"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Bir suprada jem bolup

«Pähim-paýhas ummany Magtymguly Pyragy» ýylynda döwlet Garaşsyzlygymyzyň 33 ýyllyk toýunyň öňüsyrasynda Dünýä türkmenleriniň ynsanperwer birleşiginiň XXV maslahaty geçirildi. Dünýä türkmenlerini bir supranyň başyna has-da jebisleşdirmekde, dost-doganlyk gatnaşyklaryny ösdürmekde möhüm ähmiýete eýe bolan bu gurama 1991-nji ýyldan bäri hereket edýär. Mälim bolşy ýaly, häzirki wagtda daşary ýurtlaryň 14-sinde, hususan-da, Russiýa Federasiýasynda, Beýik Britaniýada, Germaniýa Federatiw Respublikasynda, Şwesiýada, Ukrainada, Owganystanda, Birleşen Arap Emirliklerinde, Saud Arabystany Patyşalygynda, Pakistan Yslam Respublikasynda, Türkiýede, Özbegistanda, Gazagystanda, Gyrgyz Respublikasynda we Täjigistanda Dünýä türkmenleriniň ynsanperwer birleşiginiň 27 sany bölümi işleýär. Türkmenistanda geçirilýän maslahatyň işine daşary ýurtlaryň birnäçesinde kowçum bolup ýaşaýan türkmenleriň wekilleri hem-de Diýarymyzyň ähli sebitleriniň wekiliýetleri uly höwes bilen gatnaşýarlar. Türkmenistanyň Jemgyýetçilik guramalarynyň merkezinde geçirilen maslahatda birleşigiň agzalary Hormat hatlary bilen sylaglandy. Dünýä türkmenleriniň ynsanperwer birleşiginiň XXV maslahatynyň ahyrynda hormatly Prezidentimiz Serdar Berdimuhamedowyň adyna Ýüzlenme kabul edildi. Oňa gatnaşyjylar döwlet Baştutanymyzy Garaşsyzlygymyzyň 33 ýyllygy bilen gu

19 Sentýabr 2024

Syýasat

Ýaş gözegçiler bäsleşdiler

Gahryman Arkadagymyzyň öňdengörüjilikli syýasatyndan gözbaş alyp, indi asylly däbe öwrülen, ýurdumyzda her ýylyň sentýabr aýynda geçirilýän «Ýol hereketiniň howpsuzlygy — ömrümiziň rahatlygy» atly biraýlygyň süňňündäki çäreler toplumy hem hormatly Belent Serkerdebaşymyzyň aýdyşy ýaly, döwletimiziň adam hakyndaky aladalarynyň aýdyň netijeleriniň biridir. Milli Liderimiz «Mert ýigitler gaýrat üçin dogulýar» atly kitabynda: «Türkmenistanyň Içeri işler ministrliginiň Polisiýanyň ýol gözegçiligi gullugy bu ulgamyň iň iri düzüm bölegi bolup durýar. Bu gullugyň işiniň barşynda «Ýol hereketiniň howpsuzlygy — ömrümiziň rahatlygy» atly biraýlygyň çäklerinde geçirilýän çäreleriň ähmiýetlidigi aýratyn bellenilmelidir. Onuň dowamynda ýol hereketine gatnaşyjylaryň her biriniň onuň howpsuzlygy üçin şahsy jogapkärçiligine düşünmegine degişli maksatnamalaýyn çäreler durmuşa geçirilýär. Munuň özi ýol hereketiniň howpsuzlygyny üpjün etmek, ýol-ulag hadysalarynyň öňüni almak boýunça amala aşyrylýan işleriň aýdyň miwesidir» diýip, örän dogry belleýär.

