Türkmenmetbugat

"Ekologiýa medeniýeti we daşky gurşawy goramak" žurnaly

Esaslandyryjysy: Türkmenistanyň Oba hojalyk we daşky gurşawy goramak ministrligi
Salgysy: Aşgabat şäheri, Bitarap Türkmenistan şaýoly 15
Telefon belgileri: 94-17-24

Žurnaly PDF görnüşinde ýükläp almak

Makalalar

Türkmenistan — Özbegistan: hoşniýetli gatnaşyklara ygrarlylyk

«Goňşy» sözi türkmen halkynyň durmuşynda uly orun tutýar. Muny biz halk döredijiligine, edebiýata ser salanymyzda has hem anyk göz ýetirýäris. Merkezi Aziýa sebitinde okgunly ösýän döwletleriň biri bolan goňşy Özbegistan Respublikasy bilen netijeli gatnaşyklar hem milli daşary syýasy strategiýamyzyň ileri tutulýan ugurlarynyň biridir. Öňde boljak sebitiň üç dostlukly ýurdunyň döwlet Baştutanlarynyň gatnaşmagynda geçiriljek Aşgabat duşuşygy hoşniýetli hyzmatdaşlygy hemmetaraplaýyn giňeltmekde taryhy waka bolar.

3 Awgust 2023

Üçtaraplaýyn duşuşyk: gadyrly gatnaşyklaryň täze gözýetimleri

Dünýä ýurtlary, hususan-da, goňşy döwletler bilen syýasy-diplomatik gatnaşyklary ösdürmek hormatly Prezidentimiziň baştutanlygynda Garaşsyz Türkmenistanyň amala aşyrýan daşary syýasy strategiýasynyň möhüm ugurlarynyň biridir. Işjeň durmuşa geçirilýän parahatçylyk dörediji syýasat halkara gatnaşyklar ulgamynda oňyn hyzmatdaşlygy ýola goýmaga, sebit hem-de bütindünýä derejesinde häzirki döwrüň möhüm meseleleriniň çözgüdini bilelikde tapmaga mümkinçilik berýär. Türkmenistan — Täjigistan: barha berkeýän strategik hyzmatdaşlyk

3 Awgust 2023

Aşgabat halklary dostlaşdyrýar

Aşgabat şäheri — dünýäde iň gözel, ýaşamak üçin ähli oňyn şertleri bolan şäherleriň biri. Ol halkara derejedäki medeni, syýasy, işewürlik merkezine öwrüldi. Onda uly ykdysady we ylmy mümkinçilikler bar. Aşgabatda geçirilýän ýokary derejedäki duşuşyklar, olarda garalýan meseleler diňe milli bähbitlere degişli bolman, eýsem, umumadamzat bähbitlerini hem nazarlaýar. Dünýä öz täsirini ýetirip bilýän abraýly şäherler köp däl. Munuň üçin halkara durmuşyň içinde gaýnap joşmaly. Ol bolsa diýseň joşgunly. Onuň üznüksiz hereketiniň, köptaraply we çylşyrymly meseleleriniň içinde baş çykarmak üçin kesgitli ugruň, anyk matlabyň, agramly sözüň bolmaly.

