"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Watan mukaddesligi

Watan mukaddesligi uludan-kiçä her bir türkmen raýatynyň ýüreginde gaýnaýar. Ýurduňy söýmek, Watanyň topragyny, mukaddes Garaşsyzlygymyzy goramak hormatly Belent Serkerdebaşymyzyň, Gahryman Arkadagymyzyň biziň öňümizde goýýan mukaddes borjudyr. Garaşsyz, hemişelik Bitarap Türkmenistan döwletimiz dünýäde hiç bir harby-syýasy maksatly birleşiklere we bileleşiklere goşulmaýar. Dünýäniň islendik döwleti, abraýly halkara guramalary bilen özara bähbitli ykdysady-medeni gatnaşyklary yzygiderli ösdürýär. Şu nukdaýnazardan, döwletimiziň serhedi dost-doganlyk serhedidir. Berkarar döwletimiziň bagtyýarlyk döwründe her ýylyň 27-nji ýanwarynda Watan goragçylarynyň gününiň giňden bellenilmegi, şeýle-de ýurdumyzyň serhet gullugynyň maddy-enjamlaýyn binýadynyň gowulandyrylmagy halkymyzyň abadanlygyna, asudalygyna, howpsuzlygyna berilýän düýpli ünsüň netijesidir. Hormatly Belent Serkerdebaşymyz Döwlet howpsuzlyk geňeşiniň her bir mejlisinde ýurdumyzyň Döwlet serhet gullugynyň serkerdeleriniň we harby gullukçylarynyň ýaşaýyş-durmuş şertleriniň yzygiderli gowulandyrylmagy barada degişli ýolbaşçylaryň öňünde möhüm wezipeleri goýýar.

21 Dekabr 2021

Garaşsyzlyk

Magtymguly Pyragynyň 300 ýyllygy türki dünýäde giňden baýram ediler

Hormatly Prezidentimiziň Türki Döwletleriň Guramasynyň Baş sekretary Bagdad Amreýew bilen bolan duşuşygynda ulag we logistika, energetika, ekologiýa, täzeçil tehnologiýalary ornaşdyrmak hem-de beýleki ugurlar hyzmatdaşlygyň ileri tutulýan ugurlary hökmünde kesgitlenildi. Jenap Bagdad Amreýewiň belleýşi ýaly, 12-nji noýabrda Türki Döwletleriň Guramasynyň Stambulda geçirilen sammitinde türkmen Lideriniň öňe süren medeni hyzmatdaşlyk boýunça başlangyçlary guramanyň Sekretariatynda göz öňünde tutulýar we olary durmuşa geçirmek boýunça türkmen tarapy bilen bilelikde tagalla ediler. Şunuň bilen baglylykda, geljek üç ýylyň dowamynda tutuş türki dünýäde beýik türkmen şahyry we akyldary Magtymguly Pyragynyň 300 ýyllyk baýramyny geçirmek meseleleri ara alnyp maslahatlaşyldy.

21 Dekabr 2021

Medeniýet

NVIDIA hereketi enjamsyz tutmagyň täze usulyny işläp düzýär

NVIDIA-nyň gözlegçileri gymmat enjamlar ulanmazdan,  hereketi tutmagyň usulyny teklip etdiler. Bu täzelik öňki animasiýa modellerini kämilleşdirmegi göz öňünde tutýar. Alym Karoli Feher adamyň şekiliniň sanly awataryna öwrülmeginiň nähili bolup geçýändigini görkezdi. Gözlegçiler suratyň şekilini almak arkaly awatara fiziki görnüşi berýärler. Bu usul aýagyň süýşmegi we wagtlaýyn gapma-garşylyklar bilen baglanyşykly kynçylyklardan gaçmaga kömek edýär. Onda  hereketleri ýokary durulykda görkezip bolýar.

