Nebitgaz känleri özleşdirilende, täze guýulary gazmak bilen birlikde, öňki ulanylýan guýularyň hem berýän önüminiň mukdaryny peseltmezlik esasy meseleleriň biridir.
Goturdepe hem-de Barsagelmez nebit we gaz ýataklary ulanmagyň giçki döwrüni başdan geçirýär. Bu nebitgaz känleri özleşdirilende, ulanyş guýularynda birnäçe çylşyrymlaşmalar, ýagny guýularyň düýbünde çäge dykysynyň peýda bolmagy, önüm bilen çägäniň bile çykmagy sebäpli, guýy enjamlarynyň zaýalanmagy, ulanyş guýularynyň önüminiň suwlanmagy, guýynyň düýpýaka zolagynda we nasos-kompressor turbalarynda asfalten, şepbik we parafin çökündileriniň emele gelmegi, guýularyň düýpýaka zolagynyň buraw erginleri bilen hapalanmagy we ş.m. ýüze çykýar. Olar guýularyň önümçiligini we işleýiş dowamlylygyny pese gaçyrýar.