3 Awgust 2023

Hoşniýetli goňşuçylyk hem ylalaşyklylyk

türkmen-täjik-özbek gatnaşyklarynyň binýadydyr Gadymy grek akyldary Sokrat: «Dostluk bolmazdan, adamlaryň arasyndaky hiç bir gatnaşygyň gymmaty ýokdur» diýip nygtapdyr. Munuň sebäbi «dostluk» diýen gysga sözde adamlaryň iň oňat ahlak häsiýetleriniň, umumy gyzyklanmalarynyň, özara hormatyň hem ruhy gymmatlyklaryň iň gowy däpleriniň jemlenýänligindedir, megerem. Sebäbi diňe ruhy taýdan ýakyn, birek-birege ynanýan we düşünişip bilýän ynsanlar hakyky dostluk gatnaşyklaryny gurmagy başarýarlar. Şeýle bolýan bolsa, dostlukly gatnaşyklaryň döwletlerdir halklaryň arasynda ýola goýulmagynyň hem ilerledilmeginiň näderejede ähmiýetlidigini göz öňüne getirip görüň! Adaty durmuşda dostlaryň başy jem bolanda, ýürekdeş gürrüňdeşlikleriň başlanyşy ýaly, döwletleriň Liderleri duşuşanda-da millionlarça ýüregi ýakynlaşdyrýan, dost-doganlyk, ylalaşyklylyk ýörelgeleriniň binýadyny has-da pugtalandyrýan belent maksatlara ýol açylýar. Biz bu hakykata mizemez dostluk, hoşniýetli goňşuçylyk gatnaşyklaryny asyrlarboýy dowam etdirip gelýän Merkezi Aziýanyň üç ýurdunyň — Türkmenistanyň, Täjigistanyň we Özbegistanyň döwlet Baştutanlarynyň öňde boljak duşuşygynyň mysalynda ýene bir ýola aýdyň göz ýetireris.

3 Awgust 2023

Çar tarapdan myhman gelişin görüň!

Türkmenistan hemişelik Bitaraplyk hukuk ýagdaýyna esaslanýan daşary syýasaty yzygiderli durmuşa geçirmek arkaly, daşary ýurtly hyzmatdaşlar bilen ikitaraplaýyn we köptaraplaýyn esasda netijeli hyzmatdaşlygy barha ösdürýär. Ýurdumyz häzirki döwrüň möhüm meseleleriniň çözgütlerini işläp taýýarlamakda başlangyçly orun eýeläp, parahatçylygy, howpsuzlygy, durnuklylygy üpjün etmek, halkara hyzmatdaşlygy giňeltmek boýunça tagallalaryň birleşdirilmegine saldamly goşant goşýar. Şunuň bilen baglylykda, awgust aýynyň başynda Türkmenistanyň, Täjigistanyň we Özbegistanyň Prezidentleriniň Aşgabatda geçiriljek sammiti hem möhüm ähmiýete eýe bolup durýar. Sammitiň barşynda sebit hyzmatdaşlygynyň ileri tutulýan ugurlary ara alnyp maslahatlaşylar. Özbegistan respublikasy

3 Awgust 2023

Ýaşasyn türkmen ynsanperwerligi!

Wiktor MAÝKO,Ukrainanyň Türkmenistandaky Adatdan daşary we Doly ygtyýarly ilçisi: — 19-njy iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyjy bilen bina edilen Arkadag şäherinde ýerleşýän Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna Ukrainadan hoşallyk hatlary gelip gowuşdy. Maňa-da Ukrainanyň hassahanalarynyň, etrap-şäher merkezleriniň ýolbaşçylarynyň türkmen tarapyna iberen hoşallyk hatlaryny gowşurmak bagty miýesser etdi. Hatlarda Ukraina döwletine türkmen tarapyndan iberilen derman we lukmançylyk serişdeleri, dokma we azyk önümleri üçin hoşallyk bildirilýär. Bu ynsanperwer kömekler türkmen halkynyň Milli Lideriniň we hormatly Türkmenistanyň Prezidentiniň başlangyçlary bilen iberildi. Ynsanperwer kömek hökmünde iberilen ýokary hilli önümleriň ählisi ukrain çagalaryna gowşuryldy. Dostlukly döwletden gelip gowşan ynsanperwer kömegine hoşallyk, minnetdarlyk duýgusy çagalaryň kalbynda uzak ýyllaryň dowamynda ýaşar. Hemaýat edilen çagalar Türkmenistanda özleri hakynda alada edýän, begendirmek üçin ýakymly sowgatlary iberen dostlarynyň bardygyny hemişe ýatlap gezerler.

