"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Şanly ýylyň şöhratly sahypalary

Her bir güni ösüş-özgerişlere beslenen «Pähim-paýhas ummany Magtymguly Pyragy» ýylynda eziz Diýarymyzda ähli ugurlar bilen bir hatarda, bedenterbiýe we sport ulgamynda hem uly üstünlikler gazanyldy. Türkmenistanly türgenleriň şu ýylyň dowamynda halkara ýaryşlarda gazanan medallarynyň sanynyň ýylyň günlerinden köpdügi kalbymyzy buýsanja besleýär. Şöhratly ýeňişler bilen ildeşlerimiziň başyny göge ýetiren türgenlerimiziň halkara giňişlikde ýeten sepgitleri we guwandyryjy wakalar hormatly Prezidentimiziň hem-de Gahryman Arkadagymyzyň tagallalary esasynda ýurdumyzda ýokary netijeli sporty ösdürmek ugrunda amala aşyrylýan işleriň rowaçlanýandygyny aýdyň görkezýär. Berkarar Watanymyza bagtyýarlyk eçilen 2024-nji ýyl ajap eýýamymyzyň belent ruhuna kybap gelip, turuwbaşdan şatlykly wakalara beslendi. Türkmenistanly türgenler eýýäm ýylyň ilkinji günlerinde halkara ýaryşlardaky dürli öwüşginli medallary bilen begendirdiler. 4 – 7-nji ýanwar aralygynda Türkiýäniň Antalýa şäherinde kýokuşinkaý karate boýunça geçirilen Aziýanyň açyk çempionatynda Ýazmuhammet Aşyrmyradow bilen Myrat Ekäýew altyn medallary gazandy. 5 – 19-njy ýanwar aralygynda Oman Soltanlygynyň Maskat şäherinde tennis boýunça 14 ýaşa çenli türgenleriň arasynda geçirilen Aziýa çempionatynyň saýlama ýaryşlarynda Ilima Guseýnowa altyn medala mynasyp boldy. Şol ýaryşyň jübütleýin görnüşde geçirilen bäsleşiginde Ilima Guse

12 sagat öň

Garaşsyzlyk

Türgenleriň täze ýyl arzuwlary

Alp Arslan BEGENJOW, Türkmen döwlet maliýe institutynyň talyby, erkin göreş boýunça 20 ýaşa çenli türgenleriň arasynda geçirilen dünýä çempionatynyň ýeňijisi:

12 sagat öň

Sport

Köňül buýsanjymyz

Eziz Diýarymyz beýik ösüşlere beslenýär, şanly wakalar halkymyzyň ruhuny belende göterýär, kalplary joşdurýar. Şeýle bagtyýar günlerde Gahryman Arkadagymyzyň «Hakyda göwheri» atly kitaby uly ilimize ajaýyp sowgat boldy. Bu nusgawy kitap türkmen halkynyň taryhyny, milli gymmatlyklaryny, gadymdan gelýän ýol-ýörelgelerini dünýä ýaýýar, ata-babalarymyzyň asylly däplerine çuňňur düşünmäge giň mümkinçilik döredýär. Kitabyň türkmen we iňlis dillerinde çap edilmegi hem şöhratly taryhymyzyň dünýä ýaýylýandygyny aýdyň beýan edýär. Mälim bolşy ýaly, şöhratly taryhyň çuňňur pelsepewi garaýyşlar bilen beýan edilmegi ýaş nesilleri terbiýelemekde hem görelde mekdebidir. Şu nukdaýnazardan, Gahryman Arkadagymyzyň «Hakyda göwheri» atly ajaýyp eseri islendik ýaşdaky adamlar üçin gymmatly gollanmadyr. Beýan edilýän çuňňur pikir, pelsepewi garaýyşlar kitabyň terbiýeçilik ähmiýetini ýokary derejelere ýetirýär. Eseriň çuňňur many-mazmunynda halkymyzyň ruhy dünýäsi, gadymdan gelýän milli medeniýeti öz beýanyny tapýar. Şonuň üçin hem, Milli Liderimiziň «Hakyda göwheri» atly kitaby ruhy dünýämizi baýlaşdyrýan çeşmedir. Hut şunuň özi hem onuň halkymyz üçin ýokary gymmatlykdygyny, ýakyn hemradygyny, gollanmadygyny aýdyň görkezýär.