19 Sentýabr 2024

Jemgyýet

Oba hojalygy ösdürmegiň hukuk esaslary

Häzirki döwürde hormatly Prezidentimiziň baştutanlygynda obasenagat toplumy yzygiderli ösdürilýär. Tebigy serişdeleri tygşytly peýdalanmak bilen, oba hojalyk önümleriniň möçberleriniň artdyrylmagyna gönükdirilen işleriň netijeliligine aýratyn üns berilýär. Pudagyň gurluşynyň köpugurly giňeldilmegi, maddy-enjamlaýyn binýadynyň döwrebaplaşdyrylmagy, agrar gatnaşyklarynyň kämilleşdirilmegi ugrunda örän ähmiýetli maksatnamalar we anyk çözgütler kabul edilýär. Oba hojalygynyň ählitaraplaýyn özgerdilmegine, ýer eýeleriniň zähmet, durmuş-ykdysady taýdan goldanylmagyna we höweslendirilmegine aýratyn üns berilýär. Ýer eýelerini kuwwatly tehnikalar, ýokary hilli tohumlar we mineral dökünler bilen bökdençsiz üpjün etmek, zähmet şertleriniň hem-de durmuş hal-ýagdaýlarynyň has-da gowulandyrylmagy üçin giň mümkinçilikler döredilýär. Hormatly Prezidentimiziň şu ýylyň 17-nji sentýabrynda geçiren iş maslahatynda pagta ýygymy möwsüminde ýetişdirilen hasyly gysga möhletde, ýitgisiz ýygnap almak meselesiniň ara alnyp maslahatlaşylmagy hem munuň aýdyň mysalydyr. Maslahatda ýygnalan hasyly kabul ediş harmanhanalarynda, pagta arassalaýjy kärhanalarda bökdençsiz kabul etmek, kombaýnlary, hasyly daşamakda ulanylýan awtoulaglary netijeli işletmek üçin zerur çäreler görülýändigi bellenilip geçildi.

19 Sentýabr 2024

Oba hojalyk

Döwre buýsanç — zähmete hyjuw

Durdymyrat SAPARMYRADOW,Arkadag şäheriniň Gorjaw etrabynyň kazyýeti, kazynyň kömekçisi: — Milli ykdysadyýetiň iň möhüm pudaklarynyň biri bolan oba hojalygyny ösdürmek hormatly Prezidentimiziň amala aşyrýan toplumlaýyn özgertmeleriniň ileri tutulýan ugrudyr. Ýerli daýhanlar üçin giň mümkinçilikleri döretmek bilen birlikde, tohumçylyk-seçgiçilik ugrunda halkara hyzmatdaşlygy ösdürmäge-de uly üns berilýär. Ýakynda paýtagtymyzda GDA-nyň Tohumçylyk meseleleri boýunça hökümetara utgaşdyryjy geňeşiniň nobatdaky geňeşiniň geçirilmegi hem munuň aýdyň mysalydyr. Halkara çäräniň geçirilýän günlerinde Türkmenistanyň Oba hojalyk ministrliginiň Ylmy-barlag däneçilik institutynda güýzlük bugdaýyň täze görnüşleriniň döredilip, olaryň «Serdar», «Arkadag», «Pyragy» diýlip atlandyrylmagy özboluşly many-mazmuna eýe boldy. Munuň özi hormatly Prezidentimiziň oba hojalyk pudagynda tohumçylyk-seçgiçilik işini kämilleşdirmek boýunça berýän tabşyryklarynyň üstünlikli ýerine ýetirilýändiginiň güwäsidir. Arkadagly Gahryman Serdarymyzyň hem-de Gahryman Arkadagymyzyň oba hojalyk pudagyny ösdürip, halkymyzy ýokary hilli we ekologiýa taýdan arassa azyk önümleri bilen üpjün etmek ugrundaky işleri mundan beýläk-de rowaçlyklara beslensin.

19 Sentýabr 2024

Syýasat

Şygryýet bossany

Arkadag At-abraýy alyslara,Aşar adyň asyrlara,Aýdylýandyr aýdymlarda,Alkyş adyňa, Arkadag!

