"Türkmeniň ýüpek ýoly" gazeti

Esaslandyryjysy: "Türkmendemirýollary" agentligi
Salgysy: Aşgabat şäheri, Arçabil şaýoly 162-nji jaýy
Telefon belgileri: 94-27-68

Gazeti PDF görnüşinde ýükläp almak

Habarlar

Türkmenistanyň we Eýran Yslam Respublikasynyň gümrük gulluklary hyzmatdaşlygy berkidýärler

28-nji awgustda Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň baştutanlygyndaky Türkmenistanyň wekiliýetiniň Tähran şäherine bolan iş saparynyň çäklerinde, Türkmenistanyň Döwlet gümrük gullugynyň we Eýran Yslam Respublikasyna Gümrük müdirliginiň başlyklarynyň arasynda duşuşyk geçirildi. Duşuşykda iki döwletiň Gümrük edaralarynyň arasyndaky hyzmatdaşlygyň häzirki ýagdaýy we geljekki ileri tutulýan ugurlary barada pikir alyşmalar boldy. Özara maglumat alyşmagyň iki döwletiň arasyndaky haryt dolanyşygynyň ýokarlanmagyna ýetirýän oňyn täsiri nazara alnyp, harytlar we ulag serişdeleri barada deslapky maglumatlaryň, gümrük statistiki maglumatlarynyň, harytlaryň bahasy barada maglumatlaryň alyşylmagy barada meselä üns berildi.

30 Awgust 2024

Hyzmatdaşlyk

Türkmenistan we Eýran deňiz ulaglary pudagynda hyzmatdaşlygy pugtalandyrýar

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Eýran Yslam Respublikasyna iş saparynyň çäklerinde 2024-nji ýylyň 28-nji awgustynda Türkmenbaşy Halkara deňiz porty bilen Eýran Yslam Respublikasynyň Amirabad portunyň arasynda doganlyk port gatnaşyklary barada özara düşünişmek hakynda Ähtnama gol çekildi. Häzirki wagtda Türkmenistan goňşy ýurtlar bilen ykdysady gatnaşyklary pugtalandyrmaga aýratyn üns berip, halkara hyzmatdaşlygyny işjeň ösdürýär. Şeýle hyzmatdaşlygyň aýdyň mysallarynyň biri Türkmenbaşy Halkara deňiz porty bilen Eýran Yslam Respublikasynyň Amirabad portunyň arasynda özara düşünişmek hakynda Ähtnama gol çekilmegi bolup durýar.

30 Awgust 2024

Hyzmatdaşlyk

Türkmenistan — Eýran: döwletara gatnaşyklary pugtalandyrmagyň ýolunda möhüm ädim

28-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Eýran Yslam Respublikasynda boldy. Saparyň çäklerinde Gahryman Arkadagymyz Prezident Masud Pezeşkian hem-de Beýik ruhy lider Aýatolla Seýed Ali Hoseýni Hameneýi bilen gepleşikleri geçirdi. Irden paýtagtymyzyň Halkara howa menzilinde türkmen halkynyň Milli Liderini resmi adamlar ugratdylar.

29 Awgust 2024

Syýasat

Gahryman Arkadagymyz Eýran Yslam Respublikasynyň Beýik ruhy Lideri bilen duşuşdy

28-nji awgustda günüň ikinji ýarymynda Tähranda iş sapary bilen bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Beýik ruhy Lideri Aýatolla Seýed Ali Hoseýni Hameneýi bilen duşuşdy. Aýatolla Ali Hameneýi Gahryman Arkadagymyzy mähirli mübärekläp, Türkmenistan bilen Eýranyň arasynda köp asyrdan bäri dowam edýän we häzirki döwürde okgunly ösdürilýän gatnaşyklaryň derejesine ýokary baha berdi. Şol gatnaşyklar bolsa, dost-doganlyk, hoşniýetli goňşuçylyk we özara hormat goýmak ýörelgelerine esaslanýar.

