Türkmenmetbugat

"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Suw hojalygy pudagynda bilelikdäki tagallalar

Ýer ýüzüni goramagyň gününe gabatlanyp, 30-njy aprelde paýtagtymyzdaky «Arçabil» myhmanhanasynda Suw serişdeleri we daşky gurşaw boýunça sebit taslamasyny (WAVE) durmuşa geçirmegiň çäklerinde Merkezi Aziýa ýurtlarynyň suw hojalyk meseleleri boýunça sebit maslahaty geçirildi. Sebit maslahatyna Türkmenistanyň, Gazagystanyň, Gyrgyzystanyň, Täjigistanyň, Özbegistanyň suw hojalyk düzümleriniň, ministrlikleriň we pudaklaýyn dolandyryş edaralarynyň, halkara guramalaryň, ylmy-barlag merkezleriniň wekilleri gatnaşdylar. Gün tertibine Merkezi Aziýa ýurtlarynda suw hojalyk özgertmelerini seljermek, suw hojalyk pudagyny ösdürmegiň strategiýasy, ABŞ-nyň Halkara ösüş boýunça agentligi (USAID), Germaniýanyň Halkara hyzmatdaşlyk boýunça jemgyýeti (GIZ), Birleşen Milletler Guramasynyň Ösüş maksatnamasy bilen suw serişdelerinden rejeli peýdalanmak, bu işde ulanylýan tehnologiýalary nazara almak esasynda, suw hojalygyndaky sebit taslamalaryny durmuşa geçirmek boýunça tejribe alyşmak babatdaky meseleler girizildi.

3 Maý 2024

Ýollar ýürekleri birleşdirýär

Gurmak, döretmek ata-babalarymyzdan gelýän döwletli ýol-ýörelgelerimizdir. Berkarar döwletiň täze eýýamynyň Galkynyşy döwründe Gahryman Arkadagymyzyň hem-de Arkadagly Gahryman Serdarymyzyň taýsyz tagallalary bilen şeýle sogaply işler, asylly ýol-ýörelgelerimiz mynasyp dowam etdirilýär. Ýakynda hormatly Prezidentimiziň gatnaşmagynda Aşgabat — Türkmenabat ýokary tizlikli awtomobil ýolunyň Tejen — Mary böleginiň dabaraly ýagdaýda açylmagy hem munuň aýdyň subutnamasydyr. Mälim bolşy ýaly, uzynlygy 600 kilometre deň bolan Aşgabat — Türkmenabat ýokary tizlikli awtomobil ýolunyň gurluşygyna 2019-njy ýylyň 24-nji ýanwarynda badalga berlipdi. Garagum sährasynyň çäginden geçýän bu ýokary tizlikli awtomobil ýolunyň birinji tapgyry bolan Aşgabat — Tejen bölegi 2021-nji ýylyň oktýabrynda Gahryman Arkadagymyzyň gatnaşmagynda ulanmaga berildi.

