"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Döwrebap bilim ojagymyzda

Biziň zähmet çekýän döwrebap bilim ojagymyzda gazanýan üstünlikleri bilen milli sportumyzy şöhratlandyrjak ýaşlaryň täze neslini ýetişdirmek ugrunda möhüm işler durmuşa geçirilýär. Olaryň türgenleşiklerini döwrebap hem ýokary derejede geçmekleri üçin ähli şertleriň döredilen ojagynda işleýän hünärmenler bolsa ýaşlaryň birkemsiz taplanmaklaryny gazanmak ugrunda yhlaslaryny gaýgyrmaýarlar. Türgenlere tälim berýän tälimçileriň ýurdumyzyň iň ussat hünärmenleridigi bu işiň has-da netijeliligini üpjün edýär. Ýokary okuw mekdebimizde ýaşlaryň diňe ykjam türgenleşiklerini ýa-da fiziki taýýarlygyny däl, eýsem, ahlak terbiýesini, ösen aň-düşünjeliligini gazanmaga, milli ýörelgelerimize, edim-gylymlarymyza buýsanýan, Watana wepaly nesli kemala getirmäge uly ähmiýet berilýär. Hünärmenlerimiziň okuw hem-de iş meýilnamalarynda şu aýratynlyklar eriş-argaç bolup geçýär.

24 Dekabr 2021

Sport

Welaýatlardan habarlar

Ýakynda Gökdepe etrabynyň Türkmenistan geňeşliginde «Saglygymyz – baş baýlygymyz» ady bilen wagyz-nesihat duşuşygy geçirildi. Oba ýaşaýjylarynyň gatnaşmagyndaky duşuşykda ýurdumyzda raýatlaryň saglygy hakda uly alada edilýändigi, şu maksat bilen häzirki zaman saglygy goraýyş desgalarynyň yzygiderli gurulýandygy, ilata ýokary derejeli lukmançylyk hyzmatlarynyň amala aşyrylýandygy, jemgyýetimize sagdyn durmuş ýörelgeleriniň ornaşmagy babatda uly işleriň geçirilýändigi barada gürrüň edildi. Duşuşykda çykyş edenler pasla görä geýinmegiň, sagdyn iýmitlenmegiň, arassaçylyk kadalaryny berjaý etmegiň, sport bilen meşgullanmagyň, agyz-burun örtüklerini dakynmagyň, bellenilen howpsuz araçägi saklamagyň möhümdigini belläp, bu ugurda gymmatly maslahatlary berdiler. Nedir ATAÝEW,

24 Dekabr 2021

Saglyk

Çekeleşikli ýaryşlar

Golaýda Daşoguz welaýatynyň Gurbansoltan eje adyndaky etrabynyň sport we ýaşlar syýasaty Baş müdirliginiň TMÝG-niň etrap geňeşi, TDP-niň etrap komitetiniň bilelikde guramagynda 4-nji çagalar we ýetginjekler sport mekdebinde erkekleriň we zenanlaryň arasynda agyr atletika boýunça Daşoguz welaýatynyň birinjiligi geçirildi. Oňa welaýatyň sport mekdeplerine wekilçilik eden türgenleriň onlarçasy gatnaşyp, jemi 15 agram derejesinde özara güýç synanyşdylar. Zenanlaryň arasynda 45 kg-de Aýnura Reýimbaýewa, 55 kg-de Asal Kerimbaýewa, 59 kg-de Feruza Dowletowa, 64 kg-de Aziza Kerimbaýewa, 71 kg-de Aýşat Bazarbaýewa dagy gowy netijeleri görkezip, öz agram derejelerinde 1-nji orna mynasyp bolmagy başardylar.

24 Dekabr 2021

Sport

Tehnologiýanyň sportdaky orny

Golf sportuň täzeçillikleri az kabul edýän görnüşleriniň biridir. Muňa garamazdan, onuň has gyzykly bolmagy we janköýerleriniň sanynyň artmagy üçin täze tehnologiýalar ornaşdyrylyp başlandy. Edil gandbolda bolşy ýaly, golfda hem «Oncore Golf» tarapyndan öndürilen ýörite çipli «akylly topjagazlary» ulanmak ýola goýuldy. Bu topjagazlar urgynyň güýji we uçuş tizligi, aralyk, hereketiň belentligi-pesligi barada maglumat bermäge ukyplydyr. Janköýerler üçin wirtual hakykat sportuň bu görnüşine girizilen ýene bir täzelikdir.