29 Awgust 2024

Syýasat

Sanly ulgama geçmek — ykdysady ösüşiň möhüm şerti

Milli ykdysadyýetimiziň ähli pudaklaryna sanly tehnologiýalaryň ornaşdyrylmagy «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynyň» baş ugry hem-de ösen ýurtlaryň derejesine çykmagyň, bilimlere, innowasiýalara daýanýan ykdysady ösüşiň durnukly depginini üpjün etmegiň möhüm şerti bolup durýar. Tehnologik taýdan ösen döwletleriň tejribesinden görnüşi ýaly, hut sanlylaşdyrmak işi olara batly depginler bilen öňe gitmäge hem-de dünýäniň öňdebaryjy ýurtlarynyň hataryna goşulmaga mümkinçilik berdi. Şunuň bilen baglylykda, hormatly Prezidentimiz Serdar Berdimuhamedow ýurdumyzyň Hökümetine, ministrlikleriň we pudaklaýyn dolandyryş edaralarynyň ýolbaşçylaryna ähli derejede halkara hyzmatdaşlygy giňeltmek babatda tabşyryklary berýär. Türkmenistanyň ösüşiniň geljegi daşarky şertler bilen, ýagny dünýä hojalyk gatnaşyklaryna mundan beýläk-de goşulyşmak, özara bähbitli söwda-ykdysady, maýa goýum hyzmatdaşlygyny işjeňleşdirmek, ylmy-tehniki ösüşiň barşynda özara gatnaşyklaryň täze ugurlaryny ýüze çykarmak, adamzat üçin umumy meseleleriň ylalaşylan çözgütlerini işläp taýýarlamak bilen gönüden-göni baglanyşyklydyr. Döwlet Baştutanymyz orta möhletli geljekde ykdysadyýetiň ähli pudaklaryna

29 Awgust 2024

Ykdysadyýet

“Kamaz” Türkmenistanda ýerli brend bilen tehnika önümçiligini ýola goýmagy teklip edýär

27-nji awgustda Kazanda geçirilen Söwda-ykdysady, ylmy-tehniki we medeniýet hyzmatdaşlygy boýunça türkmen-tatar iş toparynyň bilelikdäki mejlisinde “Kamaz” Daşary söwda kompaniýasy paýdarlar jemgyýetiniň sebit direktory Marat Garifullin “Kamaz” kompaniýasynyň Türkmenistanda önümçiligi ýola goýmagy teklip edýändigi barada aýdyp geçdi. Gürrüň Türkmenistanda (eýýäm “Kamaz” hyzmat ediş merkezleri hereket edýär) tehnika öndürmek üçin täze desganyň döredilmegi baradadyr. Garifulliniň aýtmagyna görä, munuň ýaly önümçiligi ýola goýmagyň dürli görnüşleri ara alnyp maslahatlaşylýar, üstesine-de tatar tarapy bu önümçiligi ýerli bredniň adyndan çykarmagy teklip edýär. Türkmenistanyň Maliýe we ykdysadyýet ministri Serdar Joraýew bu teklibi goldap, türkmen bazarynda “Kamaz” önümleriniň köpgörnüşliligini belläp, munuň bilen baglylykda Türkmenistanda onuň önümçiliginiň ýola goýulmagy we bilelikdäki kärhana görnüşinde hereket etmegi barada maslahatlaşylýandygy barada aýtdy.

29 Awgust 2024

Hyzmatdaşlyk

Russiýa Federasiýasynyň Hazar deňzindäki portlary "Demirgazyk-Günorta" halkara ulag-üstaşyr geçelgesiniň ösüşi arkaly ýük daşamagy artdyrýar

"Demirgazyk - Günorta" halkara ulag-üstaşyr geçelgesiniň Hazarüsti böleginiň işjeň ösmegi, Hazar deňiz portlarynda, esasanam Astrakhan we Olýa deňiz portlarynda ýük dolanşygyň ösüşinde oňyn dinamika döredýär. Russiýa Federasiýasynyň Astrakhan sebitiniň senagat, söwda we energiýa ministrliginiň habaryna görä, 2024-nji ýylyň ýanwar-iýul aýlarynda Astrakhan we Olýa deňiz portlaryndan ýük dolanyşygy geçen ýylyň degişli döwri bilen deňeşdirilende 36% ýokarlandy we 3,2 million tonna ýetdi. Şol bir wagtyň özünde, import ýükleriň ýedi aýyň dowamynda iberilmegi 64% (623 müň tonna çenli), eksport ýükleri 30% (2,4 million tonna çenli), kenarýaka ýükleri 29% (138 müň tonna çenli)) ýokarlandy. Olýa deňiz porty, Astrakanyň 100 km günortasynda, Wolga derýasynyň deltasynda, Wolga-Hazar deňiz gämi kanalynyň 67 km-de ýerleşýär.

