"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Her damjasy eşrepi

Bu goja Zemindäki ýaşaýşy suwsuz göz öňüne getirmek mümkin däl. Aslynda, Zemine jan beren, barça janly-jandaryň, ösümlikleriň döremegine sebäp bolan suw ahbetin! Ýigrimi birinji asyrda, adam aňynyň has ösen döwründe-de suw ezeli ähmiýetini — ýaşaýyş gymmatyny birjik-de peseldenok. Öz akyl-paýhasy bilen Arş gämisini ýasap, ýedi gat asmana çykmagy başaran, köp zatlary kompýuterler arkaly dolandyryp bilýän adam, suwuň öňünde hemişe-de baş egýär. Ençeme aýlap Arş gämisinde ylmy işleri alyp barýan kosmonawtlar üçin zerur bolan iýmiti kiçijik gapjagazdaky emeli goýaltma ýa-da kindiwanja gerdejik bilen çalşyp bilen, başga-da zerur hasaplanan köp zatlaryň oruntutarlaryny döredip bilen adamyň suwy hiç bir zat bilen çalyşmaga, onuň oruntutaryny döretmäge heniz-henizler-ä akyly çatanok. Bu geljekde-de başardar öýdemok. Çünki ähli zatlary döretmekde suw derwaýys bolsa-da, göräýmäge adaty zat hasaplanylýan bu gudratyň oruntutaryny döretmek welin, asla mümkin däl. Dogry, soňky döwürlerde internet saýtlarynda alymlaryň howadan suw almagy başarandyklary ýa-da suwuň külke görnüşini döredendikleri baradaky habarlar gabat gelýär. Ýöne howanyň düzüminde-de suwuň bardygyny ýatlasak, onda howadan suw almak onuň oruntutarynyň döredilendigini aňlatmaýar. Suwuň külke görnüşi hakynda aýdylanda bolsa, dünýä howasynyň maýlamagy bilen bagly meýilnamanyň çäklerinde Beýik Britaniýanyň alymlary suwy owuntyk g

12 Mart 2021

Oba hojalyk

Beýik işler halkyň bähbidine

Hormatly Prezidentimiziň parasatly baştutanlygynda halkymyzyň hal-ýagdaýyny gowulandyrmak, şäherleri we obalary ösdürmek, adamlaryň döredijilikli zähmet çekmegini, medeniýetli dynç almagyny we bagtyýar durmuşda ýaşamagyny üpjün etmek ugrunda giň gerimli işler amala aşyrylýar. Munuň üçin yzygiderli kabul edilýän döwlet maksatnamalary üstünlikli durmuşa geçirilýär. Bagtyýar zamanamyzda halkymyzyň ýaşaýyş-durmuş şertleriniň barha ýokarlanýandygyna has aýdyň göz ýetirmek üçin, onçakly uzak bolmadyk geçmişe göz aýlamak ýeterlikdir. Şu ýyl mukaddes Garaşsyzlygyň şanly 30 ýyllyk baýramyny giňden belleýän eziz Watanymyzyň özygtyýarly ösüş ýoluna gadam basanyna, taryhy nukdaýnazardan seretseň, onçakly uzak döwür hem geçenok. Muňa garamazdan, şeýle gysga döwürde Garaşsyz, baky Bitarap Türkmenistan asyrlara barabar ösüşleri gazandy, halkymyzyň durmuş şertleri görlüp-eşidilmedik derejede ýokarlandy. Geçmişe nazar aýlasak, baryp çärýek asyr mundan ozal hem öý-hojalyk tehnikalary, awtoulaglar, ähli amatlyklar bilen üpjün edilen ýaşaýyş jaýlary, ýokary hilli harytlar we hyzmatlar adamlaryň arzuw edýän zatlarynyň hatarynda görülýärdi. Häzir bolsa, bularyň ählisi durmuşymyzda adaty bolaýmaly şertlere öwrüldi. Has ähmiýetlisi-de, Garaşsyz döwletimiz dünýäniň iň howpsuz, asuda we ýaşamak üçin iň oňaýly ýurtlarynyň biri hökmünde ykrar edildi.

