Altynjy Hazar sammitinde hormatly Prezidentimiz öz çykyşynda Gündogar — Günbatar hem-de Demirgazyk — Günorta ugurlary boýunça Ýewraziýada üstaşyr ulag akymlarynyň baglanyşdyryjy merkezi hökmünde Hazar deňzini «Mümkinçilikleriň deňzi» diýip atlandyrmagyň hakykatdan daşda däldigini nygtady.
Biz hem Türkmenisanyň Daşary işler ministrliginiň Halkara gatnaşyklary institutynyň halkara ykdysady gatnaşyklary kafedrasynyň uly mugallymy Perhat Çaryýew bilen Hazar sebitini harytlaryň we hyzmatlaryň halkara akymlary üçin oňaýly giňişlige öwürmek ugrunda netijeli logistika ulgamyny kemala getirmek babatdaky mümkinçilikler barada söhbetdeş bolduk.
