''Arkadagly ýaşlar" žurnaly

Esaslandyryjysy-Türkmenistanyň magtymguly adyndaky ýaşlar guramasy Salgysy: aşgabat ş.,garaşsyzlyk şaýoly; 104 Tel.:(993 12) 44-88-80; faks:44-88-94 Poçta salgysy: arkadaglyyashlar@gmail.com

Gazeti PDF görnüşinde ýükläp almak

Habarlar

ÄHLUMUMY ABADANÇYLYGYŇ BÄHBIDINE

Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda eziz Watanymyzyň dünýä döwletleri bilen alyp barýan hoşniýetli goňşuçylyga, parahatsöýüjilige esaslanýan daşary syýasaty täze many-mazmuna eýe bolýar. «Pähim-paýhas ummany Magtymguly Pyragy» ýylynyň 23-24-nji oktýabrynda Arkadagly Gahryman Serdarymyzyň Russiýa Federasiýasynyň Kazan şäherinde geçirilen «BRICS goşmak»/«autriç» formatyndaky BRICS sammitine hormatly myhman hökmünde ilkinji gezek gatnaşmagy şeýle buýsançly hakykatyň nobatdaky subutnamasy bolup dünýä doldy. Döwlet Baştutanymyzyň sammitde eden çuň mazmunly çykyşy berkarar Diýarymyzyň abraý-mertebesini, şan-şöhratyny has belent derejelere göterdi. Munuň özi ýurdumyzyň dünýä döwletleri hem-de abraýly halkara guramalary bilen alyp barýan hoşniýetli hyzmatdaşlygy pugtalandyrmagy ileri tutýandygyny tassyklaýar. Şol bir wagtyň özünde hem özara bähbitli ynsanperwer hyzmatdaşlygy ösdürmekde, dost-doganlygy berkitmekde, dünýä halklaryny birek-birege ýakynlaşdyrmakda döwletimiziň alyp barýan oňyn daşary syýasatynyň dünýä jemgyýetçiligi tarapyndan ykrar edilýändigini alamatlandyrýar. Ata Watanymyzyň halkara derejesinde gazanýan şeýle üstünlikleriniň, eýeleýän belent sepgitleriniň binýadynda BMG-niň Baş Assambleýasynyň ýörite Rezolýusiýalary esasynda ykrar edilen hemişelik Bitaraplygymyzdan gelip çykýan giň mümkinçilikleriň dura

20 Dekabr 2024

Syýasat

WATANYMYZYŇ GELJEGI ÝAŞLAR BILENDIR

Türkmen halkynyň Milli Lideri Gahryman Arkadagymyzyň: «Geljekki nesil hakynda alada — munuň özi ertirki güne iň bir ygtybarly, akylly-başly maýa goýumydyr, bilim ulgamy, ilkinji nobatda, ýaşlar syýasatydyr, ertirki günüň aladasydyr» diýip, aýratyn nygtamagy hem bu ugurda tutuş ýurdumyz boýunça amala aşyrylýan esasy ýörelgeleri aýdyňlaşdyrýar. Ýurdumyzda ýaş türkmenistanlylaryň sagdyn ösmegi hem-de kämil şahsyýet hökmünde kemala gelmegi, aň-paýhas, döredijilik, ruhy mümkinçiliklerini doly derejede durmuşa geçirmekleri, ýurdumyzyň jemgyýetçilik-syýasy, durmuş-ykdysady, medeni durmuşyna işjeň gatnaşmaklary üçin ähli amatly şertler döredilýär. Ýurdumyzyň syýasy-jemgyýetçilik durmuşyna dahylly möhüm meselelerde uly işjeňlik görkezýän türkmen ýaşlary ata Watanymyzyň ösüşine, dürli ugurlarda gazanýan üstünliklerine öz goşantlaryny goşmagy wajyp hasaplaýarlar. Olaryň öňünde ähli gujur-gaýratyny, bilimlerini we başarnyklaryny ulanmak arkaly täze taryhy eýýamda başy başlanan ägirt uly özgertmeleri üstünlikli dowam etdirmek, öňde goýlan wezipeleri netijeli çözmek, Watanymyzyň mundan beýläk-de gülläp ösmegine gönükdirilen uzak möhletleýin maksatnamalary, geljegi uly taslamalary, meýilnamalary durmuşa geçirmek wezipeleri durýar. Bu wezipeleri durmuşa geçirmekde, öňde goýlan beýik maksatlara ýetmekde ýaşlara, hususan-da, Türkmenistanyň Magtymguly adyndaky Ýaşlar guramasyna aýra