3 Awgust 2023

Hoşniýetli goňşuçylyk gatnaşyklary dabaralanýar

Türkmenistanyň Prezidenti Serdar Berdimuhamedow: — Bu gün biziň esasy maksadymyz türkmen-özbek doganlyk, hoşniýetli goňşuçylyk, özara düşünişmek gatnaşyklaryny pugtalandyrmakdan, ähli ugurlar boýunça ikitaraplaýyn hyzmatdaşlygy ösdürmekden we giňeltmekden ybaratdyr.

2 Awgust 2023

Türkmenistan — Täjigistan: hyzmatdaşlygyň belent sepgitleri

Türkmenistanyň PrezidentiSerdar Berdimuhamedow: — Türkmenistan bilen Täjigistanyň arasyndaky hyzmatdaşlyk ähli ugurlar boýunça ösdüriler. Munuň özi iki ýurduň we olaryň halklarynyň uzak möhletleýin bähbitlerine laýyk gelýär.

2 Awgust 2023

Heňňamlara uzaýan hoşniýetli hyzmatdaşlyk

Türkmenlerde: «Dostuň geldi — baýram boldy» diýen nakylyň ähmiýeti hakynda söz açsaň, dostluk babatdaky düşünjelerimiziň gerimi giňär oturar. Mahlasy, ýurdumyzyň Merkezi Aziýa, şeýle-de sebitara gatnaşyklarynyň oňyn netijeleri barada kelam agyz söhbet ederis. Garasaý, biz goňşy Özbegistan Respublikasy, şeýle-de Täjigistan Respublikasy bilen ýurdumyzyň arasyndaky syýasy-ykdysady, söwda, ylym-bilim, medeni-ynsanperwer gatnaşyklaryň ähmiýetiniň diňe bir üç ýurduň däl, eýsem, dünýä ýüzündäki özgertmeleriň esasy özenini düzýändigini nygtamak gerek. Bu ýurtlaryň dostanalygynyň möhleti taryhyň jümmüşinden syzylyp gaýdýar. Şeýde-şeýde ol gatnaşyklar bu günki gün oňyn netijeleri bilen gören-eşideni haýran galdyrýar. Goňşa gol berip

2 Awgust 2023

Hoşniýetli goňşuçylygyň binýady berkidilýär

Merkezi Aziýada möhüm ykdysady-syýasy mümkinçiliklere eýe bolan Türkmenistan, Özbegistan hem-de Täjigistan döwletleriniň arasyndaky hyzmatdaşlyk sebitde ählumumy ösüşi, abadançylygy we parahatçylygy berkarar etmekde uly ähmiýete eýedir. Bu ýurtlarda ýaşaýan halklaryň köpasyrlyk hoşniýetli goňşuçylygy, goňşy döwletleriň ygtybarly hyzmatdaşlygy dostluk çynarynyň üç sany berdaşly pudagyna çalym edýär. Taryhy kökleri müňýyllyklara uzaýan şol dostluk daragtynyň saýasynda hoşniýetli hyzmatdaşlyk, dostluk-doganlyk babatynda täze taryh ýazylýar.

