Türkmenmetbugat

"Türkmenistanyň lukmançylygy" žurnaly

Esaslandyryjysy: Türkmenistanyň Saglygy goraýyş we derman senagaty ministrligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-55
Email: t-lukmanchylyk-zurnaly@sanly.tm

Gazeti PDF görnüşinde ýükläp almak

Habarlar

Işewürlik. Netijelilik. Ynanyşmak

Häzirki wagtda «Açyk gapylar» syýasatyny üstünlikli alyp barmak arkaly Türkmenistan halkara gatnaşyklarynda dünýä ýurtlary, iri halkara guramalar, şol sanda abraýly kompaniýalar bilen dürli ugurlar boýunça hyzmatdaşlygy okgunly işjeňleşdirýär. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň dünýä belli iri kompaniýalaryň ýolbaşçylary bilen duşuşyklary munuň aýdyň subutnamasydyr. DOSTLUKLY GATNAŞYKLAR IŞJEŇLEŞDIRILÝÄR

1 gün öň

Türkmen-german dialogy: tagallalary milli we sebit bähbitlerine gönükdirip

Hormatly Prezidentimiziň belleýşi ýaly, Türkmenistan dünýä üçin açykdyr. Biziň ýurdumyz dünýäniň islendik gyzyklanma bildirýän döwleti bilen ikitaraplaýyn we köptaraplaýyn gatnaşyklaryň ösdürilmegi ugrunda çykyş edýär. Şunda Ýewropa Bileleşiginiň ykdysady taýdan iň kuwwatly ýurdy hasaplanýan Germaniýa bilen hyzmatdaşlyga hem aýratyn orun degişlidir. Geçen 32 ýyldan gowrak wagtyň dowamynda türkmen-german gatnaşyklary ugurlaryň giň gerimi boýunça üstünlikli ösdürilip, häzirki wagtda ony has-da çuňlaşdyrmaga özara gyzyklanma bildirilýär. Biz hem Germaniýa Federatiw Respublikasynyň Türkmenistanda täze işe başlan Adatdan daşary we Doly ygtyýarly ilçisi Bernd HAÝNS bilen gürrüňdeş bolup, hyzmatdaşlyk ýyllarynda toplanan tejribeler, onuň geljekki maksat-meýilleri barada söhbet etdik. — Jenap Bernd Haýns, siz bir aýdan gowrak ozal GFR-iň Türkmenistandaky diplomatik wekilhanasynyň ýolbaşçysy wezipesine bellenildiňiz we hormatly Prezidentimize ynanç hatyny gowşurdyňyz. Sizi jogapkärli wezipede işe başlamagyňyz bilen gutlap, söhbedimiziň başynda okyjylarymyza özüňiz barada gysgaça gürrüň bermegiňizi haýyş edýäris.

2 gün öň

Sarash serhedinden demir ýol arkaly 1 million tonnadan gowrak ýük daşaldy

2024-nji ýylyň ilkinji bäş aýynda Türkmenistan bilen Eýranyň arasynda Sarash serhedi arkaly 1 million 50 müň tonna haryt daşaldy. Bu geçen ýylyň degişli döwri bilen deňeşdirilende 30% köpdür. Bu barada “IRNA” ýazýar. Sarahs demir ýol serhedindäki umumy daşary söwdanyň 600 müň metrik tonna golaýy harytlaryň serhetara görnüşine degişlidir. Bu bolsa degişli döwürden 55% ýokarydyr diýip, Horasan welaýat demir ýolunyň baş müdiri Mostafa Nasiri habar berdi. Şeýle hem, 526 müň metrik tonna serhetara ýükleriň Türkmenistandan eksport edilýän ýüklere degişlidigini aýtdy. Bu Sarahs — Bender-Abbas demir ýol geçelgesinde üstaşyr ýük gatnawynyň 78%-ini emele getirýär.