19 Sentýabr 2024

Medeniýet

Äleme ýagşylyk ýaýan akyldar

Elmydama ýagşylara ýaran bolýan, olaryň ýagşy işlerini dünýä ýaýýan Magtymguly Pyragy özüniň «Sil biläni» atly şygrynda: Hak bendesi Haka çapar,Ýaman öz pälinden tapar —

19 Sentýabr 2024

Miras

Miwelerde melhem bar

Lukmanlar üljäniň ynsan saglygy üçin peýdasynyň örän uludygyny nygtaýarlar. Miwe we miwe önümlerini yzygiderli iýmek bilen ýürek, gan-damar, aşgazan, içege, kelle-beýni keselleriniň öňüni almak mümkin. Türkmen topragynyň sahawatlylyk bilen eçilýän saglyga peýdaly nygmatlarynyň arasynda ülje esasy orunda durýar. Turşumtyk, süýji tagamly bu miwe, esasan, şekere, B1, B2, P, PP, C, E witaminlerine, karotine, foliý turşusyna, pektin maddalaryna, şeýle-de mineral duzlardan marganes, kaliý, mis, demir, kalsiý we ýod ýaly mikroelementlere örän baýdyr. Ülje ganazlykda örän peýdalydyr. Bu miwäniň nerw ulgamyna, ýürek kesellerine hem haýry uludyr. Üljäniň miweleri we ondan alnan şire dowamly iç gatamada iç sürüji serişde hökmünde, üşütmede, bedeniň gyzgynlygy ýokarlananda, dem alyş ýollarynyň sowuklamasynda giňden peýdalanylýar. Ülje bedeniň kesellere garşy göreşijilik ukybyny ýokarlandyrýar. Onuň ýapragynda köp mukdarda askorbin turşusy bar. Şonuň üçin ysgynsyzlykda, işdäsizlikde, witamin ýetmezçiliginde, beden gowşaklygynda ülje ýapragyndan demlenen çaýy içmek maslahat berilýär. Ülje kosmetologiýada hem giňden ulanylýar. Ondan taýýarlanylan ýapgylar deriniň tiz garramagynyň öňüni alýar, reňkini durlaýar we agardýar, ownuk ýygyrtlary aýyrýar.

19 Sentýabr 2024

Saglyk

Bag ekmek — sogap

Agaç nahallaryny oturtmak ata-babalarymyzdan miras galan däpleriň biridir. Hormatly Prezidentimiziň kabul eden Milli tokaý maksatnamasyna laýyklykda, gorag zolaklar döredilende pürli, saýaly, miweli, üzüm, tut nahallary köp ekilýär. Sebäbi olar howadaky zyýanly gazlara durnukly bolup, awtomobillerden, senagat kärhanalaryndan emele gelen tozany özüne siňdirýär. Daş-töweregi gurşap alan tebigaty, onuň baýlyklaryny goramak, aýawly saklamak, tygşytly peýdalanmak we ony nesillere geçirmek ekologiýa syýasatynyň esasy özenidir. Baglaryň daş-töweregine, ýollaryň gyrasyna, saýaly agaçlaryň arasyna, köçeleriň çatryklaryndaky meýdançalaryň, kärhanalaryň, edaralaryň, okuw mekdepleriniň, çagalar baglarynyň, hassahanalaryň, saglygy goraýyş edaralarynyň, myhmanhanalaryň öňlerine bezeg beriji agaçlary we gülleri ekmegiň örän uly ähmiýeti bardyr.

19 Sentýabr 2024

Tebigat

Maliýe hukugy

Barha ösýän döwrümizde ykdysadyýetimiziň sanly ulgama geçmegi, halk hojalygynyň pudaklaryna täzeçil tehnologiýalaryň ornaşdyrylmagy maliýe babatda-da işjeňligi artdyrýar. Munuň özi halkyň maliýe sowatlylygynyň ýokarlanmagyny hem zerurlyk hökmünde orta çykarýar. Şu nukdaýnazardan maliýe hukugy barada gysgaça düşünje bermegi makul bildik. Maliýe hukugy — bu döwlet maliýesiniň emele gelmegi, bölünişi we ulanylyşy bilen baglanyşykly gatnaşyklary düzgünleşdirýän hukuk kadalarynyň jemidir. Ol biziň durmuşymyzyň ähli taraplaryna, salgyt tölemekden başlap, döwlet hyzmatlaryny almak ýaly meselelere täsir edýär.  Maliýe hukugy döwlet edaralary, banklar we beýleki maliýe guramalary bilen aragatnaşykda öz hukuklaryny goramaga mümkinçilik berýär. 