2 Awgust 2023

Döwletara gatnaşyklaryň ösüşi

Ýaňy-ýakynda hormatly Prezidentimiz sanly ulgam arkaly geçiren Ministrler Kabinetiniň mejlisinde Türkmen-özbek serhedinde söwda merkezini gurmak hakyndaky degişli Karara gol çekdi. Munuň özi ýurdumyzyň sebit, halkara derejesinde syýasy, ykdysady, medeni hyzmatdaşlyklary ösdürmäge çalyşýandygynyň ýene-de bir aýdyň subutnamasy boldy. Türkmen-özbek dost-doganlyk hem-de hoşniýetli goňşuçylyk gatnaşyklary öz gözbaşyny gadymyýetden alyp gaýdýar. Ýurtlarymyzyň hem-de halklarymyzyň taryhy ösüşinde, medeniýetlerinde, däp-dessurlarynda hem umumy meňzeşlikler köpdür. Iki döwletiň söwda-ykdysady, ulag-kommunikasiýa geçelgeleriniň möhüm çatrygynda ýerleşmegi «Gündogar — Günbatar» we «Demirgazyk — Günorta» ugurlary boýunça geljegi has uly taslamalary ösdürmek boýunça utgaşykly gatnaşyk etmegine mümkinçilik berýär. Mälim bolşy ýaly, geçen ýylyň 21-nji oktýabrynda Özbegistan Respublikasynyň Prezidentiniň ýurdumyza resmi saparynyň çäginde teleköpri arkaly Türkmen-özbek serhetýaka zolagynyň — Söwda merkeziniň düýbüni tutmak dabarasy geçirildi. Söwda merkezi 2025-nji ýylyň iýulynda ulanylmaga berler. Şeýlelikde, bu söwda merkezi iki doganlyk ýurduň arasynda özara bähbitli hyzmatdaşlygyň, haryt dolanyşygynyň artdyrylmagyna hem-de işewürlik gatnaşyklarynyň giňeldilmeg

2 Awgust 2023

Dostluk daragty gül açýar

Garaşsyz, hemişelik Bitarap Türkmenistan Watanymyzy Berkarar döwletiň täze eýýamynyň Galkynyşy döwründe ösüşleriň täze belentliklerine alyp barýan hormatly Prezidentimiziň parasatly syýasaty netijesinde dünýä döwletleri, şol sanda goňşy ýurtlar bilen dost-doganlyk gatnaşyklary giň gerimde ösdürilýär. Muňa goňşy Özbegistan Respublikasy bilen soňky döwürlerde gazanylan ylalaşyklaryň netijesinde hem aýdyň göz ýetirmek bolýar. Türkmen-özbek dost-doganlyk gatnaşyklarynyň belent derejelere çykmagynda bolsa Gahryman Arkadagymyz Gurbanguly Berdimuhamedowyň hem-de Özbegistan Respublikasynyň Prezidenti Şawkat Mirziýoýewiň ägirt uly goşantlarynyň bardygyny bellemek aýratyn ýakymlydyr. Häzirki wagtda bu gatnaşyklar Arkadagly Serdarymyzyň ýolbaşçylygynda has-da pugtalandyrylýar. Geçen ýylyň iýul aýynda hormatly Prezidentimiz Serdar Berdimuhamedowyň Özbegistana bolan döwlet saparynyň, oktýabr aýynda Özbegistan Respublikasynyň Prezidenti Şawkat Mirziýoýewiň ýurdumyza bolan resmi saparynyň netijesinde iki goňşy ýurduň arasyndaky hyzmatdaşlyk hil taýdan täze many-mazmuna eýe boldy.

2 Awgust 2023

Barha rowaçlanýan gatnaşyklar

Berkarar döwletiň täze eýýamynyň Galkynyşy döwründe ýurdumyzyň üstünlikli durmuşa geçirilýän daşary syýasatynda sebitdäki hem-de Ýer ýüzündäki döwletler bilen dostlukly gatnaşyklara we ygtybarly hyzmatdaşlyga aýratyn ähmiýet berilýär. Munuň özi Garaşsyz, hemişelik Bitarap Türkmenistanyň daşary ýurtlar bilen gatnaşyklarynyň hil taýdan täze derejelere göterilmegini şertlendirýär.  Türkmen-täjik gatnaşyklarynyň mäkäm binýadynyň türkmen halkynyň Milli Lideri Gurbanguly Berdimuhamedowyň pähim- -paýhasyndan gözbaş alýandygyny aýratyn belläp geçmek gerek. Täjigistan Respublikasynyň ýokary sylagy bolan I derejeli «Ismoil Somoni» ordeni bilen sylaglanmagy, «Abuali ibn Sino adyndaky Täjik döwlet lukmançylyk uniwersitetiniň Hormatly professory» diýen ada mynasyp bolmagy Gahryman Arkadagymyzyň ikitaraplaýyn hyzmatdaşlygy berkitmekdäki hyzmatyna doganlyk halk tarapyndan berlen ýokary bahadyr.

