"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Döwrebap tehnologiýalara daýanyp

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň öňdengörüjilikli baştutanlygynda ýurdumyzda durmuşa geçirilýän özgertmeler, ýetilýän belent sepgitler halkymyzyň bähbidine, olaryň ýaşaýyş-durmuş şertleriniň has-da ýokarlandyrylmagyna, ata Watanymyzyň gülläp ösmegine gönükdirilýär. Milli ykdysadyýetimiziň ähli pudaklarynda ornaşdyrylýan, häzirki zamanyň ösen talaplaryna laýyk gelýän tehnologiýalar muňa doly güwä geçýär. «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, ýurdumyzda elektron resminama dolanyşygynyň ornaşdyrylmagy bäsdeşlige ukyply sazlaşykly işleýän sanly ykdysadyýeti ösdürmäge şert döredýär, ýurtda ykdysady ösüşiň we önümçiligiň depgininiň artdyrylmagyna, dolandyryş düzüminiň kämilleşdirilmegine getirýär. Sanlylaşdyrmak ykdysadyýeti, maliýe we bank ulgamyny hil taýdan netijeli ösdürmegiň we ony dolandyrmagyň oňyn guraly bolup, ilkinji nobatda, ilatyň durmuşyny ýeňilleşdirmäge, zähmet öndürijiligini ýokarlandyrmaga, wagty tygşytlamaga şert döredýär.

21 Iýul 2021

Ykdysadyýet

Karbamid döküniniň möçberi artýar

«Garabogazkarbamid» zawodynyň hünärmenleri «Türkmenistan — parahatçylygyň we ynanyşmagyň Watany» ýylynda ýokary netijeleri gazanýarlar. Kärhanada şu ýylyň başyndan bäri 481 müň 600 tonna karbamid döküni öndürildi. Ýokary hil derejesine laýyk öndürilen bu önümiň daşary bazarlarda uly isleg bilen satyn alynýandygyny aýratyn nygtamak gerek. Meýilnama artygy bilen

21 Iýul 2021

Ykdysadyýet

Öndürijilikli zähmetiň ussatlary

Hormatly Prezidentimiziň alyp barýan ykdysady syýasaty Garaşsyz döwletimizi ösüş-özgerişleriň ak ýoluna atardy. Ýurdumyzda üstünlikli amala aşyrylýan düýpli özgertmeler halk hojalygynyň ähli pudaklarynda ýokary netijeleriň gazanylmagyna itergi berdi. Şeýle ösüşli depginiň Türkmenistan — parahatçylygyň we ynanyşmagyň Watany ýylynda-da dowam etdirilýändigi guwandyrýar. Şu öňegidişlikleriň milli ykdysadyýetimiziň beýleki pudaklary bilen birlikde ýurdumyzyň dokma senagatynyň kärhanalarynda hem bady barha artýar. Türkmengala etrabyndaky Saparmyrat Türkmenbaşy adyndaky egirme fabrigi Garaşsyzlygymyzyň ilkinji ýyllarynda gurlup, ulanylmaga berlen kärhanalaryň biri. Ýokary öndürijilikli öňdebaryjy tehnologiýaly enjamlar bilen enjamlaşdyrylan kärhanada hili dünýä ülňülerine laýyk gelýän ýüplük öndürilýär. Bu ýerde öndürilýän ýüplük ýurdumyzyň dokma kärhanalary üçin gymmatly çig mal bolup hyzmat edýär. Fabrikde 14, 17, 20 görnüşli ýüplükler öndürilip, şol önümleriň bir bölegi ýurdumyzyň içindäki dokma fabriklerine ugradylýar. Ýene bir bölegi bolsa, daşary ýurtlara eksport edilýär. Ýüplükleriň gowy hili olara bolan islegiň hemişe ýokary bolmagyna getirýär. Fabrikde önümçiligiň gowy ýola goýulmagy netijesinde bu ýerde aýlyk we ýyllyk meýilnamalar yzygiderli ýerine ýetirilýär. Işiň öňe gitmegine ýene bir ýagdaý oňyn täsirini ýetirýär. Kärhanada enjamlar bellenilen meýilnama esasynda täzelen

