Hormatly Prezidentimiziň tagallasy esasynda Türkmenistanyň Milli Geňeşiniň dünýä döwletleriniň parlamentleri hem-de abraýly halkara guramalary bilen hyzmatdaşlyk gatnaşyklaryny has-da ösdürmegi üçin giň mümkinçilikler döredilýär.
2022-nji ýylyň 30-njy iýuny — 1-nji iýuly aralygynda Azerbaýjan Respublikasynyň Baku şäherinde Goşulyşmazlyk Hereketiniň Parlament torunyň nobatdaky duşuşygy geçirildi. «Ählumumy parahatçylygy we durnukly ösüşi üpjün etmekde milli parlamentleriň ornuny ýokarlandyrmak» atly bu konferensiýa Türkmenistanyň Milli Geňeşiniň Mejlisiniň Başlygynyň ýolbaşçylygyndaky wekiliýet hem gatnaşdy.