12 sagat öň

Garaşsyzlyk

Sportuň we çeýeligiň ýyly

Her ýyl öz paý-nesibesi we ajaýyp wakalary bilen adamlaryň ykbalynda nurana ýatlamalary galdyrýar. «Pähim-paýhas ummany Magtymguly Pyragy» ýyly hem beýik söz ussady Magtymgulynyň döredijiligi, şan-şöhraty bilen birlikde, türkmen halkynyň abraýyny dünýä ýaýbaňlandyrdy. Nusgawy şahyrymyzyň doglan gününiň 300 ýyllygy Gahryman Arkadagymyzyň we Arkadagly Gahryman Serdarymyzyň tagallalary bilen halkara gatnaşyklarynda dostlugyň, ykdysadyýetiň, ylmyň we bilimiň gülläp ösmegine badalga boldy. Däp bolşy ýaly, gadymyýetden bäri ata-babalarymyz hem Täze ýyly ýyldyznama ylmy esasynda häsiýetlendirip, ony ýagşy umyt-arzuwlar bilen garşylapdyrlar. Müçenama boýunça 2024-nji ýyl Luw ýyly bolup, ol täze 2025-nji ýyla – Ýylan ýylyna öz ornuny berýär. Gündogar senenamasy boýunça ýetip gelýän Ýylan ýyly häsiýeti boýunça daragt, reňki boýunça ýaşyl, sany boýunça dokuzlyk (2+0+2+5=9;), daşy boýunça zümerret hasaplanylýar. Çeşmelerde Ýylan ýylynda akyl-paýhas bilen ýerine ýetirilen her bir işiň ýol aljagy nygtalypdyr. Bu barada Omar Haýýam, Mahmyt Kaşgarly, Abdylkasym Töwrizi, Abu Reýhan Biruny özleriniň ajaýyp taryhy ýazgylaryny galdyrypdyr.

12 sagat öň

Garaşsyzlyk

Agyr atletikaçylarymyzyň baýramçylyk sowgady

Türkmenistanyň ýygyndy toparynyň 19 — 25-nji dekabr aralygynda Kataryň Doha şäherinde geçirilen agyr atletika boýunça ýetginjekleriň we ýaşlaryň arasyndaky Aziýa çempionatynda gazanan uly üstünligi ýetip gelýän Täze ýyl baýramyna ajaýyp sowgat boldy. Ýaryş 20 döwletden 237 türgeni bir ýere jemledi. Türkmen döwlet bedenterbiýe we sport institutynyň talyby Şahzatbek Matýakubow 102 kg agramda Aziýanyň çempiony bolmagy başardy. Ol iki görnüşiň jemi boýunça 396 kg (silterläp 177 kg – altyn, itekläp 219 kg–altyn) agyrlygy boýun egdirdi. Şahzatbekiň itekläp galdyran agramy hem-de umumy netijesi ýaşlaryň arasyndaky dünýä rekordy hökmünde bellige alyndy.

