Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Döwletlilik ýörelgeleriniň rowaçlygynyň kepili

Berkarar döwletiň täze eýýamynyň Galkynyşy döwründe eziz Diýarymyzyň abadançylygynyň, halkymyzyň bagtyýarlygynyň üpjün edilmegine gönükdirilen döwletli tutumlar rowaçlyklara beslenýär. Türkmenistanyň Halk Maslahatynyň nobatdaky mejlisi bu rowaçlyklaryň dowamat-dowam bolmagynda uly ähmiýete eýe bolar. Mukaddes Garaşsyzlygymyzyň şanly 33 ýyllyk toýunyň öňüsyrasynda paýtagtymyzdaky Maslahat köşgünde geçiriljek bu ählihalk forum ata-babalarymyzyň döwletlilik ýörelgelerinden gözbaş alýan milli demokratik ýörelgelerimiziň ajaýyp zamanamyzda dabaralanýandygyny açyk-aýdyň görkezer. Halk Maslahatynyň mejlisi döwlet we jemgyýetçilik durmuşynyň möhüm meselelerini ara alyp maslahatlaşmakda, ýurdumyzy mundan beýläk-de gülläp ösdürmek boýunça öňde durýan wezipeleri kesgitlemekde, halkymyzyň agzybirligini, jebisligini pugtalandyrmakda möhüm ähmiýete eýedir. Şoňa görä-de, Gahryman Arkadagymyzyň, Arkadagly Gahryman Serdarymyzyň daşyna mäkäm jebisleşen halkymyz nobatdaky maslahata ýokary derejede taýýarlyk görýär.

21 Awgust 2024

Şöhratly ýylyň şanly wakasy

Türkmenistanyň Halk Maslahatynyň mejlisi möhüm syýasy-jemgyýetçilik waka hökmünde ýurdumyzyň ähli raýatlarynda uly ruhy galkynyşy döredýär. 24-nji sentýabrda geçiriljek umumymilli forum halkymyzyň ata-babalarymyzyň paýhasly ýörelgelerine ygrarlydygynyň nobatdaky güwäsi bolar. «Maslahatly biçilen don gysga bolmaz» diýen pähime daýanýan asylly ýörelgeler ýurdumyzda durmuşa geçirilýän ynsanperwer döwlet syýasatynyň özenini düzýär. Bilşimiz ýaly, Garaşsyzlyk ýyllarynda Türkmenistanyň Halk Maslahatynyň işi, wezipeleri we ygtyýarlyklary döwrüň talaplaryna laýyklykda yzygiderli kämilleşdirildi. Şeýle umumymilli forumyň mukaddes ýurt Garaşsyzlygymyzyň toýlanylýan günlerinde geçirilmeginiň bolsa aýratyn ähmiýeti bardyr.

21 Awgust 2024

Agzybirligiň, jebisligiň güwäsi

Türkmen halkynyň Milli Lideri Gahryman Arkadagymyzyň «Döwlet adam üçindir!», Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen ynsanperwer ýörelgeleriniň esasy maksady eziz Diýarymyzyň ösüşli ýollarda ýeten belent sepgitlerini täze üstünlikler arkaly berkidip, halkymyzyň bagtyýar durmuşyny has-da ýokarlandyrmakdan ybaratdyr. Paýtagtymyz Aşgabatda geçiriljek Türkmenistanyň Halk Maslahatynyň nobatdaky mejlisinde ara alnyp maslahatlaşyljak wajyp wezipeler döwletimiziň öňde goýýan şeýle belent maksadyna ýetmegine oňyn itergi berer. Sebäbi halkyň bähbitlerini araýan ýokary wekilçilikli edara bolan Halk Maslahaty berkarar ýurdumyzyň bagtyýar raýatlaryny beýik maksat-tutumlaryň, taryhy özgertmeleriň daşyna jebisleşdirip, nurana geljege alyp gitmekde uly güýçdür. Şol bir wagtda bu ýokary wekilçilikli edara kämillik mekdebini geçen milli demokratik däplerimiziň, il-ýurt bähbitli meseleleri halk bilen maslahatlaşyp çözmek, jemgyýetçilik pikirini nazara almak ýörelgelerimiziň Berkarar döwletiň täze eýýamynyň Galkynyşy döwründe mazmun baýlygyna eýe bolýandygyny hem tassyklaýar.

