Suratçy taryhy ýazýar. Megerem, hak aýdylan sözlerdir. Belli bir döwrüň taryhyny şekile salyp duran mahaly suratçy bu barada, belki, oýlanýanam däldir. Ýöne aradan wagt ötýär. On, ýigrimi, otuz, kyrk, elli... ýyl geçýär. Ana, şonda hakykatdanam suratçynyň düşüren suratlarynyň taryhyň bir parçasyna öwrülýändigine göz ýetirýärsiň. Dogrusy, dura-bara suratçynyň özi-de taryhyň gatlaryna siňip gidýär.
Alekber Güseýinow. Ol alçak hem polady ýumşak ýigitdi. Onuň ýaly ussat suratçylar Türkmenistanda barmak büküp sanaýmalydyr.
