«Pähim-paýhas ummany Magtymguly Pyragy» ýylynda ýokary guramaçylyk derejesinde geçiriljek Türkmenistanyň Halk Maslahatynyň mejlisine taýýarlyk görmek we onuň ähmiýetini halk köpçüligine düşündirmek maksady bilen, golaýda Boldumsaz etrabynyň medeniýet merkezinde «Türkmenistanyň Halk Maslahaty — röwşen geljegimiziň binýady» ady bilen dabaraly maslahat geçirildi. Maslahata etrap häkimliginiň jogapkär işgärleri, edara-kärhanalaryň, jemgyýetçilik guramalaryň ýolbaşçylary, dürli ugurlarda zähmet çekýän adamlar, ýaşuly nesliň wekilleri gatnaşdylar.
Maslahatda Mejlisiň deputaty Magsat Otuzow, TAP-nyň etrap komitetiniň başlygy Öwez Paltabaýew, TDP-niň etrap komitetiniň başlygy Sapargül Rejepowa, TMÝG-niň etrap geňeşiniň başlygy Çary Kakabaýew, TKA-nyň etrap birleşmesiniň başlygy Tekebaý Duşemow, etrapdaky 62-nji orta mekdebiň mugallymy Arazbaý Omarow, etrap medeniýet bölüminiň işgäri Orunbaý Çalkarow dagy çykyş etdiler.
