Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 37-si hasaba alyndy.
Daşary ýurt walýutasyna BAE-den, Maltadan, Türkiýeden we Owganystandan gelen işewürler Türkmenbaşydaky nebiti gaýtadan işleýän zawodlar toplumynda öndürilen arassalanan awiakerosini, tehniki kükürdi, suwuklandyrylan gazy satyn aldylar. Şeýle-de «Türkmenhaly» döwlet birleşiginiň kärhanalarynda öndürilen halylar satyldy. Geleşikleriň jemi bahasy ABŞ-nyň 30 million 134 müň 500 dollaryndan gowrak boldy.