21 Awgust 2024

Milli kanunçylygymyz kämilleşdirilýär

Täze taryhy eýýamda milli kanunçylygymyzy kämilleşdirmekde, ony halkara ülňülere laýyk getirmekde hormatly Prezidentimiziň parasatly ýolbaşçylygynda uly işler durmuşa geçirilýär. Sebäbi döwrebap kanunçylyk döwletimiziň we jemgyýetimiziň yzygiderli ösüşiniň möhüm şerti bolup durýar. Ýakynda Türkmenistanyň Zähmet kodeksine, Türkmenistanyň Ilaty durmuş taýdan goramak hakynda kodeksine, Türkmenistanyň Sanitariýa kodeksine, «Türkmenistanyň Býujet kodeksini tassyklamak we güýje girizmek hakynda», «Türkmenistanda adwokatura we adwokatlyk işi hakynda», «Raýat ýagdaýynyň namalary hakynda», «Tohumçylyk hakynda», «Bedenterbiýe we sport hakynda», «Döwlet ylmy-tehniki syýasaty hakynda», «Sportda dopinge garşy göreşmek hakynda» Türkmenistanyň Kanunlaryna üýtgetmeleriň we goşmaçalaryň girizilmegi munuň aýdyň subutnamasy boldy. Milli kanunçylyk ulgamynyň yzygiderli kämilleşdirilmegi Türkmenistanyň Konstitusiýasynyň ýurdumyzda kanunyň hökmürowanlygy baradaky talabynyň durmuşa geçirilýändiginiň hem aýdyň nyşanydyr we ol halkymyzyň bagtyýar, erkana, abadan durmuşynyň dowamat-dowam bolmagyna gönükdirilendir.

21 Awgust 2024

«Kalp damjalary» kyssalar toplumyndan

— Adama görüm-görelde hem gerekdir welin, onuň durmuşda bolup biliş ýagdaýy, häsiýeti ene-atadan geçip, bile dogulýan bolmaly — diýip, tanşym gürrüň berýär. Süýjülik bilenem çagalyk ýyllarynyň ýatlamalaryna dolanyp, bu gürrüňi näme üçin gozgandygynyň sebäbini düşündirmäge çalyşýar: — Obamyzdaky duldegşir goňşymyzyň bäş gyzy bar. Olaryň ählisem indi oral aýal ýaşyna ýetdiler. Arada şolaryň biri meniň ýaňy bir ýörjen-ýörjen bolup, dil açyp ugran wagtlarymy ýatlaýar. Şol döwürlerde alnan suratlardanam görnüşi ýaly, men kiçijikkäm pökgüje bolupdyryn. Onsoň her gün diýen ýaly moýmudaklap, ýaňky köp gyzly goňşymyza barýan ekenim. Gaty kiçijik bolmaga çemelim, sebäbi şol zatlar asla meniň ýadyma düşenok. Bir gün gyzlar üýşüp otyrkalar, meniň gelýändigimi äpişgeden görüp: «Geliň, hemmämiz ýatan bolalyň» diýşip dilleşipdirler-de, gapydan girerime mähetdel uklap ýatan bolupdyrlar. Men nädendir öýdýärsiň? Öýe giren ýerimde biraz çugutdyryp oturypdyryn-da, menem gyşaryp ýatyberipdirin. Onsoň gyzlara gülşüp, oýanan bolmakdan başga alaç galmandyr. Ýöne gep munda däl. Gyzlar her gezek baranymda, elime süýji-köke tutduryp goýberýän ekenler. Bir günem olar bir haltajygy kökedir kemputdan gyra-gyrma dolduryp, maňa beripdirler. Menem ony zordan diýen ýaly göterip alyp gaýdyşyma ejemiň öňüne getirip goýupdyryn-da, şeýle diýipdirin: «Eje, men-ä indi şolara gitjek däl, utanýaryn».

21 Awgust 2024

Zähmet — durmuşyň bezegi

Halkyň arasynda «Zähmet soňy — rähnet», «Adam eli — gyzyl gül», «Işlemedik — dişlemez» ýaly zähmet bilen baglanyşykly aýdylan ençeme atalar sözleri bar. Elbetde, bu paýhaslar bize zähmeti söýüp ýaşasaň, sen hemişe bagtdan paýlysyň, onuň rähnetiniň eýesisiň diýen taglymy pent edýär. Adamyň aň-düşünjesiniň kämilleşmeginde hem zähmetiň hyzmaty uludyr. Edep bilen bagtyň tapylýandygy — hemmeleriň ykrar eden çözgüdi. Ýöne bagtyň zähmet bilenem tapylýandygyny nygtasak, biziň garşymyza çykjak adam bolar öýdemok.

