Geçen hepdäniň şenbe güni Türkmenabat şäherindäki «Bitaraplyk» seýilgähinde Ene topragyň halkara gününe bagyşlanan eko-festiwal geçirildi. Ol Amerikanyň Birleşen Ştatlarynyň Türkmenistandaky ilçihanasy, welaýatymyzyň häkimligi hem-de Türkmenabat şäherindäki Amerikan burçy tarapyndan guraldy.
Birleşen Milletler Guramasy Ene topragyň halkara gününi bellemek baradaky Kararnamany 2009-njy ýylda kabul etdi. Boliwiýanyň hökümetiniň teklibi esasynda kabul edilen Kararnama 50-den gowrak döwlet awtordaş bolup çykyş etdi. Ine, şondan bäri geçen 14 ýylyň dowamynda bu sene tutuş adamzady öz içine alýan ägirt uly ekologiýa çäresi hökmünde bellenilip gelinýär.