21 Dekabr 2021

Tehnologiýa

Ýurdumyzyň oba hojalygyndaky ösüşler

Hormatly Prezidentimiziň tagallasy bilen, ýurdumyzyň obasenagat toplumy ýokary ösüşlere eýe bolýar. Bu ugurda durmuşa geçirilýän özgertmeler köpugurlylygy we anyk netijeliligi bilen häsiýetlenýär. Häzir ýurdumyzda ekerançylykdan, maldarçylykdan alynýan önümler ilatyň senagatda gaýtadan işlenen taýýar önümlere bolan isleglerini doly ödemek bilen birlikde, ýokary hilli önümleri dünýä bazarlaryna çykarmaga mümkinçilik berýär. Bu ýagdaý azyklyk önümler dokma we beýleki görnüşli harytlar babatda hem şeýledir.

21 Dekabr 2021

Oba hojalyk

Baş Täze ýyl arçasy baýramçylyk dabaralaryna badalga berdi

Ruhuňy galkyndyrýan, şatlykly wakalaryň biri-birine utgaşyp gidýän gyş paslynyň ajaýyp döwründe hemişelik Bitaraplygymyzyň 26 ýyllygynyň, Nebitgaz senagaty we geologiýa işgärleriniň gününiň yzysüre ýurdumyzyň Baş arçasynyň yşyklaryny ýakmak dabarasy geçirildi. «Älem» medeni-dynç alyş merkeziniň ýanyndaky giň meýdançada gurnalýan ertekiler şäherjiginde ýurdumyzyň baş Täze ýyl arçasyny oturtmak indi asylly däbe öwrüldi. Baş arçamyz we onuň bütin töweregi ertekiler dünýäsini ýatladyp, owadanlygy bilen juda haýran galdyrýar. Gözelligiň baky nurana şäheri Aşgabadyň görküne görk goşýan hemmeleriň söýgüli baýramynyň nyşany özüniň göwrümi we beýikligi bilen hem tapawutlanýar. Onuň beýikligi 38,5 metre, göwrümi 16 metre deňdir. Aşgabat şäherindäki Baş arçamyzyň GDA döwletleriniň paýtagt şäherleriniň Täze ýyl arçalarynyň arasynda beýikligi boýunça 1-nji ýeri eýeläp gelýändigi bizi has-da guwandyrýar we buýsandyrýar. Paýtagtymyzdaky Baş arçanyň yşyklarynyň ýakylmagy bilen, ýurdumyzyň ähli künjeklerinde gyzykly we şowhunly geçirilýän baýramçylyk dabaralaryna badalga berilýär. Täsinliklere we şatlykly wakalara baý bolan baýramçylyk çäreleriniň birnäçe hepde dowam edýändigi has-da guwandyryjydyr. Aşgabat şäherindäki Baş arçamyzyň yşyklarynyň ýakylmagynyň yzysüre welaýatlarymyzda “Türkmeniň ak öýi” binalarynyň öňündäki baýramçylyk lybasyna beslenen meýdançalardaky, şeýle hem ýurdumyzyň şäherl

21 Dekabr 2021

Jemgyýet

Akylly öý üçin planşet taýýarlaýar

«Apple» korporasiýasy akylly öý üçin niýetlenen täze planşet taýýarlaýar. Şeýle-de bolsa häzirki wagtda korporasiýa akylly öý bazarynda öz ornuny giňeldip bilenok. Şonuň üçin tehnologiýa ägirdi bu ugurda öňe saýlanmak üçin akylly öýlere niýetlenen uly ekranly ykjam planşet işläp başlady. Hünärmenleriň bellemegine görä, täze model hemmetaraplaýyn kämil enjam bolar. Ol ýörite programma üpjünçiligi bilen yzygiderli işlemek üçin güýçli prosessore eýe bolar. Enjam korporasiýanyň akylly öý bazarynda öňde goýýan maksatlaryny amala aşyrmakda netijeli bolar diýlip çaklanylýar. Belläp geçsek, şu ýylyň noýabr aýynda “Apple” sürüjisiz awtoulagyny çykarmaga taýynlanýandygyny mälim etdi. Onuň ilkinji nusgasynyň görkezilişiniň 2025-nji ýylda bolmagyna garaşylýar.

