Çöl durmuşyna belet çarwalar dowarlar bilen baglanyşykly aňlatmalaryň birnäçesini döredipdirler. Ilat arasynda bolup, çopan-çoluklaryň ulanýan sözleriniň manysy hakynda ýygnan maglumatlarymyzyň käbirini size ýetirmegi makul bildik.
Çopançylykda goýnuň çep gulagyny «tutargulak» diýip atlandyrýarlar. Goýnuň çep gulagyndan tutulanda, çopanyň ýa-da çolugyň sag eline amatly bolýar. Goýnuň sag gulagyna bolsa «gaýtargulak» diýilýär. Çünki çopanlaryň iş tejribesinde dowar sürüsi sagyndan gaýtarylýar.