1-nji sentýabrda Azerbaýjanda geçirilen parlament saýlawlarynda ýurduň Prezidenti Ilham Aliýewiň partiýasy parlamentdäki orunlaryň köpüsine eýe boldy. Merkezi saýlaw komissiýasynyň maglumatlaryna görä, saýlawlara gatnaşyk 37,27 göterim boldy.
Azerbaýjanyň Merkezi Saýlaw geňeşi, Aliýewiň «Ýeni Azerbaýjan» partiýasynyň Milli mejlisdäki (ýurduň bir palataly mejlisinde) 125 ornuň 68-sine eýe bolandygyny habar berdi. Öňki parlamentiň düzüminde hem «Ýeni Azerbaýjanyň» 68 orny bardy. Beýleki mandatlar, resmi taýdan garaşsyz dalaşgärlere we partiýalara berler.