29 Awgust 2024

Ykdysadyýet

Gahryman Arkadagymyz Gurbanguly Berdimuhamedow iş sapary bilen Eýrana ugrady

28-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Eýran Yslam Respublikasyna ugrady. Irden paýtagtymyzyň Halkara howa menzilinde Gahryman Arkadagymyzy resmi adamlar ugratdylar.

28 Awgust 2024

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy Arkadag şäherine iş saparyny amala aşyrdy

27-nji awgustda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyrdy. Gahryman Arkadagymyz bu ýerde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işi, şäheri mundan beýläk-de ösdürmegiň meseleleri, ösüp gelýän ýaş nesliň saglygyny dikeltmek bilen baglanyşykly ýerine ýetirilýän işler bilen gyzyklandy. Ir säher bilen Milli Liderimiz Köpetdagyň etegindäki ajaýyp künjekde bina edilen täze şähere geldi. Häzirki döwürde bu ýerde döwrebap şähergurluşyk maksatnamasyny üstünlikli durmuşa geçirmek bilen bir hatarda, türkmen halkynyň dünýä nusgalyk asylly ýörelgelerine laýyklykda, ynsanperwer ähmiýetli işlere-de möhüm üns berilýär. Bu bolsa halkymyzyň ýaşaýyş-durmuş derejesiniň ýokarlanmagy, sagdyn durmuş ýörelgeleriniň berkidilmegi ugrunda alnyp barylýan işleriň rowaçlyklara beslenmegini şertlendirýär.

28 Awgust 2024

Syýasat

Döwlet hyzmatlarynyň resmi internet portalynyň amatly hyzmatlary

Döwlet hyzmatlarynyň resmi internet portaly internet mümkinçilikleriň giňeldilmeginiň hasabyna jemgyýetiň sanlylaşdyrylmagyna işjeň ýardam edýär. Portalda hasaba alynmak ulanyjylara diňe bir hyzmatlara elýeterlilik bermän, eýsem-de, döwlet edaralary bilen gatnaşyklary kämilleşdirýär. Hasaba alynmagyň esasy sebäpleri:

28 Awgust 2024

Jemgyýet

«Balkan» gämi gurluşyk we abatlaýyş zawody dürli görnüşli resminamalaryň terjimesini hödürleýär

«Balkan» gämi gurluşyk we abatlaýyş zawody hyzmatlaryny giňeltmek bilen, dürli görnüşli resminamalary dürli dillere terjime etmegi hödürleýär. Täze girizilen bu hyzmat zawodyň hyzmatlarynyň geriminiň giňelmegine mümkinçilik berip, dürli dillerdäki zerur bolan resminamalaryň ýokary hilli we çalt terjimesini üpjün etmek bilen, terjime hyzmatyna isleg bildirýän müşderileri kanagatlandyrar.

28 Awgust 2024

Jemgyýet

Arkadag şäherinde Robototehnika bilim merkezi açylar

Türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyrdy. Türkmen halkynyň Milli Lideri haýyr-sahawat gaznasynyň Arkadag şäherindäki ştab-kwartirasynda bolup, bu ýerde Türkmenistanyň Halk Maslahatynyň Diwanynyň iş dolandyryjysy, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň wise-prezidenti R.Bazarowyň, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazowyň, şäheriň häkimi G.Mämmedowanyň, Gurbanguly Berdimuhamedow adyndaky çagalar sagaldyş-dikeldiş merkeziniň direktory M.Öküzowanyň gatnaşmagynda iş maslahatyny geçirdi. Onda şu ýylyň dowamynda degişli düzümler boýunça alnyp barylýan işler hem-de öňde goýlan wezipeleri üstünlikli ýerine ýetirmek babatda işlenip taýýarlanan maksatnamalar barada habar berildi.