12 sagat öň

Sport

Umumadamzat paýhasynyň şamçyragy

Beýik söz ussady Magtymguly Pyragy diňe bir Gündogaryň däl, eýsem, dünýä edebiýatynyň beýik, nusgawy şahyrlarynyň biri bolup, onuň döredijiligi dünýä halklaryny özüne çekýär. Şahyryň eserleri dürli dillerde ýaňlanyp, umumadamzat jemgyýeti tarapyndan höwes bilen diňlenilýär. Magtymguly milli düşünjäni, ruhy keşbiň aýratynlyklaryny çeper tärde ussatlyk bilen beýan edýän söz ussadydyr. Magtymgulynyň döredijiliginiň dünýädäki ähli zatlary görkezip duran Jemşidiň jamyna deňelendigi biziň hemmämize mälimdir. Elbetde, munuň özi, ilkinji nobatda, şahyryň uly döredijilik ussatlygy bilen baglydyr. Şahyry umumadamzat şahyryna öwren zat onuň halkyna, Watanyna bolan beýik söýgüsidir. Magtymguly Pyragynyň baý döredijiliginde watançylyk, mertlik, dostluk-doganlyk, il-halka bolan söýgi, ahlaklylyk, ula hormat, kiçä sarpa goýmak ýaly garaýyşlar uly orun tutýar. Şahyr mydama Watan hakdaky oý-pikirler bilen ýaşapdyr. Öz goşgularynyň üsti bilen ýaşlarda ata Watana, ene topraga bolan söýgini terbiýeläpdir, watansöýüjilik, ynsanperwerlik ýörelgelerini öňe sürüp, agzybirligi, jebisligi, gaýduwsyzlygy ündäpdir. Watana bolan söýgi, buýsanç onuň döredijiliginiň içinden eriş-argaç bolup geçýär. Pyragy: «Eşit, adam, dogan ilden, Gaýry mähriban ýurt bolmaz», «Gel, köňlüm, men saňa nesihat kylaý, Watany terk edip gidiji bolma», «Saba turup, Watan, seni çaglar men» diýip, eziz Watanyna, dogduk mekanyna bola

12 sagat öň

Garaşsyzlyk

Sportuň hem sungatyň sazlaşygy

­­Köpçülikleýin bedenterbiýä we sporta döwlet derejesinde örän uly üns berilýän sagdyn jemgyýetli, sagdyn raýatly ýurtda ähli ugurlarda uly ösüşleriň gazanylýandygy aýdyň hakykatdyr. Garaşsyz, hemişelik Bitarap Türkmenistan häzirki wagtda dünýä ýüzünde şeýle ýurtlaryň hatarynda mynasyp orun alýar. «Pähim-paýhas ummany Magtymguly Pyragy» ýylynyň şanly wakalarynyň biri hökmünde täze taryhymyza altyn harplar bilen ýazylan Türkmenistanyň Halk Maslahatynyň nobatdaky mejlisinde eden çuň many-mazmunly taryhy çykyşynda hormatly Prezidentimiziň: «Bedenterbiýäni we sporty ösdürmek, raýatlarymyzyň saglygyny berkitmek, sagdyn bedenli nesilleri ýetişdirmek döwlet syýasatymyzyň ileri tutulýan ugurlary­nyň biridir» diýip, aýratyn nygtap geçmegi hem muny doly tassyklaýar. Berkarar döwletiň täze eýýamynyň Galkynyşy döwründe eziz Watanymyzda bedenterbiýedir sport bilen meşgullanýan çagalaryň we ýaşlaryň sanynyň barha artýandygy guwandyryjydyr. Bu türkmen halkynyň Milli Lideri Gahryman Arkadagymyz tarapyndan başy başlanyp, Arkadagly Gahryman Serdarymyzyň parasatly baştutanlygynda üstünlikli durmuşa geçirilýän işleriň netijesinde ýurdumyzda bedenterbiýe-sagaldyş hereketiniň giň gerime eýe bolýandygynyň subutnamasydyr. «Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şu nukdaýnazardan, «Berkarar döwletiň täze eýýamynyň Galkynyşy: Türkmenistan

