýyly döwrebap atlandyrmak we onuň nyşanyny kesgitlemek boýunça maslahat geçirildi. Maslahata Mejlisiň Başlygy, Halk Maslahatynyň Diwanynyň iş dolandyryjysy, Ministrler Kabinetiniň Başlygynyň orunbasary, daşary işler ministri, deputatlar, jemgyýetçilik guramalarynyň ýolbaşçylarydyr wekilleri gatnaşdylar. Onda halkymyzyň, şol sanda ýaşlaryň 2025-nji ýyly döwrebap atlandyrmak hem-de onuň nyşanyny kesgitlemek bilen bagly tekliplerini öwrenmek, ýerlerde bu babatda maslahatlary, duşuşyklary geçirmek bilen bagly wezipeler ara alnyp maslahatlaşyldy.

18 Noýabr 2024

«Gorkut ata» atly IV halkara kinofestiwal öz işini tamamlady

Mälim bolşy ýaly, 13 — 15-nji noýabry aralygynda türki döwletleriň wekilleriniň gatnaşmagynda paýtagtymyzda geçirilen «Gorkut ata» atly IV halkara kinofestiwal öz işini tamamlap, Türkmenistanyň Döwlet medeniýet merkeziniň Mukamlar köşgünde ýeňijileri sylaglamak dabarasy boldy. Bu medeni çäre myhmansöýer türkmen topragynda türki döwletleriň kino sungatynyň wekillerini bir ýere jemläp, parahatçylyk, hoşniýetlilik we döredijilik ýörelgeleriniň mizemezliginiň aýdyň beýanyna öwrüldi. Kinofestiwalyň jemleri boýunça çeper filimler ugry boýunça «Iň gowy çeper film», «Iň gowy režissýor», «Iň gowy ssenariý», «Iň gowy erkek keşbi», «Iň gowy zenan keşbi» baýraklary gowşuryldy. Ilkinji üç orna mynasyp bolan iň gowy dokumental filmler sylaglandy. Şeýle-de aýratyn tapawulanan wekillere türki medeniýete goşan goşandy üçin baýraklar berildi.

18 Noýabr 2024