2 Awgust 2023

Özbegistan, Türkmenistan we Eýran halkara ulag geçelgesini döretmegi meýilleşdirýär

Özbegistanyň, Türkmenistanyň, Eýranyň Hökümetleriniň arasynda halkara ulag geçelgesini guramak baradaky şertnama gol çekilmegini çaltlaşdyrmak meseleleri öwrenilýär. Özbegistanyň Ulag ministrliginiň metbugat gullugy ýurduň Ulag ministrliginiň we Eýranyň Ýol we şäher ösüş ministrliginiň wekilleriniň halkara ulag geçelgesini guramak meselesini ara alyp maslahatlaşandyklaryny habar berdi. Bu barada TASS ýazýar.

2 Awgust 2023

Türkmenistan — BMG: parahatçylygyň, howpsuzlygyň we ählumumy ösüşiň strategiýasy

Häzirki döwrüň möhüm meselelerini çözmäge bilelikde we işjeň gatnaşmak, Ýer ýüzünde parahatçylygy, durnuklylygy pugtalandyrmak, sebit hem-de ählumumy derejede netijeli hyzmatdaşlygy ösdürmek maksady bilen, oňyn halkara dialoga hemmetaraplaýyn ýardam bermek Türkmenistanyň daşary syýasy işiniň, şeýle-de diplomatiýasynyň strategik ugry bolup durýar. Hormatly Prezidentimiz Serdar Berdimuhamedowyň nygtaýşy ýaly, Türkmenistan hoşniýetli goňşuçylyga, özara hormat goýmaga, deňhukuklylyga we dünýäniň ähli döwletleri bilen özara bähbitli hyzmatdaşlyga esaslanýan Bitaraplyk syýasatyny dowam eder. Döwletimiziň Bitaraplyk hukuk ýagdaýyndan gelip çykýan esasy ýörelgeler, ýagny ählumumy parahatçylygyň we howpsuzlygyň pugtalandyrylmagy, hoşmeýilli erk-islege esaslanýan dost-doganlyk gatnaşyklarynyň giňeldilmegi, dünýäde durnukly ösüşiň üpjün edilmegi mundan beýläk-de Garaşsyz türkmen döwletiniň daşary syýasatynyň ileri tutulýan ugurlary bolar. Türkmenistan abraýly halkara, sebit we döwletara hyzmatdaşlyk mehanizmlerine işjeň gatnaşmak bilen, parahatçylyk hem-de ynanyşmak medeniýetiniň pugtalandyrylmagyna uly goşant goşýar, deňeçer we jebisleşdiriji halkara gün tertibiniň yzygiderli durmuşa geçirilmegine ýardam berýär. Şunuň bilen baglylykda, Türkmenistanyň

2 Awgust 2023

Halkara hyzmatdaşlygy pugtalanýar

Türkmenistanyň hoşniýetli goňşuçylyk we giň halkara hyzmatdaşlyk ýörelgelerine esaslanýan «Açyk gapylar» syýasatyny işjeň durmuşa geçirmegiň netijesinde ýurdumyzyň dünýä döwletleri bilen dostlukly gatnaşyklary yzygiderli ösýär we pugtalanýar. Hormatly Prezidentimiziň ýurdumyzyň daşary syýasat strategiýasyny amala aşyrmakdaky başlangyçlary, halkara hyzmatdaşlygyny ösdürmekde we umumadamzat ösüşine dahylly meseleleriň oňyn çözgütlerini tapmakda alyp barýan işleri dünýä bileleşigi tarapyndan giňden goldanylýar. Halkymyzyň gadymdan gelýän hoşniýetlilik, parahatçylyk söýüjilik, ynsanperwerlik ýörelgeleri we däpleri döwletimiziň oňyn Bitaraplyga esaslanýan daşary syýasatynyň özeni bolup durýar. Hemişelik Bitaraplyk hukuk ýagdaýyndan gelip çykýan ýörelgeleriň baş maksady ählumumy parahatçylygy, howpsuzlygy pugtalandyrmakdan, dünýä ýurtlary bilen hoşniýetli dost-doganlyk gatnaşyklaryny giňeltmekden, durnukly ösüşi üpjün etmekden ybarat bolup durýar.

