"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Italýan operasynyň agşamy

Ýakynda Magtymguly adyndaky milli sazly drama teatrynda türkmen-italýan sungat ussatlarynyň bilelikdäki konserti geçirildi. Italiýanyň Türkmenistandaky ilçihanasynyň açylmagynyň 10 ýyllygyna bagyşlanan bu çäre belli nusgawy kompozitor Jakomo Puççininiň 100 ýyllygy bilen utgaşdy.

13 Sentýabr 2024

Medeniýet

Iş maslahaty geçirildi

9-njy sentýabrda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işler, Oba milli maksatnamasynyň ýerine ýetirilişi ara alnyp maslahatlaşyldy.

13 Sentýabr 2024

Syýasat

Körpeleriň buýsanjy

Tagtabazar etrabynyň Saryýazy geňeşliginiň Saryýazy obasynda «Erkin gurluşyk» hususy kärhanasy tarapyndan gurlan 160 orunlyk, iki gatly bakja bagynyň binasy dabaraly ýagdaýda açylyp ulanmaga berildi. Onuň açylyş dabarasyna etrap häkimliginiň jogapkär işgärleri, bilim işgärleri we jemgyýetçilik guramalarynyň agzalary, ak gyňaçly enelerimiz, hormatly ýaşulularymyz gatnaşdy. Aýdym-sazyň astynda al asmana ýüzlerçe şarlar goýberilip, körpeleriň goşgudyr aýdymlary dabara özboluşly öwüşgin çaýdy. Dilleri senaly gojalarymyz bilen körpelerimiz ähli amatlyklary bolan bakja- bagynyň binasyny birlaý gözden geçirdiler. Binanyň daş-töwereginiň gür baglyga bürelmegi, suw çüwdürimleri we howuzlar, şeýle hem dynç alyş otaglary, naharhana zaly körpeleriň göwün guşuny ganatlandyrdy.

13 Sentýabr 2024

Jemgyýet

Halk Maslahatynyň mejlisine taýýarlyk

Ýakynda Köýtendag etrabynyň Köýtendag şäherindäki 59-njy orta mekdepde etrabyň jemgyýetçilik guramalarynyň bilelikde guramagynda Türkmenistanyň Halk Maslahatynyň mejlisine taýýarlyk görmek maksady bilen, dabaraly maslahat geçirildi. Oňa mährem eneler, il sylagly ýaşulular we bilim ulgamynyň işgärleri gatnaşdy.   Çykyş edenler Türkmenistanyň Halk Maslahatynyň mejlisinde kabul ediljek çözgütleriň halkymyzyň mundan beýläk-de eşretli durmuşyň hözirini görüp ýaşamagyny üpjün etjekdigini bellediler. Dabaraly maslahatyň ahyrynda eziz Diýarymyzy ösüşlerden ösüşlere alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.

12 Sentýabr 2024

Jemgyýet

Onlaýn maslahat geçirildi

Düýn ― 11-nji sentýabrda Türkmenistanyň Döwlet çeperçilik akademiýasynda «Garaşsyzlyk ýyllarynda milli senetçiligiň ösdürilişi hem-de dünýä tejribesini öwrenmegiň derwaýys meseleleri» diýen at bilen onlaýn maslahaty we ussatlyk sapaklary geçirildi. Ony Türkmenistanyň Medeniýet ministrliginiň Maddy däl medeni miras müdirligi, ÝUNESKO-nyň işleri barada Türkmenistanyň Milli toparynyň sekretariaty hem-de Russiýa Federasiýasynyň Tatarystan Respublikasynyň Kazan şäheriniň Halk çeperçilik we amaly-haşam sungatyny dikeltmek, gorap saklamak, öwrenmek we ösdürmek boýunça merkezi bilelikde gurady. Maslahat milli senetçiligi ösdürmegiň we bu ugurdaky dünýä tejribesini öwrenmegiň meselelerine bagyşlandy.

12 Sentýabr 2024

Miras

Paýtagtymyzda iri halkara maýa goýum forumy işe başlady

Şu gün — 10-njy sentýabrda paýtagtymyzdaky «Ýyldyz» myhmanhanasynda Türkmenistanyň maýa goýum forumy (TIF — 2024) öz işine başlady. Ýurdumyzyň Daşary işler hem-de Maliýe we ykdysadyýet ministrlikleriniň, Söwda-senagat edarasynyň bilelikde guramagynda geçirilýän giň gerimli forumda ýurdumyzda maýa goýum taslamalaryny durmuşa geçirmek we bu ugurdaky halkara hyzmatdaşlygy mundan beýläk-de ösdürmek bilen baglanyşykly meseleler ara alnyp maslahatlaşylýar.

