Taryhy medeniýetiň ýaňy
Gündogaryň beýik akyldary Magtymguly Pyragynyň doglan gününiň 300 ýyllygynyň giňden bellenilýän günlerinde, has takygy, «Pähim-paýhas ummany Magtymguly Pyragy» ýylynda Änew şäheriniň «Türki dünýäsiniň medeni paýtagty» diýlip yglan edilmegi taryhy medeniýetimiziň şan-şöhratyny has-da belende göterdi. Arkadagly Gahryman Serdarymyzyň bu ajaýyp waka mynasybetli ýazan «Änew — müňýyllyklardan gözbaş alýan medeniýet» atly täze kitaby göwünlere ganat baglady.