3 Maý 2024

Ulag hyzmatdaşlygy — ösüşiň hereketlendiriji güýji

Türkmenistanyň ulag diplomatiýasynyň mümkinçiliklerini durmuşa geçirmek boýunça öňe süren başlangyçlary we teklipleri netijesinde, Birleşen Milletler Guramasynyň Baş Assambleýasy tarapyndan alty sany Kararnama kabul edildi. Ýurdumyzyň ulag syýasatyny we bu ugurdaky tagallalary dünýä jemgyýetçiliginiň işjeň goldaýandygyny tassyklaýan bu resminamalar halkara ulag-logistika hyzmatdaşlygyny ösdürmäge, Durnukly ösüş maksatlaryny üstünlikli amala aşyrmaga hyzmat edýär. Şunuň bilen baglylykda, şu ýylyň 15 — 19-njy aprelinde Aşgabatda Demir ýollaryň hyzmatdaşlygy guramasynyň agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň 38-nji mejlisiniň geçirilmegi aýratyn bellärliklidir. Demir ýollaryň hyzmatdaşlygy guramasyna agza döwletleriň 20-den gowragynyň, şol sanda Türkmenistanyň demir ýol we beýleki degişli edaralarynyň ýolbaşçylarydyr hünärmenlerini bir ýere jemlän iri forumyň maksady demir ýol ulagynyň işini döwletara derejede utgaşdyrmakdan, halkara demir ýollary torunyň tehnologik bitewüligini üpjün etmekden, bu düzümleri ösdürmekden ybarat boldy. Şoňa görä-de, mejlisiň dowamynda halkara demir ýol daşamalary ulgamyndaky meseleleriň giň toplumy ara alnyp maslahatlaşyldy we halkara demir ýol daşamalaryny, ilkinji nobatda, Ýewropa bilen Aziýanyň arasyndaky gatnawlarda demir ýol arkaly daşamalary ösdürmegiň, bu ugurda ylalaşykl

3 Maý 2024

Energetika mümkinçiliklerimiz netijeli peýdalanylýar

Ýurdumyzyň nebitgaz pudagyna daşary ýurt maýa goýumlaryny çekmek, bu ugurda özara bähbitli halkara hyzmatdaşlygyň mundan beýläk-de netijeliligini ýokarlandyrmak möhüm wezipeleriň hataryndadyr. Çünki Türkmenistan ýangyç-energetika pudagynyň mümkinçiliklerini ynamly ösdürýär. Şu jähetden, Fransiýa Respublikasynyň paýtagty Pariž şäherinde geçirilen Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forumyň wajyp ähmiýete eýedigi aýratyn bellenilmäge mynasypdyr. Ýurdumyz tebigy gazy çuňňur we toplumlaýyn gaýtadan işlemegi uly ugur edinmek bilen, energiýa serişdelerini iberiji iri ýurt hökmünde dünýäniň energetika bazarynda eýeleýän ornuny diňe bir berkitmän, harytlar düzüminiň energetika eksportyny diwersifikasiýalaşdyrmagyň, halkara energiýa işewürliginiň täze görnüşlerini işjeň ösdürmegiň hasabyna bu işlere gatnaşmagyny hem hil taýdan özgerdýär. Şeýle-de Türkmenistan ykdysadyýetde, şol sanda ýangyç-energetika pudagynda hyzmatdaşlyk üçin örän uly mümkinçilikleri döredýän kuwwatly serişdeler binýadyna eýedir. Dünýäde iri «Galkynyş» gaz käni häzirki wagtda anyk taslamalar bilen baglylykda, uzak möhletleýin hyzmatdaşlyk etmek maksady bilen, hususan-da, Türkmenistan — Owganystan — Pakistan — Hindistan transmilli gaz geçirijisini tebigy gaz bilen üpjün etmek üçin özleşdirilýär.

3 Maý 2024

Türkmenistanda iki sany gury ýük gämisiniň gurluşygyna taýýarlyk görülýär

Mälim bolşy ýaly, «Balkan» gämi gurluşyk we abatlaýyş zawody» açyk görnüşli paýdarlar jemgyýeti bilen Koreýa Respublikasynyň «Koryo Shipbuilding Industry Technology Co. Ltd.» kompaniýasynyň arasynda ýük göterijiligi 6 müň 100 tonna deň bolan iki sany gury ýük gämisini taslamalaşdyrmak we bilelikde gurmak babatda degişli şertnamalar baglaşyldy. Şu günler bolsa täze gämileriň gurluşygyna girişmek boýunça taýýarlyk işleri alnyp barylýar. Bu barada «Türkmenistan» gazetinde habar berildi. Habarda bellenilişi ýaly, gämileriň gurluşygynda 300-den gowrak işçi-hünärmeniň zähmet çekmegi göz öňünde tutulýar. Ýakynda koreýaly hünärmenler tarapyndan täze suw ulaglarynyň gurluşygynda işlejek ýaş işgärler bilen gurluşygy meýilleşdirmek, tilsimatlary ornaşdyrmak, gämi böleklerini işläp taýýarlamak, kebşirlemek, elektrik işleri, hil gözegçiligi boýunça 2 aý möhletli ýöriteleşdirilen okuw sapaklary geçirilip başlandy. Gurluşyk işlerine şu ýylyň iýul aýynda başlamak göz öňünde tutulýar. Döwrebap kärhananyň hünärmenleri öňden hereket edýän suw ulaglarynda dürli abatlaýyş işlerini-de ýokary derejede alyp barýarlar.