20 Dekabr 2024

Syýasat

DÖREDIJILIK DÜNÝÄSI

TALYPLARYŇ AÝDYMY Talyplyk ýyllary –

7 Noýabr 2024

Edebiýat

ÜNS BERIŇ, BÄSLEŞIK!

Hormatly Prezidentimiziň: “Ýaş nesillerimiziň sagdyn, bagtyýar ösüp ulalmaklary, watançy, päk ahlakly, merdana we halal adamlar bolup ýetişmekleri biziň esasy maksatlarymyzyň biridir, ýurdumyzyň durnukly ösüşiniň möhüm şertidir.” diýen sözlerinden ugur alyp, ýurdumyzyň çagalarynyň, okuwçy ýaşlarynyň ruhy taýdan ösmegini, ahlak, edep häsiýetleriniň berkemegini gazanmak, şeýle-de, milli medeniýetimizi we sungatymyzy yzygiderli ösdürmäge, ösüp gelýän ýaş nesliň sungat äleminde zehinli hünärmenler bolup ýetişmeklerini gazanmaga, ýaşlaryň döredijilik ukyplaryny has-da kämilleşdirmäge gönükdirilen döwlet syýasatyny iş ýüzünde durmuşa geçirmek maksady bilen, Türkmenistanyň Bilim ministrligi Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde Halkara Bitaraplyk güni hem-de Birleşen Milletler Guramasynyň Baş Assambleýasy tarapyndan Türkmenistanyň Hemişelik Bitaraplyk derejesiniň ykrar edilmeginiň 29 ýyllygy mynasybetli ýurdumyzyň umumybilim berýän mekdepleriniň 3-5-nji synplarynda okaýan oglanlaryň arasynda “Merdana nesil – 2024” atly şadyýan bäsleşigini yglan edýär. Bäsleşik barada giňişleýin maglumatlary Türkmenistanyň Magtymguly adyndaky Ýaşlar guramasynyň Merkezi Geňeşiniň yashlar.gov.tm saýtyndan alyp bilersiňiz. Habarlaşmak üçin telefon belgiler: 44-88-55, 44-88-85;44-86-40.

7 Noýabr 2024

Bildirişler, bäsleşikler

Ýaş waspçy atly döredijilik bäsleşigi dowam edýär!

Türkmenistanyň Magtymguly adyndaky Ýaşlar guramasynyň Merkezi Geňeşiniň «Arkadagly Ýaşlar» atly elektron žurnalynyň redaksiýasy bilen bilelikde ýaşlaryň arasynda yglan eden «Ýaş waspçy» atly döredijilik bäsleşiginde «Watanperwerligiň we merdanalygyň mekdebi» atly makalasy bilen žurnalyň dokuzynjy sanynyň ýeňijisi.