10 Sentýabr 2024

Ykdysadyýet

Ministrler Kabinetiniň mejlisi

6-njy sentýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Milli parlamentde

9 Sentýabr 2024

Syýasat

Gahryman Arkadagymyz Çarwadarlaryň V bütindünýä oýunlarynyň resmi açylyş dabarasyna gatnaşdy

8-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Prezident Kasym-Žomart Tokaýewiň çakylygy boýunça Çarwadarlaryň V bütindünýä oýunlarynyň açylyş dabarasyna gatnaşmak üçin Gazagystan Respublikasyna iş saparyny amala aşyrdy. Paýtagtymyzyň Halkara howa menzilinde Gahryman Arkadagymyzy resmi adamlar ugratdylar.

9 Sentýabr 2024

Syýasat

Arkadag şäheriniň täze halkara baýraklary

Ýakynda hormatly Prezidentimiz Serdar Berdimuhamedowyň degişli Buýrugyna laýyklykda, «World Smart City Expo» atly halkara sergä gatnaşmak hem-de Arkadag şäheriniň lukmançylyk klasterini amala aşyrmak üçin zerur bolan, Koreýa Respublikasynyň lukmançylykda ulanylýan serişdeleriniň öndürijileri bilen duşuşmak we degişli zawodlaryň işleri bilen ýerinde tanyşmak maksady bilen, Türkmenistanyň wekiliýeti Koreýa Respublikasynyň Seul şäherinde gulluk iş saparynda boldy. Saparyň çäklerinde wekiliýet agzalary myhmanlary Arkadag şäherine bagyşlanan sergi bölümi bilen tanyşdyrdylar. Netijede, ýurdumyzyň «akylly» şäheri 3 sany baýraga mynasyp boldy. «World Smart City Expo» sergisine Koreýa Respublikasynyň welaýatlarynyň, ýerli we daşary ýurt kompaniýalarynyň, birnäçe döwletiň, şol sanda Türkmenistanyň, Hytaý Halk Respublikasynyň, Ýaponiýanyň, Malaýziýanyň, Tailand Patyşalygynyň, Wýetnam Sosialistik Respublikasynyň, Daniýa Patyşalygynyň, Finlýandiýanyň we Ysraýyl Döwletiniň wekilleri gatnaşdylar. Jemi 116 pawilýony özünde jemlän gözden geçirilişe ministrler, ministrleriň orunbasarlary, welaýat häkimleri derejesinde 60-dan gowrak ýurduň wekilleri synçy hökmünde gatnaşdylar.

9 Sentýabr 2024

Syýasat

Gahryman Arkadagymyz «akylly» şäheriň ikinji tapgyrynyň gurluşyk işleri bilen tanyşdy

7-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyryp, bu ýerde degişli ýolbaşçylaryň gatnaşmagynda iş maslahatyny geçirdi. Täze şäheriň ýol-ulag düzümine degişli desgalaryň taslamalary bilen tanyşdy. Bu ýerde Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow we häkim G.Mämmedowa Gahryman Arkadagymyzy uly hormat bilen garşyladylar. Häzirki döwürde alnyp barylýan gurluşyk işleriniň depginleri, gurulmagy meýilleşdirilýän önümçilik toplumlarynyň taslamalary, olaryň ýerleşjek ýerleriniň çyzgylary barada hasabat berdiler.