21 Iýul 2021

Ykdysadyýet

Hyzmatyň kämil görnüşleri

Mälim bolşy ýaly, ýurdumyzda ykdysadyýetiň ähli ulgamynda halkara ülňülerine laýyk gelýän täze innowasion tehnologiýalary we maglumat aragatnaşyk enjamlaryny yzygiderli ornaşdyrmak işleri üstünlikli alnyp barylýar. Şunuň bilen baglylykda sanly tehnologiýalary bank ulgamyna giňden ornaşdyrmak, täze bank hyzmatlaryny girizmek bilen bagly işler aýratyn ähmiýete eýe bolýar. Innowasion tehnologiýalaryň kömegi arkaly müşderileriň bank hyzmatlaryndan özbaşdak peýdalanyp bilmek mümkinçiligi has-da ýokarlandyrylýar. Türkmenistanyň «Halkbank» paýdarlar täjirçilik banky tarapyndan adaty töleg terminalynyň ornuny tutmaga mümkinçilik berýän «Halkbank terminal» atly täze hyzmat ýola goýuldy. Bu hyzmat döwrebap we ygtybarly tehnologiýanyň esasynda taýýarlanylan we nagt däl hasaplaşykda ulanylýan adaty töleg terminalynyň ýerini tutup biljek mobil programma üpjünçiligi bolup durýar. Söwda we hyzmat ediş nokatlarynyň işgärleri tölegi kabul etmek üçin öz ykjam telefonlaryna täze «Halkbank terminal» atly mobil programma üpjünçiligini ýükläp, ony adaty töleg terminalynyň ornuna ulanyp bilerler. Adaty töleg terminallardaky ähli mümkinçilikler göz öňünde tutulan we olaryň ýerine ýetirýän wezipeleriniň ählisini amal etmäge ukyply täze mobil programma üpjünçiligi harytlara we hyzmatlara töleg geçirmek hem-de amallaryň taryhyny görmek ýaly mümkinçilikleri berýär.

19 Iýul 2021

Ykdysadyýet

Nebitgaz pudagyny ösdürmek — ykdysadyýetiň ösmeginiň esasy şerti

9-njy iýulda geçirilen Ministrler Kabinetiniň giňişleýin mejlisinde hormatly Prezidentimiz Gurbanguly Berdimuhamedow nebitgaz toplumyny has-da ösdürmek boýunça birnäçe möhüm wezipeleri kesgitledi. Döwlet Baştutanymyz döwrebap tehnologiýalary we usullary ulanmagyň hasabyna çig nebitiň we gaz kondensatynyň çykarylýan mukdaryny artdyrmak, geologiýa-gözleg we buraw işleriniň, şol sanda Hazar deňziniň kenarýaka zolaklarynda geçirilýän işleriň netijeliligini ýokarlandyrmak, şeýle hem bu işe iri nebitgaz kompaniýalaryny we maýadarlary çekmek üçin zerur bolan çäreleriň görülmegini tabşyrdy. Mälim bolşy ýaly, nebitgaz senagaty milli ykdysadyýetimiziň esasy pudaklarynyň biri bolup durýar. Türkmenistany senagatlaşdyrmak, ýurdumyzyň eksport kuwwatyny artdyrmak boýunça giň gerimli maksatnamalary durmuşa geçirmekde oňa möhüm orun berilýär. Energetika pudagyna uly möçberde maýa serişdeleri goýuldy, bu bolsa, täze iri ýataklary, şol sanda Hazaryň türkmen böleginde, Amyderýanyň sag kenarynda, tebigy gazyň gorlary boýunça dünýäde iri «Galkynyş» gaz käninde täze ýataklary senagat taýdan işläp taýýarlamaga mümkinçilik berdi.

19 Iýul 2021

Ykdysadyýet

Wezipeler kesgitlenildi

Geçen hepdäniň anna güni hormatly Prezidentimiz Gurbanguly Berdimuhamedow Ministrler Kabinetiniň sanly ulgam arkaly nobatdaky mejlisini geçirdi. Onda döwlet durmuşynyň ileri tutulýan meseleleri ara alnyp maslahatlaşyldy hem-de birnäçe resminamalaryň taslamalaryna garaldy. Milli Liderimiz degişli ýolbaşçylaryň hasabatlaryny diňläp, dünýäniň ähli ýurtlary we esasy halkara düzümleri, şol sanda abraýly maliýe guramalary bilen netijeli hyzmatdaşlygy ösdürmegiň Türkmenistanyň daşary syýasy strategiýasynyň möhüm ugrudygyny belledi. Soňky ýyllarda Halkara Pul gaznasy, Halkara täzeleniş we ösüş banky, Aziýanyň ösüş banky, Yslam ösüş banky bilen özara gatnaşyklaryň çäkleri ep-esli giňeldildi.

