"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Ýeralma nirede ösýär?

Agageldi ALLANAZAROW, ýazyjy. (Hekaýa)

15 Aprel 2024

Edebiýat

Duýgularyň reňki

Mugallym okuwçylara gussa batyp oturan çagajygyň suratyny görkezip: — Siziň pikiriňizçe, bu çagajyk näme edýär? — diýip sorady.

15 Aprel 2024

Edebiýat

Magtymguly — many ummany

Akyldar şahyrymyz Magtymguly Pyragynyň şygyrlary biziň her birimiz üçin ýol-ýörelge mekdebidir. Onuň goşgularyny ýat bekläp, dürdäne setirlerinden her bir ädimimizde sapak almak, ussat şahyryň öwüt-ündewlerine uýup, pentlerini görelde edinmek biz — ýaş nesilleriň borjudyr. Şahyryň goşgularynyň many-mazmunyna akyl ýetirmek üçin onuň her bir sözüne düşünmek, aňladýan manysyny, gelip çykyşyny öwrenmek gerek. «Güneş» žurnalynyň «Söz manysy» atly sahypasynda Magtymguly Pyragynyň şygyrlarynda duş gelýän sözler barada maglumat berseňiz, has-da täsirli bolar. Käbe TAGANOWA, Aşgabat şäherindäki ýöriteleşdirilen 29-njy orta mekdebiň okuwçysy.

15 Aprel 2024

Miras

Berjaý edilmeli kadalar

Berkarar döwletiň täze eýýamynyň Galkynyşy döwründe çagalaryň saglygyny, döwletiň emlägini ýangyn howpundan gorap saklamak üçin öýleriňiziň töwereginde, dynç alşa giden ýerleriňizde, meýdanlarda, tokaýlarda, daglarda gezelenç eden wagtyňyzda, mal bakmak işleri bilen meşgullananyňyzda otluçöp bilen oýnamagyň örän howpludygyny unutmaň. Gadyrly çagalar! Otluçöpüň oýnalmagyna ýol bermäň! Bolýan ýerleriňizde elektrik toga birikdirilen enjamlaryň ýanyna barmaň! Elektrik enjamlaryny özbaşdak, öýde ýeke wagtyňyz peýdalanmaň!

15 Aprel 2024

Jemgyýet

Bagtyýarlygyň nyşany

Günleri taryha altyn harplar bilen ýazylýan asuda, parahat ýurdumyzda guralýan medeni çäreleriň her biri ýokary ruhubelentlige, bagtyýarlyga beslenýär. Olarda halkymyzyň milli gymmatlyklary, däp-dessurlary, döwletlilik ýörelgeleri janlanyp, özboluşly aýratynlyk bolup, örboýuna galýar. Netijede, müňýyllyklardan gözbaşyny alyp gaýdýan şol medeni dabaralar medeniýetimiziň özenini emele getirýär. Şahandaz halkymyz joşsa, dilinde aýdym, golunda goşa kirişli dutary zarňyldaberýär. Ynha, golaýda şeýle medeni dabaralaryň biri-de Türkmenistanyň Medeniýet ministrliginiň hem-de Türkmenistanyň Döwlet medeniýet merkeziniň Döwlet kitaphanasynyň bilelikde guramagynda geçirildi. Bu çäre «Sarpasyndan Arkadagly Serdaryň, Dünýä dolýar şany Magtymgulynyň» at bilen guralyp, onuň dowamynda sergi, aýdym-sazly çykyşlar, gysgajyk sahnalar, çeper okaýyşlar boldy. Türkmenistanyň Döwlet medeniýet merkeziniň Döwlet kitaphanasynyň Sergi binasynda badalga alan çäre halkymyzyň asylly däbine görä, hödür-kerem bilen başlandy. Oňa ýurdumyzyň görnükli ýazyjy-şahyrlary, alymlary, medeniýet ulgamynyň wekilleri, kitaphana işgärleri we geljegimiziň eýeleri bolan bagtyýar çagalar gatnaşdylar.