3 Maý 2024

Ilkinji “Agroexpress” otlusy Türkmenistanyň üsti bilen Hindistana barar

Russiýadan Hindistana iberilen ilkinji “Agroexpress” otlusy Türkmenistanyň çäginden geçer. Russiýanyň demirýollary (RŽD) açyk görnüşli paýdarlar jemgyýetiniň penşenbe güni habar bermegine görä, RŽD AGPJ-niň “RŽD Logistika” golçur kompaniýasy we “Suhoý Port Ýužnouralskiý” jogapkärçiligi çäklendirilen jemgyýet tarapyndan gurnalan we ugradylan bu otly süle we däne önümlerinden ybaratdyr. Habarda bellenilişi ýaly, Russiýanyň “Uwelka” kompaniýasynyň süle önümleri ýüklenilen ýigrimi futlyk 31 sany konteýner Formaçýowa menzilinden (Ýužno-Ural demir ýollary) Türkmenistanyň Sarahs menziline ugrady.

3 Maý 2024

Durnukly ösüş maksatlaryna ýetmek ugrunda

galyndysyz ykdysadyýetiň ähmiýeti we mümkinçilikleri Türkmenistanyň ykdysadyýetiniň kuwwatyny we mümkinçiliklerini artdyrmak, senagat pudagyna daşary ýurt maýa goýumlaryny çekmek, täze önümçilikleri ýola goýmak, telekeçiligi mundan beýläk-de ösdürmek hem-de dünýä döwletleri bilen söwda-ykdysady gatnaşyklary giňeltmek boýunça uly işler durmuşa geçirilýär. Şunda Durnukly ösüş maksatlaryna ýetmek, galyndysyz ykdysadyýete geçmek meselelerine-de aýratyn ähmiýet berilýär. Biz bu ugurlarda döwlet strategiýasy, ýurdumyzda amala aşyrylýan işler barada teswir-düşündiriş bermeklerini sorap, Türkmen döwlet ykdysadyýet we dolandyryş institutynyň mugallymlary Çarymuhammet Şallyýew hem-de Muhammetguly Muhammedow bilen «tegelek stol» söhbetdeşligini guradyk.