12 Mart 2021

Syýasat

Dünýä çempionatyna taýýarlyk

Hormatly Prezidentimiziň tagallalarynyň netijesinde köpçülikleýin bedenterbiýe hereketiniň we sportuň pajarlap ösýän ýurduna öwrülen Türkmenistanda iri halkara sport bäsleşikleri yzygiderli geçirilýär. 2017-nji ýylda Diýarymyzda Ýapyk binalarda we söweş sungaty boýunça V Aziýa oýunlarynyň, 2018-nji ýylda Amul — Hazar halkara awtorallisiniň we Agyr atletika boýunça dünýä çempionatynyň üstünlikli geçirilmegi munuň aýdyň subutnamasydyr. Häzirki wagtda ýurdumyzda Welotrek boýunça dünýä çempionatyny ýokary derejede guramaga taýýarlyk görülýär. 9-njy martda hormatly Prezidentimiz Gurbanguly Berdimuhamedow «ARETI» halkara kompaniýalar toparynyň ýolbaşçysy, Halkara welosipedçiler birleşiginiň (UCI) Ýolbaşçy komitetiniň agzasy Igor Makarowy kabul etdi. Kabul edişlikde şu ýylyň 13 — 17-nji oktýabrynda geçiriljek Welotrek boýunça dünýä çempionatyna taýýarlyk görmek meseleleri ara alnyp maslahatlaşyldy.

10 Mart 2021

Syýasat

Demokratiýanyň aýdyň ýoly

Hormatly Prezidentimiziň parasatly baştutanlygynda ýurdumyzyň milli kanunçylyk ulgamy düýpli kämilleşdirilýär. Üstünlikli amala aşyrylan konstitusion özgertmeleriň netijesinde döwletimiziň wekilçilikli kanun çykaryjy döwlet häkimiýet edarasynyň gurluşy we işi özgerdilip, hil taýdan täze iki palataly parlament ulgamy döredildi. Geçen ýylyň 25-nji sentýabrynda Türkmenistanyň Halk maslahatynyň mejlisinde kabul edilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanuny şu ýylyň 1-nji ýanwaryndan herekete girip, onuň durmuşa geçirilmegi bilen baglylykda 2021-nji ýylyň mart aýynyň soňky ýekşenbesinde Türkmenistanyň Milli Geňeşiniň Halk Maslahatynyň agzalarynyň saýlawlary geçiriler. Bu saýlawlar «Türkmenistan — parahatçylygyň we ynanyşmagyň Watany» ýylymyzyň esasy jemgyýetçilik-syýasy wakasy bolup, taryhyň altyn sahypalaryna girer. Berkarar döwletimiziň bagtyýarlyk döwründe hormatly Prezidentimiziň başlangyçlary esasynda ýurdumyzda amala aşyrylýan özgertmeleri üstünlikli durmuşa geçirmek üçin ygtybarly esas bolan demokratik ýörelgeleri çuňlaşdyrmakda uly ähmiýete eýe bolar.

10 Mart 2021

Syýasat

Halkara zenanlar güni mynasybetli dabaralar

8-nji martda ýurdumyzda Halkara zenanlar güni baýram edildi. Milli ýörelgelere laýyklykda geçirilýän bu baýram döwletimizde gelin-gyzlara bolan mähirli gatnaşyklary äşgär edýär. Täze taryhy eýýamyň zähmetsöýer zenanlary milli ruhy gymmatlyklary hem-de halkymyzyň döreden dünýä nusgalyk däp-dessurlaryny döwrebap derejede dowam etdirmek bilen döwletimiziň we jemgyýetimiziň durmuşynda bolup geçýän möhüm wakalara işjeň gatnaşýarlar. Olar döwlet, häkimiýet we dolandyryş edaralarynda, ykdysadyýetimiziň dürli pudaklarynda, ylym we bilim, medeniýet we saglygy goraýyş ugurlarynda zähmet çekýärler, telekeçilik işini alyp barýarlar we ata Watanymyzyň belent derejelere ýetmegine, hormatly Prezidentimiz Gurbanguly Berdimuhamedowyň başlangyjy bilen ýaýbaňlandyrylan oňyn özgertmeleriň amala aşyrylmagyna mynasyp goşant goşmak arkaly jemgyýetçilik işleri bilen meşgullanýarlar.

