Biz hüýpüpiklere sähralarymyzda, daglarymyzda, obadyr şäherlerimizdäki baglarda gabat gelýäris. Olar ýelekleriniň ýiti reňki bilen özge guşlardan tapawutlanýarlar.
Hüýpüpikler Ýer togalagynyň Afrika, Ýewropa, Aziýa yklymlaryna ýaýrandyr. Olaryň bedenleriniň uzynlygy 25 — 29 santimetre, ganatlarynyň gerimi 44 — 48 santimetre barabar. Ganatlary giň we tegelegräk görnüşde bolup, gara, agymtyl-sary reňkli zolak-zolakdyr.