9 Sentýabr 2024

Syýasat

Ýurdumyzyň başlangyjy boýunça kararnama kabul edildi

Türkmenistanyň Garaşsyzlygynyň 33 ýyllyk baýramynyň öňüsyrasynda Birleşen Milletler Guramasynyň Nýu-Ýork şäherinde ýerleşýän ştab-kwartirasyndan hoş habar gelip gowuşdy. 6-njy sentýabrda BMG-niň Baş Assambleýasynyň 78-nji sessiýasynda Türkmenistanyň başlangyjy bilen, Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnama kabul edildi. Bu Kararnama dünýäniň 87 döwleti awtordaş bolup çykyş etdi. Munuň özi onuň tutuş adamzat üçin möhümdiginiň we ägirt uly ähmiýete eýediginiň aýdyň beýanydyr. Gahryman Arkadagymyzyň başlangyçlaryna esaslanýan, hormatly Prezidentimiziň baştutanlygynda alnyp barylýan parahatçylyk söýüjilikli daşary syýasatyň we sport diplomatiýasynyň dünýäde dabaralanýandygynyň nobatdaky güwäsidir. Resminamanyň kabul edilmegi halkara jemgyýetçiligi tarapyndan Garaşsyz, Bitarap Türkmenistanda sporty ösdürmek babatda alnyp barylýan işlere berlen ýokary bahadyr. Sport ulgamyny ösdürmek hormatly Prezidentimiz tarapyndan üstünlikli durmuşa geçirilýän döwlet syýasatynyň ileri tutulýan ugurlarynyň biri bolup, ýurdumyz diňe bir iri halkara ýaryşlara işjeň gatnaşmak bilen çäklenmän, sebit we dünýä derejeli ýaryşlaryň geçirilýän merkezine hem öwrüldi. Halkara Olimpiýa Komitetiniň we Aziýa Olimpiýa Geňeşiniň agzasy hem-de dünýä derejeli sport döwleti hökmünde Türkmenistanyň abraýyny artdyrýar. Hormatly Prezidentim

9 Sentýabr 2024

Syýasat

Maýa goýum forumy — uly mümkinçilikleriň giňişligi

Maýa goýumlar — ykdysady ösüşe itergi berýän esasy şertleriň biri. Hut şoňa görä-de, Türkmenistanyň bazar gatnaşyklaryna esaslanýan durmuş-ykdysady strategiýasynda maýa goýum işjeňligine uly ähmiýet berilýär. Önümçilik bilen ylmyň arabaglanyşygyny işjeňleşdirmek, innowasion tehnologiýalara esaslanýan pudaklara çekilýän maýa goýumlaryň netijeliligini ýokarlandyrmak, daşary ýurt maýa goýumlaryny çekmegi dowam etdirmek, işewürler we maýadarlar üçin özüneçekijiligi artdyrmak hormatly Prezidentimiziň baştutanlygynda amala aşyrylýan ykdysady özgertmeleriň möhüm ugurlaryna degişli. Milli ykdysadyýetimizi uzakmöhletleýin esasda ösdürmäge gönükdirilen wezipeler öňdebaryjy ylmy taglymatlar, innowasion tehnologiýalar arkaly ýurdumyzyň tebigy baýlyklarynyň mümkinçiliklerini has-da netijeli peýdalanmagy maksat edinýär. Bu gün berkarar Watanymyzda ýokary öndürijilikli hem-de innowasiýalara esaslanýan senagat kärhanalarynyň döredilmegine, aragatnaşyk we ulag-üstaşyr düzümleriniň ösdürilmegine, ýurdumyzyň eksport kuwwatynyň artdyrylmagyna gönükdirilen giň gerimli taslamalar amala aşyrylýar. Şol taslamalary durmuşa geçirmekde ýurdumyz halkara maliýe düzümleri bilen netijeli we özara bähbitli hyzmatdaşlygy işjeňleşdirýär. Türkmenistan esasy önümçilik kuwwatlyklarynyň tehnologiýa taýdan döwrebaplaşdyrylmagyna düýpli maýa goýumlary çekýär. Bu bolsa ýurdumyzyň dünýä hojalyk gatnaşyklaryna işjeň go

9 Sentýabr 2024

Ykdysadyýet

Döwletli tutumlara badalga

Hormatly Prezidentimiziň parasatly baştutanlygynda halkymyzyň ýaşaýyş-durmuş şertleriniň gowulandyrylmagyna gönükdirilen maksatnamalaryň üstünlikli amala aşyrylmagyna, syýasy, ykdysady, demokratik özgertmeleri has-da işjeňleşdirmäge uly ähmiýet berilýär. Türkmen halky gadymy döwürlerden bäri bir uly işiň başyny tutanda, ýaşulular bilen maslahatlaşyp geňeş edipdir. Pederlerimizden miras galan asylly ýörelge häzirki döwürde hem mynasyp dowam etdirilýär. Demokratik ýörelgelere eýerilip, il-ýurt ähmiýetli möhüm çözgütler kabul edilýär. Türkmenistanyň Halk Maslahatynyň işi halkyň bähbidiniň ileri tutulmagyny üpjün edýär.