21 Dekabr 2021

Tehnologiýa

«Ýylyň iň owadan awtoulagy» saýlandy

«Audi e-tron GT» awtoulagy Germaniýada geçirilen «Altyn rul» baýraklarynda «Ýylyň iň owadan awtoulagy» kategoriýasynda birinji ýeri eýeledi. 70 awtoulagyň gatnaşmagyndaky kategoriýada ýeňiji «Auto Bild» žurnalynyň we «Bild am Sonntag» gazetiniň okyjylarynyň ses bermeginde kesgitlenildi. Şeýle bäsleşik hem-de baýrak gowşurylyş dabarasy 1976-njy ýyldan bäri geçirilip gelinýär. Ol Germaniýanyň iň gadymy awtoulag baýraklarynyň biridir.

21 Dekabr 2021

Tehnologiýa

Ýylyň akylly sagatlary saýlandy

 Ulanyjylaryň we hünärmenleriň pikirleri esasynda 2021-nji ýylyň akylly sagatlarynyň sanawy yglan edildi. Sanaw takyklyk, amatly baha, oňaýlylyk taraplary boýunça düzüldi. 31 sany akylly sagatlaryň içinden iň gowulary diýlip 5-si saýlandy. Sanawyň başyny «Garmin Forerunner 55» akylly sagady eýeledi. Ýeri gelende bellesek, akylly sagatlaryň bu nusgasy kuwwat bermesiz 504 sagat işlemäge ukyplydyr. «Samsung Galaxy Watch4» akylly sagady 2021-nji ýylyň iň oňaýly sagady boldy. Iphone üçin akylly sagatlardan iň gowusy «Apple Watch Series 7» modeli saýlandy. Bu modeliň çalt kuwwat almak, kämil mikrofon we arassa ses ýaly artykmaçlyklary barada bellenilýär.

21 Dekabr 2021

Tehnologiýa

Iň uly futbol meýdançalary

Futbol tomaşaçylaryň aýratyn köpçüligini özüne çekýän oýun görnüşidir. Häzirki wagtda Demirgazyk Koreýanyň paýtagty Phenýandaky Birinji Maý stadiony dünýäde iň uly futbol toplumy hasap edilýär. Ol özüne 150 müň adamy jemläp bilýär. Hindistanyň Kalkutta şäherinde 1984-nji ýylda gurlan Hindi ýaşlarynyň stadionyna 120 müň adam sygýar.

21 Dekabr 2021

Syýahatçylyk

Elektrik ulagy

Awtoulag bäsleşikleri üçin ulag öndürýän «Lotus Cars» kompaniýasy elektrik togy bilen işleýän ulag öndürdi. Umumy bahasy 2,2 million amerikan dollaryna barabar bolan bu ulag 1680 kilogram agramly, 2 müň at güýjüne, 100 kilometr tizlige 3 sekuntda ýetmek mümkinçiligine eýedir. Täze ulagyň kuwwat berijisi 18 minutda dolup, ol bu güýç bilen 400 kilometr menzil aşyp bilýär. Ulagyň daşky we içki bezeg işleri hem haýran galdyrýar. Olarda üýtgeşik enjamlar ulanylýar. Awtoulag taslananda ony adaty wagtda hem-de sport ýaryşlarynda ulanmak üçin 3 tapawutly funksiýalar göz öňünde tutulypdyr.