19 Iýul 2021

Ykdysadyýet

Ykdysadyýet we durmuş

«7/24.tm», №29 (60), 19.07.2021. DÖWLET-HUSUSY HYZMATDAŞLYGY

19 Iýul 2021

Ykdysadyýet

Hil — esasy görkeziji

Gökdepäniň Türkmenistanyň Gahrymany A.Nyýazow adyndaky dokma toplumy ýurdumyzyň ykdysady kuwwatynyň barha artmagy ugrundaky tagallalara önjeýli goşant goşýan kärhanalaryň biridir. Türkmenistanyň Dokma senagaty ministrliginiň gürrüňi edilýän öňdebaryjy kärhanasynda bu gün guwandyryjy işler alnyp barylýar hem-de önümçilik işleriniň gerimi barha giňeýär. Toplumda welaýatyň daýhanlarynyň yhlasly zähmeti bilen kemala getirilýän «ak altyny» gaýtadan işlemek arkaly ýokary hilli ýüplüklerden başlap, dokma önümlerini taýýarlamakda işçi-hünärmenleriň 1700-den gowragy zähmet çekýär. Önümçilik bölümlerinde oturdylan, ugurdaş kärhanalara niýetlenen häzirki zaman tehnologiýalary dünýä ülňülerine laýyk gelýän ýokary hilli önümleri öndürmäge mümkinçilik berýär. Bu ýerde öndürilýän dürli belgili nah ýüplükler dünýä bazarynda uly islege eýedir. Geçen ýyllaryň içinde önümleriň müňlerçe tonnasy ýörite buýurmalar esasynda daşary ýurtlara eksport edildi. Bu ýüplükler berkligi, ekologiýa taýdan arassalygy, hiliniň ýokarydygy bilen tapawutlanýar. Şeýle bolansoň, dokma önümçiligine niýetlenen ýüplükleriň bir bölegi kärhananyň önümçilik işinde giňden peýdalanylýar. Ýüplüklerden dokalýan nah matalar degişli bölümde boýalyp, olardan dürli görnüşli taýýar önümler öndürilýär. Çagalara we uly ýaşly adamlara niýetlenen dürli biçüwdäki egin-eşikleriň, şol sanda sport lybaslarynyň, öýde geýmek üçin niýet

19 Iýul 2021

Ykdysadyýet

Ulag dip­lo­ma­ti­ýa­sy: dur­nuk­ly ösü­şiň ha­ty­ra­sy­na hyz­mat­daş­lyk

Türk­me­nis­tan geo­sy­ýa­sy we geoyk­dy­sa­dy müm­kin­çi­lik­le­ri­ni ha­sa­ba al­mak bi­len, ulag ba­bat­da hal­ka­ra hyz­mat­daş­ly­gy ös­dür­mä­ge gö­nük­di­ri­len iş­le­re aý­ra­tyn äh­mi­ýet ber­ýär. Bu ugur ýur­du­my­zyň da­şa­ry sy­ýa­sy ug­ru­nyň Kon­sep­si­ýa­syn­da hem öz be­ýa­ny­ny tap­ýar. Türk­me­nis­ta­nyň ulag dip­lo­ma­ti­ýa­sy­nyň ke­ma­la gel­me­gi onuň ulag ba­bat­da hal­ka­ra hyz­mat­daş­ly­gy döw­let sy­ýa­sa­ty­nyň ile­ri tu­tul­ýan ug­ru­na öw­ren­di­gi­ni gör­kez­ýär. Döw­le­ti­mi­ziň ulag dip­lo­ma­ti­ýa­sy Mer­ke­zi Azi­ýa we Ha­zar deň­zi­niň se­bit­le­ri­ni Ýew­ra­zi­ýa­da stra­te­gik dur­nuk­ly­ly­gyň mä­käm hal­ka­sy­na öwür­me­gi, Ýew­ro­pa we Azi­ýa ýurt­la­ry­ny gel­je­gi uly yk­dy­sa­dy hyz­mat­daş­lar hök­mün­de je­bis­leş­dir­me­gi, yk­ly­ma­ra äh­mi­ýet­li ulag ul­ga­my­ny dö­ret­me­gi mak­sat edin­ýär. Mu­nuň özi hä­zir­ki za­ma­nyň bir­leş­di­ri­len üs­ta­şyr ulag dü­zü­mi­niň dö­re­dil­me­gi­ni ta­lap ed­ýär, bu bol­sa Mer­ke­zi Azi­ýa ýurt­la­ry­nyň, goň­şy se­bit­le­riň ara­syn­da yk­dy­sa­dy we söw­da hyz­mat­daş­ly­gy­ny hil taý­dan tä­ze de­re­jä çy­kar­ma­ga iter­gi be­rer. Şu­nuň esa­syn­da Mer­ke­zi Azi­ýa­ny we Ha­zar se­bi­ti­ni Ýew­ro­pa, Or­ta hem Ýa­kyn Gün­do­gar bi­len bir­leş­dir­ýän, gel­jek­de ony Hy­taý, Hin­dis­tan, Azi­ýa — Ýu­waş um­many se­bi­ti­niň ýurt­la­ry ýa­ly iri yk­dy­sa­dy mer­kez­le­re çy­kar­ma­