28 Awgust 2024

Bilim

Türkmen wekiliýeti Seuldaky “World Smart City Expo” sergisine gatnaşar

Berkarar döwletiň täze eýýamynyň Galkynyşy döwründe türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyjyndan binýat bolan Arkadag şäherini mundan beýläk-de kämilleşdirmek we ösdürmek, hususan-da, “akylly” şäherleriň “World Smart City Expo” atly Bütindünýä sergisine gatnaşmak hem-de Arkadag şäheriniň lukmançylyk klasterini amala aşyrmak üçin Koreýa Respublikasy bilen saglygy goraýyş ulgamynda tejribe alyşmak maksady bilen, Türkmenistanyň Prezidenti Buýruga gol çekdi. Resminama laýyklykda, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazowyň ýolbaşçylygyndaky türkmen wekiliýeti 2024-nji ýylyň 1 — 7-nji sentýabry aralygynda Koreýa Respublikasynyň Seul şäherinde gulluk iş saparynda bolar.

28 Awgust 2024

Hyzmatdaşlyk

Türkmenistanyň Prezidenti “Dragon Oil” kompaniýasynyň ýolbaşçysyny kabul etdi

26-njy awgustda hormatly Prezidentimiz Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi. Myhman wagt tapyp kabul edendigi hem-de ýola goýlan netijeli hyzmatdaşlygyň möhüm meselelerini ikiçäk söhbetdeşlikde ara alyp maslahatlaşmaga döredilen mümkinçilik üçin hoşallyk bildirip, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza mähirli salamyny beýan etdi. Garaşsyz Türkmenistanyň ýeten belent sepgitleri Milli Liderimiziň ady bilen berk baglanyşyklydyr.

27 Awgust 2024

Syýasat

“Balkan” gämi gurluşyk we abatlaýyş zawody hyzmatlarynyň germini giňeldýär

Gämi gurluşygy we gämi abatlamak pudagyndaky üstünlikleri bilen tanalýan “Balkan” gämi gurluşyk we gämi abatlaýyş zawody ösmegini dowam etdirýär. Zawodyň esasy ýerine ýetirýän işinde täze bir hyzmat goşuldy – anketalaryň, tekstleriň, deklarasiýalaryň we dürli dillerdäki resminamalaryň terjimesi hyzmaty. Bu täze hyzmat, zawodyň işini diwersifikasiýa etmäge, halkara hyzmatdaşlygyna has ýakyndan birleşmäge we daşary ýurtly müşderiler bilen gatnaşyklaryň netijeligini ýokarlandyrmaga mümkinçilik berer. Täze hyzmat, dürli dillerdäki zerur bolan resminamalaryň ýokary hilli we çalt terjimesini üpjün etmek bilen, terjime hyzmatyna isleg bildirýän müşderileri kanagatlandyrmak üçin peýdaly goşandy bolar.

27 Awgust 2024

Ykdysadyýet

«Türkmentelekom» EAK-nyň «Internet kafe» nokatlarynyň birnäçesi paýtagtymyzda halkymyza hyzmat edýär

Häzirki tehnologiýanyň ösen döwründe ilatymyz internet torunyň çäksiz hyzmatlaryndan peýdalanyp, özbaşdak maglumat ummanyna aralaşyp bilýär. Muňa garamazdan Internet kafeleri halk köpçüliginiň arasynda ähmiýetini we zerurlygyny saklap gelýär. Çünki, Internet kafeleri diňe bir maglumat ummany bolman, eýsem medeniýetli dynç almagyň bir görnüşi bolup halkymyza hyzmat edýär. «Internet kafelerde» maglumat tehnologiýasynyň soňky gazananlary arkaly internet hyzmatlaryndan peýdalanmak bolýar. Okuw meýilnamalary, iş maksatnamalary üçin bellikler almagyň we maglumat toplamagyň amatlaşdyrylan merkezi bolup durýar. Esasan hem, talyp ýaşlara bilim ojaklaryndan daşary deň-duşlary bilen birlikde bilimini kämilleşdirmekleri we ylmy işlerini dowam etdirmekleri üçin mümkinçilik döredýär.

