Şu gün günüň ikinji ýarymynda «Nest» kongresler merkezinde üçünji Antalýa diplomatik forumynyň resmi açylyş dabarasy boldy. Oňa türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem hormatly myhman hökmünde gatnaşdy.
Forumyň geçirilýän ýerine gelende, Gahryman Arkadagymyzy Türkiýe Respublikasynyň daşary işler ministri Hakan Fidan garşylady.