19 Iýul 2021

Ykdysadyýet

Türkmenistanyň Döwlet haryt-çig mal biržasy

Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 23-si hasaba alyndy. Daşary ýurt walýutasyna Türkiýeden, Özbegistandan, Gyrgyz Respublikasyndan we Russiýa Federasiýasyndan gelen işewürler Türkmenbaşydaky nebiti gaýtadan işleýän zawodlar toplumynda öndürilen awiakerosini, arassalanan dizel ýangyjyny we gurluşyk önümlerini satyn aldylar. Şeýle-de Türkmenistanyň Dokma senagaty ministrliginiň dokma toplumlarynda öndürilen dürli görnüşli nah ýüplügi satyldy. Geleşikleriň jemi bahasy ABŞ-nyň 5 million 709 müň 580 dollaryndan gowrak boldy.

19 Iýul 2021

Ykdysadyýet

Birža täzelikleri

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 23-si hasaba alyndy. Daşary ýurt puluna Türkiýäniň, Wirgin adalarynyň telekeçileri Türkmenbaşydaky nebiti gaýtadan işleýän zawodlar toplumynda öndürilen awiakerosini we gidrousulda arassalanan dizel ýangyjyny satyn aldylar. Bulardan başga-da, Russiýanyň, Özbegistanyň we Gyrgyzystanyň işewürleri daşary ýurt puluna list aýna hem-de nah ýüplügi satyn aldylar. Geleşikleriň jemi bahasy ABŞ-nyň 6 million dollaryna golaý boldy.

19 Iýul 2021

Ykdysadyýet

Döwrebap ösüşleriň ýoly

Berkarar döwletimiziň bagtyýarlyk döwründe ýurdumyzyň hemmetaraplaýyn ösdürilmegine gönükdirilen ägirt uly özgertmeleriň ylmy taýdan düýpli esaslandyrylmagy aýratyn ähmiýete eýedir. Ylmy önümçilik bilen berk baglanyşdyrmak, önümçilige ylmyň gazananlaryny we öňdebaryjy dünýä tejribesini giňden ornaşdyrmak esasy wezipeleriň biridir. Döwlet durmuşynyň ähli ulgamlarynyň kemala getirilmeginiň binýady bolan ýokary hilli bilim ýurdumyzyň ykdysadyýetini üstünlikli ösdürmegiň möhüm düzüm bölegidir. Ýurdumyzda dünýä ülňülerine laýyk gelýän häzirki zaman düýpli ylym ulgamyny döretmäge gönükdirilen ylmy-tehniki syýasat ykdysadyýetiň ähli ugurlaryna täze, iň kämil tehnologiýalary we innowasiýalary ornaşdyrmakdan, ylym we tehnika babatda öňde duran maksatnamalarymyzy üstünlikli durmuşa geçirmekden ybaratdyr. Milli ykdysadyýeti diwersifikasiýa ýoly bilen ösdürmekde sanly ulgamy giňden ornaşdyrmak şu günüň baş wezipeleriniň biri bolup durýar. Häzirki zaman maglumat-aragatnaşyk tehnologiýalarynyň soňky gazananlaryna esaslanýan ösen ykdysadyýeti kemala getirmekde bäsdeşlige ukyply sanly ykdysadyýeti ösdürmek zerur bolup durýar. Dünýä bazarynyň barha ösýän talaplaryna laýyk gelýän howpsuz, ygtybarly we bäsdeşlige ukyply maglumat-aragatnaşyk tehnologiýalarynyň üpjünçilik ulgamyny döretmek ýurduň sanly ykdysadyýete üstünlikli geçmeginiň girewi bolup durýar. Milli Liderimiziň tagallasy bilen, Türkme