21 Awgust 2024

Hezreti Omar söýlemiş

Iň haýyrly miras edepdir.*  *  *Ýagşy gylyk ýagşy ýarandyr.*  *  *Adam diňe akylyndan däl, eýsem, güman edýän pikirinden hem peýdalananda üstünlik gazanar.*  *  *Akyl bedeni goldamasa, diňe güýç bilen üstünlik gazanyp bolmaz.*  *  *Çaga nähili terbiýe berseň-de, alma öz agajyndan uzaga gaçýan däldir.*  *  *Geçirimlilik etmegiň hem özboluşly lezzeti bardyr.*  *  *Ylym we amal biri-birine baglydyr, göýä ruh bilen bedeniň ýakynlygy ýalydyr. Biri bolmasa, onuň beýlekisinden hem peýdalanyp bolmaýar.*  *  *Edep bir miweli daragtdyr. Onuň suwy we idegi ýeterlik bolmasa, ol miwe bermez.*  *  *Bergisini bermegi başarýan keremli ynsandyr.

21 Awgust 2024

Söz hem sözleýiş hakynda

Söz — haýran galaýmaly derejede güýçli serişde. Ýöne ony ýerlikli peýdalanmak üçin daş ýaly akyl gerek.Gegel.*  *  * Her ýyl daragtlaryň ýapraklarynyň täzelenişi ýaly, ömrüni gutaran söz hem öz ornuny täze dörän söze berýär. Gorasiý.*  *  * Dil tebigatyň adamlara beren iň gymmatly peşgeşidir.Aristotel.*  *  * Sözden güýçli zat ýokdur.Menandr.*  *  * Sözleýiş medeniýetinde köp geplemegi däl-de, az geplemegi kyn özleşdirip bolýar.Iogann Winkelman.*  *  * Ýüz dil bilseň-de, öz ene diliňi unutma. Bu nadanlyk bolar.Alyşir Nowaýy.*  *  * Ýagşy zat gysga aýdylan halatynda iki esse ýagşydyr.Baltasar Grasian.*  *  * Eger ene dilim ertir öljek bolsa, onda men şu gün ölmäge taýýar.Resul Gamzatow.

21 Awgust 2024

Dumly-duşdan dürli-dümen

El şekilindäki syn ediş meýdançasy Hytaýyň Gu Lung jülgesiniň tebigaty, arassa dag howasy, owadan peýzažy bu ýere gelýänlerde ýakymly täsirleri galdyrýar. Belentlikdäki syn ediş meýdançasynyň gurulmagy gözellikleri ýokardan syn etmek üçin täze mümkinçilikleri döretdi. «Buddanyň eli» diýlip atlandyrylan syn ediş meýdançasy adamyň bir eliniň şekilindedir. Ol kert gaýanyň ugry boýunça 20 metre uzalyp gidýär. Birnäçe basgançak arkaly eliň aýasyna çykyp, deňiz derejesinden ýüzlerçe metr belentlikden daş-töweregiň ajaýyplyklaryny synlap bolýar. Aşakda bolsa kölüň gözellikleri ýaýylyp ýatyr. Gorag maksady bilen basgançaklaryň aşagynda tor gurnalandyr.

21 Awgust 2024

Sagdynlyk — bagtyýarlyk

Bäherden etrabynyň Nebit kärhanasynda “Sagdynlyk — bagtyýarlyk” ady bilen wagyz-nesihat duşuşygy geçirildi. Türkmenistanyň Demokratik partiýasynyň etrap komitetiniň guramagynda geçen duşuşyga kärhananyň işçi-hünärmenleri, partiýa işjeňleri gatnaşdy. Duşuşykda hormatly Prezidentimiziň ynsan saglygyny goramak, raýatlaryň dünýä ülňülerine laýyklykda dynç almagyna, saglygyny berkitmegine amatly şertleri döretmek, ildeşlerimiziň mynasyp durmuşda ýaşamagyny gazanmak babatda edýän taýsyz tagallalary barada täsirli gürrüň edildi. Onuň barşynda sagdyn durmuş ýörelgelerine eýermek, sport we bedenterbiýe bilen yzygiderli meşgullanmak, ýaramaz endiklerden daşda durmak bilen bagly aýdylan öwüt-ündewler gyzgyn goldaw tapdy.