2 gün öň

Arkadag şäheri Koreýa Respublikasynda geçirilen World Smart City Expo sergisinde tanyşdyryldy

Arkadag şäheriniň diwarlygy 3-nji sentýabrda Koreýa Respublikasynyň Goýan şäherinde açylan World Smart City Expo-2024 Halkara sergisinde görkezildi. Türkmenistanyň wekilýeti serginiň açylyş dabarasyna gatnaşdy diýip, Türkmenistanyň Koreýadaky ilçihanasynyň web-saýtynda habar berilýär.

2 gün öň

Türkmenistanyň wekiliýetiniň «2024 World Smart City Expo» atly akylly şäherleriň sergisine gatnaşýar

Türkmenistan wekiliýeti 2024-nji ýylyň 3-nji sentýabrynda Koreýa Respublikasynyň Goýang şäherinde geçirilýän «2024 World Smart City Expo» atly akylly şäherleriň halkara sergisiniň resmi açylyş dabarasyna gatnaşdy. Bu sergide türkmen tarapy akylly Arkadag şäherine bagyşlanan – onuň mümkinçilikleri we aýratynlyklary bilen tanyşdyrýan pawiliony bilen çykyş etdi.

2 gün öň

Arkadag şäheri Koreýa Respublikasynda 3 baýraga mynasyp boldy

“Akylly” Arkadag şäheri Koreýa Respublikasynyň Goýang şäherinde geçirilýän «2024 World Smart City Expo» atly akylly şäherleriň halkara sergisiniň baýrak gowşuryş dabarasynda 3 sany baýraga  mynasyp boldy. Baýraklar sergä gatnaşyjylaryň arasynda aýry ugurlar boýunça has tapawutlanan daşary ýurt we milli şäherlere hem-de kompaniýalara berildi. Akylly Arkadag şäherine bu dabara gatnaşyjylaryň arasynda ilkinji bolup baýraklaryň gowşurylmagy aýratyn bellärliklidir. Şunlukda türkmen tarapy şu aşakdaky 3 baýrak bilen sylaglandy:

2 gün öň

Goňşy — goňşynyň köňül nagşy

28-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň goňşy Eýran Yslam Respublikasyna amala aşyran iş sapary söwda-ykdysady we medeni-ynsanperwer ugurlarda hyzmatdaşlygy ösdürmekde örän möhüm taryhy wakadyr. Esasy strategik hyzmatdaşlarymyzyň biri bolan Eýranyň döwlet ýolbaşçylary bilen geçirilen ýokary derejeli gepleşikleriň dowamynda goňşuçylyk gatnaşyklarynyň wajypdygy aýratyn nygtaldy. Serhetdeş goňşymyz we dostlukly döwletleriň biri Eýran Yslam Respublikasydyr. Türkmenistanyň her daban ýeriniň taryhyň möhüm sahypalaryndan habar berşi ýaly, goňşy toprak hem türkmen taryhy we medeniýeti bilen baglanyşykly köp sanly ýerleri, syýahatçylyk merkezlerini özünde jemleýär.

5 Sentýabr 2024

Sergide — ukrain öwüşginleri

29-njy awgustda açylan, dostlukly halkyň milli lybaslaryny, medeniýetini we keşdeçilik sungatyny şöhlelendirýän «Ukraina we ukrainler» ady bilen geçirilýän sergi paýtagtymyzyň ýaşaýjylarynda uly gyzyklanma döredýär. Sergi Türkmenistanyň Daşary işler ministrliginiň ýardam bermeginde Ukrainanyň ilçihanasy tarapyndan guralýar. Türkmen-ukrain gatnaşyklary Garaşsyzlyk ýyllarynda has hem berkedi. Ukrainanyň her ýylyň 26-njy sentýabrynda bellenilip geçilýän Garaşsyzlyk baýramçylygyna bagyşlanan bu sergi bolsa ony has-da baýlaşdyrar. Bu ýerde milli lybaslardaky ukrainleriň baýramçylyk pursatlaryndan we gündelik durmuşyndan gürrüň berýän, XIX asyryň ahyrlaryna XX asyryň başlaryna degişli seýrek duş gelýän suratlar ýerleşdirilipdir. Suratlaryň ählisi «Iwan Gonçaryň muzeýi» halk medeni milli merkeziniň arhiw gorundan alnan. Bu muzeý dostlukly ýurduň medeni mirasyna degişli gymmatlyklary toplamak, saklamak, öwrenmek we ýaýratmak, şeýle hem wagyz etmek bilen meşgullanýan öňdebaryjy medeni-sungat edarasydyr.

