ÖMRÜŇ ÖŇÜNDÄKI MÖHÜM SOWAL
Biziň esasy wezipelerimiziň biri – Watan üçin ýaşap bilýändigimizi görkez mekden ybarat. Şonuň üçinem Gahryman Arkadagymyz: «Ömrüň manysy özüň üçin ýaşap bilmekden başlaýşyna, soňra bu mertebeler başga biri üçin, maşgalaň üçin, obaň, il-ulsuň, halkyň, Watanyň üçin ýaşap bilmek derejelerine çenli beýge lip gidýär. Maksatlaryň çürbaşynda Watan bähbidini goýmak bolsa miýesser edip biljek mertebeleriň iň beýigidir» diýip ýazýar. Gahryman Arkadagymyzyň «Ömrümiň manysynyň dowamaty» atly şahana eserinde nesilleri belent ruhda terbiýelemegiň anyk ýollary, takyk usullary, sagdyn ýörelgeleri maslahat berilýär. Terbiýäniň ynsanyň on iki süňňüne kybap on iki görnüşe bölüp, beýan edilmegi hasda täsin. Olaryň her biri hemme döwürler we ähli nesiller üçin juda derwaýys bolup durýar. Şolaryň arasynda döredijilik terbiýesi hakda hem täsirli ylmy maglumatlar bar. Milli Liderimiz döredijilik sözüniň düýp manysyna ünsi çekýär: «Döredijilik sözüniň dilimizdäki manysy – bir zady täzeden döretmek, oýlap tapmak, ýagny öň bolmadyk bir zady düzmek, ýasamak, taslamak taraşlamakdyr. Dörediji – öň ýok zady, öň bolmadyk zady täzeden döredýän, peýda edýän adam diýmekdir. Her bir işe döredijilikli çemeleşmek bolsa ony öňkülerinden has ilerletmek, kämilleşdirmek üçin täze-täze çözgütleri, usullary tapmak, durmuşa ornaşdy