1 Awgust 2023

Rowaçlygyň röwşen ýoly

Türkmenistan dünýäniň ähli döwletleri, şol sanda abraýly halkara guramalary bilen ýakyndan hyzmatdaşlyk edýär. Birleşen Milletler Guramasy we onuň ugurdaş düzümleri bilen hyzmatdaşlyk barha işjeňleşýär. Baky Bitarap Watanymyzyň Birleşen Milletler Guramasynyň Baş Assambleýasynyň mejlisleriniň başlygynyň orunbasarlygyna, şeýle-de bu guramanyň abraýly edaralarynyň düzümine ençeme gezek saýlanmagy, ýurdumyzyň ählumumy parahatçylygy, abadançylygy we durnukly ösüşi üpjün etmek boýunça halkara başlangyçlarynyň dünýä jemgyýetçiliginiň giň goldawyna eýe bolmagy hem muňa aýdyň şaýatlyk edýär. Geçen hepdäniň anna güni sanly ulgam arkaly geçirilen Ministrler Kabinetiniň mejlisiniň barşynda Birleşen Milletler Guramasynyň Baş Assambleýasynyň nobatdaky 78-nji mejlisinde Türkmenistanyň ileri tutýan garaýyşlary hakda aýdylmagy ildeşlerimizde buýsanç duýgusyny döretdi. Şu ýylyň 12-nji sentýabrynda Nýu-Ýork şäherinde öz işine başlajak Birleşen Milletler Guramasynyň Baş Assambleýasynyň 78-nji mejlisinde ýurdumyz tarapyndan beýan ediljek başlangyçlaryň hatarynda Türkmenistanda Merkezi Aziýa ýurtlarynyň ýaşlarynyň dialogynyň esaslandyryjy mejlisini geçirmek, 2024-nji ýylda Magtymguly Pyragynyň doglan gününiň 300 ýyllygyna gabatlap, ÝUNESKO we TÜRKSOÝ bilen bilelikde

1 Awgust 2023

Dostlukly gatnaşyklar işjeňleşdirilýär

Şu ýylyň 30-njy iýuly — 1-nji awgusty aralygynda Hytaý Halk Respublikasynyň Kommunistik partiýasynyň Merkezi komitetiniň agzasy, partiýanyň Sinhaý welaýat komitetiniň sekretary jenap Çen Ganyň ýolbaşçylygyndaky wekiliýet Türkmenistanda iş saparynda bolýar. Saparyň barşynda dostlukly döwletiň wekiliýet agzalarynyň ýurdumyzyň degişli düzümleriniň ýolbaşçylary bilen duşuşyklary boldy. Hytaýyň Kommunistik partiýasynyň wekiliýetiniň Türkmenistanyň jemgyýetçilik guramalarynyň merkezinde ýurdumyzyň syýasy partiýalarynyň ýolbaşçylary bilen bolan duşuşygynda döwletara gatnaşyklaryň, şol sanda syýasy partiýalaryň ugry boýunça hyzmatdaşlygyň möhüm meseleleri ara alnyp maslahatlaşyldy. Özara gepleşikleriň barşynda iki ýurduň we olaryň halklarynyň bähbitlerine gönükdirilen dostlukly gatnaşyklary berkitmekde taraplaryň işjeň tagallalarynyň möhüm orny aýratyn bellenildi. Duşuşykda nygtalyşy ýaly, Türkmenistan bilen Hytaý Halk Respublikasynyň arasyndaky özara bähbitli gatnaşyklar soňky ýyllarda iki ýurduň döwlet Baştutanlarynyň tagallalarynyň netijesinde strategik hyzmatdaşlyk derejesine çykaryldy.