5 Sentýabr 2024

Täjigistanda täze mekdep — dost-doganlygyň nyşany

1-nji sentýabr – Bilimler we talyp ýaşlar güni mynasybetli ýurdumyzyň ähli künjeginde uly dabaralar geçirildi. Bu baýramçylyk gününde ähli bilim ojaklary ýaş nesle giňden gujagyny açdy. Şeýle baýramçylyk çäreleriniň biri-de Täjigistan Respublikasynyň Hatlon welaýatynyň Dusti etrabynyň Ergeş Sultanow daýhan birleşiginde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyjy bilen «Döwlet gurluşyk» hojalyk jemgyýeti tarapyndan gurlan 540 orunlyk Magtymguly adyndaky umumybilim berýän orta mekdebiň ulanmaga berilmegi mynasybetli geçirildi. Gündogaryň akyldar şahyrynyň adyny göterýän umumybilim berýän orta mekdebiň düýbüni tutmak dabarasy 2023-nji ýylyň 10-njy maýynda hormatly Prezidentimiz Serdar Berdimuhamedowyň Täjigistan Respublikasyna döwlet sapary wagtynda geçirilipdi. Iki dostlukly döwletiň Baştutanlary bu durmuş ähmiýetli desganyň gurluşygyna sanly ulgam arkaly ak pata beripdiler.

5 Sentýabr 2024

Aşgabatda “Türkmentel-2024” halkara sergi we ylmy maslahat geçiriler

2024-nji ýylyň 14-16 noýabry aralygynda Türkmenistanyň paýtagty telekommunikasiýa, telemetriýa, maglumat tehnologiýalary we teleradioýaýlyma bagyşlanan “Türkmentel-2024” atly Halkara sergini we ylmy maslahatyny kabul eder. Bu çäre aragatnaşyk pudagyndaky soňky gazananlary görkezmek we pudagyň ösüş geljegini ara alyp maslahatlaşmak üçin esasy meýdança bolar. Serginiň gatnaşyjylary we myhmanlar dünýä telekommunikasiýa senagatynyň iň täze işläp düzenleri we onuň häzirki ösüş ugurlary bilen tanyşmak üçin aýratyn mümkinçilik alarlar. Türkmenistanyň ykdysadyýetiniň sanlylaşdyrylmagy, milli maglumat tehnologiýalarynyň global tora goşulmagy, şeýle hem kiberhowpsuzlyk meseleleri aýratyn üns merkezinde bolar.

4 Sentýabr 2024

Türkmen halkynyň Milli Lideri, Türkmenistanyň Halk Maslahatynyň Başlygy “Rönesans Holding” kompaniýasynyň ýolbaşçysy bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Rönesans Holding» kompaniýasynyň müdiriýetiniň başlygy Erman Ylyjak bilen duşuşdy. Işewür duşuşmaga döredilen mümkinçilik üçin hoşallygyny beýan edip, özgertmeler ýoly bilen ynamly öňe barýan ata Watanynda iş alyp barmagyň özi üçin uly hormatdygyny aýtdy. Onuň belleýşi ýaly, Berdimuhamet Annaýew adyndaky Ýöriteleşdirilen harby mekdebiň täze binalar toplumynyň gurluşygynyň “Rönesans Holdinge” ynanylmagy bu kompaniýa üçin uly mertebedir. Şeýle desgalaryň yzygiderli ýagdaýda gurulmagy we ulanmaga berilmegi Gahryman Arkadagymyzyň başlangyçlaryny üstünlikli durmuşa geçirýän Arkadagly Gahryman Serdarymyzyň parasatly we öňdengörüjilikli syýasaty netijesinde ýurdumyzda amala aşyrylýan durmuş-ykdysady özgertmeleriň üstünliklere beslenýändiginiň güwäsidir. Pursatdan peýdalanyp, Erman Ylyjak Milli Liderimizi Bilimler we talyp ýaşlar güni bilen tüýs ýürekden gutlady hem-de berk jan saglyk, uzak ömür, tutumly işleriniň rowaçlyklara beslenmegini arzuw etdi. Şeýle-de işewür Türkiýe Respublikasynyň Prezidenti Rejep Taýyp Ärdoganyň Gahryman Arkadagymyza we Arkadagly Gahryman Serdarymyza mähirli salamyny ýetirdi.