9 Sentýabr 2024

Jemgyýet

Joşgunly ýürekleriň owazy

7-nji sentýabrda paýtagtymyzdaky «Aşgabat» aýdym-saz merkezinde Türkmenistanyň Prezidentiniň yglan eden «Türkmeniň Altyn asyry» atly bäsleşiginiň çäklerinde höwesjeň aýdymçy ýaşlaryň arasynda geçirilýän «Ýaňlan, Diýarym! — 2024» telebäsleşiginiň jemleýji tapgyry boldy. Oňa bäsleşigiň deslapky tapgyrlarynda öňe saýlanan zehinli aýdymçylaryň 14-si gatnaşdy. Emin agzalarynyň gelen netijeleriniň esasynda ýokary ussatlygy bilen tapawutlanan aýdymçylaryň 7-si bu telebäsleşigiň ýeňijileri diýlip yglan edildi. Biz hem zehinli ýaş aýdymçylary gazanan üstünlikleri bilen gutlap, olaryň käbiriniň ýürek buýsanjyny okyjylara ýetirmegi makul bildik:

9 Sentýabr 2024

Garaşsyzlyk

Ýaşajyk bilbiller

Ynsanyň ukyp-başarnygyny, zehin aýratynlygyny aýdyň ýüze çykarmaga ýardam berýän döredijilik bäsleşikleri ýurdumyzda her ýylda geçirmek däp boldy. Edebiýat, medeniýet we sungat işgärleriniň arasynda geçirilýän Türkmenistanyň Prezidentiniň «Türkmeniň Altyn asyry» atly bäsleşigi, höwesjeň aýdymçy ýaşlaryň «Ýaňlan, Diýarym!» telebäsleşigi, zehinli çagalaryň arasynda geçirilýän «Garaşsyzlygyň merjen däneleri», ýaş aýdymçylaryň «Ýylyň parlak ýyldyzy» atly we beýleki döredijilik bäsleşikleri aýdym-saz sungatymyzy, milli medeniýetimizi ösdürmekde uly goşantdyr. Şeýle uly ähmiýete eýe bolan bäsleşikleriň biri — 6-njy sentýabrda Ahal welaýatynyň Ak bugdaý etrabynyň «Nowruz ýaýlasyndaky» «Türkmeniň ak öýi» binasynda geçirildi. Ol ýerde Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde yglan edilen zehinli çagalaryň «Garaşsyzlygyň merjen däneleri» atly aýdym-saz bäsleşiginiň jemleýji tapgyryna gatnaşanlaryň konserti boldy. Konsert Türkmenistanyň Bilim ministrliginiň, Türkmenistanyň Medeniýet ministrliginiň, welaýatlaryň hem-de Aşgabat we Arkadag şäherleriniň häkimlikleriniň guramagynda geçirildi.

9 Sentýabr 2024

Medeniýet

Döwlet howpsuzlyk geňeşiniň mejlisi

4-nji sentýabrda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy, goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Onda harby we hukuk goraýjy edaralaryň şu ýylyň ýanwar — awgust aýlarynda ýerine ýetiren işleriniň netijelerine garaldy. Mejlisiň gün tertibine Garaşsyz Türkmenistanda howpsuzlygy, parahatçylygy üpjün etmek, harby we hukuk goraýjy edaralaryň maddy-enjamlaýyn binýadyny pugtalandyrmak, olaryň işini mundan beýläk-de kämilleşdirmek bilen bagly meseleler hem girizildi. Degişli ýolbaşçylaryň hasabatlary diňlenildi

6 Sentýabr 2024

Syýasat

Iş maslahaty geçirildi

2-nji sentýabrda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan möwsümleýin işleriň barşy bilen bagly meselelere garaldy. Maslahatyň dowamynda welaýat häkimleri özlerine degişli sebitlerde möwsümleýin oba hojalyk işleriniň ýagdaýy barada hasabat berdiler. Hasabatlarda bellenilişi ýaly, häzirki wagtda bugdaý ekişine we pagta ýygymyna başlamaga ýokary guramaçylyk derejesinde taýýarlyk görülýär. Pagta arassalaýjy kärhanalary, harmanhanalary, ýygymda işlediljek kombaýnlary we hasyl daşamakda ulanyljak awtoulaglary möwsüme doly taýýar etmek babatda degişli işler geçirilýär. Geljek ýylyň hasyly üçin bugdaý ekişinde ulanyljak ähli ekiji gurallar, oba hojalyk tehnikalary taýýar edilip, häzirki wagtda gerek bolan bugdaý tohumyny taýýarlamak işleri alnyp barylýar. Garaşsyzlygymyzyň 33 ýyllygy mynasybetli welaýatlarda açylyp ulanmaga berilmegi meýilleşdirilen medeni-durmuş, önümçilik maksatly desgalardaky gurluşyk işleri üstünlikli ýerine ýetirilýär.