24 Dekabr 2021

Sport

Bagtyýarlyga beslenýän ýyllar

Gahryman Arkadagymyzyň peşgeş beren Berkarar döwletimiziň bagtyýarlyk döwri sagdynlygyň, ruhubelentligiň, sportuň zamanasy bolup dabaralanýar, jemgyýetimize sagdyn durmuş ýörelgelerini ornaşdyrmak, sporty we köpçülikleýin bedenterbiýäni ösdürmek boýunça dünýä nusgalyk işler durmuşa geçirilýär. Şöhrata beslenýän täze taryhy döwrüň her bir ýylynda adamlaryň saglygyny goramaklygyň, jemgyýetde sagdynlygyň, sportuň, bagtyýar durmuşyň rowaçlanmagynyň döwlet syýasatynda ileri tutulýan ugurlaryň biridiginiň subutnamasyna öwrülýän şanly wakalar bir-birine ulaşýar. Hormatly Prezidentimiziň parasatly baştutanlygynda uly ösüşlere beslenip, tamamlanyp barýan «Türkmenistan – parahatçylygyň we ynanyşmagyň Watany» ýylynyň şanly wakalary hem munuň aýdyň güwäsidir. 2021-nji ýylyň tomsunda geçirilen Olimpiýa oýunlarynda türgenimiz Polina Gurýewanyň ýurdumyza ilkinji olimpiýa medalyny getirmegi bolsa, elbetde, her birimizi begendiren, buýsandyran waka bolup, türkmen sportunyň belent sepgitleri nazarlaýandygynyň aýdyň nyşanyna öwrüldi. Garaşsyz, hemişelik Bitarap Watanymyzda sport, bedenterbiýe, sagdyn durmuş ýörelgeleri her bir raýatyň, esasan hem, ýaş nesillerimiziň hemişelik hemrasyna öwrüldi. Munuň özi geljegimiziň nuranadygynyň, bagtyýarlyga, sagdynlyga beslenendiginiň aýdyň nyşanydyr.

24 Dekabr 2021

Sport

«Şagadamyň» ikinji Kubogy

Ýurdumyzyň Kubogy ugrundaky bäsleşigiň finaly geçirilip, onda «Ahal» hem-de «Şagadam» toparlary duşuşdylar. Türkmenbaşy şäheriniň «Şagadam» stadionynda geçirilen duşuşykda döreden mümkinçiliklerini has ýerlikli peýdalanan «Şagadam» topary taryhynda ikinji gezek Türkmenistanyň Kubogynyň eýesi boldy. Duşuşyk 1:0 hasabynda tamamlandy. «Şagadam» toparyna ýeňiş getiren topy Mekan Aşyrow öz adyna ýazdyrdy.

24 Dekabr 2021

Sport

Jemleýji tapgyr

Aşgabatda, Türkmenbaşyda hem-de Maryda geçirilen duşuşyklar bilen ýurdumyzyň futbol çempionatynyň nobatdaky möwsümi tamamlandy. Paýtagtymyzyň «Aşgabat» stadionynyň merkezi meýdanynda geçirilen duşuşykda «Ahal» «Merwden» 1:0 hasabynda üstün çykyp, futbol çempionatymyzy ikinji orunda tamamlamagy başardy.

24 Dekabr 2021

Sport

Taryhda şu gün

Ýew­ro­pa­nyň iň güýç­li hok­keý li­ga­sy ha­sap­lan­ýan Kon­ti­nen­tal Hok­keý Li­ga­syn­da­ky (KHL) goý­lan öz­bo­luş­ly re­kord şu gü­ne ga­bat gel­di. 2015-nji ýylyň 25-nji dekabrynda Ýaroslawl şäheriniň «Lokomotiwiniň» derwezeçisi Alekseý Murygin Wladiwostogyň «Admiraly» bilen geçirilen duşuşykda derwezesinden şaýba geçirtmän özboluşly rekord goýdy. Bassyr onunjy duşuşykda gol geçirtmedik Alekseý şonda toparynyň 3:0 hasabynda gazanan üstünliginiň esasy sebäpkäri bolupdy.

