Şu ýylyň maý aýynda paýtagtymyzda geçirilen Merkezi Aziýa döwletleriniň we Russiýanyň zenanlarynyň dialogynyň netijeleri boýunça jemleýji Jarnama kabul edildi. Türkmenistanyň Ministrler Kabinetiniň ýakynda geçirilen giňişleýin mejlisinde şol Jarnamanyň BMG-niň Baş Assambleýasynyň 76-njy sessiýasynyň resminamasy hökmünde ykrar edilendigi baradaky hoş habar aýdyldy.
Ata Watanymyzda hormatly Prezidentimiziň parasatly baştutanlygynda jemgyýetçilik-syýasy, durmuş-ykdysady we medeni-ynsanperwer ulgamlarda alnyp barylýan döwletli işlere zenanlaryň erkekler bilen deň derejede gatnaşmagy ugrunda zerur bolan şertler döredilýär.