12-nji iýunda Türkmenistanyň Mejlisinde Ýewropada Howpsuzlyk we Hyzmatdaşlyk Guramasynyň Milli azlyklaryň işi boýunça Ýokary komissary Kaýrat Abdrahmanowyň ýolbaşçylygynda ýurdumyza gelen wekiliýetiň agzalary bilen duşuşyk geçirildi.
Duşuşygyň dowamynda Mejlisiň Başlygy D.Gulmanowa hormatly Prezidentimiziň baştutanlygynda ýurdumyzyň hemişelik Bitaraplyk derejesine, açyklyk, parahatçylyk söýüjilik, hoşniýetli goňşuçylyk gatnaşyklaryna esaslanýan daşary syýasat ugruna ygrarlydygyny belledi. Soňky ýyllarda ýurdumyzyň ÝHHG bilen özara gatnaşyklary ösdürmek boýunça baý tejribe toplandygy nygtaldy.