3 Sentýabr 2024

Türkmen halkynyň Milli Lideri, Türkmenistanyň Halk Maslahatynyň Başlygy “Çalyk Holding” kompaniýalar toparynyň ýolbaşçysy bilen duşuşdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Çalyk Holding» kompaniýalar toparynyň dolandyryjylar geňeşiniň başlygy Ahmet Çalyk bilen duşuşdy. Işewür wagt tapyp kabul edendigi üçin Gahryman Arkadagymyza tüýs ýürekden hoşallyk bildirip, ata Watany Türkmenistanyň ähli ulgamlarda gazanýan üstünliklerine buýsanýandygyny aýtdy. Onuň belleýşi ýaly, bu üstünlikler türkmen halkynyň Milli Lideri, Türkmenistanyň Halk Maslahatynyň Başlygynyň oňyn başlangyçlarynyň hormatly Prezidentimiz Serdar Berdimuhamedowyň baştutanlygynda mynasyp durmuşa geçirilmegi netijesinde mümkin boldy. Aşgabat şäher häkimliginiň toplumynyň binasynyň açylyp ulanmaga berilmegi hem Gahryman Arkadagymyzyň paýtagtymyzy ösdürmek boýunça başyny başlan şähergurluşyk strategiýasynyň Arkadagly Gahryman Serdarymyz tarapyndan mynasyp dowam etdirilýändigini görkezýär.

3 Sentýabr 2024

Türkmenistan — Täjigistan: Hoşniýetlilik. Ynanyşmak. Ynsanperwerlik

Mälim bolşy ýaly, 1-nji sentýabrda Türkmenistanda giňden bellenilýän Bilimler we talyp ýaşlar gününiň şanyna täze bilim edaralarynyň açylmagy asylly däbe öwrülip, 2024-2025-nji täze okuw ýyly hem ýurdumyzda we dostlukly döwletde möhüm binagärlik desgalarynyň dabaraly açylmagy bilen badalga aldy. Täjigistan Respublikasynyň Hatlon welaýatynyň Dusti etrabynyň Ergeş Sultanow daýhan birleşiginde gurlan 540 orunlyk Magtymguly adyndaky umumybilim berýän orta mekdep ulanmaga berlen desgalaryň hatarynda aýratyn orun eýeledi. Onuň açylyş dabarasyna sanly ulgam arkaly iki döwletiň Prezidentleri Serdar Berdimuhamedow we Emomali Rahmon gatnaşdylar. Dostlukly goňşy ýurtdaky täze bilim edarasynyň binalar toplumynyň gurluşygy Türkmenistanyň Prezidentiniň 2022-nji ýylyň dekabrynda gol çeken Kararyna laýyklykda, ýurdumyzyň gurluşykçylary tarapyndan alnyp baryldy. Mälim bolşy ýaly, Gahryman Arkadagymyz bilen Täjigistanyň Prezidenti Emomali Rahmonyň arasynda gazanylan ylalaşyk esasynda kabul edilen bu çözgüt taraplaryň köpasyrlyk ynsanperwer gatnaşyklary hemmetaraplaýyn giňeltmäge, medeniýetleriň, däp-dessurlaryň we ruhy-ahlak gymmatlyklaryň umumylygy bilen baglanyşýan iki halkyň arasynda dostluk, özara düşünişmek gatnaşyklaryny pugtalandyrmaga ýardam etmäge gyzyklanmalarynyň güwäsidir.