19 Sentýabr 2024

Jemgyýet

Ot hakynda

Häzirki döwürde ylmyň ösmegi bilen, döwrebap tilsimat usullary arkaly önümçiliklerde, gurluşyklarda, durmuşymyzda täze önümleriň, serişdeleriň öndürilmegi barha artdyrylýar. Önümçilikde tebigydyr emeli gazlar, nebitdir nebit önümleri giňden ulanylýar.  Durmuşda ulanylýan himiýa serişdeleriniň düzüminde şeýle ýangyn howply  kömürturşy gazynyň bardygyny diňe çagalar däl, eýsem, ulular hem känbir göz öňüne getirip bilmeýärler. «Ot astynda bela galmaz» diýen atalar sözüniň çuň manysy bar. Çünki irki döwürlerde dürli ýokanç keselleriň döremeginiň we ýaýramagynyň öňüni almakda, ylmyň häzirki ösen döwründäki ýaly dürli-dürli zyýansyzlandyryjy serişdeleriň deregine, otdan we üzärlik tüssesinden giňden peýdalanypdyrlar. Hatda halk lukmançylygynda-da otdan peýdalanylyp, käbir keselleriň bejerilendigini mälim edýän taryhy çeşmelere gabat gelmek bolýar. Türkmenler adamyň düýşünde ot görmegini hem «Ot — oraz» diýip, gowulyga ýorupdyrlar. Bu atalar sözündäki «oraz» sözi «bagt» diýen manyny aňladypdyr. Ata-babalarymyz göze görner-görünmez belalaryň içinde aýratyn gorkulysy ot belasy, suw belasy, töhmet belasy diýip hasap edipdirler. Ot belasy haýwany-ynsany, ýagşyny-ýamany seljermän, küle öwürýär. Ynsana berlen eşretleriň ählisinden hem dogry peýdalanylmasa, olaryň hözir bermäge derek, betbagtçylyga eltjekdigi ikuçsuzdyr.

19 Sentýabr 2024

Jemgyýet

Maksatlar — aýdyň, işler — anyk, netijesi — abadan durmuş

Döwlet Garaşsyzlygymyzyň 33 ýyllygynyň bellenilýän günlerinde   Türkmenistanyň maýa goýum forumynyň, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahatyň hem-de ugurdaş sergileriň geçirilmegi, energetika, ulag-kommunikasiýa, logistika desgalarynyň işe girizilmegi hem-de gurluşygyna badalga berilmegi Bitarap Türkmenistanyň Durnukly ösüş maksatlaryna ýetmegiň ýolunda örän ynamly gadamlar bilen barýandygyny äleme äşgär etdi. Diňe bir sebitiň däl, dünýä döwletleriniň ykdysady ösüşine, halklarynyň medeni ýaşaýyş-durmuşyna oňyn täsirlerini ýetirjek bu döwletli işler «Pähim-paýhas ummany Magtymguly Pyragy» ýylymyzyň şan-şöhratyny has-da belende göteren wakalar bolup taryhyň gatyndan şugla saçar. Döwletiň ykdysady kuwwaty — ilatyň durmuş abadançylygy