7 Noýabr 2024

Bildirişler, bäsleşikler

GÖK ÖNÜMLI PEÝNIRLI KOTLET

Ynsan saglygyna peýdaly bolan gök önümlerden taýýarlanylýan tagamlar ýylyň islendik paslynda hem saçagyň bezegi bolup durýar. Şeýle tagamlaryň biri-de, peýdalylygy, tagamy bilen köpleriň söýgüsini gazanan gök önümli, peýnirli kotletdir. Öý bikeleri üçin taýýarlamasy örän ýönekeý bolan bu kotletiň taýýarlanylyşyny žurnalymyzyň şu gezekki sanynda paýlaşmagy makul bildik. Gerekli önümler:

7 Noýabr 2024

Maşgala

ÖSÜMLIKLER BARADA TÄSIN MAGLUMATLAR

Tehnologiýalaryň we innowasiýalaryň çalt depgin bilen ösýän, özgerýän döwründe adamzady geň galdyrmak örän kyn. Emma tebigat özüniň gaýtalanmajak täsinlikleri, geň-enaýy jandarlarydyr ösümlikleri bilen munuň hötdesinden gelýär. “Daşy gan ýaly, içi un ýaly”

7 Noýabr 2024

Tebigat

OWAZLY DÜNÝÄNIŇ TOLKUNLARYNDA

Döwür özgerýär, şonuň bilen birlikde bizi gurşap duran tutuş barlyk hem şol özgerişi başdan geçirýär. Bu gün gözümiziň öwrenişen her bir närsesi ertir başga bir görnüşde peýda bolýar. Emma radio – şol öňki radio. Internetiň, sanly we onlaýn teleýaýlymlaryň barha ynsan durmuşyna çuň aralaşýan döwründe radionyň möwriti geçip barýar diýýänler hem bar. Emma şeýle diýýänler hem barybir radio diňleýärler. Jemgyýetçilik ulaglarynda, öýde, işde arakesme mahaly bolsun tapawudy ýok, barybir olar radio diňleýändirler. Şahsy ulagyňda gidip barýansyň welin, özüňden bidin radionyň nurbatyny towlanyňy duýmarsyň. Edil gadyrdan byradaryň sesini küýsän ýaly, radio eşidesiň geler. Özem eşidesiň gelýänini bilmezden oňa gulak gerersiň. Uzakly gün radionyň sesi ýaňlanyp durýan öýler bar. Gije başujynda radio goýup, süýji uka gidýän ynsanlar bar. Henizem her gün ýüzlerçe, hatda müňlerçe adamlar radio tolkunlarynda durmuşynyň iň bagtly, iň arzyly günleriniň bagtyýarlygyny, ýürek buýsançlaryny paýlaşýarlar. Onsoň neneň radio möwritini ötüren diýip bilersiň. Radio möwritini ötürer ýaly ýönekeý tehnika däl ahyry. Onda ýürekdeşlik, hamraklyk bar. Onuň tolkunlary ynsanyň ýürek urgusyna çalymdaş. Onda ýürek bar, diýmek ol ýaşaýar, ol janly.

7 Noýabr 2024

Medeniýet

DÜNÝÄNIŇ IŇ GADYMY ÝOKARY OKUW MEKDEPLERI

Al-Azhar uniwersiteti. Müsüriň paýtagty Kairde ýerleşýän bu ýokary okuw mekdebi b.e.öň 970-nji ýylda esaslandyrylypdyr. Şeýle ir döwürde esaslandyrylandygyna garamazdan, uniwersitet statusy diňe 1961-nji ýylda berlipdir. Bu mekdep döredilende dini okuw merkezi bolan hem bolsa, häzirki wagtda döwrebap okuw maksatnamalary esasynda bilim berilýär. Işewürlik, ykdysadyýet, lukmançylyk, oba hojalygy we inženerçilik uniwersitetiň esasy ugurlarynyň hatarynda durýar. Bolon uniwersiteti. Bu ýokary okuw jaýy diňe bir Italiýada däl, eýsem bütin sebitde “Ýewropanyň iň gadymy uniwersiteti” statusyna eýedir. Uniwersitet 1088-nji ýylda esaslandyrylyp, dünýäniň iň gadymy ýokary okuw mekdepleriniň sanawynda abraýly orun eýeleýär. Çünki Italiýanyň görnükli syýasatçylarynyň birnäçesi, şeýle hem 3 sany Rim papasy bu uniwersitetiň uçurymlarydyrlar. Uniwersitet jemi segsen müň talyby özünde jemlemek bilen, olaryň otuz müňi ylmy derejelere dalaşgärlerdir.