3 Maý 2024

Tebigy baýlyklar toplumlaýyn özleşdirilýär

Ýurdumyzy durmuş-ykdysady taýdan ösdürmekde ýerli mineral çig mal serişdelerini rejeli we toplumlaýyn ulanmak uly ähmiýete eýedir. Çünki iri pudagara toplumlar bolan ýangyç-energetika, nebit we gazhimiýa, gurluşyk senagaty gönüden-göni şol serişdeleri öndürmäge, gaýtadan işlemäge hem-de ulanmaga esaslanýar. Agrar, dokma, azyk we beýleki öndüriji pudaklar-da olaryň önümlerini ulanýarlar. Senagatyň köptaraplaýyn ösüşi daşardan getirilýän önümleriň ornuny tutýan harytlary öz baýlyklarymyzyň esasynda öndürmäge mümkinçilik berýär. Munuň sebäbini Türkmenistanda metal we metal däl, dag-magdan, gidromineral we beýleki gazylyp alynýan baýlyklaryň iri känleriniň bardygy bilen düşündirmek bolar. Mälim bolşy ýaly, 9-njy fewralda geçirilen Ministrler Kabinetiniň giňişleýin mejlisinde hormatly Prezidentimiz Serdar Berdimuhamedow Türkmenbaşydaky nebiti gaýtadan işleýän zawodlar toplumynyň we Seýdiniň nebiti gaýtadan işleýän zawodynyň önümçilik kuwwatyny ýokarlandyrmagy, olarda täze, ýokary hilli tehnologik önümçilikleri döretmegi möhüm wezipeleriň hatarynda kesgitledi. Şonuň bilen birlikde, gazylyp alynýan peýdaly gaty magdanlaryň, gurluşyk materiallarynyň we ýerasty suwuň geologiýa gözleg-barlag işlerini güýçli depginde dowam etdirmegiň wajypdygy, nebitgaz senagaty boýunça hünärmenleriň hünär derejesini yzygiderli ýokarlandyrmagyň, sanly tehnologiýalary ornaşdyrmagyň, nebitgaz

3 Maý 2024

Täze gämiler gurlar

Ýurdumyzyň ähli ulgamlary bilen bir hatarda, deňiz we derýa ulagy pudagy-da düýpli galkynyşy başdan geçirýär. Şunda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmendeňizderýaýollary» agentliginiň «Balkan» gämi gurluşyk we abatlaýyş zawody» açyk görnüşli paýdarlar jemgyýetinde gazanylýan zähmet üstünlikleri has-da buýsançlydyr. Pudagyň maddy-enjamlaýyn binýadyny kämilleşdirmek maksady bilen, «Gury ýük gämilerini gurmak hakynda» Türkmenistanyň Prezidentiniň Kararyna laýyklykda «Balkan» gämi gurluşyk we abatlaýyş zawody» açyk görnüşli paýdarlar jemgyýeti bilen Koreýa Respublikasynyň «Koryo Shipbuilding Industry Technology Co. Ltd.» kompaniýasynyň arasynda ýük göterijiligi 6 müň 100 tonna deň bolan iki sany gury ýük gämisini taslamalaşdyrmak we bilelikde gurmak babatda degişli şertnamalar baglaşylyp, şu günler täze gämileriň gurluşygyna girişmek boýunça taýýarlyk işleri alnyp barylýar. Gämileriň gurluşygynda 300-den gowrak işçi-hünärmeniň zähmet çekmegi göz öňünde tutulýar. Ýakynda koreýaly hünärmenler tarapyndan täze suw ulaglarynyň gurluşygynda işlejek ýaş işgärler bilen gurluşygy meýilleşdirmek, tilsimatlary ornaşdyrmak, gämi böleklerini işläp taýýarlamak, kebşirlemek, elektrik işleri, hil gözegçiligi boýunça 2 aý möhletli ýöriteleşdirilen okuw sapaklary geçirilip başlandy. Gurluşyk işlerine şu ýylyň iýul aýynda başlamak göz öňünde t

