18-nji iýulda paýtagtymyzda «Halkara ulag-üstaşyr geçelgeleri: özara arabaglanyşyk we ösüş» atly halkara maslahat açyldy. Hormatly Prezidentimiz Serdar Berdimuhamedowyň bu halkara maslahata gatnaşyjylara Gutlagynda bellenilişi ýaly, bu möhüm çäre Garaşsyz, hemişelik Bitarap Watanymyzyň halkara üstaşyr ulag geçelgelerini ýaýbaňlandyrmakda, özara arabaglanyşygy we ösüşi gazanmakda uly ähmiýete eýe bolar.
Türkmenistanyň dünýäniň ulag ulgamyna işjeň goşulmagy halkara hyzmatdaşlygynyň ileri tutulýan ugurlarynyň hatarynda durýar. Ýurdumyz iki yklymyň çatrygynda ýerleşmek bilen, ulagyň ähli görnüşlerini ösdürmegiň mümkinçiliklerinden peýdalanýar.