«Arkadag Serdarly bagtyýar ýaşlar ýyly» şygary astynda geçen 2023-nji ýylda Ahal welaýatynyň kitaphanalarynda okyjylara döwrebap hyzmatlar amala aşyryldy. Şanly ýylda kitaphanalara täze ýazylan ildeşlerimiziň sany 10 müň 117-ä ýetip, hasapda duran okyjylaryň umumy sany 106 müňden geçdi.
Täze taryhy döwrümiziň ösüş-özgertmelere beslenen ýylynda welaýatyň kitaphanalaryndaky dürli mazmunly kitaplaryň 431 müňden gowragy, şol sanda syýasy neşirleriň 65 müňe, çeper edebiýatlaryň 149 müňe, çagalar edebiýatlarynyň 122 müňe, beýleki neşirleriň 96 müňe golaýy okyjylar tarapyndan okalmaga alyndy. Bitewi elektron kitaphana ulgamynyň hyzmatyndan peýdalanyjylaryň sany, ozalky ýyla garanyňda, ep-esli artdy.