10 Mart 2021

Medeniýet

Ili türkmen, ady Ýulduz

Her bir ynsanyň ömründe gaýtalanmaýan pursatlar bolýar. Är ömrüni ýaşanyňda agtyk-çowluklaryňy daşyňa üýşürip, döretmek, gurmak üçin gysga, garaşmak üçin uzyn görünýän ömrüň dowamynda şaýat bolan buýsançly wakalaryňdan söz açyp, boý boýlarsyň. Dädem Gorkutdan miras galan bu däbi dowam edip, ömürboýy ýüregiňde göterip gezen, her gezek ýatlanyňda ýylysy diňe kalbyňa däl, eýsem, bütin süňňüňe ornap gidýän ýatlamalaryňy nesliň-neberäň bilen paýlaşarsyň. Olaryň bu ýörelgäni dowam etdirerini bolsa halys ýüregiňden islärsiň. Biziň şu günki bütin il bolup buýsanýan türgen gyzymyz ýaňy iki onlugy egninden aşyran günleri ähli türkmen nesline buýsanmaga esas boljak işiň hötdesinden geldi. Türkmen halkynda hötdesinden gelmesi agyr iş amal edilse, «Är işini bitirdi» diýilmesi bardyr. Müçesiniň kiçidigi üçin daşyndan göräýmäge agyr atletikaçydyr öýtdürmeýän bu gyz türkmen halkynyň şanly-şöhratly taryhynyň gatynda orun alan edermen zenanlarymyzyň görüm-göreldesine eýerip, dünýä çempionatynda «Är işini bitirdi». Şol wakanyň dabarasy bolsa dumly-duşa at saldy. Sanly tehnologiýalaryň parlap-pajarlap ösýän zamanasynda bu hoş habar, ýagny türkmen gyzynyň dünýä çempiony bolandygynyň «buşlugy» ilki elektron neşirlerde ýerleşdirildi, soňra habar beriş serişdeleriniň sahypalaryndan orun aldy.

10 Mart 2021

Sport

Milli öndürijiler — ykdysadyýetiň daýanjy

Bu gün bazarlarymyzda we söwda merkezlerimizde alyjylara hödürlenilýän azyk önümleriniň, halkymyzyň gündelik durmuşynda peýdalanylýan hojalyk harytlarynyň we dürli görnüşli dokmaçylyk önümleriniň aglaba böleginiň milli öndürijiler tarapyndan öndürilendigini göreniňde, ata Watanymyzyň ykdysadyýetiniň depginli ösüşine buýsanjyň artýar. Bu ösüşler hormatly Prezidentimiziň çuňňur oýlanyşykly ykdysady strategiýasynyň üstünlikli durmuşa geçirilmeginiň miwesidir. Şu ýyl ähli ulgamlardaky uly üstünlikler bilen eziz Watanymyzyň mukaddes Garaşsyzlygynyň 30 ýyllyk şanly senesini garşylaýarys. Üç onýyllygy öz içine alýan döwürde ýurdumyzyň ykdysady ösüşine nazar aýlasaň, baryp asyryň başynda hem bazarlardyr söwda merkezlerde milli öndürijilerimiz tarapyndan hödürlenilýän harytlaryň görnüşleriniň sanynyň barmak basyp sanap boljak möçberde bolandygyny görmek bolýar. Hormatly Prezidentimiziň ýurt başyna geçmegi bilen Diýarymyzda hususy işewürlige giň mümkinçilikler döredildi we milli senagatymyz depginli ösüş ýoluna düşdi. Bu gün hojalyk üçin zerur harytlary almak üçin islendik söwda merkezine ýa-da dükana barsaň, öz ýurdumyzda öndürilen harytlaryň bolçulygy gözüňi dokundyrýar. Şolaryň agramly bölegi bolsa hususy ulgamyň wekilleri tarapyndan öndürilen harytlardan ybarat.