12 Sentýabr 2024

Syýasat

Arkadag taglymaty — sport diplomatiýasyň binýady

Gahryman Arkadagymyz şu ýylyň 8-nji sentýabrynda Çarwadarlaryň V bütindünýä oýunlarynyň açylyş dabarasyna gatnaşmak üçin Gazagystan Respublikasynyň Astana şäherinde iş saparynda boldy. Saparyň dowamynda Milli Liderimiz bilen dostlukly ýurduň Prezidenti Kasym-Žomart Tokaýewiň arasynda ýokary derejede türkmen-gazak gepleşikleri geçirildi. Duşuşykda ynanyşmak, deňhukuklylyk, özara bähbitleri nazara almak bilen ýola goýulýan köpugurly döwletara hyzmatdaşlygyň möhüm meseleleri boýunça pikir alşyldy. Türkmenistanda bedenterbiýäniň we köpçülikleýin sportuň aýratyn üns merkezinde saklanylmagy bu ulgamyň ilatyň sagdyn durmuşda ýaşamagyny üpjün etmegiň, hemmetaraplaýyn kämil şahsyýeti terbiýeläp ýetişdirmegiň, zyýanly endikleriň öňüni almagyň we olara garşy göreşmegiň ygtybarly usuly hökmünde öňe sürülmegi bilen berk baglanyşyklydyr. Şunuň bilen baglylykda, hormatly Prezidentimiziň taýsyz tagallalary netijesinde jemgyýetiň we döwletiň iň ýokary gymmatlygy bolan adam, onuň saglygy barada döwlet derejesinde netijeli işler alnyp barylýar.

12 Sentýabr 2024

Sport

Gijeleri gündiz bilen bäsleşýär

Güneşli Diýarymyzyň ösüşlere beslenip, Garaşsyzlygymyzyň 33 ýyllyk toýuna barýan häzirki günlerinde amala aşyrylýan işler il-günümiziň şatlygyny has-da belende göterýär. Gahryman Arkadagymyzyň ýakynda Arkadag şäherine bolan iş sapary hem halkymyzyň eşretli durmuşda ýaşamagy baradaky aladanyň näderejededigini şöhlelendirdi. 7-nji sentýabrda türkmen halkynyň Milli Lideri Gahryman Arkadagymyz Arkadag  şäherine iş saparyny amala aşyryp, şol ýerde degişli ýolbaşçylaryň gatnaşmagynda iş maslahatyny geçirdi we «akylly» şäheriň ýol-ulag düzümine degişli desgalaryň taslamalary bilen tanyşdy.

12 Sentýabr 2024

Syýasat

Döwletli geňeşe barýarys

Berkarar döwletiň täze eýýamynyň Galkynyşy döwründe Garaşsyz hem Bitarap Watanymyzy ösdürmek ugrunda ýurdumyzda halk bähbitli işler alnyp barylýar. Türkmen halkynyň döwlet gurluşy babatda köpasyrlyk taryhynda toplan tejribesini hemmetaraplaýyn nazara alyp, ata-babalarymyzyň ygtyýarly jemgyýetçilik wekilleri bilen ählihalk ýygnaklaryny geçirip, iň wajyp syýasy, ykdysady, durmuş meselelerini çözmek baradaky asylly däplerinden ugur alyp we umumy ykrar edilen demokratik ýörelgelere eýerip, şeýle hem ilatyň giň gatlaklarynyň möhüm jemgyýetçilik-syýasy çözgütleriň kabul edilmegine gatnaşmagyny üpjün etmek maksady bilen, halk häkimiýetiniň ýokary wekilçilikli edarasy — Türkmenistanyň Halk Maslahaty döredildi. Türkmenistanyň Garaşsyzlyk ýyllarynda gazananlaryny has-da berkitmek, ýurdumyzy ösüşiň has ýokary derejelerine çykarmak üçin ählihalk hereketini ýaýbaňlandyrmak, jemgyýetçilik-syýasy, durmuş-ykdysady, medeni-ynsanperwer we kanunçylyk-hukuk ulgamlarda täze sepgitlere ýetirmek, taryhymyzda gazanylan üstünlikleri wagyz etmek maksady bilen döredilen bu ýokary wekilçilikli edara halkymyzyň taryhdan öz gözbaşyny alyp gaýdýan maslahatlaşmak däbiniň aýdyň subutnamasydyr.