24 Dekabr 2021

Sport

«Formula– 1-iň» täze çempiony

Ýakynda Birleşen Arap Emirlikleriniň Abu-Dabi şäherinde «Formula – 1» ýaryşlarynyň jemleýji tapgyry geçirilip, onuň soňky pursatlarynda «Red Bulluň» gollandiýaly sürüjisi Maks Ferstappen «Mersedesiň» britaniýaly sürüjisi, dünýäniň ýedi gezek çempiony Lýuis Hemiltony ozup geçmegi başardy. Şunlukda, soňky ýyllaryň iň gyzgalaňly geçen möwsümi awtosporta täze çempiony sowgat etdi. Toparlaýyn hasapda «Mersedes» ýeňiji bolsa-da, şahsy sanawda nemes toparynyň soňky 4 ýyl bäri çempionlygy elden bermeýän sürüjisiniň agalygy tamamlandy. 24 ýaşly Ferstappen ýedinji möwsüminde ilkinji çempionlygyny gazandy. Geliň, şu ýerde «Formula – 1-iň» täze şasy barada käbir gyzykly maglumatlar bilen tanşalyň!

24 Dekabr 2021

Sport

Sport desgalarynyň taryhyndan

Ilkinji üsti ýapyk hokkeý stadiony 1899-njy ýylda Kanadanyň Monreal şäherinde guruldy. Şeýle sport desgalary, esasan, howa şertleriniň açyk asmanyň astynda oýunlara tomaşa etmäge päsgel berýänligi sebäpli gerek bolupdyr. Hut şeýle futbol stadionlary 1950 — 1960-njy ýyllarda giň ýaýrawda gurlup başlanypdyr. Bu günki gün sportuň woleýbol, basketbol, hokkeý, gandbol... ýaly görnüşlerini üsti ýapyk sport desgasyz göz öňüne getirmek mümkin däl. * * *

24 Dekabr 2021

Sport

Ýaşasyn Parahat Durmuş!

Meniň sözüm – könäň sözi,Meniň sözüm – täzelik däl:Ýaraglaň sesi, sem boluň!Mukaddes zatlaň hakyna,Bütin dünýäniň hakyna,Saklanalyň, adamlar! Millionlarça ykbalaGyýa garamak bolmaýar,Ýowuz daramak bolmaýar!Soňsuz asmanyň hakyna, Beýik Zeminiň hakyna, Saklanalyň, adamlar!

17 Dekabr 2021

Bitaraplyk

Arkadagly zamanamyz ajaýyp

«Türkmenistan – parahatçylygyň we ynanyşmagyň Watany» şygary astynda mukaddes Garaşsyzlygymyzyň 30 ýyllygynyň bellenilýän ýyly köp sanly taryhy wakalary bilen ýadymyzda galar. Ýylyň başyndan bäri eziz Watanymyzyň paýtagtynda we beýleki ýerlerinde dabaraly ýagdaýda açylyp, ulanyşa berlen iri desgalar, ähli ugurlarda, şol sanda sport we ýaşlar syýasaty ulgamlarynda gazanylan üstünlikler, ýetilen sepgitler hemmämiziň göwün guşumyza ganat berdi. Ýurdumyzda amala aşyrylýan her bir döwletli işiň, ýetilýän belent sepgitleriň gözbaşynda halkymyza bagtyýar durmuşy peşgeş beren hormatly Prezidentimiz durýar. Hut şonuň üçinem, täze, 2022-nji ýyly «Halkyň Arkadagly zamanasy» diýip atlandyrmak baradaky başlangyç il-günümiziň arzuw-islegleriniň beýanydyr. Bu ajaýyp teklibi biz – bilim işgärleri we ýurdumyzyň abraýyny belende göterýän türgenleriň tälimçi-mugallymlary hökmünde tüýs ýürekden goldaýarys.