2 Sentýabr 2024

Dostlukly hyzmatdaşlyk işjeňleşdirilýär

Häzirki wagtda ýurdumyzda döwletara gatnaşyklaryň, şol sanda goňşy ýurtlar, hususan-da, Owganystan bilen hyzmatdaşlygyň işjeňleşdirilmegine möhüm ähmiýet berilýär. Muny 30-njy awgustda paýtagtymyzdaky «Garagum» myhmanhanasynyň mejlisler zalynda Ministrler Kabinetiniň Başlygynyň degişli orunbasarlarynyň, ministrlikleriň we pudaklaýyn dolandyryş edaralarynyň ýolbaşçylarynyň Türkmenistana sapar bilen gelen Owganystanyň magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary bilen duşuşygynyň geçirilmegi aýdyňlygy bilen görkezýär. Ilkinji nobatda, Türkmenistanyň Owganystandaky syýasy-ykdysady durnuklylyga, doganlyk halkyň abadançylygyna gyzyklanma bildirýändigini bellemek gerek. Biziň dostluk goldawymyz ýeňillikli esasda elektrik energiýasynyň we suwuklandyrylan gazyň iberilmeginde, goňşy ýurduň çäklerinde durmuş maksatly desgalary gurmakda, hünärmenleri taýýarlamakda ýüze çykýar.

2 Sentýabr 2024

Gatnaşyklar ösdürilýär

30-njy awgustda paýtagtymyzdaky «Garagum» myhmanhanasynyň mejlisler zalynda Ministrler Kabinetiniň Başlygynyň degişli orunbasarlarynyň, ministrlikleriň we pudaklaýyn dolandyryş edaralarynyň ýolbaşçylarynyň Türkmenistana sapar bilen gelen Owganystanyň magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary bilen duşuşygy geçirildi. Duşuşygyň dowamynda döwletara gatnaşyklaryň, şol sanda goňşy ýurtlar, hususan-da, Owganystan bilen hyzmatdaşlygyň işjeňleşdirilmegine möhüm ähmiýet berilýändigi bellenildi.

2 Sentýabr 2024

«Türkmengaz» döwlet konsernine Türkiýäniň «Çalik Enerji Sanayi ve Ticaret A.Ş.» kompaniýasy bilen şertnama baglaşmaga ygtyýar berildi

Berkarar döwletiň täze eýýamynyň Galkynyşy döwründe ýurdumyzyň nebitgaz pudagynyň öňünde goýlan wezipeleri üstünlikli durmuşa geçirmek, şeýle hem türkmen tebigy gazyny diwersifikasiýa ýoly bilen dünýä bazarlaryna çykarmakda möhüm ähmiýetli bolan desgalaryň taslamalaryny milli maýa goýumlaryň hasabyna ýerine ýetirmek maksady bilen, Türkmenistanyň Prezidenti Karara gol çekdi. Resminama laýyklykda, «Türkmengaz» döwlet konsernine Mary welaýatynda «Şatlyk-1» gaz gysyjy desgasynyň taslamasyny düzmek, ony gurmak, zerur enjamlar bilen üpjün etmek we goýberiş-sazlaýyş işlerini ýerine ýetirmek barada Türkiýe Respublikasynyň «Çalik Enerji Sanayi ve Ticaret A.Ş.» kompaniýasy bilen şertnama baglaşmaga ygtyýar berildi. Resminama laýyklykda, bu desga üçin elektrik, aragatnaşyk, gaz, suw üpjünçiliginiň we lagymyň meýdançadan daşarky eltiji inženerçilik ulgamlarynyň hem-de desgalarynyň durkuny täzelemek ýa-da täzelerini gurmak we olary umumy ulgama birikdirmek işlerini ýerine ýetirmek göz öňünde tutulýar. Gurluşyk işlerine 2024-nji ýylyň sentýabr aýynda başlamak we gaz gysyjy desgany 2026-njy ýylyň sentýabr aýynda ulanmaga doly taýýar edip tabşyrmak bellenildi.