27 Awgust 2024

Tehnologiýa

Türkmenistan we Gazagystan iki ýurduň arasynda ýük daşamak üçin rugsatnama bermek talaplaryny ýatyrar

«Kazinform»-yň Açyk Kadalaşdyrjy hukuk namalarynyň gazak saýtynda neşir edilen resminamasyna esaslanyp berýän habaryna görä, döwletleriň arasynda awtoulag serişdeleri arkaly ýük daşalyşlary we olaryň çäginde üstaşyr geçirilişi rugsatnamasyz amala aşyryljakdygy bellenilýär. Häzirki wagtda üýtgetmeler açyk garama tapgyrynda bolup, ol 2024-nji ýylyň 5-nji sentýabrynda tamamlanar. Gazagystanyň we Türkmenistanyň Hökümetleri «döwletleriň arasynda awtoulag aragatnaşygyny amala aşyrylmagyny ýeňilleşdirmek üçin oňaýly şertlerini üpjün etmek maksady bilen» bu üýtgetmeler bilen ylalaşdylar. Onuň güýje girmegi üçin Teswirnamanyň kabul edilmeginden soň 30 gün gerek bolar.

27 Awgust 2024

Hyzmatdaşlyk

Türkmenistanyň Prezidenti Estoniýa Respublikasynyň Prezidentini gutlady

Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle-de hut öz adyndan Estoniýa Respublikasynyň Prezidenti Alar Karise hem-de ýurduň halkyna iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny, iň gowy arzuwlaryny iberdi. Döwletlerimiziň arasyndaky gatnaşyklaryň birek-birege hormat goýmaga, deňhukuklylyga, özara ynanyşmaga esaslanýandygyny belläp, döwlet Baştutanymyz Türkmenistanyň hyzmatdaşlygyň giňeldilmegine gyzyklanma bildirýändigini nygtady, onuň bilelikdäki tagallalaryň netijesinde iki halkyň bähbidine mundan beýläk-de ösdüriljekdigine ynam bildirdi.

26 Awgust 2024

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy “Arçman” şypahanasynda alnyp barylýan işler bilen tanyşdy

Türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow zähmet rugsady wagtynda Ahal welaýatynyň Bäherden etrabyndaky «Arçman» şypahanasynda bolup, onuň çäginde gurulmagy meýilleşdirilýän we durky täzelenilýän binalaryň taslamalary, şypahananyň bejeriş düzümini kämilleşdirmegiň mümkinçilikleri bilen tanyşdy. Häzirki wagtda Gahryman Arkadagymyzyň başyny başlan giň möçberli özgertmeleriniň Arkadagly Gahryman Serdarymyzyň baştutanlygynda üstünlikli durmuşa geçirilmegi netijesinde halkymyzyň saglygy baradaky alada döwlet syýasatynyň ileri tutulýan ugurlarynyň biri bolup durýar. Ýurdumyzyň şypahana ulgamynyň düzümleriniň işini döwrebap derejede kämilleşdirmek, maddy-enjamlaýyn binýadyny berkitmek, hyzmatlaryň hilini gowulandyrmak meseleleri döwletimiziň hemişelik üns merkezinde saklanylýar.

26 Awgust 2024

Syýasat

Türkmenistan we Pakistan ulag-logistika pudagynda hyzmatdaşlygy maslahatlaşdylar

Ýaňy-ýakynda Türkmenistanyň DIM-nde daşary işler ministri Raşid Meredow bilen Pakistanyň Milli logistika korporasiýasynyň ýolbaşçysy Farruk Şahzad Raonyň arasynda duşuşyk geçirildi. Duşuşygyň dowamynda taraplar wagtyň synagyndan geçen türkmen-pakistan gatnaşyklaryny mundan beýläk hem ösüdürmek üçin uly mümkinçilikleriň bardygyny bellediler. Hususan-da ulag-logistika pudagyndaky hyzmatdaşlygy ýola goýmaga ünsi çekmek bilen, ykdysadyýet ulgamyna degişli meseleler ara alnyp maslahatlaşyldy.

26 Awgust 2024

Hyzmatdaşlyk