6 Sentýabr 2024

Syýasat

Hyzmatdaşlyk berkidilýär

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Çalyk Holding» kompaniýalar toparynyň dolandyryjylar geňeşiniň başlygy Ahmet Çalyk bilen duşuşdy. Ahmet Çalyk ata Watany Türkmenistanda dürli maksatly we uly ähmiýetli taslamalary durmuşa geçirmek ugrunda giň mümkinçilikleriň döredilýändigi üçin kompaniýanyň ähli işgärleriniň adyndan çuňňur hoşallygyny beýan etdi. Ol açylyp ulanmaga berlen Aşgabat şäher häkimliginiň toplumynyň binasynyň gurluşygynyň «Çalyk Holding» kompaniýasyna ynanylmagynyň özi üçin uly mertebedigini belläp, mundan beýläk-de öňde goýlan wezipeleri ýokary derejede ýerine ýetirmekde depginli işleri alyp barjakdygyna ynandyrdy.

6 Sentýabr 2024

Syýasat

Sazlaşykly ösüşiň binýady

Garaşsyz, hemişelik Bitarap topragymyz ata-babalarymyzyň mähri siňen, keremli erenleriň, alym-ulamalaryň, danyşment pirleriň ýaşan mesgenidir. Bu mekan ösen ylym-bilim gatnaşyklaryň, baý kitaphanalaryň, dilleriň, garaýyşlaryň, medeniýetleriň birleşen merkezi bolandygy bilen şöhratlanandyr. Asyrlaryň dowamynda müňlerçe şahyrlar bu topragyň waspyny edip geçen bolsa, ýüzlerçe akyldarlar mähriban Watanymyzyň gujagynda dünýä ylmyna saldamly goşant bolan çuň mazmunly eserleri döredipdirler. Türkmen halkynyň içki dünýägaraýşyndan gözbaş alýan ynsanperwer däp-dessurlary, gurujylyk sungaty, edebi akabalary, döredijilik joşguny asyrlar aşa adamzat bähbitleriniň umumylygyna hyzmat edip gelýär. Güneşli Diýarymyzyň gujagynda önüp-ösen dana-akyldarlaryň bize miras goýan ylmy-döredijilik açyşlary, dünýä siwilizasiýasyna goşan gymmatlyklary gadymy Watanymyzy dünýä ylmynyň irki ruhy-medeni ojaklarynyň biri hökmünde tanadýar.

6 Sentýabr 2024

Garaşsyzlyk

Eşretli durmuşyň hatyrasyna

Garaşsyzlyga eýe bolanymyzdan soň, gysga döwrüň içinde demokratik, hukuk we dünýewi döwletimiziň binýadyny pugtalandyrmakda köp işler amala aşyryldy. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň tagallasy bilen, ata Watanymyz ähli babatda üstünliklere ýetdi. Gahryman Arkadagymyzyň «Döwlet adam üçindir!» diýen baş ýörelgesine eýerilmek bilen halkymyz ajaýyp zamanada ýaşaýar. Bu başlangyçlar hormatly Prezidentimiz Serdar Berdimuhamedow tarapyndan mynasyp dowam etdirilýär. Türkmen halky gadymy döwürlerden bäri uly işiň başyny tutanda, ýaşulular bilen maslahatlaşyp geňeş edipdir. Pederlerimizden miras galan asylly ýörelge häzirki ajaýyp zamanamyzda hem dowam etdirilip gelinýär. Ýurdumyzda demokratik ýörelgelere eýerilip, il-ýurt ähmiýetli möhüm çözgütler kabul edilýär. Türkmenistanyň Halk Maslahatynyň mejlisinde kabul edilýän halk bähbitli çözgütler il-günümiziň bagtyýar ýaşaýşyny üpjün edýär.

6 Sentýabr 2024

Garaşsyzlyk