12 sagat öň

Sport

Je­bis­li­giň hem aba­dan­çy­ly­gyň ýo­ly

Sagdynlygyň we ruhubelentligiň ýurdy hökmünde dünýäde ykrar edilen Watanymyzda ýokary netijeli sporty, Olimpiýa hereketini ösdürmek, jemgyýetimizde sagdyn durmuş ýörelgesini berkarar etmek ugrunda toplumlaýyn işler durmuşa geçirilýär. Jemgyýetiň sagdynlygy ýurduň ösüşiniň wajyp şertidir. Şoňa görä-de, «Pähim-paýhas ummany Magtymguly Pyragy» ýylynda Garaşsyz, hemişelik Bitarap Türkmenistanda hormatly Prezidentimiziň baştutanlygynda bu ulgamyň kanunçylyk we maddy-enjamlaýyn binýadyny pugtalandyrmak babatda uly işler amala aşyryldy. Berkarar döwletiň täze eýýamynyň Galkynyşy döwründe ýurdumyzyň sport ulgamyny kämilleşdirmek, türkmen sportunyň dünýädäki abraýyny has-da belende galdyrmak, ildeşlerimizi sport bilen meşgullanmaga köpçülikleýin çekmek, sagdyn durmuş ýörelgelerini has-da ýaýbaňlandyrmak boýunça wezipeler üstünlikli durmuşa geçirilýär. Arkadagly Gahryman Serdarymyzyň çuňňur oýlanyşykly özgertmeleriniň netijesinde türkmenistanly türgenler halkara ýaryşlarda yzygiderli ýeňiş gazanyp, eziz Watanymyzyň abraýyny has-da beýgeldýärler.

13 sagat öň

Saglyk

Diller – dostluk köprüsi

Watansöýüji, ylym-bilimde ýüki ýetik, ösen aň-düşünjeli, beden hem ruhy taýdan kämil ýaşlar ýurdumyzyň bagtyýar geljeginiň güwäsidir. Şu maksatdan ugur alnyp, soňky ýyllarda ýurdumyzda ylym-bilim ulgamyny ösdürmek, ýaş nesliň dünýä dillerini öwrenmegi üçin giň mümkinçilikler döredilýär. «Türkmenistanda daşary ýurt dillerini okatmagy kämilleşdirmegiň Konsepsiýasynyň» kabul edilmegi hem bu babatda möhüm ähmiýetlidir. Ýakynda Täze ýyl mynasybetli Türkmenistanyň Bedenterbiýe we sport baradaky döwlet komitetiniň «Olimp» orta sport mekdebinde daşary ýurt dilleri hepdeligi geçirildi. Hepdeligiň çäklerinde okuwçy-türgenler iňlis we rus dilleri boýunça bilim başarnyklaryny görkezdiler, şol halklaryň milli tagamlaryny taýýarladylar, milli medeniýetini tanyşdyrýan çykyşlary guradylar.

13 sagat öň

Garaşsyzlyk

Futbol täzelikleri

Paýtagtymyzdaky «Sport toplumy» stadionynda geçirilen ýurdumyzyň futbol çempionatynyň 30-njy tapgyrynyň wagty süýşürilen duşuşygynda «Altyn Asyr» «Ahaldan» 1:0 hasabynda üstün çykdy. Ýeňiş gazanan toparyň goluny duşuşygyň 21-nji minutynda Röwşengeldi Halmämmedow geçirdi. Ýeri gelende bellesek, «Arkadag» topary bassyr ikinji ýyl wagtyndan öň çempion boldy. Wladimir Baýramowyň tälim berýän topary çempionatyň dowamynda ýeke utuk hem ýitirmedi.

13 sagat öň

Sport

Ýe­ňiş­li ýol do­wam ed­ýär

­­«Arkadag» toparynyň futbolçylary möwsümiň dowamynda üçünji baýragyny gazandy. Ýokary ligadaky çempionlygynyň, Naýbaşy Kubogynyň üstüni ýurdumyzyň Kubogy bilen ýetirdi. Topar «Aşgabat» köpugurly stadionynda geçirilen duşuşykda «Ahaly» 1:0 hasabynda ýeňlişe sezewar etdi. Duşuşygyň ilkinji minutlarynda «Ahal» birnäçe hüjüm guramagy başardy. Öňde çykyş edýän Meýlis Diniýewiň, Magtymberdi Berenowyň hereketleri toparyň kapitany Elman Tagaýewiň oýny bilen sazlaşykly hüjüm guramaga mümkinçilik berdi. Bu ýagdaý 10 minut çemesi dowam etdi. Şondan soň oýnuň depgini birneme gowşady. Orta gürpde dowam eden duşuşykda ilkinji howply pursat 45-nji minutda döredi. Şikes alan Şamämmet Hydyrowyň ornuna meýdana giren Begmyrat Baýowyň çep gyradan jerime meýdançasyna geçiren topuna ilki ýetişen Begenç Akmämmedow hasaby açdy.