15 Aprel 2024

Edebiýat

Ýaş boksçynyň ýeňişleri

Ähli ulgamlar bilen bir hatarda, sportda gazanylýan üstünlikler hem biziň her birimiziň kalbymyzy joşdurýar. Ýeňşi sanardan has kän bolan şeýle türgenleriň içinde mekdep okuwçylary-da köp. Bu bolsa ýaş nesillerimiziň ýokary derejede bilim almagy, sungatyň we sportuň dürli görnüşleri bilen meşgullanmagy üçin döredilýän şertleriň, mümkinçilikleriň berýän miwesidir. Ýurdumyzda sporty ösdürmeklige, has-da kämilleşdirmeklige berilýän üns-aladanyň netijesinde ýaşajyk oglan-gyzlar sport zallaryna, ýörite türgenleşiklere gatnap, ussat türgenlerden tälim alýarlar. Ine, şeýle ýaş türgenleriň biri-de boksçy jigimiz Mekan Sabyrowdyr. Ol Aşgabat şäherindäki 82-nji orta mekdebiň 11-nji synpynda okaýar. Okuwyndan daşary Olimpiýa şäherçesiniň boks boýunça türgenleşik zalyna gatnaýar. Ýaş türgende boksa bolan gyzyklanma on ýaşlaryndaka başlady. Onuň bu ugra höwesiniň bardygyny aňan kakasy ony 3-nji synpda okaýan wagtlary Köpetdag stadionynyň boks boýunça ýörite zalyna gatnatmaga başlady. Şeýlelikde, sportuň bu görnüşine bolan söýgi ony türgenleşik zallaryna, yzygiderli türgenleşikler, özüne bolan ynamy bolsa ýeňişlere ýetirdi. Şol gazanylan üstünlikleriň käbiriniň üstünde durup geçeliň.

15 Aprel 2024

Sport

Paýhas oýnunyň ýaşajyk ýyldyzy

Aşgabat şäheriniň Bedenterbiýe we sport baradaky Baş müdirliginiň ýöriteleşdirilen Küşt we şaşka mekdebi ökde, ussat küştçüleriň ilkinji mekdebi hasaplanylýar. Bu mekdepde okan küştçüleriň, okaýan okuwçylaryň ençemesi özleriniň zehinlerini, ukyp-başarnyklaryny dürli ýaryşlarda görkezmegi başardylar. Ýöriteleşdirilen küşt we şaşka mekdebiniň zehinli okuwçysy Merýem Agajanowa Aşgabat şäherindäki 55-nji orta mekdebiň 11-nji synp okuwçysy. Ol dokuz ýaşyndan bäri küşt we şaşka mekdebine gatnap, sportuň bu görnüşini özleşdirmäge çalyşýar. Ol başlangyç synplarda okaýarka, synpdaş gyzjagazlarynyň arasynda küşt bilen içgin gyzyklanýanlary bardy. Olar küşt oýnunyň käbir göçümleri, düzgünleri barada aýdyp berýärdiler. Şonda Merýemde küşt oýnuny has içgin öwrenmek, doly özleşdirmek, bu ugurda ussatlyga ýetmek arzuwy döredi. Şol arzuw ony küşt we şaşka mekdebine getirdi. Onuň ilkinji tälimçisi Saodat Açylowa, şeýle hem Türkmenistanyň at gazanan tälimçisi, sport ussady, Halkara küşt federasiýasynyň (FIDE) hünärmeni we emini Serdar Annaberdiýew. Ussat tälimçilerden tälim alýan Merýem jigimiz şu ýylyň 4-nji martyndan 17-nji marty aralygynda Aşgabat şäherinde geçirilen aýal-gyzlaryň arasynda Türkmenistanyň ýokary ligasynda küştüň nusgawy görnüşi boýunça 1-nji orny eýeläp, Türkmenistanyň çempiony boldy. Ol bu ýaryşda oňat netijeleri görkezmek bilen, sport ussady derejesine eýe bol

15 Aprel 2024

Sport

Alaja işmek

Türkmen halkynyň milli el işleriniň iň bir naýbaşy görnüşleriniň biri-de alajadyr. Milli lybaslarymyzy bezemekde giňden ulanylýan alajalar gözden-dilden goraýar.Alajalar ýerine ýetirilişi, nagyşlary boýunça bir-birinden tapawutlanýar. Žurnalymyzyň şu sanynda bolsa çeper elli gyzjagazlarymyza alaja işmegiň bir görnüşini öwretmegi makul bildik. Gerekli esbaplar:

15 Aprel 2024

Maşgala

Ýeralmaly tagam

Gerekli önümler: 2 sany ýeralma;

15 Aprel 2024

Maşgala

Çagalara okamagy maslahat berilýän kitaplar

(Dowamy. Başlangyjy žurnalyň geçen sanlarynda) Ilmyrat BABAÝEW, «Dostlar». 43 ýaşly hekaýalar ýygyndysy tüýs baharda okaýmaly kitaplaryň biri. Sebäbi ondaky hekaýalarda baharyň alamatlary, baharyň gürrüňi juda kän. Kitaby okap, daş-töweregiňizdäki ýaz ýakymynyň kalbyňyza-da gonuşyna şaýat bolarsyňyz.