10 Mart 2021

Ykdysadyýet

Tebigaty goramakda asylly ýörelgeler

Gahryman Arkadagymyzyň baştutanlygynda ýurdumyzda alnyp barylýan toplumlaýyn we geljegi nazarlaýan ekologiýa syýasaty ekologiýa taýdan arassa gurşawy döretmäge, ýurdumyzyň tebigatynyň goralmagyna we onuň baýlyklarynyň netijeli peýdalanmagynyň üpjün edilmegine, ýaş nesilleri tebigata söýgi ruhunda terbiýelemäge gönükdirilendir. Ýurdumyzyň milli baýlygy bolan täsin tebigatymyzy gorap saklamak, onuň baýlyklaryndan aýawly peýdalanmak, şol baýlyklary halkymyzyň eşretli durmuşy üçin ulanmak, ýurtda we sebitde ekologiýa abadançylygyny üpjün etmek boýunça edilýän tagallalar Türkmenistanyň ösüş ýolunyň esasy ugurlarynyň biridir. Döwletimizde köpçülikleýin bag ekmek boýunça ählihalk dabaralaryny ýaýbaňlandyrmak işleri tebigatyň gözel keşbine görk goşmaga, ekologiýa abadançylygyny pugtalandyrmaga gönükdirilen netijeli işleriň birine öwrüldi. Bu asylly ýörelgä eýerip, her ýylky bag ekmek möwsüminde ýurdumyzyň ähli ýerlerinde saýaly, pürli we miweli agaçlaryň millionlarçasy ekilýär. Bu gün bolsa gök agaçlar seýilgählerimiziň, baglarymyzyň, köçelerimiziň bezegi hem-de binagärçilik gözelliginiň we şäherleri, obalary, senagat merkezlerini abadanlaşdyrmagyň esasy serişdesi bolup durýar.

10 Mart 2021

Tebigat

Toýlarymyzyň taryhyndan

Taryhyň dürli döwürlerinde ýurdumyza gelip gören daşary ýurtly syýahatçylardyr alymlar türkmenleriň taryhy, ýaşaýyş-durmuşy, meşgullanan kärleri barada baý maglumatlary galdyrypdyrlar. Hormatly Prezidentimiziň «Türkmen medeniýeti», «Çaý — melhem hem ylham», «Türkmenistan — Beýik Ýüpek ýolunyň ýüregi» ýaly ençeme eserleri hem taryhymyzy we milli däp-dessurlarymyzy öwrenmekde uly gollanma bolup hyzmat edýär. Halkymyzyň gadymy döwürlerden bäri dowam edip gelýän köp sanly ajaýyp däp-dessurlary bar. Şolaryň biri hem gelin toý däp-dessurlarydyr. Türkmen toýlary barada gymmatly ýazgylary galdyran A.Lomakiniň «Türkmenleriň adatlary» atly kitabynda şeýle diýilýär: «Şerigatyň kanunlaryny berjaý edýän halklaryň arasynda türkmen zenanlarynyň jemgyýetdäki mertebesiniň belent tutulýandygyny aýratyn bellemelidiris. Bu ýagdaý türkmen gyzlarynyň öz islegine görä durmuşa çykjak ýigidini saýlamak meselesinde hem aýdyň äşgär bolýar... Türkmen gyzlary ýüzlerini nykap bilen örtmeýärler. Munuň özi toýdan öň ýigit bilen gyzyň biri-birini ýakyndan synlamagyna, tanyşmagyna mümkinçilik döredýär. Sawçylyk we gudaçylyk dessurlary olaryň hossarlary tarapyndan berjaý edilýär».

10 Mart 2021

Medeniýet

Sungata sarpanyň aýdyň beýany

Hormatly Prezidentimiziň tagallasy bilen halkymyzyň milli mirasyny gorap saklamak hem-de wagyz etmek işi döwlet derejesinde rowaçlanýar. Şunuň bilen baglanyşykly, ýurdumyzyň medeniýet ulgamynyň maddy-enjamlaýyn binýadyny ösdürmekde gazanylýan netijeler hem aýratyn bellenilmäge mynasypdyr. Soňky ýyllarda teatrlaryň, muzeýleriň we kitaphanalaryň döwrebap binalary gurulýar, internet serişdeleriniň, sanly ulgamyň ornaşdyrylmagynyň netijesinde bilim ulgamy üçin täze ýokary tehnologiýaly düzümler döredilýär. Geçen ýylyň noýabr aýynda geçirilen ÝUNESKO-nyň işleri boýunça Türkmenistanyň Milli toparynyň birinji mejlisinde 2021 — 2023-nji ýyllar üçin bilelikdäki Hereketler Meýilnamasynyň hem-de Adamzadyň maddy däl medeni mirasynyň ýörite sanawyna türkmen däp-dessurlaryny girizmek boýunça ýurdumyzyň öňe sürýän täze teklipleriniň taslamalaryna garaldy. Şol däp-dessurlaryň hatarynda asyrlaryň dowamynda toplanan baý tejribe bolan üç täsin milli mekdep: ahalteke atşynaslygy, alabaý tohum itleriniň ösdürilip ýetişdirilişi hem-de türkmen medeniýetiniň naýbaşy nusgasy hökmünde dutar saz guralyny taýýarlamak we çalmak, şeýle hem, bagşyçylyk sungaty bar.