7 Noýabr 2024

Bilim

ÖMRE HEMRA SETIRLER

Pyragynyň söz mirasy aýratyn bir dünýä. Edil adaty dünýäden ynsan durmuşyna dahylly ähli wakany, hadysany tapyp bolşy ýaly, onuň eserlerinden hem ynsan ömrüne degişli barça pursatlary, inçelikleri, pynhanlyklary, täsinlikleri tapyp, duýup bolýar. Pyragynyň setirleri çagalar üçinem, ýaş-ýetginjekler üçinem, orta ýa-da uly ýaşlylar üçin hem gyzykly. Sebäbi onuň setirlerinde biziň üstünliklerimiziň esasy gönezligi bolan ruhubelentlik hakynda, umytdan düşmezlik, ertiriňe, geljegiňe ynam bilen garamak hakynda ajaýyp setirler bar. Manylar mazmuna kybapdaş birnäçe sözler bilen bezelip, setirlere siňdirilipdir welin, olar edil gyzgyn çaýyň içinde eräp giden şeker ýaly, göze görünmese-de, tagamy bildirip dur. Akyldarlar şeýle diýýärler: “Maksatsyz ömür ýaly biderek ýaşaýyş ýokdur”. Ynsanyň ähmiýeti ömrüne many çaýyp bilýänliginde. Öňünde maksat goýup bilýänliginde. Maksadyny hasyl etmek üçin yhlas edýänliginde. Munuň üçin bolsa, ilkinji, nobatda, sabyr-kanagat, soňra arzuw-umyt, ynam-yhlas, töwekgellik, maksada okgunlylyk gerek. Şeýle düşünjeleriň ýadymyzdan çykmazlygy üçin jadyly we manyly sözleri öwran-öwran gaýtalamak gerek. Her gezek sähel ynjap, ýadap, umytdan düşjek bolanymyzda, bu sözler goltugymyzdan göterip, ýene maksatlaryň arzyly ýoluna salýar. Adam göwün göteriji pikirler, duýgular bilen gurşalan halaty, diňe kimdir biriniň däl-de, hut tebigatyň özüniň aşyk bolup, seniň bile

7 Noýabr 2024

Miras

IŇ BAÝ ADAMYŇ IŇ GADYMY SYRY: NÄDIP BAÝAMALY?

ÜÇÜNJI MELHEM Altynyňyzy köpelmäge mejbur ediň

7 Noýabr 2024

Edebiýat

HALYL KULYÝEWIŇ TÄZE KITABYNYŇ ÝAZYLYŞ TARYHY...

Halyl Kulyýewiň döredijiligi hakda biri-birinden gowy makalalar ýazyldy. Şahyryň şygryýet dünýäsine ymykly aralaşmagy arzuwlap ýörşüme, şol makalalaryň baryny diýen ýaly okap çykdym. Bir makalanyň ady welin aňymdan aýrylmady. Ol “Halal saňa, Halyl şahyr!” diýlen makala bolmaly. Makalanyň awtoryndan gaýybana ötünç sorap, şol makalanyň adynyň aňymda müdimilik orun alandygyny aýtmak isleýän. Halyl Kulyýewiň öz eserleri bilen “Halal saňa” diýdirip bilendigi bolsa, onuň “Daň agarýar” (1967), “Säher salamy” (1977), “Güneş” (1983) atly kitaplarynyň üsti bilen okyjylara mälimdir. Halyl şahyryň okyjylara ýat bolan eserlerini aýratyn bir kitaba jemlemek höwesimi köpler goldadylar. Halyl Kulyýewiň täze tapylan eserlerini kitaplaryna girizmän saklandygynyň sebäbi welin, diňe çaklamanyň çygryndan çykyp bilmedi. Şahyr, belki, bu eserlerini soňky bir kitabyna niýetländir, belki-de, ol bu eserleri heniz hamrak görendir. Bularyň ikisiniňem bolup bilmegi mümkin, ýöne okyja hödürlenýän käbir eserler “Halyl bu eserlerini “demine” goýandyr. Täzedenem bir gezek ýugrumyny ýetirmäge ýetişen däldir” diýen çaklamany has berdaşly görkezýär. Ýetişip-ýetişmezlik bolsa, bize bagly zat däl. Bize bagly bolmadyk zat bizi-de Halyl Kulyýewiň kitaplaryna girizilmedik eserlerini şahyrdan birugsat okyja hödürlemeklige mejbur edýär. Mahlasy, eserleri okap, käte-käte “Häk, şahyryň özi bolan bolsady” diýmegiňiz mümkin