3 Maý 2024

Kuwwatly kärhanada işler ileri

Dokma senagatynyň kuwwatly düzüm bölegine öwrülen Daşoguz pagta egriji fabriginiň işçi-hünärmenleri halkara hil ölçeglerine laýyk gelýän, dünýä bazarynda bäsdeşlige ukyply önümleri öndürýärler. Kämil tehnologiýalar bilen enjamlaşdyrylyp, amatly zähmet şertleriniň döredilmegi önümçiligiň möçberini has-da artdyrmaga mümkinçilik berýär. Fabrigiň bölüm müdiri Mähri Durdyýewa alnyp barylýan işler, gazanylýan üstünlikler barada şeýle gürrüň berdi: — Dokma önümçiliginde 15 ýyla golaý wagt bäri netijeli iş alyp barýan fabrigimizde pagta süýüminden taýýarlanylýan ýüplük Diýarymyzyň dokma senagatynda giňden ulanylýar hem-de daşary ýurtlara eksport edilýär. Netijede, milli ykdysadyýetimize uly girdeji getirilýär. Ýylyň dowamynda 16 müň 700 tonna nah pagta süýümi gaýtadan işlenilýär. Şonça süýümden dünýä bazarlarynda ýokary islegden peýdalanylýan nah ýüplügiň 14 müň 500 tonnasy öndürilýär. Önümçiligiň ösüş depgini, geçen ýylyň degişli döwri bilen deňeşdirilende, 106,3 göterim artdy. Önümçilik bölümlerine öňdebaryjy daşary ýurt kompaniýalarynyň kämil enjamlary ornaşdyryldy. Öndürilýän önümler Hindistana, Pakistana, Gyrgyz Respublikasyna, Türkiýä, şeýle-de Birleşen Arap Emirliklerine eksport edilýär. Kärhanamyzda işçi-hünärmenleriň 500-den gowragy zähmet çekýär. Olaryň esasy bölegi gelin-gyzlar. Ýaşlarymyz döwrebap tehnologiýalara ussatlyk bilen erk edýärler. Döwran Eşimow, Zaf

3 Maý 2024

Işler utgaşykly alnyp barylýar

Aziýa hem-de Ýewropa ýurtlarynyň arasynda ykdysady we söwda hyzmatdaşlygynyň hil taýdan täze derejä çykarylmagyna ygtybarly goşant goşýan Türkmenbaşy Halkara deňiz porty milli ykdysadyýetimiziň ösüşinde möhüm ähmiýete eýedir. Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmendeňizderýaýollary» agentliginiň «Balkan» gämi gurluşyk we abatlaýyş zawody» açyk görnüşli paýdarlar jemgyýetinde hem zähmet üstünlikleri gazanylýar. Häzirki wagtda kuwwatly kärhanada dürli kysymly gämileri düýpli abatlamak işleri ýokary depginde berjaý edilýär. Dünýäniň öňdebaryjy kompaniýalary tarapyndan öndürilen döwrebap enjamlar we mehanizmler, zerur bolan awtomobil ulaglary we ýük ýükleýji enjamlar ornaşdyrylan zawodyň dolandyrma ulgamynda gämi dizaýny, taslama dolandyrylyşy, üpjünçilik, bejeriş, önümçilik, tehniki hyzmat ediş, hil we zähmet howpsuzlygy bilen bagly bölümlerde işler utgaşykly alnyp barylýar. Kärhanada dürli görnüşli gämileri, nebit tankerlerini, deňiz platformalaryny, tirkeg gämilerini abatlamak, şeýle hem halk hojalygynyň senagat pudaklary üçin demirden dürli gurluşlary, taýýar önümleri, enjamlary, gurallary ýasamak boýunça işler hem ýerine ýetirilýär. Gämi gurluşygynda we abatlaýyşda esasy zerurlyk bolan uly göwrümli demir böleklerini işlemek, olary posdan arassalamak, ýylmamak we reňklemek häzirki zaman kärhanasynda alnyp barylýan esasy hyz