21 Dekabr 2021

Tehnologiýa

Döwlet sylaglarynyň gowşurylyş dabarasy geçirildi

Geçen anna güni nebitgaz toplumynyň merkezi edara binasynda döwlet sylaglarynyň gowşurylyş dabarasy boldy. Türkmenistanyň Ministrler Kabinetiniň Başlygynyň orunbasary Şahym Abdrahmanowyň ýolbaşçylygynda geçirilen baýramçylyk çäresine nebitgaz toplumynyň jogapkär işgärleri we hünärmenleri gatnaşdy. Ilki bilen, wise-premýer Türkmenistanyň Halkara Bitaraplyk güni, Nebitgaz senagaty we geologiýa işgärleriniň güni bilen bu ýere ýygnananlary gutlady, soňra Türkmenistanyň Prezidenti Gurbanguly Berdimuhamedowyň döwlet sylaglaryny gowşurmak hakynda Permany okaldy. Resminama laýyklykda, milli ykdysadyýetimiziň nebitgaz senagatyny ösdürmekde hem-de beýleki döwlet maksatnamalaryny durmuşa geçirmekde, döwlet we jemgyýetçilik işlerinde uly üstünlikleri gazanandyklary üçin hem-de Garaşsyz ýurdumyzyň, mähriban halkymyzyň öňünde bitiren hyzmatlaryny, köp ýyllaryň dowamynda çeken yhlasly we göreldeli zähmetini nazara alyp, şeýle hem Halkara Bitaraplyk güni mynasybetli, Türkmenistanyň Döwlet ministri — «Türkmengaz» döwlet konserniniň başlygy Batyr Amanow, «Türkmennebit» döwlet konserniniň başlygy Güýçgeldi Baýgeldiýew «Watana bolan söýgüsi üçin» medaly bilen sylaglanyldy.

14 Dekabr 2021

Bitaraplyk

Nebitgazçylaryň hünär baýramçylygy şatlykly dabaralara beslenýär

Nebitgaz senagaty we geologiýa işgärleriniň güni ýurdumyzda giň gerimde uly şatlyk-şowhuna beslenip, dabaraly medeni çäreler bilen bellenilýär. Şanly sene mynasybetli «Türkmengaz» döwlet konserni tarapyndan Türkmenistanyň Telewideniýe, radiogepleşikler we kinematografiýa baradaky döwlet komitetiniň «Altyn asyr: Türkmenistan» teleýaýlymynda gurnalan aýdym-sazly telegepleşigi-de şolaryň biridir. Baýramçylyk telegepleşiginde «Türkmengaz» DK-nyň Ylmy-barlag tebigy gaz institutynyň laboratoriýa müdirleri Umbar Esenow, Sona Kerimowa, Medeni-işewürlik merkeziniň halk saz gurallary orkestriniň çeper ýolbaşçysy, Türkmenistanyň halk artisti Baýrammyrat Söýünow, «Türkmennebit» DK-nyň bölüm başlygy Ramazan Udumow, «Türkmengeologiýa» DK-nyň «Ahalgeofizika» ekspedisiýasynyň başlygynyň umumy meseleler boýunça orunbasary Täçmyrat Güjiýew we beýlekiler Garaşsyzlyk ýyllarynda ýetilen belent sepgitler, mukaddes Garaşsyzlygymyzyň 30 ýyllyk şanly senesiniň bellenilen ýylynda nebitgazçylaryň zähmet ýeňişleri, milli Liderimiziň tagallasy netijesinde nebitgaz toplumynyň pudaklarynyň ýokary depginlerde ösdürilişi barada çykyş etdiler. Çykyşlaryň arasynda Medeni-işewürlik merkeziniň sungat ussatlary, Türkmenistanyň at gazanan artistleri Gülşirin Öwezmämmedowa, Rahman Hudaýberdiýew, Şöhrat Saparow, Gülşirin Geldimyradowa we beýleki estrada aýdymçylary, tans toparlary, nusgawy ýollaryň bagşy-sazand

14 Dekabr 2021

Garaşsyzlyk

Diýarymyzda toýlar toýa utgaşýar, nebitgaz pudagy ösüşlere barýar

Däp boluşy ýaly, ýurdumyzda 14-nji dekabrda bellenilip geçilýän Nebitgaz senagaty we geologiýa işgärleriniň güni Halkara Bitaraplyk baýramy bilen utgaşyp gelýär. «Türkmenistan — parahatçylygyň we ynanyşmagyň Watany» diýlip yglan edilen şu ýylda mukaddes Garaşsyzlygymyzyň 30 ýyllyk, Aşgabat şäheriniň 140 ýyllyk ýubileý toýlarynyň ýokary derejelerde giňden bellenilmegi aýratyn şatlyga beslenen wakalar bolup durýar. Arkadag Prezidentimiziň başda durmagynda ýurdumyzyň beýleki pudaklary bilen bir hatarda, strategik ähmiýetli hasaplanylýan nebitgaz pudagy hem ösüş ýolunda bolup, birnäçe döwlet ähmiýetli taslamalar netijeli amala aşyrylýar. Olaryň hataryna TOPH gaz geçirijisiniň gurluşyk işleriniň ýokary depginde alnyp barylmagy, Türkmenistan döwletimiziň gaz pudagynyň tehniki kuwwatyny, eksport mümkinçiligini has-da artdyran «Malaý» gaz känindäki gaz gysyjy desganyň hormatly Prezidentimiziň hut özüniň ak pata bermegi bilen açylyp, ulanylmaga girizilmegi, «Galkynyş» gaz känindäki nobatdaky ýokary tehnologik guýularyň gurluşygyna badalga berilmegi degişlidir.

