Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallasy bilen uzak geçmişden gözbaş alýan medeniýetimizi, sungatymyzy, milli
mirasymyzy ösdürmäge uly üns berilýär, medeni mirasymyzy toplamak, ylmy taýdan öwrenmek we ösüp gelýän ýaş nesilleriň arasynda giňden wagyz etmek işleri üstünlikli amala aşyrylýar. Häzirki döwürde ýurdumyzyň medeni durmuşyndaky özgertmeler halkymyzy täze zähmet üstünliklerine ruhlandyrýar. Şekillendiriş we amaly-haşam, aýdym-saz, teatr, kino sungatynda, edebiýatda döredilýän eserlerde halkymyzyň abadan durmuşy, eziz Diýarymyzyň ýetýän belent sepgitleri çeper wasp edilýär.