21 Awgust 2024

Täsirli geçen duşuşyk

Kaka etrap häkimliginiň mejlisler jaýynda etrabyň jemgyýetçilik guramalarynyň bilelikde guramagynda wagyz-nesihat duşuşygy geçirildi. Onda edara-kärhanalarda zähmet çekýän ildeşlerimiziň arasynda Türkmenistanyň Halk Maslahatynyň syýasy we jemgyýetçilik ähmiýeti wagyz edildi. Duşuşykda «Pähim-paýhas ummany Magtymguly Pyragy» ýylynda geçiriljek Türkmenistanyň Halk Maslahatynyň nobatdaky mejlisine görülýän taýýarlyklar, şeýle hem ýurdumyzyň mundan beýläk-de ösmegini üpjün etmekde jemgyýetçiligiň wekilleriniň orny barada çykyş edildi. Çykyşlarda bellenişi ýaly, naýbaşy toýumyz bolan Garaşsyzlygymyzyň 33 ýyllygynyň öňüsyrasynda geçiriljek Halk Maslahatynyň nobatdaky mejlisi jemgyýetçilik we döwlet durmuşynda möhüm ähmiýete eýe bolup, Watanymyzyň ykdysady kuwwatyny, daşary syýasy abraýyny pugtalandyrmakda, halkyň ýaşaýyş derejesini ýokarlandyrmakda ýeneki tutumly işlere badalga bolar.

21 Awgust 2024

Aýdym-sazly dabara

Tejen etrabynyň Tejen şäheriniň “Arzuw” toý mekanynda etrap häkimliginiň iş meýilnamasy esasynda etrabyň jemgyýetçilik guramalarynyň, bilim bölüminiň hem-de medeniýet bölüminiň bilelikdäki guramagynda “Pähim-paýhas ummany Magtymguly Pyragy” ýyly mynasybetli aýdym-sazly baýramçylyk dabarasy geçirildi. “Paýhas hazynasy, söz şalygynyň serweri Magtymguly Pyragy” atly dabara edara-kärhanalaryň, jemgyýetçilik guramalarynyň işgärleri, ýaşuly nesliň wekilleri gatnaşdy. Dabarada şanly ýylymyzda Watanymyzyň durmuşynda bolup geçýän taryhy ähmiýetli wakalar, beýik akyldar şahyrymyz Magtymguly Pyragynyň edebi mirasyny öwrenmekde alnyp barylýan işler dogrusynda buýsançly gürrüň edildi. Etrabyň medeniýet we sungat işgärleriniň taýýarlan çykyşlary dabaranyň şatlyk-şowhunyny belende göterdi.

21 Awgust 2024

Awazada şowhun-şatlykly dynç alyş dowam edýär

Şu günlerde gojaman Hazar deňziniň türkmen kenaryny bezäp oturan «Awaza» milli syýahatçylyk zolagynda dynç alşyň gyzykly möwsümi dowam edýär. Bu ýerde köp sanly dürli derejeli myhmanhanalar, çagalara we ululara niýetlenen dynç alyş-sagaldyş binalary, medeni-durmuş ähmiýetli ymaratlar, kottej toplumlary, ýaht klublary, «Awaza» şypahanasy wagtlaryny hoş geçirmäge, saglygyny dikeltmäge, berkitmäge gelýän bagtyýar raýatlara nusgalyk hyzmatlary göreldeli ýola goýýarlar. Häzirki wagtda dünýä jahankeşdeliginiň merjenine öwrülen «Awaza» milli syýahatçylyk zolagynda ýurdumyzyň ähli sebitlerinden hem-de Aşgabat, Arkadag şäherlerinden gelen dürli ýaşdaky, dürli kärdäki adamlar maşgalalary bilen döwrebap dynç alýarlar. Hormatly Prezidentimiziň tabşyrygyna laýyklykda, bu ýerde geçirilýän maksatnamalaýyn medeni-köpçülik çäreleri öz oňyn netijelerini berýär.

21 Awgust 2024

Türkmenistanda ulag sürmek kurslaryna ýazylmak e.gov.tm döwlet hyzmatlary portaly arkaly onlaýn elýeterlidir

Türkmenistanda sürüjilik şahadatnamasyny almak üçin kurslara e.gov.tm döwlet hyzmatlar portaly arkaly onlaýn ýazylmak mümkinçiligi döredilendir. Bu hyzmat raýatlara öýden çykmаzdan, isleýän kategoriýasyny saýlamaga, zerur maglumatlary doldurmaga we okuw üçin töleg etmäge mümkinçilik berýär. Ýazgy e.gov.tm portalyndaky "Awtomobil mekdepleriniň birleşigi" bölüminde elýeterlidir. Ulanyjylar sürüjilik şahadatnamasynyň bäş kategoriýalarynyň birini saýlap bilerler: B, BC, C, D ýa-da E. Okuw bahasy saýlanan kategoriýa we kursuň dowamlylygyna baglylykda üýtgeýär.