12 Sentýabr 2024

Syýasat

Watan waspyn dilde sena edenler

Türkmen halkynyň Milli Lideri Gahryman Arkadagymyz: «Watana bolan söýgi iň beýik söýgüdir» diýýär. Bu türkmen halky üçin durmuşy we taryhy hakykat. Alym Arkadagymyzyň «Mertler Watany beýgeldýär» atly kitabynda: «Oguz han türkmen ogullaryna ahyrky sargydynda üç zady aýamagy tabşyrýar. Olaryň birinjisi Watan, ikinjisi ata-ene, üçünjisi bolsa bedew atymyzdyr» diýýär. Watana bolan söýgi aňymyza: Gyrat münüp uçanym,Ganym görse göçenim,«Watan» diýip, «il» diýip,Hakdan kasam içenim.

12 Sentýabr 2024

Syýasat

Döwre buýsanç — zähmete hyjuw

Tawus HAÝDULINA,Türkmenistanyň Baş prokuraturasynyň ulaglarda kanunlaryň ýerine ýetirilişine gözegçilik bölüminiň uly prokurory, 1-nji derejeli ýurist: — Ýakynda Koreýa Respublikasynyň paýtagty Seul şäherinde geçirilen «World Smart City Expo» atly halkara sergä türkmen wekiliýetiniň gatnaşmagy we onuň çäklerinde Arkadag şäheriniň üç sany halkara baýraga mynasyp bolmagy ildeşlerimizde çäksiz buýsanç duýgularyny döredip, «Pähim-paýhas ummany Magtymguly Pyragy» ýylynyň dabaralaryny goşalandyrdy. Bu şatlykly waka Garaşsyz döwletimiziň mukaddes Garaşsyzlygynyň 33 ýyllygyna baýramçylyk sowgady bolup, taryh üçin uly bolmadyk döwürde döwletimiziň ýeten derejesini, ykdysady kuwwatyny aýdyň görkezdi.

12 Sentýabr 2024

Syýasat

Bol hasylly meýdanlar

Şu ýylyň 6-njy sentýabrynda sanly ulgam arkaly geçirilen Ministrler Kabinetiniň nobatdaky mejlisinde hormatly Prezidentimiziň gowaça ösdürip ýetişdirýän daýhanlara we ähli oba hojalyk işgärlerine işlerinde uly üstünlikleri arzuw etmegi pagtaçylarymyzyň buýsançly başlaryny göge ýetirdi. Arkadagly Gahryman Serdarymyzyň tabşyrygyna laýyklykda, pagta ýygymy möwsüminiň sazlaşykly işini yzygiderli üpjün etmek üçin ýerlerde ulanylýan tehnikalara gije-gündizleýin tehniki hyzmatlar ýola goýlup, mehanizatorlaryň, sürüjileriň we pagtany el bilen ýygmaga gatnaşýanlaryň öndürijilikli işlemekleri, doly derejeli dynç almaklary üçin ähli zerur şertleriň döredilmegi bol hasylyň isripsiz ýygnalmagy ugrunda taýsyz tagallalaryň edilýändiginiň subutnamasydyr. Şu ýylyň 11-nji sentýabrynda ýurdumyzyň welaýatlarynyň Türkmenistanyň Döwlet baýdagy, halylar we şygarlar bilen bezelen pagta kabul ediş bölümlerine, pagta arassalaýjy zawodlaryna üsti «ak altyn» bilen doldurylan awtoulaglaryň hem-de tirkegli traktorlaryň ilkinji kerwenleri geldi. Halkymyzyň asylly däbine görä, Beýik Biribardan hormatly Prezidentimiziň baştutanlygynda täze zähmet ýeňişlerine tarap öňe barýan Watanymyzyň, mähriban halkymyzyň abadançylygy dileg edilip,  hormatly ýaşulularyň hasylyň ýygnalyp başlanmagyna ak pata bermekleri «Pähim-paýhas ummany Magtymguly Pyragy» ýylynyň ýene bir şanl