1 Awgust 2023

Gün tertibinde — Hazar deňziniň meseleleri

Golaýda ýurdumyzyň Daşary işler ministrliginiň binasynda Türkmenistanyň Hazar deňziniň meseleleri boýunça pudagara toparynyň nobatdaky mejlisi geçirildi. Onuň işine Ministrler Kabinetiniň agzalary, degişli ministrlikleriň we pudaklaýyn dolandyryş edaralarynyň ýolbaşçylarydyr wekilleri gatnaşdylar. Duşuşygyň dowamynda pudagara toparyň şu ýylyň birinji ýarymynda alyp baran işleriniň netijeleri ara alnyp maslahatlaşyldy, şeýle hem ýakyn geljek üçin anyk wezipeler kesgitlenildi. Mejlise gatnaşyjylar Türkmenistanyň mundan beýläk-de özara hormat goýmak ýörelgeleri esasynda Hazar deňzi boýunça ykdysadyýet, ekologiýa, howpsuzlyk, ulag we beýleki ulgamlarda hyzmatdaşlygyň ilerledilmegi ugrunda tagallalary durmuşa geçirjekdigini nygtadylar. Şunda howanyň üýtgemeginiň täsirini peseltmek, «ýaşyl» ykdysadyýeti ösdürmek meselelerine aýratyn üns berler. Munuň özi ýurdumyzyň daşary syýasatynda ileri tutulýan ekologiýa diplomatiýasyny üstünlikli amala aşyrmakda möhüm ähmiýete eýedir.

1 Awgust 2023

ХХ Ählihytaý gurultaýynyň jemleriniň tanyşdyrylyşy

Şu gün paýtagtymyzyň Jemgyýetçilik guramalarynyň merkezinde Hytaýyň Kommunistik partiýasynyň ХХ Ählihytaý gurultaýynyň jemleriniň tanyşdyrylyşy geçirildi. Onda ilki bilen çykyş eden jenap Çen Gan Türkmenistanyň Demokratik partiýasynyň hem-de Hytaýyň Kommunistik partiýasynyň agzalarynyň iki halkyň dost-doganlygyny berkitmekdäki alyp baran işleri barada giňişleýin durup geçdi we Hytaýyň Sinhaý welaýatynyň tutýan meýdany, tebigaty, medeniýeti hem-de ol ýerdäki ösüşler barada giňişleýin gürrüň berdi. Şeýle-de çykyşyň dowamynda Hytaýyň Kommunistik partiýasynyň Orta Aziýa döwletler bilen, şol sanda Türkmenistan bilen gelejekde dost-doganlygy has-da berkitmek babatda alnyp baryljak işler barada durlup geçildi. Türkmenistanyň Demokratik partiýasynyň başlygy Ata Serdarow jenap Çen Gana we Hytaý tarapyndan gelen beýleki wekillere bu tanyşdyrylyş dabarasyna gatnaşan jemgyýetçilik guramalarynyň wekilleriniň adyndan hem-de öz adyndan hoşallygyny bildirdi. Jenap Çen Gan hem öz gezeginde partiýanyň adyndan Türkmenistan bilen Hytaýyň arasyndaky gatnaşyklary berkitmekde alyp barýan işleri üçin hormatly Prezidentimize, Gahryman Arkadagymyza tüýs ýürekden sagbolsun aýtdy.

31 Iýul 2023

‹
1
2
...
80
81
82
83
84
85
86
...
245
246
›