"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Ýyllar gelýär bir-birinden zyýada

Mukaddes Garaşsyzlygymyzyň 30 ýyllyk şanly senesiniň hem-de hemişelik Bitaraplygymyzyň 26 ýyllygynyň dabaralaryna beslenen «Türkmenistan – parahatçylygyň we ynanyşmagyň Watany» ýyly eziz Diýarymyzyň taryhyna altyn harplar bilen ýazylan üstünlikler bilen ýatda galdy. Şol ýylda hormatly Prezidentimiziň tagallalarynyň netijesinde ýurdumyzda köp sanly durmuş-ykdysady maksatly binalardyr desgalar gurlup, ulanylmaga berildi, ençeme halkara maslahatlardyr forumlar guraldy, halkymyzyň ýaşaýyş durmuş derejesini ýokarlandyrmak boýunça oňyn özgertmeler durmuşa geçirildi. Ähli ugurlardaky üstünlikler bilen bir hatarda, sport ulgamynda hem taryhy netijeler gazanyldy. Şolaryň hatarynda Tokioda geçirilen ХХХII tomusky Olimpiýa oýunlarynda ýokary okuw mekdebimiziň talyby Polina Gurýewanyň türkmen sportunyň taryhyndaky ilkinji olimpiýa medalyny gazanyp, ýurdumyza uly abraý getirmegi aýratyn bellenilmäge mynasypdyr. Mundan başga-da, türkmen türgenleri birnäçe halkara ýaryşlarynda ýokary netijeler bilen begendirdiler.

31 Dekabr 2021

Garaşsyzlyk

Kämilligiň gözbaşy

Ýurdumyzyň bilim ulgamynda bolup geçýän özgertmeleriň esasy maksady Watanymyzyň geljegi bolan ýaş nesle berilýän bilimiň we terbiýäniň hiliniň barha ýokarlanmagyny gazanmakdan ybaratdyr. Hut şu maksat bilen, 2017-nji ýylyň dekabrynda hormatly Prezidentimiz «Türkmenistanda sanly bilim ulgamyny ösdürmegiň Konsepsiýasyny» we «Türkmenistanda daşary ýurt dillerini okatmagy kämilleşdirmegiň Konsepsiýasyny» tassyklady. Bu möhüm resminamalary üstünlikli durmuşa geçirmek ähli bilim işgärleriniň, şol sanda daşary ýurt dillerini öwredýän mugallymlaryň hem borjudyr.

31 Dekabr 2021

Sport

Arkadagly Diýara täze ýyl geldi

Täze – 2022-nji ýylyň «Halkyň Arkadagly zamanasy» diýip yglan edilmegi ýüreklerimizi joşdurdy, kalplara ylham nuruny paýlady. Milli Lideri bilen dünýä çykan türkmen halky bu günki gün dünýäde uly abraýdan peýdalanýan Türkmenistanyň raýatydygyna buýsanýar. «Türkmenistan – parahatçylygyň we ynanyşmagyň Watany» şygary astynda geçen ýyly üstünlikli jemlän ýurdumyz täze ýyly uly ruhubelentlikde garşy aldy. Gahryman Arkadagymyzyň parasatly baştutanlygynda ýyldan-ýyllara özgerýän eziz Diýarymyz ýaşamak üçin dünýäniň iň bir amatly ýurtlarynyň hataryna çykdy. Şunda türkmen sportuny ösdürmek barada durmuşa geçirilen beýik işleri hem ýatlaman geçmek bolmaz. Gahryman Arkadagymyzyň «Milli sporty mundan beýläk-de ösdürmeli, bu bolsa ýaşlary bedenterbiýe we sport bilen meşgullanmaga köpçülikleýin çekmegi göz öňünde tutýar» diýen parasatly sözleri milli Liderimiziň amal edýän beýik işlerinde, biziň gündelik durmuşymyzda öz aýdyň beýanyny tapýar.