12 Sentýabr 2024

Oba hojalyk

Şygyrlary köňülleriň çyragy

Söz şalygynyň gaýtalanmajak ussady beýik Magtymguly Pyragynyň mirasy Watanymyzyň geljegi bolan ýaşlara terbiýe mekdebidir. Berkarar döwletiň täze eýýamynyň Galkynyşy döwründe ägirtlerimiziň bitiren işlerini içgin seljerip, ylmy taýdan öwrenip, şu günki we geljekki nesillere ýetirmekde uly işler alnyp barylýar. Gündogaryň beýik akyldary, dana şahyr Magtymguly Pyragynyň ajaýyp şygyrlary islendik döwürde-de bagşylaryň dilinde, türkmeniň toýunda köňülleriň owazy bolup ýaşaýar. Magtymguly Pyragy özüniň döredijiliginde durmuş wakalaryny, türkmeniň mukaddes topragyny, tebigatyny, sähradyr düzlerini, deňizdir derýalaryny ussatlyk bilen wasp edýär. Beýik söz ussadynyň döredijiligi örän giň gerimli, ol döwrüniň derwaýys meseleleri boýunça sagdyn pikirleri ýöredýär. Magtymgulynyň şygyrlary diňe bir türkmen halkynyň däl, eýsem, tutuş dünýä edebiýatynyň ösmegine oňyn täsirini ýetirdi.

12 Sentýabr 2024

Miras

Hakydada galan hakykat

Hemişe çagalyk ýyllarymy ýatlasam, garry enem hem-de söýüp okan kitaplarym ýadyma düşýär. Okamaga höwesek bolmagyma hem bir wagtlar ýurduny täzelän enem pahyryň goşandy has uludy. Enem kitaba gümra bolsam begenerdi. Ejem ikisi el işini edýän wagtlary arasynda maňa kitap okadyp, diňlärdiler. Enem dessanlary gowy görerdi. Dessanyň şygyrly ýerine ýetenimde, käwagtlar gapdalymdan hüwdä meňzeş owaz bilen hiňlenip aýdardy. Men bolsa enemiň heniz okap ýetişmedik şygrymy boýdan-başa ýatdan bilşine haýran galyp, onuň hiňlenmesini maýyl bolup diňlärdim. Bir gezegem türkmen dilinden we edebiýatyndan sapak berýän mugallymymyzyň elinde heniz çaphananyň ysam gitmedik, gatlary açylmansoň, sahypalary entek biri-birine ýelmeşip duran Magtymguly Pyragynyň täzeje kitabyny göräýdim. Magtymgulynyň goşgularyny enemiň aýratyn gowy görýändigini bilýändigim üçin ony duýdansyz begendiresim geldi. Şonuň üçin mekdepden daşarda salam bermäge-de çekindirýän, ýüzi agyr mugallymymyzdan, hakyt, kitaby dilemäge batyrlyk edip bilenime öz-özüme haýran galdym. Geň galaýmaly, mugallym heniz özem okap ýetişmedik kitabyny höwes bilen maňa uzadyp durşuna:

12 Sentýabr 2024

Edebiýat

Sürüjiler, üns beriň!

Arkadagly eýýamymyzda ýurdumyzyň ýol-ulag infrastrukturasy kämilleşdirilip, estakadaly, ýerasty geçelgeler bilen üpjün edilen ýollar guruldy. Ýurdumyzda her ýylyň sentýabr aýynda «Ýol hereketiniň howpsuzlygy — ömrümiziň rahatlygy» atly biraýlygy geçirmek asylly däbe öwrüldi. Türkmenistanyň ýol hereketiniň kadalarynyň 8-nji bölüminde görkezilen herekete başlamagyň tärleri ýerine ýetirilende, sürüjiniň çatryklarda yza öwrülmegi ýa-da yza hereket etmegi şu ýagdaýlarda gadagandyr:

12 Sentýabr 2024

Jemgyýet