2 Sentýabr 2024

Türkmen-eýran söwda-ykdysady gatnaşyklary hil taýdan täze derejä çykarylýar

28-nji awgustynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasyna iş saparyny amala aşyrdy. Tähranyň «Mehrabad» Halkara howa menzilinde Türkmenistanyň Halk Maslahatynyň Başlygyny EYR-nyň ýokary wezipeli resmi adamlary garşyladylar. Soňra türkmen halkynyň Milli Lideri bilen Eýranyň Ýol we şäher ösüşi ministri Farzane Sadeg Malwajerdiniň söhbetdeşligi geçirildi. Taraplar ynanyşmak we birek-birege hormat goýmak esasynda ýola goýlan Türkmenistan bilen Eýranyň hyzmatdaşlygynyň strategik häsiýete eýedigini nygtadylar.

2 Sentýabr 2024

Türkmen-eýran gümrük hyzmatdaşlygy ýokarlanýar

Hormatly Belent Serkerdebaşymyzyň taýsyz tagallalary netijesinde Döwlet gümrük gullugynyň işi has-da kämilleşdirilýär. Bu ugurda halkara hyzmatdaşlygyna aýratyn möhüm ähmiýet berlip, daşary ýurtlaryň gümrük edaralary bilen hyzmatdaşlyklar barha ýokarlanýar. Bilşimiz ýaly, şu ýylyň 28-nji awgustynda Gahryman Arkadagymyz Eýran Yslam Respublikasyna iş saparyny amala aşyrdy. Bu saparyň çäklerinde ikitaraplaýyn duşuşyklar geçirilip, ençeme ugurlar boýunça hyzmatdaşlygy ýokarlandyrmaga gönükdirilen teklipler öňe sürüldi. Gahryman Arkadagymyz demir we awtomobil ýollary arkaly ikitaraplaýyn ýük gatnawlaryny artdyrmagyň zerurdygyny belläp, «Sarahs» we «Inçeburun» demir ýol nokatlaryndan geçýän harytlaryň möçberini köpeltmegi teklip etdi.

2 Sentýabr 2024

Türkmenistan — Owganystan: däp bolan dostlukly gatnaşyklary pugtalandyrmak ugrunda

30-njy awgustda paýtagtymyzdaky «Garagum» myhmanhanasynyň mejlisler zalynda Ministrler Kabinetiniň Başlygynyň degişli orunbasarlarynyň, ministrlikleriň we pudaklaýyn dolandyryş edaralarynyň ýolbaşçylarynyň Türkmenistana sapar bilen gelen Owganystanyň magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary bilen duşuşygy geçirildi. Owgan tarapynyň wekilleri myhmansöýer türkmen topragyna gelmäge döredilen mümkinçilik üçin türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa we hormatly Prezidentimiz Serdar Berdimuhamedowa tüýs ýürekden hoşallyk bildirdiler.

2 Sentýabr 2024

Merkezi Aziýa ýurtlarynyň we Taýlandyň port gözegçiliginiň zenan hünärmenleri tejribe alyşdylar

Türkmenistanyň, Gazagystanyň, Gyrgyzystanyň we Täjigistanyň gümrük gulluklarynyň zenan hünärmenleri Birleşen Milletler Guramasynyň Neşe we jenaýatçylyk baradaky Müdirliginiň Zenan torlarynyň Ählumumy Maksatnamasynyň we Bütindünýä gümrük guramasynyň “Konteýnerli daşamalara gözegçilik etmek boýunça” Ählumumy Maksatnamasynyň çäklerinde gurnalan Taýlanda sapary amala aşyrdylar. Çäre konteýner daşamalarynda we töwekgelçilikleriň görnüşlerini kesgitlemekde Bangkokda we Laýem Çabangda hereket edýän Port gözegçilik toparlarynyň öňdebaryjy tejribelerini öwrenmek maskady bilen Maksatnama gatnaşýan Merkezi Aziýa ýurtlarynyň gümrük gulluklarynyň Port gözegçilik toparlarynyň zenan düzümlerine gönükdirildi. 20-22-nji awgust aralygynda amala aşyrylan saparyň dowamynda iş gatnaşyklarynyň hem-de sebitara hyzmatdaşlygynyň, şol sanda Maksatnamanyň Zenan torlary meýdançasynda hyzmatdaşlygyň ýola goýulmagy boýunça geňeşmeler geçirildi. 

2 Sentýabr 2024

1
2
3
4
5
6
7
8
...
258
259
›