1 Maý 2024

Bagta barýan ýollar

Golaýda hormatly Prezidentimiz Serdar Berdimuhamedowyň gatnaşmagynda Aşgabat — Türkmenabat ýokary tizlikli awtomobil ýolunyň Tejen — Mary böleginiň açylyş dabarasy «Pähim-paýhas ummany Magtymguly Pyragy» ýylynyň ajaýyp wakasyna öwrüldi. Uzynlygy 600  kilometre deň bolan Aşgabat — Türkmenabat ýokary tizlikli awtomobil ýolunyň gurluşygyna 2019-njy ýylyň 24-nji ýanwarynda badalga berildi. Onuň gurluşygy Aşgabat — Tejen (203 kilometr), Tejen — Mary (109 kilometr) we Mary — Türkmenabat (288 kilometr) üç tapgyrda amala aşyrylýar. Mälim bolşy ýaly, «Türkmen Awtoban» ýapyk görnüşli paýdarlar jemgyýeti tarapyndan gurluşygy amala aşyrylan bu taslamanyň birinji tapgyry — Aşgabat — Tejen bölegi 2021-nji ýylyň 29-njy oktýabrynda türkmen halkynyň Milli Lideri Gurbanguly Berdimuhamedowyň gatnaşmagynda ulanmaga berildi. Dünýä ölçeglerine laýyklykda gurlan ýokary tizlikli awtomobil ýolunyň Tejen — Mary bölegi «Altyn nesil» hojalyk jemgyýeti tarapyndan ýerine ýetirildi. Şunda ähli mümkinçilikler göz öňünde tutuldy. Şeýle hem, ýolagçylar üçin döwrebap dynç alyş we hyzmat ediş zolaklary bina edildi.

1 Maý 2024

Gymmatly çig malyň tonnalary artýar

Welaýatymyzyň gündogar etraplarynyň ýüpekçileri senagat üçin gymmatly çig mal bolan piläni ýygnamaga köpçülikleýin girişdiler. Kerki, Halaç, Hojambaz, Köýtendag etraplarynyň hojalyklarynda bu iş örän guramaçylykly alnyp barylýar. «Lebapwelaýatýüpek» önümçilik birleşiginiň baş hünärmeni Oraz Sahyberdiýewiň habar bermegine görä, welaýatymyzyň gündogar etraplarynda howa şertlerine laýyklykda pile her ýyl ir ýygnalyp başlanýar. Bu ýyl hem şu kada eýerilýär. Kerki etrabynyň ýüpekçileriniň pile kabul ediş we guradyş bölümlerine getirýän hasylynyň mukdary barha köpelýär. Goňşy Halaç etrabynyň ýüpekçileri hem senagat üçin gymmatly çig mal bolan piläniň kilogramlaryny barha artdyrýarlar. Etrabyň «Çohpetde» we Jumaguly Mähremow adyndaky daýhan birleşikleriniň ýüpekçileriniň tabşyran pile hasylynyň mukdary eýýäm bäş tonnadan geçdi. Bu daýhan birleşikleriniň ýüpekçilerinden gelip gowuşýan hasyly tereziden geçirýän pile kabul ediş we guradyş bölüminiň ýolbaşçysy Jumamyrat Ernepesow söhbetdeş bolanymyzda:

1 Maý 2024

Tikin fabriginde işler ileri

Hormatly Prezidentimiziň taýsyz tagallasy bilen galkynyşdan ganatlanan döwrümizde ýurdumyzyň dokma kärhanalarynda işler ýokary depginde dowam edýär. Milli dokma önümlerimiz hiliniň ýokarylygy we bahasynyň amatlylygy bilen içerki bazarlarymyzda islegli önümleriň hatarynda tanalýar. Göze gelüwli, ýokary hilli, bäsdeşlige ukyply, döwrebap tikin önümleri bilen adygan Türkmenabadyň tikin fabriginde hem ýylyň ähli möwsüminde guramaçylykly zähmet gaýnap joşýar.

1 Maý 2024

Sanly ykdysadyýet — döwrüň talaby

Kämil ulgamyň ähmiýeti Arkadagly Gahryman Serdarymyzyň baştutanlygynda amala aşyrylýan giň möçberli özgertmeler milli ykdysadyýetimiziň ösüşleriň belent basgançaklaryna çykmagyna itergi berýär. Şeýle öňegidişlikler ýurdumyzyň elektroenergetika pudagynda has-da aýdyň duýulýar. Bu barada Türkmenistanyň döwlet Energetika institutynyň mugallymlary buýsançlaryny beýan edýärler.

