Daýym göwni hoşly gojaman Hazar!
Joşgunlary joşly nowjuwan Hazar!
Tolkunlary bagta badalga Hazar!
Kenarlary dosta düşelge Hazar!
Munda heňňam boýy arkama-arka,
Azerbaýjan,
Türkmen,
Eýran,
Gazak,
Rus,
Daşyňa orandyr doganlyk halka.
Ähti-peýmanlary kalplara hoşluk,
Sammitden-sammite bekeýär dostluk.
Giňligi dünýäniň giňligine deň,
Gözýetimi täze menzile çelgi,
Hazar sammitinde didarlaşmaga,
Goňşy dogan iller ýurduma geldi.
Gojaman Hazar tebigy baýlyklara baý deňiz. Hazaryň kenaryndaky döwletler şol baýlyklary rejeli peýdalanmak bilen birlikde bu deňzi dostlugyň, hyzmatdaşlygyň deňzine öwürdiler.