10 Mart 2021

Medeniýet

Medeni çäreler

Merjen paýtagtymyzyň şanyna Ýakynda «Demirýollary» açyk görnüşli paýdarlar jemgyýetiniň mejlisler zalynda, TDP-niň Aşgabat şäher komitetiniň «Demirýollary» açyk görnüşli paýdarlar jemgyýeti bilen bilelikde guramagynda, günbe-günden gözelleşip, dünýäniň iň owadan şäherleriniň birine öwrülýän paýtagtymyzyň esaslandyrylmagynyň 140 ýyllygy mynasybetli «Gözelligiň paýtagty sen, Aşgabat!» diýen at bilen dabaraly maslahat geçirdi.

10 Mart 2021

Medeniýet

Hyýal atym seniň bilen

Hoş ýakýar hyýalyma senli oýlara berilmek. Olar wagta boýun däl. Geljegiň bagtly pursatlaryny yzyna tirkäp, mahal-mahal serime dolýarlar. Olaryň şirin dady meni ertire — şol süýji oý-hyýallaryň hakykatyň gujagyna doljak günlerine sabyrsyzlandyrýar. Serim senli oýlara berilmäge aşyk. Olar maňa seniň bilen bagly ähli zadyň lezzetlidigini ýamaşgandan ýatladýarlar. Ynha, olaryň birinde sen tegelenipjik duran gaýma tahýaly, merdemsije egniňe haýbat berýän akja köýnekli, meniň yhlas bilen süpürip goýan kiçijek köwüşlerime ýetýän garaja jalbarly — naşyja keşpde birinji synpa okuwa barýaň. Synpyň iň öňdäki partasynda gözjagazlaryňy tegeläp, elleriňi biri-biriniň üstünde goýupjyk otyrsyň. Mekdep durmuşyna öwrenişişiňi synlamak, hemem kim bilýär, munça nätanyşlyklardan ýadyrgap, birden ýumruk ýalyjak ýürejigiň atygsap, synpdan daşyna dagy çykaýsaň, hoşamaýlyk bilen seni yzyňa dolamak üçin hälden bäri synp otagyň daşynda irikgä bolup durun. Özümem senden bäş beter tolgunýan, edil ýaňadan birinji synpa okuwa özüm gidýän ýaly.

10 Mart 2021

Medeniýet

Bagtyýarlygyň gözbaşy

Saglyk! Bu düşünjede adamlaryň bagtyýarlygynyň gözbaşy, döwletleriň ösüşi, ynsanyň ömür beýany ýatyr. Halkymyzyň milli sagdynlyk ýörelgeleri durmuşymyzyň menzillerinden eriş-argaç bolup geçýär. Häzirki döwürde hormatly Prezidentimiziň baştutanlygynda döwletimiziň baş aladalarynyň biri adam saglygy hakdaky aladadyr. Döwlet Baştutanymyz ýakynda wideoaragatnaşyk arkaly ylym-bilim, saglygy goraýyş, sport ulgamlarynyň we jemgyýetçilik guramalarynyň meseleleri boýunça iş maslahatyny geçirdi. Şol maslahatda Gahryman Arkadagymyz ýokanç keselleriň öňüni almak ýaly möhüm meseläniň üstünde durup geçip, şeýle belledi: «... biziň halkymyzda «Il saglygy — ýurt baýlygy» diýen pähim bar. Şu pähimden ugur alyp, döwletimiz raýatlarymyzyň abadan, bagtyýar we sagdyn durmuşda uzak ömür sürmegi üçin hemişe uly alada edip gelýär. Mähriban halkymyzyň saglygy bilen bagly işlerde hiç hili serişde gaýgyrmaýar».

