Milli ykdysadyýetimiziň ähli pudaklary boýunça şu ýylyň 5 aýynda guwandyryjy netijeler gazanyldy
Mälim bolşy ýaly, 4-nji iýunda Ministrler Kabinetiniň sanly ulgam arkaly geçirilen nobatdaky mejlisinde halk hojalyk toplumynyň pudaklarynyň şu ýylyň ýanwar — maý aýlarynda ýerine ýetiren işleriniň jemleri jemlendi. Şoňa görä, 7-nji iýunda ýurdumyzda milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlanan maslahatlar geçirildi. Toplumlarda guralan maslahatlarda milli ykdysadyýetimiziň degişli ulgamlarynyň edara-kärhanalarynda we beýleki düzümlerinde ýerine ýetirilen işlere baha berildi, öňde duran wezipeler aýdyňlaşdyryldy.