13 sagat öň

Sport

Il saglygy – ýurt baýlygy

Taryhy wakalara beslenen «Pähim-paýhas ummany Magtymguly Pyragy» ýylynda hormatly Prezidentimiziň Türkmenistanda fiziologiýa ylmyny ösdürmegiň 2024 – 2028-nji ýyllar üçin Milli maksatnamasyny, Türkmenistanda lukmançylyk sagaldyş-dikeldiş çäreleriniň 2024 – 2028-nji ýyllar üçin Milli strategiýasyny, Türkmenistanyň immuno öňüni alyş boýunça 2024 – 2028-nji ýyllar üçin Milli maksatnamasyny tassyklamak, Ilatyň derman serişdeleri we lukmançylyk maksatlaryna niýetlenen önümler bilen üpjün edilmegini kämilleşdirmek, Halkara sagaldyş dikeldiş merkezini, Halkara fiziologiýa ylmy-kliniki merkezini döretmek, Balkan, Lebap we Mary welaýatlarynda onkologiýa hassahanalarynyň gurluşygynyň taslamalaryny maliýeleşdirmek hakynda Kararlara gol çekmegi döwletiň iň gymmatly baýlygy bolan adamyň saglygy hakynda edilýän bimöçber aladanyň beýany bolup dabaralandy. Mälim bolşy ýaly, Arkadag şäherinde «akylly» şäher konsepsiýasyndan ugur alnyp bina edilen desgalaryň hatarynda Gurbanguly Berdimuhamedow adyndaky çagalar sagaldyş-dikeldiş merkezi, Köpugurly hassahanasy, Arkadag şäheriniň Onkologiýa merkezi, Arkadag şäheriniň Enäniň we çaganyň saglygyny goraýyş merkezi, Tiz kömek merkezi, Saglyk öýi we sport maksatly desgalaryň onlarçasy bar. Gahryman Arkadagymyz «Türkmeniň döwletlilik ýörelgesi» atly eserinde: «... Saglyk baradaky alada ömrüň baradaky aladadyr» diýip belleýär. Arkadag şäheri sagdynlygyň w

13 sagat öň

Saglyk

Concern for the youth

The Japanese edition of the book ‘Ýaşlar – Watanyň daýanjy’ by the President of Turkmenistan Serdar Berdimuhamedov has been published to provoke joy of the happy youth in our country. The President of Turkmenistan presented this literary work at the end of 2023. Over the past period, the book ‘Ýaşlar – Watanyň daýanjy’ has been published in several languages. To date, the publication of the wonderful work in the Japanese language gave an impetus to strengthening friendly and fruitful relations between the peoples of two countries.

13 sagat öň

Garaşsyzlyk

Nobatdaky üstünlik

Ýokary okuw mekdebimiziň talyplaryndan ybarat bolan toparlaryň ýurdumyzda guralýan ýaryşlarda gazanýan netijeleri her birimizi diýseň buýsandyrýar. Tälimçi-mugallymlarymyzyň elinde ykjam türgenleşýän deň-duşlarymyzyň yhlasynyň ýerine düşmegi bilen, institutymyzyň «Talyp sporty» topary köplenç birinjiligi elden bermeýär. Ýaňy-ýakynda basketbol boýunça oglanlar toparymyz Türkmenistanyň çempionatyndaky netijeli çykyşyny jemledi. Institutymyzda geçirilen dartgynly ýaryşda talyp deň-duşlarymyz çempion bolmagyň hötdesinden geldiler. Geçiren duşuşyklarynyň ählisini şowly jemlemegi «Talyp sportunyň» ýeňişli ýolunyň dowam edýändigini görkezdi.