10 Mart 2021

Saglyk

Wagyz-nesihat çäreleri

Sagdyn durmuş ýörelgeleri ündeldi Saparmyrat Türkmenbaşy etrabyndaky 13-nji orta mekdepde «Sagdyn nesil — geljegiň gözbaşy» diýen at bilen wagyz-nesihat duşuşygy geçirildi. Oňa etrap häkimliginiň, jemgyýetçilik guramalarynyň, etrap hassahanasynyň we bilim bölüminiň hünärmenleri gatnaşdylar.

10 Mart 2021

Garaşsyzlyk

Beýik ösüşler halkyň bähbidine

5-nji martda hormatly Prezidentimiz sanly wideoaragatnaşyk arkaly Ministrler Kabinetiniň mejlisini geçirdi. Onda şu ýylyň geçen iki aýynda milli ykdysadyýetimiziň pudaklarynda alnyp barlan işleriň jemleri jemlenildi, içeri we daşary syýasatyň möhüm meselelerine garaldy. Şol meseleleriň çözülmegi bolsa halkymyzyň abadançylygyny üpjün etmäge gönükdirilendir. Mejlisiň dowamynda Ministrler Kabinetiniň Başlygynyň orunbasarlary 2021-nji ýylyň ýanwar-fewral aýlarynda milli ykdysadyýetimiziň pudaklarynda, gurluşyk, energetika, ulag we aragatnaşyk, ylym-bilim, saglygy goraýyş, sport, medeniýet, halkara gatnaşyklary we beýleki ugurlarda amala aşyrylan işler, gazanylan netijeler, şeýle hem, ýurdumyzda mukaddes Garaşsyzlygymyzyň şanly 30 ýyllyk baýramyna we paýtagtymyz Aşgabat şäheriniň esaslandyrylmagynyň 140 ýyllygy mynasybetli baýramçylyk dabaralaryna görülýän taýýarlyk işleri barada hasabat berdiler.

8 Mart 2021

Syýasat

Dostlukly gatnaşyklar pugtalanýar

6-njy martda hormatly Prezidentimiz Türkiýe Respublikasynyň daşary işler ministri Mewlüt Çawuşogluny kabul etdi. Myhman wagt tapyp kabul edendigi üçin tüýs ýürekden hoşallyk bildirip, döwlet Baştutanymyza Türkiýe Respublikasynyň Prezidenti Rejep Taýyp Ärdoganyň aýdan hoşniýetli sözlerini we doganlyk türkmen halkyna iberen arzuwlaryny ýetirdi. Şunuň bilen baglylykda, türk tarapynyň Türkmenistan bilen ähli ugurlar boýunça sazlaşykly ösdürilýän däp bolan dostlukly gatnaşyklara ygrarlydygy tassyklanyldy.

8 Mart 2021

Syýasat

Mukaddeslige mynasyp hormat

7-nji martda hormatly Prezidentimiziň tabşyrygy boýunça Jemgyýetçilik guramalarynyň merkezinde ýurdumyzyň sekiz we şondan köp çagany dünýä inderen we terbiýeläp ýetişdiren enelerini hormatlamak dabarasy boldy. Türkmenistanyň Prezidentiniň Permanyna laýyklykda, olara Türkmenistanyň «Ene mähri» diýen hormatly ady dakyldy. Şonuň ýaly-da paýtagtymyzyň häkimliginiň binasynda köp çagaly maşgalalara ähli amatlyklary bolan ýaşaýyş jaýlarynyň açarlary gowşuryldy. Berkarar döwletimiziň bagtyýarlyk döwründe türkmen zenanlarynyň hemmetaraplaýyn zehini ýokary derejelere göterildi. Häzirki döwürde diňe bir maşgala ojagynda däl, eýsem, döwlet durmuşynyň möhüm ugurlarynda ýurdumyzyň zenanlary ýadawsyz zähmet çekýärler. Olar halkymyzyň köpasyrlyk däplerini we ýagşy dessurlaryny dowam etdirmäge işjeň gatnaşýarlar. Milletiň ýokary ruhy-ahlak gymmatlyklaryny saklamakda, sagdyn durmuş ýörelgelerini wagyz etmekde, ýurdumyzyň geljegi bolan ýaş nesillere döwrebap terbiýe bermekde Watanymyzyň gelin-gyzlaryna möhüm orun degişlidir.

