Mälim bolşy ýaly, Türkmenistanyň Halk Maslahatynyň Prezidiumynyň Karary bilen, şu ýylyň 24-nji sentýabrynda Aşgabat şäherindäki Maslahat köşgünde Halk Maslahatynyň nobatdaky mejlisi geçiriler. Onda il-ýurt bähbitli möhüm Mälim meselelere garalar, ýurdumyzyň ykdysady, syýasy, medeni ösüşde ýeten belent derejeleri barada gürrüň ediler, öňde durýan wezipeler ara alnyp maslahatlaşylar. Häzirki wagtda tutuş ýurdumyz boýunça, şol sanda Türkmenistanyň Prezidentiniň ýanyndaky Döwlet gullugy akademiýasynda hem bu döwlet ähmiýetli çärä bagyşlanan taýýarlyk işleri geçirilýär. Akademiýada bu möhüm jemgyýetçilik-syýasy waka, onuň ähmiýeti babatda wagyz-nesihat duşuşyklary, söhbetdeşlikler geçirilýär. Köpçülikleýin habar beriş serişdelerinde mugallymlar we diňleýjiler tarapyndan bu syýasy çäräniň ähmiýeti dogrusynda yzygiderli tegelek stol ýazgylary, çykyşlar guralýar,
makalalar çap edilýär.
Demokratik ýörelgeleri durmuşa ornaşdyrmakda, berkitmekde Türkmenistanyň Halk Maslahatyna uly orun degişlidir. Türkmen halkynyň Milli Lideri:
«Garaşsyz, hemişelik Bitarap Türkmenistan halk häkimiýeti berkarar edilen döwletdir. Häzirki döwürde şöhratly pederlerimiziň halk häkimiýeti baradaky däpleri mynasyp dowam etdirilýär» diýip belleýär.