1 Maý 2024

Koreýanyň «Hanwha Ocean” gämi gurluşyk kompaniýasy şu ýylyň birinji çärýeginde 39 million dollar girdeji gazandy

Koreýanyň «Hanwha Ocean» gämi gurluşyk kompaniýasy, şu ýylyň birinji çärýeginde ýokary bahaly gämi görnüşleriniň, esasanam «LNG» tankerlerine sargytlaryň ýokarlanmagy bilen baglanyşyklydygyny aýtdy. «Hanwha Ocean» soňky çärýekdäki hasabatlaryndan alnan maglumatlar görä, kompaniýanyň gämi gurluşyk meýilnamalarynyň, kompaniýanyň taryhynda iň ýokary derejä ýetendigini görkezýär. Ýagny, 2024-nji ýylda 22 gämi, 2025-nji ýylda bolsa 24 gämi müşderilere sargydy boýunça gurmak meýilleşdirilýär.

1 Maý 2024

Ýokary hilli sargy serişdeleri

«Türkmendermansenagat» birleşiginiň Daşoguzdaky zyýansyzlandyrylan sargy serişdelerini öndürýän kärhanasynyň işçi-hünärmenleri «Pähim-paýhas ummany Magtymguly Pyragy» ýylynyň dört aýlyk meýilnamasyny üstünlikli berjaý etmek ugrunda netijeli zähmet çekdiler. Täze eýýamymyzyň döredijilik ruhunda täzeçe işleýän bu döwrebap kärhanada şanly ýylymyzyň birinji çärýeginde 2 million 50 müň manatlykdan gowrak önüm öndürilip, önümçiligiň ähli görnüşleri boýunça ýokary görkezijiler gazanyldy. Ýokary öndürijilikli innowasion tehnologiýalar, iň kämil enjamlar ornaşdyrylan kärhananyň önümçilik kuwwatlylygy geljegi uly bolan, ylaýta-da, lukmançylyk işinde zerur hasaplanýan sargy we arassaçylyk serişdeleriniň ýylda 13 million gaplamasyny öndürmäge barabardyr. Häzirki wagtda bu ýerde lukmançylykda giňden ulanylýan dürli önümleriň 15 görnüşi öndürilýär. Munuň üçin kärhanada önümçilik bölümleriniň dördüsi hereket edýär. Agartma, gipsleme, dokma, sargy serişdelerini öndürýän bölümlerde ýokary hilli önümler taýýarlanylýar. Çig mal hökmünde, esasan, öz ýurdumyzda öndürilen pagta ulanylýar.

1 Maý 2024

Milli ykdysadyýetiň kuwwatly pudagy

Uglewodorod serişdelerine baý ýurtlaryň biri bolan ata Watanymyzda nebitgaz pudagynda iri taslamalar amala aşyrylýar. Bu taslamalara daşary ýurt maýa goýumlaryny işjeň çekmäge, dünýäniň öňdebaryjy kompaniýalary bilen hyzmatdaşlyk etmäge uly üns berilýär. «Pähim-paýhas ummany Magtymguly Pyragy» ýyly diýlip yglan edilen hem-de Gündogaryň beýik akyldar şahyry Magtymguly Pyragynyň doglan gününiň 300 ýyllygynyň dabaraly bellenilýän ýylynyň bahar paslynda Türkmenistanyň nebitgaz pudagyna daşary ýurt maýa goýumlaryny çekmek boýunça Fransiýa Respublikasynyň Pariž şäherinde 24-25-nji aprelde geçirilen halkara göçme forumy hem şeýle hyzmatdaşlygyň anyk mysallarynyň biridir. Forumyň esasy maksady ýurdumyzyň energetika pudagynyň nebit we gazy gazyp almak, daşamak we gaýtadan işlemek, gaýtadan dikeldilýän energiýa çeşmelerini ulanmak, ibermek, gurmak ýaly ugurlara göni daşary ýurt maýa goýumlaryny çekmek üçin mümkinçilikleri giňeltmekden ybaratdyr. Forumda nebitgaz senagatynyň, elektroenergetika, gurluşyk, senagat pudaklarynyň täze önümçiliklerini döretmek, ulag-aragatnaşyk toplumyny ösdürmek meseleleri, hyzmatdaşlyk etmegiň geljegi, täze maýa goýum taslamalary bilen tanyşdyryldy. Şeýle çäreler dünýäniň işewür toparlary tarapyndan Türkmenistanyň nebitgaz pudagynda amala aşyrylýan taslamalara uly gyzyklanma bildirilýändigini, barha ösýän nebitgaz bazaryna ünsüň artýandygyny görkezýär. Özara