8 Mart 2021

Medeniýet

Halkara zenanlar gününe bagyşlandy

7-nji martda ýurdumyzda giňden bellenilýän Halkara zenanlar gününiň öň ýanynda Döwlet medeniýet merkeziniň Mukamlar köşgünde mähriban enelerimiziň, gelin-gyzlarymyzyň hormatyna konsert guraldy. Baýramçylyk konserti «Ýürek mydam mähribanlyk küýseýär» diýen at bilen taýýarlanan edebi, aýdym-sazly kompozisiýa bilen başlandy. Aýdymçylar, teatrlaryň artistleri, tansçylar, çagalar toparlary kompozisiýanyň çägindäki çykyşlary bilen, ajaýyp zamanamyzyň waspyny ýetirdiler.

8 Mart 2021

Medeniýet

Ene kalbynyň sesi

Halkara zenanlar güni ýurdumyzyň dürli künjeklerinde uly dabara beslenip bellenip geçildi. Hormatly Prezidentimiziň saýasynda türkmen zenanlaryna uly hormat, sarpa goýulýar. Gelin-gyzlarymyzyň ýurdumyzyň dürli ugurlarynda zähmet çekip, Watanymyzyň ösüşli menzillerine mynasyp goşant goşmaklaryna ähli mümkinçilikler döredilýär.Golaýda Türkmenistanyň Jemgyýetçilik guramalarynyň merkezi binasynda Halkara zenanlar güni mynasybetli sekiz we şondan köp çagany dünýä inderen we terbiýeläp ýetişdiren zenanlara «Ene mähri» diýen hormatly atlaryň dakylmagy bilen bagly olaryň nyşanlarynyň gowşurylyş dabarasy boldy. Bu dabaranyň döwlet derejesinde paýtagtymyzda we welaýatlarymyzda geçirilmegi mähriban enelerimize goýulýan hormatdan nyşan bolup durýar. Biz hem «Ene mähri» diýen hormatly ada eýe bolan zenanlarymyzyň ýürek buýsançlaryny okyjylarymyza ýetirmegi makul bildik. Annagözel ÖWEZMYRADOWA,Aşgabat şäheriniň Bagtyýarlyk etrabynyň ýaşaýjysy, «Ene mähri» diýen hormatly adyň eýesi:

8 Mart 2021

Garaşsyzlyk

Suw üpjünçiliginiň hukuk esaslary

Bagtyýar zamanada abadan durmuşda ýaşaýan, döredýän we gurýan merdana halkymyz hormatly Prezidentimiziň baştutanlygynda tebigy baýlyklarymyzdan aýawly peýdalanyp, türkmen halkynyň ýaşaýşyny has gowulandyrmak, ýurdumyzy bagy-bossanlyga öwürmek, daşky gurşawy goramak, tebigata aýawly çemeleşmek, ösümlik we haýwanat dünýäsini gorap saklamak boýunça giň möçberli işleri durmuşa geçirýär. Döwletimiz adamzadyň ekologiýa babatda ýurt, sebit we dünýä möçberli wezipeleriň çözülmegine gönükdirilen bilelikdäki taslamalaryň amala aşyrylmagyna işjeň gatnaşýar. Milli Liderimiziň ekologiýa syýasatynyň maksady tebigy gurşawyň goralmagyny, tebigy baýlyklardan rejeli peýdalanmagy, jemgyýetiň ekologiýa hem-de ykdysady bähbitlerini dogry we sazlaşykly utgaşdyrmagy üpjün etmekden ybaratdyr. Türkmenistanda kabul edilýän milli maksatnamalarda ykdysady, söwda, durmuş we ekologik howpsuzlygyny üpjün etmek meseleleriniň biri-birleri bilen aýrylmaz baglanyşygy göz öňünde tutulyp, bu möhüm meseleler döwletimiziň üns merkezinde durýar.

8 Mart 2021

Tebigat