31 Dekabr 2021

Garaşsyzlyk

Ýaşlar – ýurduň gelejegi

Berkarar döwletimiziň bagtyýarlyk döwründe «Türkmenistanda ýaşlar baradaky döwlet syýasatynyň 2021 – 2025-nji ýyllar üçin Döwlet maksatnamasyny» üstünlikli amala aşyrmak, şeýle-de, zähmetsöýer, ylymly-bilimli, watansöýüji, ynsanperwer, ýurduň hemmetaraplaýyn ösüşine mynasyp goşant goşýan kämil nesilleri terbiýeläp ýetişdirmek hem-de ýaşlarda ruhy-ahlak gymmatlyklaryny, sagdyn durmuş ýörelgelerini kemala getirmek ugrunda giň gerimli işler durmuşa geçirilýär. Şeýle hem meýletinçilik hereketiniň ähmiýetini düşündirmek maksady bilen, Türkmenistanyň Sport we ýaşlar syýasaty ministrligi Bilim ministrligi, Gyzyl Ýarymaý Milli jemgyýeti bilen bilelikde sanly ulgam arkaly «Türkmen ýaşlary – golunda eýýamyň beýik işleri» atly okuw-maslahatlaryň Meýilnamasyna laýyklykda, şu ýylyň sentýabr – dekabr aýlarynda sanly wideoaragatnaşyk arkaly okuw-maslahatlaryň jemi 13-sini geçirdi. Duşuşyklarda ýaş meýletinçileriň arasynda ýokanç kesellere garşy göreş, arassaçylyk düzgünlerini dogry berjaý etmek, adatdan daşary ýagdaýlar ýüze çykanda deslapky ilkinji kömegini bermek baradaky okuwlaryň ähmiýeti, «Türkmenistanda ýaşlar barada döwlet syýasatynyň 2021 – 2025-nji ýyllar üçin Döwlet maksatnamasynyň» çäklerinde ýurdumyzyň ýaşlar barada döwlet syýasatynyň çygryndaky kanunçylygynyň kämilleşdirilmegi we bu işlere ýaşlary çekmekde ýaş meýletinçileriň orny barada düşündirildi. Döwletiň we jemgyýetiň ähl

31 Dekabr 2021

Sport

Gyzykly bäsleşikler

Berkarar döwletimiziň bagtyýarlyk döwründe ýurdumyzda bedenterbiýäni we sporty, şol sanda futboly we köpçülikleýin bedenterbiýe-sagaldyş hereketini ösdürmek hem-de sport we ýaşlar syýasatyny wagyz etmek maksady bilen, Aşgabat şäheriniň sport we ýaşlar syýasaty Baş müdirligi we Türkmenistanyň Sport we ýaşlar syýasaty ministrliginiň Futbol boýunça geljekki olimpiýaçylaryñ ýöriteleşdirilen çagalar-ýetginjekler sport mekdebi 2005-nji we 2007-nji ýyllarda doglan ýetginjekleriň arasynda Aşgabat şäheriniň birinjiligini geçirdi. Ýaryşlar «Aşgabat» köpugurly stadionynyň merkezi meýdanynda 18 – 27-nji dekabrda geçirildi. Ýaryşa 2005-nji ýylda doglan ýetginjeklerden düzülen 6 topar gatnaşdy. Olar GOÝÇÝSM-2005, GOÝÇÝSM-2006, «Aşgabat», «Altyn täç», «Olimp», «Köpetdag» toparlarydyr. 2007-nji ýylda doglan ýetginjekleriň arasynda hem 6 topar bäsleşdi. Olar GOÝÇÝSM, «Aşgabat», «Altyn täç», «Köpetdag», «Ahal Köpetdag» we «Diýar» toparlary.

31 Dekabr 2021

Sport

Welaýatlardan habarlar

Ýolöten etrap sport we ýaşlar syýasaty bölüminiň sport mekdebi 2014-nji ýylda gurlup, ulanylmaga berildi. Bu ýerde ýaş türgenleriň sagdyn durmuş ýörelgesine eýermeklerini gazanmakda tejribeli tälimçiler meýilnamalaýyn işleri durmuşa geçirýärler. Sport mekdebinde ýaşlar sportuň 15 görnüşi boýunça türgenleşýär. Ýaş türgenleriň 700-e golaýyna ussat tälimçileriň 28-si tälim berýär. Tälimçiler Azat Akmyradowyň, Agajan Hojanyýazowyň, Söhbet Agageldiýewiň, Hurma Abdyýewanyň, Nurmuhammet Allaýarowyň şägirtleri has-da netijeli çykyş edýärler.