19 Iýul 2021

Ykdysadyýet

Hyzmatdaşlygyň möhüm ugurlary

Berkarar döwletimiziň bagtyýarlyk döwründe ýurdumyz daşary söwda syýasatynda uly üstünliklere eýe bolýar, umumy halkara söwda ulgamyna sazlaşykly goşulyşýar. Ýurdumyzda maýa goýumlary çekmek üçin ähli mümkinçilikler döredilýär, maýa goýumlaryň möçberleri artdyrylýar. Häzirki wagtda halkara gatnaşyklarynyň işjeň ýagdaýda ösdürilmegi netijesinde söwda tutuş ykdysady ulgamyň özgerdilmegine öz täsirini ýetirip, ony işiň täze şertlerine uýgunlaşdyrýar, bäsdeşlige ukyply we oňat hilli önümi öndürmekde, bazara degişli döwrebap çemeleşmeleri ulanmakda önümçilik pudaklaryny höweslendirýär. Bu gün söwda milli ykdysadyýetiň has sazlaşykly ösýän möhüm ähmiýetli pudagy bolup, ilatyň iş bilen üpjün edilmegine degişli meseleleri hem çözýär. Söwda toplumynda sazlaşykly ösüş depginlerini saklamak üçin halkara işewürlik gatnaşyklaryny yzygiderli ösdürmek möhümdir. Türkmenistanda dünýä bazarlaryna iberilýän bäsdeşlige ukyply harytlary öndürmek üçin ýokary tehnologiýaly we köpugurly senagatyň kemala gelmegine uly üns gönükdirilýär. Hormatly Prezidentimiz ýurdumyzda öndürilýän harytlaryň eksporta ugradylýan möçberleriniň artdyrylmagyny, daşary ýurtly hyzmatdaşlar bilen ysnyşykly daşary ykdysady aragatnaşyklary ýola goýmagyň, daşary ýurtlaryň biržalarynyň tejribesini özleşdirmek we türkmen biržasynda işiň täze, has netijeli usullaryny ornaşdyrmak bilen baglylykda, daşarky bazarlarda bildirilýän isl

18 Iýul 2021

Ykdysadyýet

Bank ulgamy we ygtybarly hyzmatlar

Berkarar döwletimiziň bagtyýarlyk döwründe ýurdumyzyň karz edaralary «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynda» kesgitlenen wezipeleri durmuşa geçirmekde giň gerimli işleri alyp barýarlar. Bu babatda, olar iri maglumat geçiriş ulgamyna eýe bolup, pul dolanyşygynyň netijeliligini ýokarlandyrmak, bank kartlary boýunça milli we halkara töleg ulgamynyň gerimini giňeltmek işlerine uly üns berýärler. Türkmenistanyň bank ulgamyny ösdürmek we döwrebaplaşdyrmak ugrunda, şol sanda halk köpçüligi üçin ýokary ähmiýetli amatlyklary üpjün edýän nagt däl hasaplaşyklaryň tehnologiýalaryny ornaşdyrmak boýunça netijeli çäreler durmuşa geçirilýär. Şol tehnologiýalary işjeňleşdirmekde bank kartlarynyň uly ähmiýeti bardyr. Bank kartlary nagt däl görnüşde hasaplaşyklary geçirmegiň döwrebap töleg guraly bolup, olar jemgyýetimize barha giňden ornaşýar. Olar islendik wagt bankomatlaryň üsti bilen nagt pul serişdelerini almak, pul geçirimlerini aňsatlaşdyrmak hem-de çaltlaşdyrmak, şeýle hem hasaplaşyklar geçirilende, wagty tygşytlamak üçin amatlyklary döredýär.

