Iş gowy guralanda
Arkadag Prezidentimiziň ýolbaşçylygynda giň gerime eýe bolýan tutumly işler Garaşsyz Watanymyzyň depginli ösdürilmegine ýardam edýär. Jemgyýetimiziň durmuşynda amala aşyrylýan düýpli özgertmeleriň oňyn täsirini indi her ädimde görmek bolýar. Ýurdumyzda rowaç alýan özgertmeler telekeçiligiň çalt depginlerde ösdürilip, kuwwatly öndüriji güýje öwrülmegine giň ýol açdy. Indi hususyýetçilerimiz diňe bir harytlaryň we önümleriň bolçulygyny döretmekde däl, eýsem, gurluşyk-gurnama işlerini ýerine ýetirip, ilata edilýän hyzmatlaryň görnüşlerini artdyrmakda-da uly tagallalary edýärler. Bularyň hemmesi milli Liderimiziň telekeçiligi ösdürmekde öňde goýýan wezipeleriniň üstünlikli amala aşyrylýandygyna güwä geçýär.