14 sagat öň

Sport

Sagdyn durmuşyň gözbaşy

Bedenterbiýe we sport bilen meşgullanmagyň peýdalydygy hemmämize mälim hakykatdyr. Sagdyn durmuş ýörelgesine eýermegiň ähmiýeti bilen baglanyşykly geçirilen köp sanly barlaglaryň netijeleri sportuň peýdaly häsiýetleri babatda täze hakykatlary ýüze çykarýar. Dürli ýurtlarda geçirilen barlaglaryň netijeleri köpçülikleýin bedenterbiýäniň we sportuň toparlaýyn görnüşleriniň uzak ýaşamak babatda has ähmiýetlidigini görkezýär. Şu pikirden ugur alynsa, tennis, badminton, woleýbol, futbol ýaly sport görnüşleri ylgawdan, suwda ýüzmekden has peýdalydyr. Hatda sagaldyş maşklaryny köpçülik bilen bilelikde ýerine ýetirýän adamlaryň bedenterbiýe bilen ýekelikde meşgullanýanlara garanyňda ortaça 1,5 ýyl töweregi uzak ýaşaýandygy ylmy tejribeler tarapyndan tassyklanandyr. Beýik Britaniýada talyplaryň arasynda geçirilen barlaglaryň netijelerine laýyklykda, sportuň toparlaýyn görnüşleri bilen meşgullanýan ýaşlaryň ruhy taýdan has sagdyn bolýandygy ýüze çykarylypdyr.

14 sagat öň

Saglyk

Ta­ryh­da şu gün

«Ullewi» stadionynda «Frelunda» hem-de «Ferýestad» toparlarynyň arasynda geçirilen duşuşyga 31144 tomaşaçy gatnaşypdyr. Üsti açyk stadionda geçirilen hokkeý duşuşyklaryndaky mundan öňki rekord Şweýsariýada goýlupdy. 2007-nji ýylda «Bern» hem-de «Lugano» toparlarynyň arasyndaky duşuşyga gelen tomaşaçylaryň sany 30076-a deň bolupdyr.

15 sagat öň

Sport

Bedenterbiýe we sport

«Türkmenistan» Ýaşlar bedenterbiýe-sport guramasynyň welaýat bölüminiň, Gökdepe etrabynyň bilim bölüminiň hem-de ylym we bilim işgärleriniň Kärdeşler arkalaşygynyň etrap geňeşiniň bilelikde guramagynda küşt boýunça ýaryş geçirildi. Okuwçylary aň-paýhas oýnuna höweslendirmekde uly ähmiýete eýe bolan ýaryş çekeleşikli häsiýete eýe boldy. Netijede okuwçy gyzlaryň arasynda 14-nji orta mekdepden Gülşirin, Oguljan Annaýewalar 1-2-nji orunlary eýelediler. Ýöriteleşdirilen 45-nji orta mekdepden Leýla Seýitmyradowa 3-nji orna mynasyp boldy. Oglanlaryň arasyndaky ýaryşda 18-nji orta mekdebiň okuwçysy Gurbanmyrat Döwletmyradow 1-nji orny eýelemegi başardy. 12-nji orta mekdepden Ýakup Bakyýew 2-nji, ýöriteleşdirilen 45-nji orta mekdepden Seýitmuhammet Çarymyradow 3-nji orunlary eýelediler.

15 sagat öň

Sport

Baýramçylyk dabarasy

Golaýda Täze ýyl baýramçylygy mynasybetli Türkmen döwlet gurjak teatrynda Türkmenistanyň Energetika ministrliginiň «Türkmenenergo» döwlet elektroenergetika korporasiýasynyň «Döwletenergogözegçilik» kärhanasynyň kärdeşler arkalaşygy tarapyndan kärhananyň merkezi diwanynyň işgärleriniň we edara-kärhanalaryň arasynda geçirilýän Spartakiadalara işjeň gatnaşýan türgenleriň gatnaşmaklarynda dabara geçirildi. Uly ruhubelentlige, joşguna beslenip geçirilen medeni çärede çagalar üçin «Şadyýan sazandalar» atly sahna oýny we «Täze ýylda körpe nesil şatlanýar» atly aýdym-sazly tomaşa görkezildi.

