Gökdere jülgesindäki “Bagtyýar nesiller” çagalar dynç alyş-sagaldyş merkezinde wagtyny şadyýanlykda geçirýän çagalaryň arasynda söhbetdeşlik geçirildi. Bu çäre welaýat kitaphanasy tarapyndan guraldy.
Welaýat kitaphanasynyň göçme kitap sergisini synlap, ondan uly täsirleri alan çagalar söhbetdeşlige işjeň gatnaşdylar. Kitaphananyň neşirleri saklamak bölüminiň kitaphanaçy-hünärmenleri çagalara özleriniň alyp barýan işleri, kitap okamagyň peýdasy, täze taryhy döwrümizde ýaş nesillere niýetlenip neşir edilýän kitaplar, çeper eserler barada täsirli gürrüň berdiler. Soňky ýyllarda neşir edilen eserleriň birnäçesiniň terbiýeçilik ähmiýetine üns çekilmegi çäräniň many-mazmunyny artdyrdy.