18 Iýul 2021

Ykdysadyýet

Ilat ýazuwy — ähmiýetli çäre

Berkarar döwletimiziň bagtyýarlyk döwründe ýurdumyzda hormatly Prezidentimiz Gurbanguly Berdimuhamedowyň parasatly baştutanlygynda ähli ugurlarda alnyp barylýan işler halkymyzyň abadan, asuda we ajaýyp durmuşda ýaşamagyna gönükdirilýär. «Döwlet adam üçindir!» diýen şygaryň astynda ýurdumyzda milli ykdysadyýetiň bazar gatnaşyklaryna geçirilmegi tapgyrlaýyn esasda, ilatyň berk durmuş goraglylygyny üpjün etmek ýörelgelerinde amala aşyrylýar. Ýurdumyzda täzeçil we öňdengörüjilikli döwlet syýasatynyň binýadynda milli ykdysadyýetimizi döwrebaplaşdyrmak, diwersifikasiýalaşdyrmak, bazar gatnaşyklaryny kämilleşdirmek we halkymyzyň azyk howpsuzlygyny üpjün etmek bilen bir hatarda, daşary ýurtlara eksport etmäge niýetlenen önümleriň öndürilişini artdyrmak babatda ägirt uly işler durmuşa geçirilýär. Gahryman Arkadagymyz: «Biz, ozaly bilen, gazanylýan üstünlikleri tutuş dünýäde häzirki wagtda hereket edýän görkezijiler we sanlar bilen deňeşdirip, dünýä tejribesiniň gazananlaryndan ugur almalydyrys» diýip nygtaýar. Şol nukdaýnazardan, ýurdumyzyň statistika ulgamynda statistikany kämilleşdirmek babatynda möhüm tejribeler ornaşdyrylýar.

16 Iýul 2021

Ykdysadyýet

Nygmat bolçulygy — ýaşaýşyň abadançylygy

Ýurdumyzyň ykdysadyýetinde oba hojalygy möhüm orny eýeleýär. Munuň özi halkymyzy öz topragymyzda öndürilýän azyk önümleri bilen bolelin üpjün etmek, ykdysadyýetiň beýleki pudaklary üçin zerur bolan çig mallary öndürmek ýaly örän wajyp wezipeleri çözmek bilen baglanyşyklydyr. Şeýle jogapkärli wezipeleri üstünlikli çözmek maksady bilen döwletimiz we oba adamlary bilelikde hereket edýärler. Ýurdumyzda azyk howpsuzlygyny üpjün etmek bilen bagly il-ýurt bähbitli işlerde lebaply daýhanlar ýokary netijeleri gazanýarlar. Bu babatda şanly ýylymyzyň geçen alty aýynda gazanylan görkezijiler hem guwandyryjy boldy. Hormatly Prezidentimiz obasenagat toplumyny ileri tutup ösdürmek bilen, pudagyň tehniki-enjamlaýyn binýadyny yzygiderli pugtalandyrýar. Işe täzeçe usullaryň giňden ornaşdyrylmagy, daýhanlaryň ýokary netijeli zähmet çekmäge höweslendirilmegi düýpli ilerlemeleriň kepili bolup durýar. Yhlasly zähmet çekilmegi netijesinde bereket bolçulygy döredilýär. Geçen hasabat döwründe welaýatymyzyň ähli hojalyklarynda gök önümleriň 38,7 müň tonnasy, azyklyk bakjanyň 14,9 müň tonnasy, miweleriň we ir-iýmişleriň 13,4 müň tonnasy, ýeralmanyň 72,6 müň tonnasy öndürildi. Bu netijeleriň geçen ýylyň degişli döwründäkiden ep-esli artandygy bolsa edilýän tagallalaryň özüniň mynasyp netijelerini berýändiginden habar berýär.

16 Iýul 2021

Ykdysadyýet

Aýdyň maksatlary nazarlap

Öňňin hormatly Prezidentimiz Gurbanguly Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Maslahatda gowaçanyň bol hasylyny ösdürip ýetişdirmek bilen bagly möwsümleýin oba hojalyk işleriniň alnyp barlyşyna dahylly meselelere garaldy. Milli Liderimiz degişli ýolbaşçylaryň hasabatlaryny diňläp, möhüm oba hojalyk möwsümlerine taýýarlyk görlüşine berk gözegçilik etmegiň zerurdygyny nygtady. Bu işler ýerine ýetirilende, ylmy taýdan esaslandyrylan çemeleşmeleri ulanmak, ýurdumyzyň obasenagat toplumynda toplanan iň gowy tejribe bilen birlikde, dünýäniň öňdebaryjy tehnologiýalaryny işjeň ornaşdyrmak wajypdyr.

