«Pähim-paýhas ummany, Magtymguly Pyragy» ýylynda beýik şahyryň köptaraply döredijiligi dünýä derejesinde has düýpli öwrenilýär. Çeper söz ussadynyň goşgularynyň many-mazmuny ummanlaryň çuňlugyna barabar bolup, parasatly pikirleri biri-biri bilen zynjyr kimin sepleşip gidýär. Aýratyn hem, adamzat bähbitli kesp-kär, hünär öwrenmek meselesi şahyryň dürdäne setirleriniň içinden eriş-argaç bolup geçýär. Akyldar şahyrymyz «Göze myhmandyr» diýen şygrynda:
Ýigidiň bolmasa ýaragy, aty,
Şony belli biliň, ýokdur gaýraty,
Gojaldykça, gider süňňüň kuwwaty,
Ýigitligiň zory dyza myhmandyr... —