17 Dekabr 2021

Garaşsyzlyk

Türkmenistan — halkara guramalarynyň üns merkezinde

2021-nji ýylyň 11-nji dekabrynda hormatly Prezidentimiziň ýolbaşçylyk etmeginde paýtagtymyzyň Maslahatlar merkezinde geçirilen «Parahatçylyk we ynanyşmak syýasaty – halkara howpsuzlygyň, durnuklylygyň we ösüşiň binýady» atly halkara maslahaty dünýä ähmiýetli waka hökmünde taryha girdi. Halkara maslahatyň dowamynda ençeme halkara guramalary, ilkinji nobatda, Birleşen Milletler Guramasy we onuň ýöriteleşdirilen edaralary bilen ikitaraplaýyn hyzmatdaşlyk etmek boýunça halkara resminamalaryna gol çekildi. Şolaryň arasynda «Birleşen Milletler Guramasynyň Çagalar gaznasynyň (ÝUNISEF) Türkmenistan boýunça 2021—2025-nji ýyllar üçin Maksatnamasyny durmuşa geçirmek babatda Türkmenistanyň Sport we ýaşlar syýasaty ministrligi bilen ÝUNISEF-iň Türkmenistandaky wekilhanasynyň 2022-nji ýyl üçin iş meýilnamasyna», şeýle hem «Ýaşlaryň 2021—2025-nji ýyllar üçin Türkmenistanyň milli ýaşlar syýasatyny durmuşa geçirmäge, gender deňligini we ýaşlaryň gatnaşygyny ilerletmäge gurallaryny pugtalandyrmak» atly taslamany ýerine ýetirmegiň Türkmenistanyň Sport we ýaşlar syýasaty ministrligi bilen Birleşen Milletler Guramasynyň Ilat Gaznasynyň arasyndaky 2022-nji ýyl üçin iş meýilnamasyna gol çekildi.

17 Dekabr 2021

Bitaraplyk

Beýik ösüşlere buýsanç

Hormatly Prezidentimiziň parasatly baştutanlygynda Berkarar döwletimiziň bagtyýarlyk döwründe Garaşsyz, hemişelik Bitarap Türkmenistan Watanymyzda köpçülikleýin bedenterbiýäni we sporty ösdürmek, tutuş jemgyýetimizde, esasanam, ösüp gelýän ýaş nesilleriň arasynda sagdyn durmuş ýörelgelerini ornaşdyrmak hem-de wagyz etmek, netijede bolsa olary sagdyn, beden taýdan berk, ruhubelent adamlar edip ýetişdirmek babatda öwgä mynasyp işler üstünlikli durmuşa geçirilýär. Aziýanyň merjen şäheri bolan gözel paýtagtymyz Aşgabatda, eziz Diýarymyzyň ähli welaýatlarynda bir-birinden ajaýyp dürli sport desgalary gurlup, ulanylmaga berildi. Il-ýurt bähbitli şeýle tutumlaryň dowamat-dowam bolýandygy diýseň buýsandyryjydyr.

17 Dekabr 2021

Sport

Şägirtlerimiziň netijelerine guwanýarys

Türkmenistanyň Sport we ýaşlar syýasaty ministrliginiň Aşgabat şäheriniň sport we ýaşlar syýasaty Baş müdirliginiň guramagynda Garagum sährasynda geçirilen awtomobil sportunyň ralli-reýd görnüşi boýunça paýtagtymyzyň birinjiligini almak ugrundaky ýaryş oňa gatnaşyjylarda ýatdan çykmajak täsirleri galdyrdy. Ýaryşa biziň bilim berýän ýaşlarymyzyň hem gatnaşmagy hem-de birinji orna mynasyp bolmaklary yhlasymyzyň ýerine düşýändigini görkezdi. Ajaýyp sähranyň menzillerini awtoulaglarynda ussatlyk bilen külterlän Maksatmyrat Daňatarow bilen Italmaz Çaryýewiň ekipažy «Nissan Patrol» kysymly sport awtoulagynda çykyş edip, pellehanadan birinji bolup geçdi. Olaryň ikisi-de Türkmenistanyň Awtomobil sporty federasiýasynyň türgenleridir. Şeýle-de, Türkmen döwlet bedenterbiýe we sport institutynyň talyplarydyr. Bilim berýän talyplarymyzyň, sportuň şu görnüşiniň inçe syrlaryny içgin öwredýän ýaşlarymyzyň şeýle üstünlige eýe bolmaklary bizi diýseň guwandyrýar, buýsandyrýar.