14 Dekabr 2021

Garaşsyzlyk

Ylmy-amaly maslahat geçirildi

«Türkmengaz» DK-nyň Ylmy-barlag tebigy gaz institutynda (YBTGI) Halkara Bitaraplyk güni hem-de Nebitgaz senagaty we geologiýa işgärleriniň güni mynasybetli «Berkarar döwletimiziň bagtyýarlyk döwründe nebitgaz pudagynyň ylmyny ösdürmekde innowasion tehnologiýalaryň orny» atly sanly ulgam arkaly ylmy-amaly maslahat geçirildi. YBTGI we onuň kärdeşler arkalaşygynyň ilkinji guramasy tarapyndan onlaýn usulda geçirilen ylmy-amaly maslahata Ýagşygeldi Kakaýew adyndaky Halkara nebit we gaz uniwersitetinden, Türkmenistanyň Ylymlar akademiýasynyň Himiýa institutyndan hem-de Tehnologiýalar merkezinden wekiller gatnaşdy. Maslahatyň dowamynda ylmy işgärler, inženerler, kafedra, laboratoriýa müdirleri, bölüm başlyklary, mugallymlar çykyş etdiler. Çykyşlarda, hususan hem, gaz arassalaýjy desgalaryň metallaryny ultrases usulynda derňemek, ýerli çig mallardan demriň III walentli hloridiniň alnyşy, nebit we nebit önümleriniň fiziki-himiki görkezijilerini kesgitlemekde häzirki zaman enjamlarynyň orny, kömürturşy gazyny ýerasty saklawhanalara ýygnamakda göz öňünde tutulmaly howpsuzlyk çäreleri, tebigy gaz arassalananda bölünip çykýan kükürtden oba hojalyk üçin peýdaly önümleriň alnyşy, «Galkynyş» gaz käninde gazy gaýtadan işlemegiň esasy ugurlary, deňiz şertlerinde kese we ýapgyt guýulardan nebiti we gazy çykarmagyň tehnologik aýratynlyklary, karbonat gatlaklarynyň häsiýetlerini kesgitlemegiň aýrat

14 Dekabr 2021

Jemgyýet

Ýurdumyzdaky ösüşlere zenanlarymyzyň goşandy uludyr

Türkmenistanyň Zenanlar birleşiginiň merkezi geňeşi, Nebitgaz senagaty toplumynyň işgärleriniň kärdeşler arkalaşygynyň geňeşi, «Türkmengeologiýa» döwlet korporasiýasynyň ilkinji zenanlar guramasy tarapyndan «Öý ojagyň gelşigi, maşgala mukaddesligi» atly maslahat geçirildi. Oňa nebitgaz toplumynyň pudaklaýyn edara-kärhanalarynyň işgärleri we hünärmenleri gatnaşdy. Hemişelik Bitaraplygymyzyň 26 ýyllyk şanly senesiniň, Nebitgaz senagaty we geologiýa işgärleriniň hünär baýramynyň giň gerimde bellenilen we şatlyk-şowhuna beslenýän dabaraly pursatlaryň dowam edýän günlerinde geçirilen maslahatda Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň başlygy Sapar Ataberdiýew, «Tükmengeologiýa» DK-nyň ilkinji zenanlar guramasynyň başlygy Güller Orazowa, «Türkmengeologiýa» DK-nyň «Ahalgidrogeologiýa» ekspedisiýasynyň gidrogeology Maýa Taganowa, Türkmenistanyň Zenanlar birleşiginiň merkezi geňeşiniň hünärmeni Bahar Ýagşymyradowa dagy çykyş etdi. Çäräniň dowamynda hormatly Prezidentimiziň alyp barýan bitaraplyk syýasatynyň netijesinde dostlukly gatnaşyklaryň, ykdysady hyzmatdaşlygyň ösdürilişi, sebitde parahatçylygyň pugtalandyrylyşy, nebitgaz toplumyndaky özgerişler, iri taslamalaryň durmuşa geçirilişi, zenanlaryň maşgalada, jemgyýetde tutýan möhüm orny, gadymy we müdimi ýörelgeler, zähmet üstünliklerine beslenýän önümçilikleriň işine zenanlaryň goşýa