21 Awgust 2024

«ÇaparPay»: ähli zerur tölegler bir programmada

«ÇaparPay» mobil programmasy Türkmenistanda hyzmatlaryň töleglerini amatly we çalt geçirmek üçin täze mümkinçilikleri açýar. «ÇaparPay» bilen diňe bir ýol hereketiniň düzgünleriniň bozulandygy üçin jerimeleri däl-de, eýsem, beýleki dürli tölegleri hem çalt we rahat geçirip bilersiňiz. Jemagat hojalygy üçin tölegleri tölemek, «Belet» platformasyndaky balansyňyzy doldurymak, «Älem TV» emeli hemra teleýaýlymyna abunaňyzy tölemek – bularyň ählisi birnäçe gezek düwmä basmak arkaly elýeterli boldy. Indi nobatlara durmak ýa-da bankomat gözlemek zerurlygy ýok.

21 Awgust 2024

Maşgala mukaddesligi wagyz edildi

Köneürgenç etrabynyň Pagta egriji fabriginde Türkmenistanyň Zenanlar birleşiginiň etrap guramasynyň jemgyýetçilik guramalary bilen bilelikde guramagynda «Maşgala mukaddesligi — öý-ojaklarymyzyň gelşigi» ady bilen wagyz-nesihat maslahaty geçirildi. Maslahata etrap häkimliginiň, jemgyýetçilik guramalaryň jogapkär işgärleri, mährem eneler, etrabyň edara-kärhanalarynda zähmet çekýän zenanlar gatnaşdylar. Maslahatyň dowamynda Köneürgenç etrap häkimliginiň baş hünärmeni, etrap zenanlar guramasynyň başlygynyň orunbasary Meňli Şamedowa, mährem ene Abat Ödäýewa, etrapdaky 38-nji orta mekdebiň müdiri, Türkmenistanyň Mejlisiniň deputaty Aýnabat Toýlyýewa, 52-nji orta mekdebiň mugallymy Ogulnabat Halowa, TDP-niň etrap komitetiniň hünärmeni Bilbil Hajyýewa dagy çykyş edip, döwletimiz tarapyndan zenanlaryň zähmet çekmegi üçin ähli şertleriň döredilýändigi, şonuň netijesinde zenanlarymyzyň ykdysadyýetimiziň ähli pudaklarynda öndürijilikli zähmet çekmek bilen, ýurdumyzyň ösüşlerine mynasyp goşant goşýandyklary barada giňişleýin çykyş etdiler. Şeýle hem maşgala mukaddesligini gorap saklamak, milliligimize ygrarly bolmak, ýaş nesillerimizi watansöýüji, zähmetsöýer edip terbiýelemekde zenanlara uly ornuň degişlidigi barada anyk mysallar arkaly gürrüň etdiler. Maslahatda maşgala mukaddesligini gorap saklamak, ýaramaz endiklerden daşda durmak, ýaş nesillerimiziň terbiýesine jogapkärli çemeleşmek ba

20 Awgust 2024

Milli demokratiýanyň dabaralanmasy

Türkmenistanyň Halk Maslahaty Türkmenistanyň Konstitusiýasyna, umumy ykrar edilen demokratik ýörelgelere laýyklykda hereket edýän, ilatyň giň gatlaklarynyň möhüm jemgyýetçilik-syýasy çözgütleriň kabul edilmegine gatnaşmagyny üpjün etmäge gönükdirilen ýokary wekilçilikli edaradyr. Häzirki döwürde halkymyz döwletiň syýasy durmuşynda möhüm orny eýeleýär. Geçen döwürlerde geňeşler, esasan, ýaşulular bilen geçirilen bolsa, indi ýaşlaryň pikiri-de ýurduň ösüşlerine mynasyp goşant goşmakda has täsirli bolup durýar. Şeýlelikde, Halk Maslahaty dürli ýaşlardaky jemgyýetiň wekillerini öz içine alýar.