31 Dekabr 2021

Sport

Muny bilmek gyzykly

Dünýäde iň uzyn basketbolçy hytaýly Sun Min bolup, onuň boýy 236 santimetr, agramy 152 kilogramdyr. ***

31 Dekabr 2021

Sport

Taryhda şu gün

Ýeri gelende bellesek, Ý.Isinbaýewa 2009-njy ýylyň fewralynda bäş metr beýikligi yzda galdyran ýeke-täk zenan türgen diýen ada mynasyp boldy. Bu türgen mundan öň 2006-njy hem-de 2008-nji ýyllarda ýylyň iň ökde türgeni baýragyna mynasyp görlüpdi. Erkek türgenleriň arasynda bu abraýa bassyr ikinji gezek ýeňil atletikanyň ýamaýkaly ussady Useýn Bolt eýe boldy.

31 Dekabr 2021

Sport

Taryha giren ýylyň taryhy pursatlary

Geçen – 2021-nji ýylda dünýä sporty ýatda galyjy wakalara örän baý boldy. Onuň dowamynda futbol boýunça Ýewropa çempionatymy, Olimpiýa oýunlarymy, «Formula-1» ýaryşlaryndaky çempionyň soňky tapgyrda belli bolmagymy, garaz, netijeli geçen ýyl türkmen sportunyň hem taryhyna altyn harplar bilen ýazyldy. Hawa, gazanylan ýeňişleriň arasynda ildeşimiz, agyr atletikaçy Polina Gurýewanyň Tokio Olimpiadasyndaky kümüş medaly altyna barabardyr. Çünki türkmen sportunyň taryhyndaky ilkinji olimpiýa medalynyň hut geçen ýyla gabat gelmegi tötänleýin däldir. Diňe bir agyr atletikada bolman, eýsem-de, sportuň beýleki görnüşlerinde hem türgenlerimiz halkara arenalarynda birnäçe wajyp ýeňişleri gazanmagy başardylar. Ýurdumyzda sporty ösdürmekde uly tagalla edýän hormatly Prezidentimiziň bu ugurdaky işleriniň rowaç alýandygy diýseň guwandyryjydyr. Tokioda geçirilen Olimpiýa oýunlarynda ildeşimiz Polina Gurýewanyň gazanan taryhy üstünliginden başga-da, dünýä sportunda ýatda galyjy wakalar barmak büküp sanardan köp boldy. Şolaryň arasynda 100 metr aralyga ylgamakda italiýaly Lamont Marsel Jeýkobsyň gazanan altyn medaly, zenan türgenleriň arasynda ilkinji bolup 100 hem-de 200 metr aralyga ylgamakda altyn medallara mynasyp bolan ýamaýkaly Eleýn Tompson-Heranyň taryhy netijesi, basseýnde geçirilen bäsleşiklerde 18 ýaşly tunisli Ahmed Hafnauiniň adygan garşydaşlaryny yzda galdyryp, 400 metr aralyga erk

31 Dekabr 2021

Sport

Arkadagly ýurduň geljegi ýaşlar

Berkarar döwletimiziň bagtyýarlyk döwründe döwlet Baştutanymyzyň başlangyçlary esasynda ýaşlaryň durmuş üpjünçiligini kepillendirýän milli kanunçylyk ulgamy döredildi. «Ýaşlar barada döwlet syýasaty hakynda» Türkmenistanyň Kanuny kabul edilip, ýurdumyzda ýaşlary döwlet tarapyndan goldamak babatynda utgaşykly işler ýola goýuldy. Şunuň bilen baglylykda, häzir ýaşlar döwlet, häkimiýet, dolandyryş edaralarynda, ykdysadyýetimiziň ähli pudaklarynda milli hem-de döwlet maksatnamalarymyzyň üstünlikli durmuşa geçirilmegi ugrunda netijeli zähmet çekýärler. Hormatly Prezidentimiziň degişli Karary bilen 2021-nji ýylyň 8-nji ýanwarynda «Türkmenistanda ýaşlar baradaky döwlet syýasatynyň 2021–2025-nji ýyllar üçin Döwlet maksatnamasynyň hem-de ony amala aşyrmak üçin ýerine ýetirilmeli çäreleriň meýilnamasynyň» kabul edilmegi ýurdumyzyň ýaş raýatlarynyň syýasy hukuklaryny we azatlyklaryny, döwletiň we jemgyýetiň ykdysady, syýasy hem-de medeni durmuşyna işjeň gatnaşmaklaryny üpjün etmäge, şeýle hem olarda belent ruhy-ahlak ýörelgeleriň emele gelmegine, ösüp gelýän nesli watançylyk, ynsanperwerlik hem-de zähmetsöýerlik ruhunda terbiýelemäge uly itergi berdi. Döwlet maksatnamasynyň çäklerinde 2021-nji – «Türkmenistan – parahatçylygyň we ynanyşmagyň Watany» ýylynyň dowamynda hormatly Prezidentimiziň başlangyçlaryndan ugur alyp, welaýatlaryň we Aşgabat şäheriniň sport we ýaşlar syýasat