17 Dekabr 2021

Garaşsyzlyk

Halkara hyzmatdaşlygyň möhüm ugry

Watanymyzda bellenilen uly toý – Halkara Bitaraplyk güni ýurdumyzyň halkara arenasyndaky abraýyny ýene bir ýola äşgär etdi. Şol günleriň taryhy wakalary bütin dünýäniň ünsüni bedew bady bilen ösýän Watanymyza gönükdirdi. Elbetde, eziz Diýarymyzyň halkara hyzmatdaşlygyndaky orny dünýä üçin nusgalykdyr. Galyberse-de, munuň sport ulgamynda hem şeýledigine ünsi çekmek gerek. Ýurdumyzda geçirilýän dünýä, yklym derejesindäki hem-de beýleki halkara ýaryşlar, olaryň diýseň ýokary guramaçylygy aýdylanlary subut etmek üçin ýeterlikdir. Iň iri sport guramalarydyr, federasiýalary bilen alnyp barylýan hyzmatdaşlyk bolsa munuň üstüni ýetirýär. Şol bir wagtyň özünde hem, BMG-niň degişli guramalary bilen şu ulgamda alnyp barylýan gatnaşyklar Watanymyzyň ösüşiň täze belentliklerine ynamly gadam goýýandygyny görkezýär. Watanymyzyň şeýle ösüşleriniň, özgerişleriniň başynda duran Arkadag Prezidentimiziň üns-aladasy netijesinde amal edilýän taryhy başlangyçlar, ähmiýetli ädimler Watanymyzyň döwrebap ösüşleriniň möhüm bölegidir. Şeýle üstünliklerimiziň ählisiniň gözbaşynda duran Gahryman Arkadagymyzyň jany sag, ömri uzak, belent başy aman bolsun!

17 Dekabr 2021

Bitaraplyk

Dil bilmegiň sportdaky orny

Bu gün eziz Diýarymyz sportuň, bedenterbiýäniň hem-de sagdyn durmuş ýörelgesiniň berkarar edilýän ýurduna öwrülýär. Professional sportumyz taryhy ösüşlere eýe bolýar. Gahryman Arkadagymyzyň döredip berýän giň şert-mümkinçilikleriniň netijesinde sport bilen hünär derejesinde meşgullanmaga döwtalap ýaşlaryň sanynyň günsaýyn artýandygy bolsa sport we ýaşlar syýasaty ulgamynyň utgaşykly ösüşiniň mizemez binýadyny emele getirýär. Türkmen döwlet bedenterbiýe we sport institutynda zähmet çekmek bilen, sporty saýlan ýaşlara bilim bermekde, iňlis dilini öwretmekde yhlasymyzy gaýgyrman zähmet çekýäris. Çünki dil bilmek türgen üçin iň möhüm hem ähmiýetli zatlaryň biridir. Elbetde, professional sportda türgeniň iri ýaryşlara gatnaşmagy, halkara derejesindäki bäsleşiklerde çykyş etmegi adaty ýagdaý bolup durýar. Munuň üçin bolsa türgen dünýäniň dürli ýurtlarynda bolýar. Şol ýerde öz kärdeşleri, ýa bolmasa dünýäniň dürli ýurtlaryndan gelen wekiliýetleriň agzalary bilen gürrüňdeş bolmak arkaly tejribesini hem bilimini artdyrmagy üçin dil bilmegiň zerurlygy örboýuna galýar. Aýratyn hem, halkara dilleriň biri hasaplanylýan iňlis dilini bilmegi türgeniň gözýetiminiň giň bolmagynda örän ähmiýetlidir.