14 Dekabr 2021

Jemgyýet

Bitaraplygymyz — buýsanjymyz

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň alyp barýan ynsanperwer syýasaty bilen ýurdumyzyň at-owazasy, abraý-mertebesi, şan-şöhraty dünýä ýaýyldy. Şonuň bilen birlikde, halkymyzyň Gahryman Arkadagymyza, ata Watanymyza bolan buýsanjy, guwanjy has-da artýar. Ýetip gelýän, täze, 2022-nji ýylyň «Halkyň Arkadagly zamanasy» diýlip atlandyrylmagy bolsa tutuş halkymyz tarapyndan buýsanç bilen kabul edildi. Hormatly Prezidentimiziň oýlanyşykly, öňdengörüjilikli syýasaty dünýäde parahatçylygy, dost-doganlyk gatnaşyklaryny, abadan we bagtyýar durmuşy berkarar etmäge gönükdirilendir. Türkmenistan Watanymyz «Açyk gapylar» syýasatyny üstünlikli alyp barmak bilen,  parahatçylyk söýüjiligiň, hoşniýetli goňşuçylygyň, umumy abadançylygyň bähbitlerine dünýä nusgalyk işleri amala aşyrýar. Birleşen Milletler Guramasynyň Baş Assambleýasynyň hormatly Prezidentimiziň başlangyjy boýunça «Halkara parahatçylyk we ynanyşmak ýyly» diýip yglan eden 2021-nji ýyly uly üstünliklere, belent sepgitlere beslenýär. Türkmenistan Watanymyzyň dünýäniň döwletleri, iri halkara guramalary bilen syýasy, ykdysady, ynsanperwer hyzmatdaşlyklary hem belent derejelere eýe

14 Dekabr 2021

Bitaraplyk

Mynasyp sowgatlar bilen

Her bir şanly senäni zähmet sowgatlary bilen garşylamak, ýokary önümçilik görkezijilerini gazanmagyň hasabyna ýurdumyzyň okgunly ösüşlerine mynasyp goşant goşmak her kärhananyň işgärleriniň asylly ýörelgesidir. Olaryň hatarynda ýurdumyzyň gündogar welaýatyndaky Seýdiniň nebiti gaýtadan işleýän zawodynyň ruhubelent işgärleri hem bar. Nebiti gaýtadan işleýjiler kuwwatly desgalaryň sazlaşykly işledilmegini gazanmak arkaly gymmatly önümleri öndürmekde belent sepgitleri ynam bilen eýeleýärler. Munuň şeýledigine şanly ýylyň geçen on bir aýynyň maliýe-ykdysady görkezijileri hem ynandyryjylykly şaýatlyk edýär. — Kärhanamyzda soňky ýyllarda düýpli özgerişlikler bolup geçdi. Önümçilik desgalarynyň durkunyň düýpli täzelenilmegi, täze önümçilikleriň gurlup, ulanylmaga berilmegi işimizde düýpli ilerlemeleriň gazanylmagyny şertlendirdi. Şeýle tagallalar öndürilýän önümleriň hilini ýokarlandyrmaga, olaryň görnüşlerini artdyrmaga hem mümkinçilik berdi — diýip, zawodyň baş ykdysatçysy Reýimguly Orazow gürrüň berýär.