20 Awgust 2024

Watana wepalylygyň belent nusgasy

Umumadamzat paýhasynyň dürler hazynasynda, şol sanda türkmen halkynyň paýhas käninde ynsanyň belent ahlak häsiýeti hökmünde, ilkinji nobatda, watansöýüjilik bellenilýär, wagyz edilýär. Şu aýdylanlardan ugur alnanda, esasan, Watany söýmek, oňa wepaly bolmak, ony döş gerip goramak, umuman, Watan ogly bolmak ündelýär. Bu ýöne ýerden däl. Watanyny jany-teni bilen söýýän, oňa buýsanýan adam Diýarynyň şanly şu güni, beýik geljegi üçin edermenlik, gaýratlylyk, zähmetsöýerlik görkezip, taýsyz tagalla edýär. Hut şonuň üçin ata-babalarymyz nesillerine Watana wepaly bolmagy, nijeme asyrlyk geçmiş taryhymyzda uly orny eýelän beýik şahsyýetlerimiz Görogly, Jelaleddin, Alp Arslan ýaly gerçeklerden görelde, Oguz hanyň, Gorkut atanyň, Jygaly begiň, Magtymgulynyň, Seýdiniň watansöýüjilik ündewlerinden sapak almagy ündäpdirler. Goja taryhyň geçen döwürlerinde türkmen halkynyň ýurt goran gerçekleri Watana wepalylyk bilen şanly ýeňişleri gazanypdyrlar, beýik işleri bitirip, öz atlaryny taryhyň altyn sahypalaryna, halkyň hakydasyna baky ýazypdyrlar. Bu babatdaky oňyn ýörelge, asylly görelde dowamat-dowam bolup, asyrlardan-asyra, nesillerden-nesle geçip gelýär.

20 Awgust 2024

Berjaý edilmeli düzgünler

Türkmenistanyň Içeri işler ministrliginiň Döwlet ýangyn howpsuzlygy gullugy watandaşlarymyzy tomus paslynyň yssy howaly döwründe ýaşaýyş jaýlarynda, iş ýerlerinde elektrik we gaz enjamlaryny talabalaýyk gurnamaga, ulanmaga hem-de ýangyn howpsuzlyk düzgünlerini dürs berjaý etmäge çagyryp, öýlerinden, iş ýerlerinden çykyp gitmezden öň, ýangyn howpsuzlyk düzgünleri esasynda jaýlary gözden geçirip, ähli elektrik we gaz enjamlarynyň öçürilendigini barlamagy, zerurlygy bolmadyk ulanylmaýan elektrik we gaz enjamlary ulanyşdan doly aýyrmagy, işläp duranlaryny iş ýagdaýynda gözegçiliksiz galdyrmagyň örän howpludygyny ýatladýar. Tebigatyň gözel ýerlerinde, tokaý seýilgählerinde, öri – sähra meýdanlarynda açyk ot ýakmak, çilim çekmek, söndürilmedik otluçöpi taşlamak, uçgun berijileri ulanmak, çüýşe gaplaryny, aýna böleklerini we zir-zibilleri taşlap gitmek, çagalary gözegçiliksiz galdyryp, ot oýnamaklaryna ýol bermek, awtoulaglary ot-çöpli meýdanlara salmak, olara tehniki hyzmatlary geçirmek gadagan edilýär.

20 Awgust 2024

Ýaş nesiller üçin döwrebap mümkinçilikler

Öňňin ýurdumyzda ilkinji gezek geçirilýän «Kids Ekspo: ähli zat çagalar üçin» atly halkara sergi-ýarmarkasy öz işine başlady. Türkmenistanyň Söwda-senagat edarasynyň «Türkmen Ekspo» hususy kärhanasy bilen bilelikdäki guran giň gerimli gözden geçirilişinde çagalar üçin harytlar senagatynda we hyzmatlar ulgamynda iş alyp barýan ýurdumyzyň işewür telekeçileri we daşary ýurt kompaniýalary öz önümlerini görkezdiler. Bu ýerde aýdym-sazyň owazy belentden ýaňlandy. Esasan-da, bagtyýar çagalaryň şadyýan sesleri, ajaýyp aýdymlary köpleriň ünsüni özüne çekdi. Çagalaryň aýdym-sazly çykyşlary halkara sergi-ýarmarkasyna baýramçylyk öwüşginini çaýdy. «Kids Ekspo: ähli zat çagalar üçin» atly halkara sergi-ýarmarkasynyň açylyş dabarasyna gatnaşyjylar hormatly Prezidentimiziň iberen Gutlagyny uly ruhubelentlik bilen diňlediler.

20 Awgust 2024

‹
1
2
...
30
31
32
33
34
35
36
...
1302
1303
›