24 Dekabr 2021

Garaşsyzlyk

Sagdynlygyň we bagtyýarlygyň binýady

Sagdynlyk ruhubelentlikden başlanýar. Sport – ruhubelentligiň gözbaşy. Ruhubelentlik, sport we sagdynlyk biri-biri bilen berk baglanyşykly düşünjelerdir. Gahryman Arkadagymyzyň ýurdumyzda köpçülikleýin bedenterbiýäni we sporty ösdürmek ugrunda alyp barýan işleri sagdyn durmuş ýörelgelerini berkarar etmäge gönükdirilendir. Hormatly Prezidentimiziň taýsyz tagallalarynyň netijesinde bu gün ýurdumyzyň ähli künjeklerinde döwrebap sport toplumlary, stadionlar we ençeme beýleki sport binalarydyr desgalary yzygiderli gurlup, ulanylmaga berilýär. Ýurdumyzyň sport äleminde gazanýan üstünlikleri ýokary netijeli sporty we köpçülikleýin bedenterbiýäni ösdürmek boýunça amala aşyrylýan işleriň oňyn netije berýändigine şaýatlyk edýär.

24 Dekabr 2021

Saglyk

Türkmenistan – Gazagystan Respublikasy: Ikitaraplaýyn hyzmatdaşlygyň möhüm ugurlary

Hormatly Prezidentimiziň baştutanlygynda ýurdumyz bütin dünýäde ygtybarly hyzmatdaş hökmünde tanalýar. Merkezi Aziýa sebitinde ýerleşýän Gazagystan Respublikasy bilen Türkmenistanyň arasyndaky gatnaşyklar hem soňky ýyllarda täze many-mazmuna beslenýär. Türkmenistan 1992-nji ýylyň 5-nji oktýabrynda gol çekilen Teswirnama esasynda Gazagystan Respublikasy bilen diplomatik gatnaşyklary ýola goýdy. Türkmenistanyň başlangyjy bilen BMG-de döredilen Bitaraplygyň dostlary toparyna Gazagystanyň hem goşulandygy, şeýle-de, Merkezi Aziýada öňüni alyş diplomatiýasy meselesi hem-de pandemiýa döwründe we ondan soňky döwürde ulag ulgamynda hyzmatdaşlyk etmek boýunça Kararnamalara awtordaşlyk edýändigi aýratyn bellenilmäge mynasypdyr.

24 Dekabr 2021

Hyzmatdaşlyk

Beýik işler rowaç alýar

Gahryman Arkadagymyzyň peşgeş beren ajaýyp zamanasynda mähriban halkymyz her bir ýyly uly üstünliklere besleýär. Berkarar döwletimiziň bagtyýarlyk döwrüniň her ýyly taryhyň täze sahypasyny açyp, ildeşlerimizi belent maksatlara ruhlandyrýar. Ýurdumyzda her ýyly döwrüň ruhuna, joşgunyna laýyk gelýän şygar bilen atlandyrmak asylly däbe öwrüldi. Tamamlanyp barýan 2021-nji ýylyň «Türkmenistan – parahatçylygyň we ynanyşmagyň Watany» diýen şygar bilen şanlandyrylmagy hormatly Prezidentimiziň halkara arenasynda öňe sürýän asylly başlangyçlary, umumadamzat bähbitli tagallalary bilen baglanyşykly bolupdy. Ýylyň dowamynda Watanymyz halkara gatnaşyklarda onuň şygaryna mynasyp ösüşleri gazandy, belent sepgitlere ýetdi. Bularyň ählisi mukaddes Garaşsyzlygymyzyň şanly 30 ýyllygynyň, hemişelik Bitaraplygymyzyň 26 ýyllygynyň dabaralarynda hem äşgär boldy. Ýurdumyzyň jemi içerki önüminiň ýokary derejesi, halkymyzyň durmuş abadançylygy, söwda-ykdysady we diplomatik gatnaşyklaryň ösüşi hem tamamlanyp barýan ýylyň aýratyn bellenilmäge laýyk üstünlikleriniň hatarynda durýar. Türkmenistanly türgenleriň halkara ýaryşlarynda görkezen netijeleri, hususan-da, Tokioda geçirilen XXXII tomusky Olimpiýa oýunlarynda gazanylan kümüş medal ýurdumyzyň sport ulgamynda hem uly üstünlikleri nazarlaýandygyna şaýatlyk edýär. Şeýle mysallar barmak büküp sanardan köpdür.