15 Aprel 2024

Edebiýat

Tokaýda ýaşaýan oglanjyk

«Heý-de, tokaýda-da ýaşap bolarmy?!» diýýänsiňiz. Hawa, ylalaşýan. Dürli ýyrtyjy haýwanlaryň — gaplaňlaryň, aýylaryň, süýreniji jandarlaryň ýaşaýan ýerinde ýaşamak diýseň gorkuly ahyry. Ol ýerde ýaşamag-a däl, ýekelikde gezelenç etmek, tokaýa syýahata çykmak hem birbada gorkuzýar. Emma tokaýda ýaşap, möjekleriň arasynda ösüp ulalan oglanjygyň bardygyny-ha her birimiz bilýän bolsak gerek. Hawa, ol gaýduwsyz, hiç zatdan gorkmazak oglanjyk — Maugli. Iňlis ýazyjysy Redýard Kiplingiň «Jeňňelleriň kitaby» atly eserinden «Maugli» baradaky ertekini okamagy ýa-da ol hakyndaky multfilme tomaşa etmegi biziň her birimiz diýseň gowy görýäris. Sebäbi möjekleriň arasynda ösüp ulalan oglanjygyň tokaýdaky jandarlar bilen dost bolup, dürli kynçylyklara uçrasa-da, olaryň ýanynda bolmagy, gaýduwsyzlygy, wepalylygy, başyndan geçirýän gyzykly wakalary bizi diýseň özüne çekýär. Üns berýän bolsaňyz, bu ertekide oglanjygyň gözlegine çykan äpet gaplaň Mauglini ele saljak bolup, kän synanyşsa-da, başa barmaýar. Maugli ugurtapyjylygy, batyrlygy bilen ol gaplaňdan üstün çykyp, diňe bir özüni däl, tokaýyň ähli haýwanlaryny hem ýyrtyjydan halas edýär. Şeýdip, ol tokaý jandarlarynyň hem-de ähli çagalaryň söýgüli gahrymanyna öwrülýär.

15 Aprel 2024

Edebiýat

Oýlan, pikirlen!

Logiki sowallar 1. Adyny tutsaň ýitip gidýär. Ol näme?

15 Aprel 2024

Jemgyýet

Şadyýan pursatlar

Mämmet jigisine kyn sowal berýändirin öýdüp: — Dünýäde iň batyr haýwanyň haýsydygyny bilýäňmi? — diýip soraýar.

15 Aprel 2024

Edebiýat

Halkara matematika olimpiadasynyň ýapylyş dabarasy geçirildi

Şu gün — 29-njy martda Arkadag şäherinde ýerleşýän Aba Annaýew adyndaky Halkara atçylyk akademiýasynyň mejlisler zalynda mekdep okuwçylarynyň halkara matematika olimpiadasynyň ýapylyş dabarasy geçirildi. Olimpiadanyň ýapylyş dabarasyna ýolbaşçy düzümler, ýurdumyzda hereket edýän ilçihanalaryň wekilleri, köp sanly myhmanlar hem-de bilim ulgamynyň agzalary gatnaşdylar.

29 Mart 2024

Bilim

Halkara matematika olimpiadasy açyldy

Şu gün — 26-njy martda Arkadag şäherindäki 1-nji ýöriteleşdirilen okuw-terbiýeçilik toplumynda mekdep okuwçylarynyň halkara matematika olimpiadasynyň açylyş dabarasy geçirildi. Halkara matematika olimpiadasy mekdep okuwçylarynyň zehin-başarnyklaryny ösdürmek, dost-doganlygy berkitmek arkaly giň dünýägaraýyşly öňdebaryjy ýaşlary kemala getirmek, olary ylym we döredijilik bilen işjeň meşgullanmaga höweslendirmek, intellektual ösüşi bilen bagly hünär saýlamaklaryna oňyn şertleri döretmek maksady bilen guralýar.

26 Mart 2024

Bilim

«Iň eýjejik gyzjagaz — 2024» atly şadyýan bäsleşigiň jemi jemlendi

Şu gün — 15-nji martda «Iň eýjejik gyzjagaz — 2024» atly şadyýan bäsleşigiň jemi jemlendi. Bäsleşigiň döwlet tapgyry paýtagtymyzdaky «Watan» kinokonsert merkezinde geçirildi. Bäsleşigi Türkmenistanyň Magtymguly adyndaky Ýaşlar guramasynyň Merkezi geňeşi we Türkmenistanyň Bilim ministrligi bilen bilelikde gurady. Oňa bäsleşigiň Aşgabat, Arkadag şäher we welaýat tapgyrlarynda ýeňiji bolan zehinli gyzjagazlar gatnaşdylar. Düzgünnama laýyklykda, oňa gatnaşýan gyzjagazlar üç şert boýunça bäsleşdiler. Birinji şertde 4 minutyň dowamynda eziz Watanymyzy, bagtyýar çagalygy, dost-doganlygy, sporty wasp edýän aýdym-sazly çykyşlar ýerine ýetirildi.