16 Iýul 2021

Ykdysadyýet

Sanly ykdysadyýet — ösüşleriň özeni

Hormatly Prezidentimiziň baştutanlygynda ýurdumyzda bu günki gün milli ykdysadyýetimizi ösdürmek babatynda ähli ugurlarda düýpli özgertmeler durmuşa geçirilýär. Ata Watanymyzyň ykdysadyýetinde ýokary depginli ösüşler gazanylýar, il-ýurt bähbitli kärhanalar we desgalar gurlup ulanylmaga berilýär. Ykdysadyýetimizde senagatlaşma-innowasion özgertmeler has çalt depginlerde alnyp barylýar. Ulgamlary toplumlaýyn döwrebaplaşdyrmak, maliýe we durmuş durnuklylygyny üpjün etmek, ýurduň ykdysadyýetiniň kuwwatyny düýpli berkitmek babatynda dünýä nusgalyk ösüşler gazanylýar. Häzirki bazar ykdysadyýetine geçiş döwründe ykdysadyýetimiziň ähli pudaklaryny sanly ulgama geçirmäge, pudaklaryň we sebitleriň maliýe-ykdysady netijeliligini ýokarlandyrmaga, pudaklarda we kärhanalarda hasaba alyş we hasabatlylyk ulgamlaryny kämilleşdirmäge, salgyt-býujet we pul-karz işjeňligini döwrebap derejelerde ýola goýmaga uly üns berilýär. Bäsdeşlige ukyplylyk, innowasiýalar hem-de täze iş orunlarynyň döredilmegi köp babatda tehnologiýalaşdyrmak işleriniň depgini bilen kesgitlenilýär.

16 Iýul 2021

Ykdysadyýet

Baş maksadymyz — howpsuzlyk

Döwlet gözegçiligi bölümi önümleriň, işleriň we hyzmatlaryň hiline, standartlaryň hem-de standartlaşdyryş boýunça beýleki kadalaşdyryjy resminamalaryň talaplarynyň berjaý edilişine döwlet gözegçiligini amala aşyrýar. Synag barlaghanalarynyň attestatlaşdyryş işlerini ýerine ýetirýär. Ýurdumyzda hereket edýän önümçilikleriň, öndürilýän önümleriň toplumynyň hem-de ýerine ýetirilýän hyzmatlaryň sertifikatlaşdyryş işlerini alyp barýar. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» görkezilen «Hil we ekologiýa ulgamyny dolandyrmak bilen baglanyşykly halkara standartlaryň talaplary boýunça edara-kärhanalary sertifikatlaşdyrmak işini ýaýbaňlaşdyrmak» diýen bendine laýyklykda işler alnyp barylýar. «Dag deňiz» hususy kärhanasynyň ýerine ýetirýän nebit-gaz ulgamynda ulag-logistika hyzmatlaryna 2021-nji ýylda TDS-ISO 9001:2015 (E) halkara standartyň talaplary boýunça hil ulgamynyň laýyklyk sertifikaty resmileşdirildi.

16 Iýul 2021

Ykdysadyýet

Ygtybarly synag — ýokary hil

Mary welaýatynyň «Türkmenstandartlary» döwlet gullugynyň Synag barlaghanasynyň ýeňil-dokma senagat we mebel önümlerini synagdan geçiriş bölüminde daşary ýurtlardan getirilýän, şeýle-de öz döwletimizde öndürilýän egin-eşikleriň dürli görnüşleriniň, trikotaž we mebel önümleriniň synaglary talabalaýyk alnyp barylýar. Ýurdumyzyň ähli pudaklarynda, şeýle hem standartlaşdyryş ulgamynda giň gerimli özgertmeler amala aşyrylýar. Diýarymyzda öndürilýän hem-de daşary döwletlerden getirilýän önümleriň, edilýän işleriň we hyzmatlaryň hiliniň ýokary bolmagyny gazanmak bu ulgamyň esasy wezipeleriniň biridir.

16 Iýul 2021

Ykdysadyýet