24 Dekabr 2021

Garaşsyzlyk

Sport-ulag merkezinde

Türkmenistanyň Sport we ýaşlar syýasaty ministrliginiň Aşgabat şäheriniň sport we ýaşlar syýasaty Baş müdirliginiň guramagynda Türkmenistanyň Içeri işler ministrliginiň Sport-ulag merkezinde awtomobil sportunyň karting we «volcikar» görnüşi boýunça paýtagtymyzyň birinjiligini almak ugrundaky ýaryş geçirildi. Ol ýaryşa Türkmenistanyň Awtomobil sporty federasiýasynyň, Türkmenistanyň Içeri işler ministrliginiň Sport-ulag merkeziniň türgenleri hem-de Türkmen döwlet bedenterbiýe we sport institutynyň talyplarydyr mugallymlary gatnaşdylar. Karting boýunça 125 kub sm howa görnüşli sport awtoulagynda çykyş eden Türkmenistanyň Awtomobil sporty federasiýasynyň türgeni Sähet Kuliýew ýeňiji boldy. Federasiýanyň türgeni Pawel Şedrin bolsa 2-nji orny eýeledi. Türkmen döwlet bedenterbiýe we sport institutynyň mugallymy hem-de Türkmenistanyň Awtomobil sporty federasiýasynyň türgeni hökmünde bu ýaryşa gatnaşan Annamuhammet Medžekow paýtagtymyzyň birinjiliginde üçünji orny eýeledi.

24 Dekabr 2021

Sport

Aýdyň wezipeleri utgaşdyrýan gurama

Sagdyn bedenli, ösen aň-düşünjeli, bilimli, ahlak taýdan arassa ýaşlary kemala getirmekde «Türkmenistan» Ýaşlar bedenterbiýe-sport guramasyna möhüm orun degişli bolup durýar. Bu ugurda biziň ýurdumyzyň ähli künjeklerinde guraýan wagyz-nesihat duşuşyklarymyz diýseň ähmiýetlidir. Golaýda şeýle möhüm taslamalarymyzyň ýene biri – ýurdumyzyň ähli künjeklerinde zähmet çekýän bedenterbiýe mugallymlary bilen guran okuwlarymyz tamamladyk. Munuň oňyn netijesini berjekdigine ynanýarys. Çünki bedenterbiýe sapaklarynyň kämilleşdirilmegi ugrundaky okuw sapagy bu ugruň iň soňky tejribesine esaslanmagy öňe sürýär. Mundan başga-da, täze sport görnüşleriniň ösdürilmegi ugrundaky tagallalaryň ähmiýetini özünde jemleýär.

24 Dekabr 2021

Saglyk

Türgenlerimiziň şowly çykyşlary

19-njy dekabrda agyr atletika boýunça Aşgabat şäheriniň birinjiligi geçirildi. «Aşgabat» köpugurly stadionynda ýaýbaňlandyrylan bäsleşikde 6-njy sport mekdebiniň türgenleri hem üstünlikli çykyş etdiler. Mekdebiň türgenleri sargyt eden agramlaryny götermegi başaryp, öňdäki orunlary eýelän ýaşlaryň hataryna goşuldylar. Şeýlelikde, Kerim Matkarimow 41 kilogram agramda, Wepa Karimow 67 kg-de, Batyr Arazow +109 kg-de çykyş edip, birinji orny eýelediler. Batyr Ataýew 38 kilogram agramda, Resul Hangeldiýew 41 kg-de, Baýram Durdyýew 55 kg-de, Saparaly Muhyýew 96 kilogram agramda çykyş edip, 2-nji orna mynasyp boldular. Adam Halbekow 89 kilogram agramda we Döwlet Hoşgeldiýew 96 kilogram agramda çykyş edip, 3-nji orny eýelediler.