16 sagat öň

Garaşsyzlyk

Sazlaşykly ösüşleriň ýoly

Raýatlaryň saglygyny ähli zatdan ileri tutup, beden hem ruhy taýdan kämil nesli kemala getirmäge uly ähmiýet berýän döwletimiziň asylly maksatlarynyň myradyna gowuşmagynda bedenterbiýe we sport ulgamyna möhüm orun degişlidir. Berkarar döwletiň täze eýýamynyň Galkynyşy döwründe sagdyn durmuş ýörelgesine eýerýän ildeşlerimiziň hatarynyň yzygiderli artmagy, köpçülikleýin bedenterbiýe-sagaldyş hereketiniň geriminiň giňemegi, türgenlerimiziň dünýäniň çar ýanynda geçirilýän halkara ýaryşlarda üstünlikli çykyş etmegi Garaşsyz Watanymyzda sporty ösdürmek ugrunda döredilýän giň şert-mümkinçilikleriň ajaýyp miweleridir. Diýarymyzda soňky 15 ýyldan gowrak döwürde ýokary netijeli sporty we köpçülikleýin bedenterbiýäni ösdürmek ugrunda uzak geljegi nazarlaýan çuňňur oýlanyşykly işler durmuşa geçirildi. Paýtagtymyz Aşgabatda sebitde deňi-taýy bolmadyk ajaýyp Olimpiýa şäherçesi, Hazaryň merjen kenaryndaky gözel Awazada döwrebap sport toplumy, ýurdumyzyň ähli ilatly ýerlerinde häzirki zaman sport mekdepleri gurlup, ulanylmaga berildi. Okgunly ösüşlerimiziň, halkymyzyň bagtyýar durmuşynyň nyşany hem-de kämilligiň nusgasy bolan Arkadag şäherinde-de innowasion tehnologiýalar bilen üpjün edilen sport desgalary halkymyza hyzmat edýär. Türgenleşikleri ýokary hilli geçirmek hem-de sportuň dürli görnüşleri boýunça halkara ýaryşlary guramak üçin zerur bolan ähli mümkinçilikleri özünde jemleýän k

20 Dekabr 2024

Garaşsyzlyk

Ar­ka­dag pä­hi­min­den gal­kyn­ýan sport

Gahryman Arkadagymyzyň ýurdumyzda awtomobil sportuny ösdürmäge gönükdirilen asylly işleri hormatly Prezidentimiziň baştutanlygynda mynasyp dowam etdirilýär. Türkmen türgenleriniň halkara awtoralli ýaryşlarynda gazanýan üstünlikleri hem bu işleriň aýdyň netijesidir. 19-njy dekabrda Gahryman Arkadagymyz Içeri işler ministrliginiň Awtomobil sport toplumynyň täze binalar toplumyny gurmak üçin meýilleşdirilýän ýere baryp, ýurdumyzda awtomobil sportunyň ösdürilmeginde möhüm ähmiýete eýe boljak binalar toplumynyň taslamalary bilen tanyşdy. Türkmenistanyň içeri işler ministri Gahryman Arkadagymyza Awtomobil sport toplumynyň binalarynyň taslamalarynyň taýýarlanandygy barada hasabat berdi. Türkmenistanyň Halk Maslahatynyň Başlygy hasabaty kabul edip, ilki bilen, bu künjegiň özboluşly tebigatyny, ösümlik dünýäsini synlady. Bellenilişi ýaly, Içeri işler ministrliginiň Awtomobil sport toplumy bina edilende, bu künjegiň özboluşly tebigy aýratynlyklaryna üns berilmelidir. Sähranyň özboluşly dünýäsi göz öňünde tutulmalydyr.

20 Dekabr 2024

Garaşsyzlyk