Hormatly Prezidentimiz «Türkmenistan — Bitaraplygyň mekany» atly kitabynda: «Haýsy asyr, haýsy zaman — parhy ýok, adamlar mydama parahat durmuşy isläpdirler, parahat durmuş halklara rahatlyk hem ösüş, bagt hem eşret beripdir. Parahatçylyga söýgi, abadan ýaşaýyş halklaryň arasyndaky dost-doganlygyň pugtalanmagyna itergi beripdir» diýmek bilen, türkmen halkynyň taryhyň ähli döwürlerinde-de parahatçylygyň tarapdary bolandygyny anyk mysallar arkaly delillendirýär.
Geçmişde Ýer ýüzüniň çar künjeginde kuwwatly döwletleri gurup, halklary agzybirlige we jebislige, parahatçylykly ýaşaýşa çagyran ata-babalarymyzyň bu ynsanperwer ýörelgeleri bu gün ýurdumyzyň daşary syýasatynda, dünýä döwletleri bilen gatnaşyklarynda häzirki zaman görnüşinde dowam etdirilýär. Taryhyň sahypalarynda türkmen halkynyň parahatçylyk söýüjiligi dabaralandyrýan ýörelgelerine mysallar näçe diýseň bar.