24 Dekabr 2021

Sport

Gyzykly bäsleşikler

Aşgabat şäheriniň sport we ýaşlar syýasaty Baş müdirligi Türkmenistanyň Keselleriň ýaýramagyna garşy göreşýän adatdan daşary toparynyň mejlisiniň Teswirnamasyndaky çözgütlere laýyklykda birnäçe bäsleşikleri gurady. 17 – 19-njy dekabrda bilýard boýunça Aşgabat şäheriniň birinjiligi geçirildi. «Diňe öňe» bilýard merkezinde geçirilen ýaryşa 42 türgen gatnaşdy.

24 Dekabr 2021

Sport

Sport we ýaşlar syýasaty

Şu günler paýtagtymyz Täze ýyl baýramy mynasybetli dürli baýramçylyk bezegleri bilen bezeldi. Bu bolsa ildeşlerimiziň baýramçylyk şowhunyny has-da artdyrdy. Paýtagtymyzyň sport desgalary hem Täze ýyl baýramçylygy mynasybetli dürli yşyklardyr bezeglere bürenipdir. Binalaryň öňünde bezelen Täze ýyl arçalary bolsa, esasan hem, çagalary özüne çekýär. Bilşimiz ýaly, türkmen türgenleri hem «Türkmenistan – parahatçylygyň we ynanyşmagyň Watany» ýylyny uly üstünliklere beslediler. Nesip bolsa, 2022-nji ýylyň hem türkmen türgenleri üçin düşümli ýyllaryň biri boljagyna ynanýarys. Munuň üçin ýurdumyzda uly mümkinçilikler döredilendir. Gülşat ATAÝEWA,

24 Dekabr 2021

Sport

Pälwançylyk ýoly

Ýaş olimpiýaçylary taýýarlaýyş mekdebi ýurdumyzyň sport abraýyny beýgeldýän ýaş türgenleri hem-de olary taýýarlaýan ussat tälimçi-mugallymlary bilen meşhurdyr. Türgen hökmünde grek-rim göreşi we erkin göreş görnüşleri boýunça milli hem-de halkara derejedäki ýaryşlarda üstünlik gazanyp, häzirki wagtda çempionlaryň täze neslini ýetişdirmek ugrunda yhlasyny gaýgyrmaýan tälimçi-mugallym Berdi Atabaýew hem şolaryň biridir. Pälwançylyk ýoluna ykbalyny baglan Berdi Atabaýew 1986-njy ýylda Ahal welaýatynyň Tejen şäherinde dünýä inýär. Kiçilikden basketbol, boks, karate ýaly görnüşler boýunça özüni synap görse-de, ahyrynda erkin göreşi hem-de grek-rim göreşini saýlap alýar. 1999-njy ýylda Aşgabada gelip, «Olimp» orta sport mekdebine okuwa girýär. Türgenleşiklerde taplanyp, 2000-nji ýylda 42 kilogram agram derejesinde ýetginjekleriň arasynda Aşgabadyň we Türkmenistanyň çempiony bolmagy başarýar. Soňrakky ýyllarda-da milli we halkara ýaryşlarda üstünlikli çykyş edip, baýrakly orunlary gazanýar.

24 Dekabr 2021

Sport

Türkmenistan – sagdynlygyň ýurdy

Sagdynlygyň, ruhubelentligiň, sportuň eýýamy bolup dabaralanýan Berkarar döwletimiziň bagtyýarlyk döwri halkymyzyň sagdyn, bagtyýar, eşretli durmuşda ýaşamagy üçin ähli şert-mümkinçilikleriň döredilen zamanasydyr. Häzirki wagtda «Türkmenistanyň Prezidentiniň ýurdumyzy 2019 – 2025-nji ýyllarda durmuş-ykdysady taýdan ösdürmegiň Maksatnamasyndan» we beýleki il bähbitli, ýurt ähmiýetli tutumlardan gelip çykýan wezipelere laýyklykda alnyp barylýan işler, elbetde, dünýä nusgalyk bolup dabaralanýar. Şol işleriň hatarynda ynsan saglygyny goramagyň, keselleriň öňüni almagyň, şeýdibem, adamlaryň ömrüni uzaltmagyň, ylymly-bilimli sagdyn nesli kemala getirmegiň, köpçülikleýin bedenterbiýäni, sporty ösdürmegiň, sagdyn durmuş ýörelgesini ýaýbaňlandyrmagyň esasy orunda durýanlygy buýsandyryjydyr.

24 Dekabr 2021

Saglyk