Halkymyzda dost-doganlyga uly sarpa goýulýar. Munuň şeýledigini asyrlar aşyp, biziň günlerimize gelip ýeten atalar sözlerinden, nakyllardan hem bilmek bolýar. «Dost — dostuň aýnasy», «Özüňi süýt bilgin, dostuňy gaýmak», «Dost tutarlar öňli-soňly, don biçerler ýeňli-ýanly» diýlen pähimlerde dostluga belent sarpanyň beýany bar. Hormatly Prezidentimiziň Russiýa Federasiýasyna resmi sapary dostana halkymyzy has-da begendirdi.
Asyrlardan gözbaş alýan türkmen-rus dostlugy Berkarar döwletiň täze eýýamynyň Galkynyşy döwründe belent derejelere ýetýär. Muňa Arkadagly Serdarymyzyň Russiýa Federasiýasynyň Prezidenti Wladimir Putiniň Permany esasynda «Dostluk» ordeni bilen sylaglanmagy hem güwä geçýär. Pursatdan peýdalanyp, hormatly Prezidentimizi dostlukly ýurduň bu ýokary döwlet sylagy bilen sylaglanmagy mynasybetli tüýs ýürekden gutlaýarys.