7 Noýabr 2024

Edebiýat

MÄHRIBAN MESGEN

Süýt reňkli köneje ulag obanyň çetinden giriberende sürüjiniň gapdalynda oturan elli-elli bäş ýaşlaryndaky saçy çalaran adam sürüjä ýüzlendi: — Şu ýerde saklaweri!

7 Noýabr 2024

Miras

ZENAN SARPASY – TÜRKMEN HALKYNYŇ MILLI ÝÖRELGESI

Halkyň bagtyýarlygy ilkinji nobatda ýurduň zenanlar baradaky üns-aladasynda, hormatynda ýüze çykýar. Munuň şeýledigine doly düşünýän zenanlar ýurdumyzda jemgyýetçilik durmuşynyň uly işjeň güýjüne öwrülip, döwrüň ösüşlerine seslenme bilen, hormatly Prezidentimiziň alyp barýan işleriniň giň syýasy mazmunyny açyp görkezmäge, döwrebap başlangyçlary ýola goýmaga öz goşantlaryny goşýarlar. Arkadagly Gahryman Serdarymyzyň parasatly ýolbaşçylygynda zenanlara goýulýan sarpa, zenanlar baradaky edilýän işler ata-baba ýol-ýörelgelerimizden, milli däp-dessurlarymyzdan, ruhy gymmatlyklarymyzdan gözbaş alýar. Halkymyzyň kalbynyň owazyna öwrülen dessanlar, altyna gaplaýmaly nakyllardyr atalar sözleri, hüwdülerdir monjugatdylar, ajaýyp toý aýdymlary, milli şaý-sepler Watana, il-güne, mukaddes maşgala ojagyna wepaly, lebzihalal, zähmetsöýer päk ahlakly gelin-gyzlarymyzyň abraý-mertebesiniň elmydama belent tutulyp gelýändigini tassyklaýar. Türkmeniň medeniýetinde nesilleriň terbiýe mekdebi bolan zenan keşbiniň, olaryň halkymyza mahsus häsiýetli aýratynlyklarynyň mynasyp ornunyň bardygyny bellemek gerek.

7 Noýabr 2024

Miras

DIL BILMEK — MÜMKINÇILIKLERIŇ AÇARY

Dile düşünmeseň, köňle düşünmersiň. Halkymyzyň söz gorunda “ýüreginden turmak, sözüň alyşmak” manylarda gelýän “dilini tapmak” diýen jüpüne düşen, gunt ýaly söz düzümi bar. Jaýdar aýdylan söz! Eýsem, dil adamzadyň özara baglanyşygyny, aragatnaşygyny üpjün edýän serişdesi dälmidir?! Dünýäde näçe halk bar bolsa, şonça-da dil bar. Emma käbir diller dünýä dili, ýagny ählumumy ykrar edilen halkara dil hasaplanylyp, resminamalarda, möhüm maglumatlardyr beýanatlarda işjeň ulanylýar. Şolaryň biri hem iňlis dilidir. Dil öwrenmek özge dünýä, özge saýýara aralaşmak, özge medeniýetler, pikir-düşünjeler bilen tanyşmak ýaly täsin duýgulary oýarýar. Daşary ýurt dilini özleşdirdigiçe ynsanyň şahsyýetinde täsin özgeriş duýulýar. Dil öwrenýän ynsanyň dünýägaraýyşy giňelýär, söz baýlygy köpelýär. Bu dünýä aralaşan her bir ynsan ähli mümkinçilikleriň altyn açaryny ele alýar.