30 Aprel 2024

Eziz Diýaryň ösüşleri

Köňül guşumyzy al-asmana uçuryp, eziz Watanymyzyň gül gujagyny şatlyk-şowhuna besläp, owazy çar ýana ýaýraýan «Pähim-paýhas ummany Magtymguly Pyragy» ýyly dowam edýär. Arkadagly Gahryman Serdarymyzyň hem-de Gahryman Arkadagymyzyň taýsyz tagallalary bilen Berkarar döwletiň täze eýýamynyň Galkynyşy döwründe alnyp barylýan abyrsyz işleri, ýetilýän belent sepgitleri göreniňde, gazanylan ösüşleri hakydaňda aýlap, başyň gök direýär. Agzybir türkmen halkymyz beýik hem şan-şöhratly zamananyň tämiz howasyndan ine-gana, erkin dem alyp, agaýana döwran sürýär, toý-baýramyny toýlap, milli däp-dessurlaryny berjaý edýär. Oba-şäherlerimizde bina edilýän ajaýyp desgalardyr binalar, aýna ýaly şaýollar durmuşa, ýaşaýşa söýgiňi artdyryp, ýagty geljege buýsanjyňy goşalandyrýar. Milli ykdysadyýetimiziň ösüşinde elektrik energetikasy pudagynyň eýeleýän orny uludyr. Bilşimiz ýaly, geçen ýylyň güýzünde halkalaýyn energiýa ulgamyny döretmek ugrunda durmuşa geçirilýän işleriň çäginde Arkadagly Gahryman Serdarymyzyň sanly ulgam arkaly ak pata bermeginde Mary — Ahal ýokary woltly asma elektrik geçirijisiniň dabaraly ýagdaýda ulanyşa girizilmegi, ýurdumyzyň bitewi energetika ulgamyna birikdirilmegi ähli watandaşlarymyzy begendiren taryhy wakalaryň biri boldy. Geçen döwürde paýtagtymyzyň we sebitiň ilatyny elektrik energiýasy bilen ygtybarly üpjün etmekde bu elektrik stansiýasy möhüm orun eýeledi. Öňdebaryj

30 Aprel 2024

Arkadag şäher häkimligi Aşgabat — Gökdepe ýolunda gurluşyk-gurnama işleriniň başlandygyny habar berdi

Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň, Arkadag şäheriniň häkimliginiň degişli bildirişi «Türkmenistan» gazetiniň düýnki sanynda çap edildi. Bildirişde şeýle bellenilýär: «Arkadag şäheriniň binagärlik şäher gurluşyk keşbini has-da gözelleşdirmek, ýollaryň durkuny täzeläp, raýatlara we ýolagçylara has amatly, döwrebap şertleri döretmek üçin, Köpetdag şaýolunyň «Polatly» binasy bilen «Akhan» binasynyň aralygyndaky ýol böleginde, şeýle-de Aşgabat — Gökdepe aralygyndaky gatnawly ýolda gurluşyk-gurnama işlerini geçirmek zerurlygy ýüze çykýar.

30 Aprel 2024

‹
1
2
...
23
24
25
26
27
28
29
...
215
216
›