15 Mart 2024

Jemgyýet

Täze desga açyldy

Şu gün — 13-nji martda hormatly Prezidentimiziň ak patasy bilen Lebap welaýatynyň Köýtendag etrabyndaky Lebap sement zawodynyň ikinji tapgyry açyldy. Açylyş dabarasyna hormatly Prezidentimiziň hut özüniň gatnaşmagy bütin halkymyzy buýsandyrdy. Kuwwatlylygy 1 million tonnadan gowrak sement öndürmäge ukyply bolan zawodyň täze desgasy Germaniýanyň, Türkiýäniň we Ýewropanyň döwrebap kämil enjamlary bilen enjamlaşdyrylan. Bu ýerde ilatymyzyň zähmet çekmegi üçin 250-den gowrak täze iş orunlary açyldy.

13 Mart 2024

Ykdysadyýet

Sahawatly işleriň ykrarnamasy

Iň gymmatly baýlyk bolan ynsan saglygy, sagdyn nesil baradaky aladalar döwlet syýasatynyň iň ileri tutulýan ugurlarynyň biridir. «Saglyk» Döwlet maksatnamasyna laýyklykda, ýurdumyzda ynsan saglygynyň, hususan-da, çagalaryň hemmetaraplaýyn ösüşini üpjün etmek meselelerine aýratyn ähmiýet berilýär. Bu maksatlary amala aşyrmakda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ynsanperwer goldawlary bimöçberdir. Golaýda Milli Liderimiz Arkadag şäherine bolan iş saparynyň dowamynda Gurbanguly Berdimuhamedow adyndaky çagalar sagaldyş-dikeldiş merkezine baryp, ol ýerde iş maslahatyny geçirdi. Iş maslahatynda gaznanyň soňky döwürde ýerine ýetiren işleriniň jemleri, aýratyn-da, goldawa mätäç çagalara berlen lukmançylyk kömekleriniň netijeleri, çagalar sagaldyş-dikeldiş merkezinde alnyp barylýan işleriň derejesi, bu ýerde çagalaryň saglygyny dikeltmek ugrunda döredilen mümkinçilikler, şertler barada hasabatlar diňlenildi.

11 Mart 2024

Jemgyýet

Enäniň ýüregi gülden näzikdir

Ene — dünýäniň iň owadan güli, ter bägüli. Ol gül biziň kalbymyzda, ruhy dünýämizde öz gözelligi bilen şöhle saçýarka, bizden bagtly adam ýok. Çünki eneleriň barlygy bilen dünýä, durmuş has-da gözelleşýär. Enäniň kalbynda dünýäniň gözelligi, älemiň gowulyklary ýerleşýär. Mukaddeslige deňelýän, sarpalanylýan, hormatlanylýan enelerimizi wasp etmedik şahyr, olar barada eser döretmedik ýazyjydyr dramaturg ýok bolsa gerek. Bu diňe bir türkmen halkynda däl, eýsem, dünýäniň dürli döwletlerinde-de şeýle.

11 Mart 2024

Edebiýat

Mähriban ynsanlara «SMS»-ler

Boýnuňyza alaýyň, siziň üçin mähriban ynsanlara — eziz ejeňize, mähriban uýalaryňyza, güler ýüzli gelin-gyzlara iň süýji sözleriňizi, ýürekdäki arzuw-islegleriňizi aýdasyňyz gelýändir. Şeýle gerek?! Biz siziň şu islegleriňizi göz öňünde tutup, ýörite baýramçylyk «SMS»-lerini taýýarladyk. Onda näme, bu «SMS»-leri ýetirmek biziň bilen, olary ýollamak siziň bilen! «Aňyrsyna-bärsine göz ýetmeýän deňizleriň, ummanlaryň hem soňky nokady — kenary bar. Emma eneleriň mähriniň, söýgüsiniň ne kenary, ne-de çägi bar. Olaryň söýgüsi soňsuzdyr, kenarsyzdyr. Sizi baýramyňyz bilen gutlaýarys, mähriban Eneler!».

11 Mart 2024

Jemgyýet