7 Noýabr 2024

Bilim

ÝAŞLAR YLYM DÜNÝÄSINDE ÝAŞ ALYM MERKEZI KÖPETDAGDAKY GUŞLARY IÇGIN ÖWRENDI

Guşlaryň dünýäsi! Bu dünýä örän gyzykly. Şeýle bolansoň, ýaş alym, Magtymguly adyndaky Türkmen döwle tuniwersitetiniň mugallymy Nedirberdi Guldurdyýew bu täsin dünýäni öwrenip, özi hem, ylmy jemgyýetçilik üçin hem birnäçe täzelikleriň üstünden bardy. Alym mugallym şol ylmy gözlegleri bilen ýurdumyzyň ýaşlarynyň arasynda yglan edilen bäsleşikde şu ýyl ýeňijileriň hataryndan özüne mynasyp orun tapmagy başardy. Has takygy, ýaş alym guşlaryň ekologiýasy baradaky ylmy gözlegleri bilen Merkezi Köpetdagda we onuň dag eteginde ýaşaýan guşlaryň ýaşaýyş aýratynlyklaryny giňişleýin öwrendi. Onuň ylmy gözlegleri 2022-nji ýylyň baharynda başlap, iki ýyllap dowam etdi. Merkezi Köpetdagyň dürli ýerlerinde ― Aşgabat şäheriniň dag etek çäklerinde, Arkadag şäheriniň töwereklerinde, şeýle-de Gökdepe, Bäherden we Akbugdaý etraplarynyň dag eteklerinde alnyp barlan gözlegler şol sebitlerde duş gelýän guşlaryň görnüşleriniň sanynyň üýtgemegine, howa şertleriniň olaryň migrasiýasyna we iýmitleniş aýratynlyklaryna täsirini anyklamaga gönükdirildi.

6 Noýabr 2024

Ylym

SANLY ULGAM: Amatlylyk. Ygtybarlyk. Döwrebaplyk.

Tehnologiýalaryň barha kämilleşýän zamanasynda adamzat durmuşyna nanotehnologiýalar döwrüniň iň soňky gazananlarynyň ornaşdyrylmagy ertirki günümizde has ýeňillikli durmuşda ýaşamaga mümkinçilikleri döredýär. Ylym-bilime has içgin girişilmegi, ony doly ele almaga edilýän synanşyklaryň netijesinde oýlap tapyşlaryň, açyşlaryň sany has-da köpelýär. Olaryň arasynda «emeli aň» aýratyn orna eýedir. Aň adamlara we haýwanlara tebigy, dogabitdi berilýän bolsa, emeli aň adam eli bilen taýýarlanyp elektronikada adamyň işini ýeňilleşdirmek üçin ornaşdyrylýar. Emeli aň alymlar tarapyndan gün-günden kämilleşdirilip gelinýär. Ulanýan kompýuterlerimizdäki «Windows», telefonlarymyzda «IOS», «Android» programma üpjünçilikleri emeli aňyň anyk mysallary bolup durýar.