14 Dekabr 2021

Ykdysadyýet

Geologiýa gözleg işleriniň derňewi

«Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda», şeýle hem «Türkmenistanyň nebitgaz senagatyny ösdürmegiň 2030-nji ýyla çenli döwür üçin Maksatnamasynda» bellenen wezipeleri üstünlikli durmuşa geçirmek boýunça giň gerimli işler alnyp barylýar. Nebitgaz pudagynda geologiýa gözleg işlerini amala aşyrmagyň esasy maksady nebitli, gazly ýataklary kesgitlemek, olaryň gor mukdaryny anyklamakdyr. Nebitiň we tebigy gazyň gazylyp alynýan möçberini artdyrmak biz ýaş hünärmenler üçin baş maksat bolup durýar. Gaz känlerindäki gözleg hem ulanyş guýularyndan egsilmez milli baýlygymyz bolan tebigy gazyň çykarylyşynda geologlaryň, geofizikleriň hyzmatynyň biçäk uludygyna göz ýetirýäris. Gaz guýularynda geçirilýän işleriň her biri gönüden-göni geologlaryň, geofizikleriň gözegçilikleri hem-de barlaglary esasynda häzirki zaman programma üpjünçilikleri arkaly amala aşyrylýar.

14 Dekabr 2021

Ylym

«Hatyra» kitabynyň ikinji tomy neşir edildi

«Hatyra» kitabynyň täze neşiriniň ikinji tomy Balkan welaýatynda önüp-ösen, 1941 — 1945-nji ýyllaryň Beýik Watançylyk urşunda wepat bolan, ýaralanma zerarly hassahanalarda aradan çykan hem-de dereksiz ýiten esgerleriň ýagty ýadygärligine bagyşlandy. Täze neşirde bellenilişi ýaly, bar bolan maglumatlara görä, Balkan welaýatyndan goşuna 35 müňe golaý adam çagyrylyp, urşa giden balkanly esgerleriň 8 müň 938-den gowragy Ýeňiş üçin şirin janlaryny gurban edip, mähriban ojaklaryna dolanyp gelmediler.

14 Dekabr 2021

Jemgyýet

Saglyk — baýlyk

Berkarar döwletimiziň bagtyýarlyk döwründe ýurdumyzda raýatlaryň saglygyny goramak, bolelin, eşretli durmuşda ýaşamaklaryny gazanmak döwlet syýasatynyň ileri tutulýan ugurlaryndan biridir. Türkmenistan — parahatçylygyň we ynanyşmagyň Watany ýylynda Gahryman Arkadagymyzyň beýik başlangyçlary bilen “Döwlet adam üçindir!”diýen şygary üstünlikli durmuşa geçirilýär. Şonuň bilen birlikde, Türkmenistan döwletimizde her bir raýatyň saglygy döwletiň baş baýlygy bolup durýar. Ýurdumyzda il saglygyny goramak, dürli keselleriň öňüni almak, lukmançylyk hyzmatlarynyň hilini yzygiderli ýokarlandyrmak işlerinde buýsandyryjy netijeler gazanylýar. Saglyk jemgyýetiň esasy gymmatlygy hasaplanýar. Sebäbi, saglyk bagtyýar, eşretli, gyzykly durmuşyň özenidir. Hormatly Prezidentimiziň: «Biziň ähli aladamyz halkymyzyň bagtly, eşretli ýaşaýşyna gönükdirilendir» diýen sözleri munuň aýdyň beýany bolup durýar. Alym-lukman Prezidentimiziň taýsyz tagallalary bilen sanlyja ýyllarda milli saglygy goraýyş ulgamy halkara derejesinde belentlere göterildi. Ata Watanymyzyň dürli künjeginde yzygiderli gurlup ulanylmaga berilýän sport, saglygy goraýyş maksatly binalar munuň aýdyň beýanydyr. Milli saglygy goraýyş ulgamynyň maddy-enjamlaýyn binýadynyň yzygiderli pugtalandyrylmagy, dünýäniň öňdebaryjy tehonologiýa ägirtleriniň kämil enjamlarynyň alynmagy, ýokary bilimli hünärmenleriň ýetişdirilmegi, bu halkara hyzmatda

14 Dekabr 2021

Saglyk