Koreýa Respublikasynyň elektrik awtoulag öndürýän «Edison Motors» kompaniýasy wodorod ýangyç elementleriniň kömegi arkaly işleýän şäher elektrik awtobusyny işläp düzmek we bazara çykarmak maksatly, Amerikanyň «Plug Power» kompaniýasy bilen şertnama baglaşdy. Bu şertnama, 2022-nji ýylda «Plug Power»-iň kuwwatlylygy 125 kWat-lyk «ProGen» wodorod ýangyç ulgamy bilen enjamlaşdyrylan «Edison Motors» şäher elektrik awtobusyny döretmegi öz içine alýar. «Edison Motors» «SMART 110F» diýip atlandyrylan elektrik awtobuslaryny köpçülikleýin öndürmekçi bolýar. Mundan başga-da, kompaniýalar geljekde elektrik hereketlendirijide işlejek ýük awtoulaglary, sürüjisiz uçarlary, gämileri işläp düzmek we öndürmek meýilnamalary boýunça hyzmatdaşlyk ederler.