6 Noýabr 2024

Tehnologiýa

TÜRKMEN ALABAÝY – HALKYMYZYŇ MILLI BUÝSANJY

«Türkmen alabaýy gadymy oguz nesliniň dünýä medeniýetine goşan ajaýyp goşandydyr. Halkymyz bedew aty ýaly, alabaý itini hem iň ýakyn kömekçisi, wepaly dosty hasaplapdyr». Türkmen halkynyň Milli Lideri Gahryman Arkadagymyzyň «Türkmen alabaýy» atly ajaýyp kitabyndan alnan bu jaýdar jümleler merdana halkymyzyň müňýyllyklaryň dowamynda umumadamzat medeniýetiniň ösüşine, dünýä jemgyýetiniň galkynyşyna maddy we ruhy mirasy bilen uly itergi berendigini äleme äşgär edýär. Gözelligiň nepis nusgasy bolan halydyr dokma önümleri, ýelden ýyndam türkmen bedewi, wepadarlygy we edermenligi bilen dillerde dessan bolan alabaý iti halkymyzyň dünýä beren ruhy we maddy gymmatlyklarydyr. Bu miras ata-babalarymyz tarapyndan arzylanyp, nesilden-nesle geçirilip, milletiň buýsanjyna, halkymyzyň göz guwanjyna öwrüldi. Gahryman Arkadagymyzyň ajaýyp şygrynda:

6 Noýabr 2024

Haýwanat dünýäsi

BAG EKMEK – ÖMRE DOWAMAT

Berkarar döwletiň täze eýýamynyň Galkynyşy döwründe oba hojalyk pudagyny özgertmek, oba hojalyk önümleriniň bolçulygyny döretmek barada giň möçberli işler alnyp barylýar. Gahryman Arkadagymyzyň başlangyjy bilen kabul edilen Milli tokaý maksatnamasynyň çäginde ýurdumyzy bagy-bossanlyga öwürmek, daşky gurşawy goramak we baýlaşdyrmak meselelerine uly üns berýär. Indi birnäçe ýyllardan bäri güneşli ülkämiziň ähli künjeginde her ýylda millionlarça düýp agaç nahallary oturdylýar. Munuň özi, Diýarymyzyň tebigatyny baýlaşdyrmaga, ynsan ýaşaýşy üçin zerur bolan kislorody köpeltmäge, howany arassalamaga, ekologiýa ýagdaýyny has-da gowulandyrmaga we durnukly saklanmagyna gönükdirilen syýasatdyr. Ýurdumyzda bagçylygy ösdürmek üçin gurply ýerler, suw we amatly howa şertleri bar. Bu bolsa ýurdumyzy bagçylygyň ösen mekanyna öwürmäge mümkinçilik berýär. Geljekki baglaryň hasyllylygy hem-de uzak ömürliligi köp derejede nahalhanalarda ýetişdirilýän nahallaryň hiline we sort arassalygyna baglydyr.

6 Noýabr 2024

Ekologiýa

DOSTLUKLY HALKLARYŇ ÝÜREK OWAZY

Dostlukly halklaryň ynsanperwer gatnaşyklaryny pugtalandyrmak babatda geçirilen çäreleriň hatarynda Wenada we Aşgabatda geçirilen Medeniýet günlerini, geçen ýyl Arkadag şäherinde ilkinji gezek geçirilen V Wena balyny, dürli tanyşdyryş çärelerini, türkmen sungat ussatlarynyň we awstriýaly artistleriň çykyşlaryny görkezmek bolar. Iki halkyň medeniýetlerini, dostluk hem-de ynanyşmak gatnaşyklaryny ösdürmäge, iki ýurduň giň gerimli hyzmatdaşlygyny has-da pugtalandyrmaga ýardam edýän möhüm wakalaryň hatarynda Wena baly hem bar. 10-njy oktýabrda dünýä nusgalyk binagärlik sungatyna eýe bolan Arkadag şäherinde VI Wena baly geçirildi. Bu köp öwüşginli çäre ýurdumyzyň medeni durmuşyna özboluşly öwüşgin çaýyp, iki şäheriň — Arkadag şäheriniň we Wenanyň arasyndaky dostluk köprüsine öwrüldi. Bu çäräniň geçirilmegi Türkmenistan bilen Ýewropa Bileleşiginiň arasyndaky medeni gatnaşyklaryň giňelýändiginiň, netijeli ikitaraplaýyn hyzmatdaşlygynyň pugtalandyrylýandygynyň aýdyň subutnamasydyr.

6 Noýabr 2024

Hyzmatdaşlyk