17 Dekabr 2021

Sport

Ýaşlar syýasaty we halkara hyzmatdaşlyk

Daşary syýasatda Bitaraplyk ýörelgesine esaslanýan ýurdumyzda Gahryman Arkadagymyzyň parasatly baştutanlygynda dünýä ýurtlary we halkara guramalary bilen köptaraplaýyn hem-de ikitaraplaýyn gatnaşyklaryň ösüşine uly ähmiýet berilýär. Soňky ýyllarda ýurdumyzda hereketlendiriji güýç hasaplanýan ýaşlar baradaky syýasaty durmuşa geçirmekde milli derejeden halkara derejesine çenli tagallalaryň birleşdirilýändigini bellemek ýerliklidir. Türkmenistanda sagdyn we ýokary düşünjeli ýaş nesli kemala getirmek ugrunda Birleşen Milletler Guramasy bilen bilelikdäki işler yzygiderli dowam etdirilýär. 2018-nji ýylyň 24-nji sentýabrynda Birleşen Milletler Guramasynyň Baş Assambleýasynyň 73-nji sessiýasynyň çäklerinde geçirilen ýokary derejeli çäräniň dowamynda bu guramanyň «Ýaşlar 2030» strategiýasy durnukly ösüş maksatlaryna ýaşlary çekmegiň zerurlygy baradaky tagallalary birleşdirmäge gözükdiriji boldy diýsek, hakykatdan daş düşmeris. Bu işleriň dowamy hökmünde bolsa Birleşen Milletler Guramasynyň Çagalar gaznasynyň (ÝUNISEF) Türkmenistan boýunça 2021–2025-nji ýyllar üçin Maksatnamasyny durmuşa geçirmek babatda Türkmenistanyň Sport we ýaşlar syýasaty ministrligi bilen ÝUNISEF-iň Türkmenistandaky wekilhanasynyň arasynda 2021-nji ýyl üçin Iş meýilnamasynyň tassyklanandygyny ýatlamalydyrys. Gatnaşyklaryň ösüş çygrynda Türkmenistanyň Sport we ýaşlar syýasaty ministrligi bilen Birleşen Millet

17 Dekabr 2021

Bitaraplyk

Sanly bilim ulgamy ösdürilýär

Eşretli zamanamyzda hormatly Prezidentimiziň durmuşa ornaşdyrýan sanly ulgama geçmek baradaky strategik maksatnamalary esasynda ýörite bilim edaralarynyň elektron serişdeler bilen üpjün edilmegi, baýlaşdyrylmagy we bu işiň kämil derejede ýola goýulmagy jemgyýetimiziň intellektual kuwwatynyň has hem kämilleşmegine, bilimiň hiliniň ýokarlanmagyna itergi berdi. Häzirki wagtda ylmyň we tehnikanyň iň soňky gazanan enjamlary bilen enjamlaşdyrylan täze döwrebap bilim ojaklarynda ýagty gelejegimiziň eýeleri bolan ýaşlarymyza ähli mümkinçilikler döredilip berildi. Dünýäniň ähli döwletlerinde bolşy ýaly, biziň ýurdumyzda hem sanly ulgama geçilmegi bilen, diňe bir talyp ýaşlaryň däl, eýsem, halypa mugallymlaryň hem elektron maglumatlaryny giňden peýdalanmaklary we ulanmaklary üçin ähli şertler döredilip berildi. Şeýle hem uzak aralykdan (medisina, psihologiýa, žurnalistika, taryh) sapaklaryň guralmagy talyplaryň, professor-mugallymlaryň ylmy işleri bilen tanyşmagy we baýry ýokary okuw mekdepleri bilen wideoaragatnaşyk esasynda bir ulgama birigip sapaklaryň guralmagy has hem kämilleşdirilýär. Bu işde hormatly Prezidentimiziň Karary esasynda kabul edilen «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň» orny hem örän ýokarydyr. Sebäbi bu resminama Berkarar döwletimiziň bagtyýarlyk döwründe ýaşlar baradaky döwlet syýasatyny üstün

17 Dekabr 2021

Tehnologiýa

Gyzykly bäsleşikler

Aşgabat şäheriniň sport we ýaşlar syýasaty Baş müdirligi Türkmenistanyň Sport we ýaşlar syýasaty ministrliginiň tabşyrygy esasynda hem-de Türkmenistanyň Keselleriň ýaýramagyna garşy göreşýän adatdan daşary toparynyň mejlisiniň Teswirnamasyndaky çözgütlere laýyklykda birnäçe bäsleşikleri gurady. 7 — 10-njy dekabr aralygynda «Gökje» sport desgasynda stol tennisi boýunça Aşgabat şäheriniň birinjiligi geçirildi. Netijede oglanlaryň arasynda 1-nji orna Ylýas Allanazarow, 2-nji ýere Alibek Jumanow, 3-nji orna Yslam Rozyýew hem-de gyzlaryň arasynda Bägül Begenjowa 1-nji, Nabat Babaýewa 2-nji, Aýnur Berdiýewa 3-nji orunlara mynasyp boldular.

17 Dekabr 2021

Sport